Umoja wa mataifa unaamini kuwa michezo licha ya kuwa chanzo cha kipato na afya, ina mchango mkubwa katika kuleta maendeleo na amani kwani kupitia michezo watu walio na tofauti mbalimbali za kijamii, wanaweza kukutana, kuondoa tofauti zao na hatimaye kushiriki katika ujenzi wa maendeleo bila kukwamishwa na tofauti zao. Ndio maana watu duniani kote wanahamasishwa kuutokomeza ugonjwa wa Civid-19, ili viwanja vya michezo vifufuke tena. Kutoka Bujumbura Burundi, washirika wetu Mashariki TV wametuandalia makala hii inayoeleza namna ambavyo michezo imefanikisha hilo nchini Burundi. Makala inasimuliwa na Harumukiza Edmond.

Jarida la UN la 16 Aprili 2021 na Grace Kaneiya

Kikao cha 20 cha Jukwaa la kudumu la Umoja wa Mataifa la watu wa asili kinaanza rasmi leo kwenye makao makuu ya Umoja wa Mataifa na mtandaoni na litaendelea hadi tarehe 30 Aprili.

Jukwaa hilo linalofanyika kila mwaka na kuhudhuriwa na Katibu Mkuu wa Umoja wa Mataifa, Rais wa Baraza kuu, nchi wanachama na wadau mbalimbali  wa masuala ya asili, mwaka huu linajikita katika mada ya amani, haki na taasisi imara: jukumu la watu wa asili katika utekelezaji wa lengo namba 16 la maendeleo endelevu au SDGs. Miongoni mwa waliofika mjini New York Marekani kuhudhuria kikao hiki cha watu wa asili ni Vital Bambanze, Mwakilishi wa Watwa ambao ni jamii ya asili nchini Burundi. 

Bwana Bambanze akizungumza na Idhaa ya Kiswahili ya Umoja wa Mataifa amesema haki za Watwa zilikuwa zimewekwa mbali.

Jarida la UN la 19 Aprili 2021 na Grace Kaneiya

Hii leo jaridani Leah Mushi anaanzia huko nchini Jamhuri ya Kidemokrasia ya Congo, DRC ambako waasi wa ADF wameshambulia kambi za wakimbizi wa ndani na kuua raia 55, UN umetoa taarifa ya kulaani. Atasalia huko huko Maziwa Makuu akimulika wakimbizi waliongia nchini Rwanda wakikimbia volkano ya Nyiragongo huko DRC na kisha atamulika pia suala la ndoa za utotoni. Makala tunamkaribisha John Kibego kutoka Uganda na mashinani ni ujumbe kutoka UNAIDS, karibu!

JARIDANI 02 JUNI 2021 NA LEAH MUSHI KUTOKA NEW YORK,MAREKANI

Takwimu za Umoja wa Mataifa zinaonesha kuwa zaidi ya asilimia 61 ya watu walioajiriwa duniani, wanapata kipato chao kupitia ajira katika sekta isiyo rasmi. Kwa bara la Afrika, asilimia 85.8 ya ajira zote ni katika sekta hiyo isiyo rasmi ambapo Umoja wa Mataifa unasema idadi kubwa ya waajiriwa huko ni wanaume. 
Vijana wengi wahitimu wa vyuo na Vyuo Vikuu hivi sasa wanakwama kupata ajira rasmi na hivyo sekta isiyo rasmi kuwa ndio kimbilio kwa lengo la kufuta umaskini.
Miongoni mwa vijana hao ni ndugu watatu wa kiume nchini Uganda ambao licha ya kutosoma hadi taasisi za elimu ya juu, wameibuka wajuzi wa ufundi kupitia mafunzo waliyoyaona kwa baba yao mzazi na wanatumia kila njia hata mtandao wa intaneti kupata stadi za kisasa za kutengeneza radio na televisheni. Kwa undani kuhusu vijana hawa, ungana na John Kibego mwandishi wetu kutoka Uganda katika makala ifuatayo.

Ndugu watatu wa kiume wajikimu kwa kazi ya ufundi nchini Uganda

Leo katika kujifunza lugha ya Kiswahili tunakwenda Kenya kwake mchambuzi wetu Josephat Gitonga, mhadhiri kutoka Chuo Kikuu cha Nairobi akifafanua maana ya methali, “mwenye shoka hakosi kuni”.

Methali - Mwenye Shoka Hakosi Kuni

Hii leo utasikia ripoti ya mashirika ya Umoja wa Mataifa inayoeleza kufunguliwa kwa shule na vyuo vya elimu baada ya kufungwa mwaka jana kutokana na janga la ugonjwa wa Corona au COVID-19 kumeacha baadhi ya wanafunzi katika njiapanda kwa sababu kile walichopoteza wakati shule zimefungwa , bado hakuna jitihada za kutosha kuhakikisha wanakipata ili kuepusha kukosa kabisa ufahamu wa kile walichokuwa wamepangiwa kukifahamu. 

