Iran, taifa hili la Mashariki ya Kati kwa miongo minne sasa limehifadhi zaidi ya wakimbizi 800,000 kutoka mataifa mbalimbali ikiwemo Afghanistan. Wakimbizi wanaowasili kando mwa shida za kusaka hifadhi ili waweze kuendeleza maisha  yao, kuna tatizo la afya.  Gharama za matibabu ni za juu na iwapo mkimbizi ana ulemavu hali inakuwa mbayá zaidi. Hali hiyo imemkumba Sultan Zoori mkimbizi kutoka Afghanistan aliyewasili Iran akiwa kwenye kitimwendo huku akihitaji huduma za afya zenye gharama ya juu. Awali hali ilikuwa si shwari lakini wahenga walinena, Mungu si Athumani, kulikoni? Ungana basi na Assumpta Massoi kwenye makala hii iliyoandaliwa na shirika la Umoja wa Mataifa la kuhudumia wakimbizi, UNHCR.

Makala - UNHCR na Iran zimetukomboa- Sultan Zoori

Hii leo jaridani ni mada kwa kina tukiendelea kupazia siku ya kiswahili duniani na leo Mwakilishi wa Kudumu wa Tanzania kwenye Umoja wa Mataifa Balozi Profesa Kennedy Gastorn anaelezea kile watakachofanya kesho hapa Umoja wa Mataifa kwenye maadhimisho ya siku ya kiswahili duniani. Halikadhalika Katibu Mkuu wa Jumuiya ya Afrika Mashariki Dkt. Peter Mathuki anaelezea shamrashamra huko Zanzibar, Tanzania .Mashinani ni harakati za kusongesha kiswahili Burundi na usisahau leo kuna Habari kwa Ufupi zikiletwa na Anold Kayanda akimulika ripoti ya hali ya njaa duniani, SOFI, hali ya upatikanaji wa chakula Sri Lanka halikadhalika salamu za rambirambi za Katibu Mkuu wa UN kufuatia shambulio dhidi ya walinda amani wa Umoja wa Mataifa huko Mali. Karibu na mwenyeji wako ni Assumpta Massoi.

Jarida 06 Julai 2022 na Assumpta Massoi - Maadhimisho ya Kiswahili UN na Jumuiya ya Afrika Mashariki

Hii leo jaridani tunamulika masuala ya idadi ya watu na amani Sudan Kusini. Katika idadi ya watu ikiwa leo ni siku ya idadi ya watu duniani tunajulishwa kuwa ifikapo tarehe 15 mwezi Novemba mwaka huu idadi ya watu duniani itafikia bilioni 8! Na miongoni mwa nchi ambazo idadi ya watu inaongezeka ni Tanzania na Jamhuri ya Kidemokrasia ya Congo. Katika masuala ya amani huko Sudan Kusini mafunzo yameendeshwa ili jamii iweze kuwa sehemu ya kukabiliana na ukatili ikiwemo wa kingono. Makala  inakupeleka Mexico kwa msichana  ambaye ndoto yake ya kuwa mkunga ili kusaidia jamii yake imetimia. Mashinani ni nini kifanyike kufanikisha malengo ya maendeleo endelevu? Karibu sana na mwenyeji wako ni Assumpta Massoi.

Jaridani 11 Julai 2022 na Assumpta Massoi- Watoto kwenye mizozo na Idadi ya watu 2022

Mwaka 2014, Baraza Kuu la Umoja wa Mataifa lilitangaza tarehe 15 Julai kuwa Siku ya Ujuzi kwa Vijana Duniani, ili kusherehekea umuhimu wa kimkakati wa kuwapa vijana ujuzi wa kuajiriwa, kazi zenye staha na ujasiriamali. Tangu wakati huo, Siku ya Ujuzi wa Vijana Duniani imetoa fursa ya kipekee ya mazungumzo kati ya vijana, taasisi za elimu ya ufundi na mafunzo ya ufundi stadi (TVET), makampuni, waajiri na mashirika ya wafanyakazi, watunga sera na washirika wa maendeleo.  

Mfano wa namna ujuzi kwa vijana unavyoweza kuleta tija katika maisha ya vijana na jamii kwa ujumla, ni kijana Ahmad Hamis wa Kigoma, kaskazinimashariki mwa Tanzania, ambaye mafunzo aliyoyapata kwa ufadhili wa shirika la Umoja wa Mataifa la kazi duniani, ILO, anasema maisha yake yanaenda vizuri mno kuliko awali. Mwandishi John Kabambala wa redio washirika Kidstime FM ya Morogoro, Tanzania, ameangazia maisha ya kijana huyo na kuandaa makala hii.

