Sam Singers - Route 66

Def Cut - Street Jams (Preview)

Swiss Rap Track by Alen. Produced by his Brother DJ Def Cut.
Download coming soon on iTunes.


Download

ALEN - AM START (Preview) produced by Def Cut

Mellow Danger

In Da Mood (The Rebirth Of Hip Hop)

Uss em Hip Hop Theater «Gleis X»(1997)

Vocals & Lyrics: Skelt! & Black Tiger
Scratches: DJ Drozt aka lukJLite
Music: Black Tiger

Uffgnoh und abgmischt vom Dr.Aux @ Aux.Labs (2012)
Gmastered vom DJ Tron @ Tron Moosix (2013)
Logo Artwork: Grafik Alex Walder (1997)
Logo Spraycan Art: DESTyle (1997)

LYRICS

Y bi als wohlbehietets Kind uffgwachse
Aber im Pubertätsmeer hani nach Luft miesse japse
Noni mol erwachse, ha nid gwüsst woni aaneghör
Noni hani dänggt, dass ych mi Zukunft zerstör
Gflooge vom Schuelstuehl, d’Stadtmitti isch mi Heim gsi
Ych bi nid dahei gsi, denn ych bi ständig high gsi
Y bi klei gsi, 1972 gebore
6 Johr spöter han ych mi Vater vrloore
Dört han ych mir gschwore, ych wird’s zue öppis bringe
Mit was han ych nid gwüsst, nur dasses mir wird glinge
Y ha dr Breakdance für mi entdeckt, und ha bald checkt
Dass sich intensivs Training über Johr erstreckt
Bim tanze hani mi Kreativität widr gweckt
Zum Sound vom Rakim und Jim Brown bewegt
Befriedigung, Bestätigung, Erniedrigung, alltäglich e Grund
Voraazgoh und nid z’ände wiene Vagabund
Y mag ab und zue mini Muetr nid kapiert ha
Sie frustriert ha, willi ständig pubertiert ha
Y ha super Mieh kha, mi em Syschdem aazpasse
Ha d’Schuel glehrt hasse, bi in minere Klass e
Krasse Ussesitter gsi, numme willi Hip Hop gliebt ha
Giebt ha, nie gnueg drvo griegt ha
Buechstabe in enorme Forme z’gestalte
Mi kreativ z’entfalte het mi am Läbe bhalte
Alte, “Graffitis spraye, nei das chani nid” hani damals dänggt
S’Schicksal het mr e Gips an mi Handglänk ghängt
Vo däm Momänt aa isch mr klar gworde
Dass y mit bunte Farbe graui Wänd gang go ermorde
Bevor den e Wäg willsch go, steck’ dr e Ziil
Und wenn’s nötig isch, setz’ di Läbe uff’s Spiil
Ych ha gschiilt, nie uff anderi, sondern nur uff mi
Dr Zhok het mi motiviert, dass y mol em Mic e Kuss gib’
Nid ussflipp’, wenn’s nid klappt, und mi Gäld nur für Shit ussgib
Und für en Ufftritt, all mini Pflichte uffgib’
Bi nie uff Trip, sondern nur uff Bier und Shit gsi
Bi nid bländet vo Niid, Gier und Profit gsi
Und dr Grund isch

REFRAIN
FAME, ych schrib’ überall mi Name
Mach’ Reklame für mi und mini Kumpane
FAME, ych schrib’ überall mi Name
Mach’ Reklame für Hip Hop und so wird’s nie erlahme