Pia utasikia namna mabadiliko yaliyofanywa na WFP ya kutoa fedha kwa wakimbizi yalivyosaidia wakimbizi na wananchi waliowakaribisha. 

kwa hayo na mengine mengi ungana na Assumpta Massoi kusilikiza.

JARIDA LA UMOJA WA MATAIFA JULAI 13 2021 NA ASSUMPTA MASSOI

Moja ya masuala yaliyojadiliwa kandoni mwa Mkutano wa ngazi ya juu ya siasa kuhusu maendeleo endelevu unaoendelea katika Makao Makuu ya Umoja wa Mataifa mjini New York Marekani, ni pamoja na namna waafrika wengi wanavyopambana na njia za zamani za nishati na hivyo kutafuta njia mbadala kama vile matumizi ya nishati ya jua. 

Mfano halisi ni huko nchini Kenya ambako mfugaji wa Samaki amepata mafanikio makubwa baada kuwekeza  kwenye vifaa vya nishati ya jua. George Muga anaelezea manufaa yaliyotokana na hatua aliyoichukua na pia kuwashauri wale walio na miradi inayotumia umeme.

MAKALA: Ninatumia nishati ya jua katika ufugaji wa samaki - George Muga

Jaridani Jumatano na Assumpta Massoi

Pombe imebainika kuwa kisababishi cha wagonjwa wapya 740,000 wa saratani au kansa kwa mwaka jana wa 2020.

Mafunzo ya kuishi na watoto wenye usonji yaleta manufaa kwa wazazi nchini Argentina.

Maelfu ya wakazi wa Khushal Khan ambayo ni moja ya viunga vya jiji la Kabul nchini Afghanstan wanafurahia hali bora ya hewa na mitaa misafi baada ya utekelezaji wa mradi mkubwa wa ukarabati wa barabara na mitaa  unaosimamiwa na Benki ya Dunia.

Jaridani Julai 14, 2021 na Assumpta Massoi

Jaridani Julai 15, 2021 na Assumpta Massoi-

COVID-19 sababisha watoto milioni 23 kukosa chanjo

Makubaliano yafikiwa kuzalisha vipimo vya COVID-19 Brazil na Senegal

Sumu ni tatizo la afya ya umma lakini bado nchi zinapuuza kuweka vituo vya kudhibiti

JARIDANI JULAI 15, 2021 na Assumpta Massoi

Majanga asili yametishia juhudi za kufikia malengo ya maendeleo endelevu au SDGs katika nchi zote duniani. Uganda ni miongoni mwa nchi ambazo mwaka huu na mwaka jana 2020 zimeathiriwa moja kwa moja na mlipuko wa COVID-19 na kuongeza chumvi kwenye kidonda cha mafuriko makubwa kihistoria. 

Licha ya changamoto hizo, serikali inawatia moyo wananchi kufanya kazi kwa bidii na kwa busara ili kudhibiti madhara ya majanga haya hasa jamii za ziwani zinazikabiliwa zaidi na majanga hayo mawili wakati mmoja. Makala iliyoandaliwa na John Kibego ina maelezo zaidi.

Makala- Nyumba ya mtu hiyo imetwama ziwani Uganda

Siku ya kimataifa ya kukabiliana na usafirishaji haramu wa kibinadamu huadhimishwa kila tarehe 30 ya mwezi Julai. Mwaka huu ujumbe ni Manusura wa  usafirishaji haramu binadamu wawe msingi wa kampeni dhidi ya vitendo hivyo. Hii ni kwa kuzingatia kuwa mara nyingi manusura hupuuzwa,  watu wanashindwa kuwaelewa na hata kile walichopitia huwa hakipatiwi kipaumbele kama njia ya kujifunza, kurekebisha na kuokoa wengine walionasa kwenye mtego huo.

Ni katika muktadha huo, Assumpta Massoi kwa msaada wa shirika la uhamiaji la Umoja wa Mataifa, IOM nchini Burundi ameandaa makala hii ambayo ni simulizi ya mtoto mmoja wa kike nchini humu ambaye wakati ana umri wa miaka 12 aliuzwa kwa gharama ya bia na kutumikishwa kingono katika nchi jirani ya Tanzania.

Makala- Nilipiga kelele lakini hakuna aliyekuja kuniokoa- Simulili ya mtoto aliyebakwa

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

MAKALA: Ninatumia nishati ya jua katika ufugaji wa samaki - George Muga

UN News Kiswahili

Related tracks