Mafunzo ya stadi yaliyofadhiliwa na ILO yamenikwamua kwenye biashara yangu ya chakula – Hamad Hamis

Hii leo jaridani tunamulika siku ya kimataifa ya Nelson Mandela kwa kukutelea ujumbe wa Katibu Mkuu wa Umoja wa Mataifa Antonio Guterres kuhusu nafasi ya hayati Mandela katika maendeleo na amani. Tunaangazia pia tamko la mtaalamu wa Umoja wa Mataifa kuhusu uamuzi wa Mahakama ya Haki ya Afrika wa kuamuru Kenya ilipe fidia jamii ya asili ya Ogiek kwenye msitu wa Mau. Makala ni mchezo wa kuigiza wa kushawishi wajawazito kwenda kliniki wakiwa na waume zao na Leah Mushi anakupeleka nchini Malawi. Mashinani tunaye Catherine Shembilu aliyeko hapa Marekani kuhudhuria mafunzo ya uongozi kupitia Programu ya Mandela. Karibu na mwenyeji wako ni Assumpta Massoi.

Jarida 18 julai 2022 na Assumpta Massoi - Nelson Mandela

Katika kusongesha malengo ya maendeleo endelevu, SDGs likiweno lengo namba 3 linalolenga Afya bora na ustawi, Shirika la Umoja wa Mataifa la kuhudumia watoto UNICEF nchini Malawi linaendesha kampeni ya M’mera mpoyamba inayohamasisha wajawazito kufika katika vituo vya afya angalau mara nne kabla ya kujifunga na kuhakikisha wanapata saa moja ya ziada ya kulala ili kujihakikishia ujauzito salama na kujifungua mtoto mwenye afya bora. Kampeni hiyo inaendeshwa kwa njia mbalimbali ikiwemo mchezo wa video ambao Leah Mushi wa Idhaa hiiya Kiswahili ya Umoja wa Mataifa ameutafsiri kwa lugha ya Kiswahili.

Makala Malawi-  M’mera mpoyamba UNICEF

Hii leo jaridani tuna mada kwa kina mahsusi ikimulika raia wa Jamhuri ya Kidemokrasia ya Congo, DRC aitwaye Esperance Tabisha aliyenufaika na mpango wa Umoja wa Mataifa wa kuhamishia wakimbizi nchi ya tatu. Katoka DRC kaingia kambini Kakuma nchini Kenya na kisha Canada na sasa ni mbunifu wa mitindo akitumia mtandao wa kijamii kupata wateja wake. Janga la COVID-19 lilikuwa chungu na tamu hapo hapo kwa vipi? Thelma anasimulia.
Usisahau kuna habari kwa ufupi ikiletwa na Leah Mushi akianza na wakimbizi wa DRC wanaorejea nyumbani kwa hiari kutoka Angola, kisha hatua ya UN kupatia fedha Jamhuri ya Afrika ya Kati, CAR ili kukidhi mahitaij ya chakula na mwisho ni watoto kwenye mizozo ikimluika ripoti ya Katibu Mkuu.
Mashinani ni nchini Rwanda ambako shirika la Umoja wa Mataifa la kuhudumia watoto, UNICEF linashirikiana Chama cha Madaktari wa Watoto wa nchini Rwanda na Chuo cha Madaktari wa Watoto, Royal College of Pediatrics cha Uingereza ili kuboresha upatikanaji wa huduma bora za afya kwa akina mama na watoto ndani ya siku 1,000 za kwanza za maisha kwa kuimarisha uwezo wa watoa huduma za afya na kwa kuvipa vituo vya afya vifaa muhimu vya matibabu. Noella Uwera ni Muuguzi anayehusika na watoto wachanga katika Hospitali ya Kacyiru katika mji mkuu wa Rwanda, Kigali.

Jaridani 19 Julai 2022 na Assumpta Massoi - Mbunifu mitindo Esperance Tabisha

Nchini Tanzania Jumla ya Kaya 13,600 na vijana 2,700 wanatarajiwa kunufaika na tathmini ya upimaji stadi za maisha kwa kuangalia viwango vyao vya kujitambua, ushirikiano walionao kwao na kwa jamii, jinsi wanavyotatu matatizo pamoja na heshima binafsi jinsi wanavyojiheshimu wao, jamii na mali za wengine. Sifa zote hizo ni muhimu katika kusaidia wanajamii wa rika mbalimbali wanashiriki katika kufanikisha Malengo ya Umoja wa Mataifa ya Maendeleo Endelevu, SDGs. 