Fame heisst, dass di jede kennt, dass di jede bi dim Name nennt
Niemerzem bisch me fremd
Fame heisst, dass me Gschichte über di dichtet
Di wenn’s si muess, vrnichtet und uff di vrzichtet
Fame heisst, dass jede uff di zuegoht au wenn’s dr nid guet goht
Und di denn nid in Rueh loht
Fame heisst uff dr Gästeliste z’stoh bim Kolleg sinere Show
Und im Backstage abzgoh
Fame kha di au blände, dr beschti Mensch vrändere
Doch das muess euch nid passiere, hän dr e
Familie, e Fründeskreis, wo zue euch stoht
Mit euch durch dick und dünn goht
Mi dunkt e guete Fründ loht
Sinesgliiche nid im Stich
Macht’s ein, denn brich mitem, wenner di vrletzt und setz’ e Schlussstrich
Fame heisst Ruhm, heisst mängisch allei sy im Wältruum
Was nützt dr do dr ganzi Gäldboom, hä?
Fame griegsch nid eifach eso
Fame muesch dr vrdiene, au scho friener
Miemer zrugggoh? “Jo!”
Do hett’s reihewiis Kläpper gäh
Für miisi Räpper “uääähh!”
Zum Glück sin hüt d’Lüt nätter
Ah jä? Bisch hüttzutags begehrt, vo allen vrehrt
Wird dr d’Rückkehr zum Hip Hop-Untergrund-Elysium vrwehrt
“Uff Platz eins vo de LP-Charts, d’Fugees!”
Und scho seggle si, all die Groupies
Die erschte Stimme wärde Lutt, sie mache Hip Hop nur kaputt
S’macht mi vrruckt, denn ych sälber kenn’ au dä Druck
Jede isch dr Schmiid vo sim eigene Glück
Dr Niid isch gross, denn insgeheim will jeden e Stück
Vo dr grosse Karriere-Torte, glaubed mr
Jede hett dr Schlüssel zue sinere Schicksalspforte
Sorge muesch du dir nur mache, wenn de nid alles gisch
Erfolg hesch du nur als Perfektionist
Drunterkunnsch, if you don’t know the game
“Ych weiss, uff wasi mi iiloss!”-”Ah ja?!”
Untergrund isch

REFRAIN

Mir präsentiere euch Basel’s Hall of Fame
D’Lüt, wo do drbii sin, ghöre nid zue de No-Names
Was wär uss Basel worde, ohni Old School im Rugge?
E paar vo euch wärde sicher mit den Achsle zugge
Uff se spugge, doch ohni sie wär dr Bahnhof hüt no leer
E guets Graffiti-Bild in dr Stadt z’finde sehr schwer
Alti Garde, mir hän euch vill z’vrdangge
Drum goht unsre Respäkt an all die Altbekannte:
Fabulous Round-Up-Writers, Los simple Locos
Dizzy MC’s, TCC, Simple Crazy Rockers
Luana, Swirl, Dest, Ashe, G204
En-Top, N-Real, Dare, Steve ‘n’ Scorpio
Willy, JS One, Lee Genis and Cinco
Richi D, A-Team, 8 Fuck Bros. and Endo
E neui Heerschar vo Basel’s Hip Hop-Aktiviste
Het aagfange, sich mit däre Kultur z’vrmische:
D’Fraggles, The Get Fresh Crew, CIA
Ghetto Painters, Slum Brothers, TIZA
Subway Force, Real Sonics, Cool E.
Scame, BBA, Fuchs, Dan, FTP
Le Truc, DOF, BLP and Magoo
Egzoz IV, 8513, G&W
Cool Cash Crew, Frank II and Unity
Active Rockers, Real Six, Ray X, TSP
Uganda, Boyz Down The Bridge, HPP
Hot Feet Brothers, TNN ‘n’ TV
Asiatic Connection, KoKids, SSB
Black Brothers, Anytime Spins, TI
Les simplist Men, BOOM, TP, TWS
Insane, Ecar, ZDF und KS
DTS, P-27, DFB und MB
Ace, K.O., Bee4Real, LSD
Jake, Twist Rock, BT5, KGB
Sore, Juice Crew, PS, Def C, TG
Lors, Juse, Decay, 3KK, Rony
TUC, CID und no villi anderi
Hän die Stadt prägt, Hip-Hop gläbt
Scratcht, breakt, tagt, gsprayt, grappt
Ohni Fliss kei Priis, ohni Pain no Gain
Und dr Lohn vo Dim schaffe isch e Platz in dr Hall of

REFRAIN

© 1997 S.K.E.L.T.!-Productionz / Black Tiger Productions

Mellow Danger

Uran VoodooSoul Basel

Related tracks