يمكنكم الاستماع ايضا لـــ

https://soundcloud.com/tameradam/mlnez2xpb3vv
فيلم الاختيار  اخراج: يوسف شاهين ..موسيقى: علي اسماعيل.. تمثيل: عزت العلايلي
أغنية سلمتها أم حسن ..عدوية
فيلم اسف على الازعاج.. احمد حلمي ..دلال عبد العزيز.. 
قصيدة في الشارع شعر :أمينه صلاح جاهين ..غناء و ألحان :يسرا الهواري.. القاء: أحمد زكي
فيلم البداية احمد زكي.. يسرا.. صبري عبد المنعم
لقاء البرادعي مع منى الشاذلي 2010
عمر سليمان..القذافي
مسلسل رحلة أبو العلا البشري محمود مرسي.. صبري عبد المنعم
فيلم عمارة يعقوبيان عادل امام.. هند صبري
أغنية يا حبيبي الحقني أسمهان
فيلم البيضة و الحجر احمد زكي.. ممدوح وافي
تتر مسلسل  رحلة أبو العلا البشري غناء:علي الحجار ..ألحان:عمار الشيريعي ..كلمات:عبد الرحمن الأبنودي

شيزوفرينيا ثورية....لمن علمنا محاربة طواحين الهواء

أنا الأديب وإنتم أدري_الشيخ إمام | Ana El2deeb w Etom 2dra_shiekh emam

بوتيكات - الشيخ إمام ‬

كلمات: بديع خيري
لحن: سيد درويش
غناء: محمد رشدي

القلل القناوي

الشيخ امام - شوف الحكايه ياوله

وفجأة
هبطت على الميدان
من كل جهات المدن الخرسا
ألوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم.. الدم
قلب الميدان وعدل
وكأنه دن نحاس مصهور
انا عندى فكرة عن المدن
اللى يكرهها النور
والقبر اللى يبات مش مسرور
وعندى فكرة عن العار
وميلاد النار
والسجن فى قلبى مش على رسمه سور

قلت له لأ يا بيه
انا اسف
بلدى بربيع وصباح
ولسه فى صوتى هديل الينابيع
لسه فى قلبى صهيل المصباح
لسه العالم حى رايح جى
بيفرق بين الدكنه وبين الضى
بلدى مهما تتضيع ..مش حتضيع
ما ضايع الا ميدان وسيع
يسع خيول الجميع
يقدم المقدام
ويفرسن الفارس
ويترك الشجاعه للشجيع
ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل
وفى ليله التشييع
كان القمر غافل ..مجاش
والنجم كان حافل
لا بطل الرقصه ولا الإرتعاش
لما بلغنى الخبر
اتزحم الباب
وإتخطفوني الاحباب
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب
ما اجمل نومه على كتوف اصحابك
تنظر صادقك من كدابك
تبحث عن صاحب انبل وش
فى الزمن الغش
والرؤيه قصادى اتسعت
بصيت وحاسب نفسى بين خلان

تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر

ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والكواكب ومذله الرغيف
شويه فات سقراط....
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا فسه
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين
وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع
اما انا
فاتسعت الرؤيا
وبصيت للمسا و
للحياه المتعسه
وللنسايم المنعسه
وقلت ورا سقراط

دنيا فى هيئه خنفسه
ما اتعس الانسان
ما اسعد الحيوان
قبل مرورى على بعض مكان
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن
وقدرت تموت
وتفوت اللحم العارى المتهان
فى المدن اللى معداش منها ريحه انسان
انا مت
ومش منظور لى جواب
متحصن بكتوف الاصحاب
ولذلك فت
عند التربه.......
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن
ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق
فى قماشى الابيض
من جوف القبر
التقدم ضابط واتعرض
قبض على الجثه
وطلب الاوراق
نزع الاكفان
عدل الوش
ووقف وركلنى
وقالى بلؤم شديد
حتى فى الموت بتغش
شيلوه
ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
بتدارى ايه ؟
ايه باقى تانى علشان تبكى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن الوسخة ياكلب
اظنك حتقولى تانى الشعب
وصفعنى وتنى على بطنى بالكعب
يا سعادة البيه وانا ايه؟ او ليا فى العمال ايه ؟
ما تغور الدنيا والعمال دى تضيع
يا صاحب هذا المبنى الموروث
ضل جدودك فى الجدران مغروس
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان
اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده
كلب..
محاصر..
متهان..
منبوذ..
جربان..
وانا يا ابنى الحلم اللى مالهش اوان
معروف عشى فى قلب البستان
معروف صوتى فى زمن الاحزان
وفى اى زمان
واتذكرت سنه ما اتبنت القلعه
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل
وآخر الليل جانى بدم صحابى فى الاكل
استأذنت ارتب اقوالى
قفل الباب
واتفتح الباب
وخلاص
....................
يا عم الضابط انت كداب
واللى باعتك كداب
مش بالذل حاشوفكم غير
أو استرجى منكم خير
انتم كلاب الحاكم
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت
احنا شعبين ..شعبين ..شعبين
شوف الاول فين ؟؟   
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها..
بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعه انفاسها
واحنا ولاد الكلب الشعب
احنا بتوع الاجمل وطريقه الصعب
والضرب ببوز الجزمه وبسن الكعب
والموت فى الحرب
لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
انتوا الترك واحنا الهلك 
سواها بحكمته صاحب الملك
اناالمطحون المسجون
اللى تاريخى مركون
وانت قلاوون وابن طولون ونابليون

   
الزنزانه دى مبنيه قبل الكون
قبل الظلم ما يكسب جولات اللون
يا عم الضابط
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى
ما خدمك الا من سجنك

الأحزان العادية

أحمد فؤاد نجم "الفاجومي" أحد أهم شعراء العامية المصرية

Adora Elnegm

أحمد فؤاد نجم - قصيدة الأديب الأدباتي

وجيه عزيز - المرايا

تمثيلية: المرجيحة و الحمامة
تأليف: حامد الأطمس
إخراج: عبده دياب
تمثيل:أزهار شريف و نجيب سرور و مصطفى هاشم و أحمد رضوان و عبد المنعم سعودى و محب ثابت و الطفل شريف يحيى سليمان
تسجيل: أحمد تركى
ساعد فى الإخراج: إسماعيل العدل

المرجيحه والحمامه - تمثيل نجيب سرور

برومو ديوان "بخفة فيل" لـ بسنت عبداللاه
الصادر عن دار نشر: فهرس لعام 2021
تصميم الغلاف: ضياء إبراهيم
كلمات الأغاني:
لو مش هتحلم: عبد الرحمن الأبنودي
صحيتني ليه: فؤاد حداد
يا رب ليه: سيد حجاب 
هو صحيح الهوى: بيرم التونسي
الناس بتاكل بعض مش واكل: فؤاد حداد
آخرة السكك الوعار: الأبنودي

برومو ديوان "بخفة فيل" لـ بسنت عبداللاه

Imam Mohammad Ahmad Eissa or Sheikh Imam (Arabic: إمام محمد أحمد عيسى‎) (July 2, 1918 – June 7, 1995) was a famous Egyptian composer and singer. For most of his life, he formed a duo with the famous Egyptian colloquial poet Ahmed Fouad Negm. Together, they were known for their political songs in favor of the poor and the working classes.

Sheikh Emam Complete Works
A Part Of GramaFoon Project
www.gramafoon.com
Visit Our Other Accounts
@www.soundcloud.com/OumKolthoum

Stay Tuned For More

بوتيكات - الشيخ إمام ‬

hesham mokhtar

Related tracks