Taasisi ya Milele Zanzibar Foundation inatekeleza mradi huo ikilishirikisha Shirika la Uwezo Tanzania kusimamia upande wa Tanzania Bara ambapo mradi utafika katika katika Halmashauri za Wilaya 34, Hamad Rashidi ni mwanahabari kutoka Redio washirika wetu Tanzania Kidstime ya mkoani Morogoro amehudhuria mafunzo yaliyofanyika Mkoa wa Morogoro wakipewa wakufunzi watakaoenda kufundisha wapimaji wa tathmini ya stadi za maisha kwa vijana na kutuandalia makala ifuatayo.

3. Makala na Hamad Rashid kuhusu Stadi za Maisha Tanzania

Leo ni siku ya homa ya ini duniani! Hivyo tunakuletea jarida maalum linaloangazia kwa undani aina, maambukizi na vipi mtu anaweza kujikinga asipate homa ya ini ambayo shirika la Umoja wa Mataifa la Afya ulimwenguni WHO linasema zaidi ya wakazi milioni 91 barani Afrika wanaishi nao hususan aina B au C ambayo ni mbaya zaidi. WHO inasema iwapo homa ya ini haitagunduliwa mapema unaweza kupata saratani au kansa ya ini. Je kuna aina ngapi ya homa ya ini? Homa Kali ya ini ni ipi ambayo imegunduliwa sasa? Njia za maambukiz ini zipi? Na nini ufanye uweze kujikinga? Leah Mushi wa Idhaa ya Kiswahili ya Umoja wa Mataifa, na Evarist Mapesa wa Radio washirika SAUT FM ya Mwanza Tanzania wanakuletea kwa kina. Shukrani ikiwa ni kwa kituo cha habari cha Umoja wa Mataifa, UNIC Dar es Salaam nchini Tanzania kwa kuratibu mahojiano na maafisa kutoka Wizara ya Afya Tanzania na shirika la Umoja wa Mataifa la afya ulimwenguni, WHO nchini Tanzania. Karibu na mwenyeji wako ni Assumpta Massoi.

JARIDA 28 JULAI 2022 Na Assumpta Massoi- Siku ya  Homa ya Ini duniani

Hii leo jaridani tunamulika pengo la huduma za ulinzi kwa wakimbizi na wasaka hifadhi wanapokuwa kwenye safari za kusaka maisha bora.  Ni ripoti ya shirika la Umoja wa Mataifa la kuhudumia wakimbizi duniani, UNHCR. Kisha tunabisha hodi Tanzania hususan mkoani Kigoma ambako shirika la Umoja wa Mataifa la chakula na kilimo, FAO, limezindua Mtandao wa Wanawake Wanaojihusisha na Shughuli za Uvuvi TAWFA kupitia mradi wake wa kukuza mnyororo wa thamani wa mazao ya uvuvi katika ziwa Tanganyika. Na kwenye makala tunamulika machungu waliyopitia raia wawili wa Ehtiopia katika kusaka uhamiaji MAshariki ya Kati na sasa wamerejea nyumbani kutokana na juhudi za shirika la kazi duniani, ILO na wadau.  Na mashinani shirika la Umoja wa Mataifa linaloshughulikia watoto UNICEF limeshauri nchi zote duniani kuongeza uwekezaji katika programu za afya ya akili na ustawi wa familia hususan wakati huu na baada ya janga la COVID-19 kwa kuwa zimeonesha kuleta manufaa zaidi na kupunguza unyanyasaji wa watoto.

Jaridani 29 Julai 2022 na Assumpta Massoi- Usafirishaji Haramu na wanawake wavuvi Kigoma

Hii leo jaridani tunamulika:
1.	Kuruhusiwa kwa meli ya kwanza yenye shehena ya nafaka kutoka Ukraine kuelekea Lebanon tayari kuuzwa kwenye soko la kimataifa. 
2.	Wanufaika wa Chuo cha Mafunzo ya kutengeneza ndege zisizo na rubani, (drones) huko Malawi watoa shukrani kwa Umoja wa Mataifa, kulikoni?
3.	Makala tunakwenda DRC ambako ni simulizi tamu na chungu miongoni mwa wakimbizi wa ndani na wakimbizi kutoka nje ya nchi kutokana na  ukata unaokabili UNHCR
4.	Mashinani tunabisha hodi Afar huko Ethiopia kusikia harakati za UNICEF kunusuru watoto. Mwenyeji wako ni Assumpta Massoi

Jaridani 03 Agosti 2022 na Assumpta Massoi- ADDA Drones Malawi, DRC Sabuni na UNHCR

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

Makala - UNHCR na Iran zimetukomboa- Sultan Zoori

UN News Kiswahili

Related tracks