تمنيتك انت اي بالله وواجد الي تمنونييي

واااااجد اللي تمنوني ..

تمنيتك وشفتك مع من تمنى غيرك💔

ويابو ضحكةٍ من تبتسم يبتسم كوني ..

مسى البارحه طيوفك لقوني وشبوني .. | 🤞🏽

لا تذخر من احساس الوله 
شيء لعيوني ..

يابو قلبً اطهر من ثيابك ليا صليت
‏ويابو ضحكةٍ من تبتسم يبتسم كوني 
‏ويابو وجهٍ يغار القمر منك لا طليت 
‏وش العمر من دونك ودنياك من دوني 
‏ دخيلك ليا من جابني طاري وحنيت 
‏لا تذخر من احساس الوله شي لعيوني

فمان الله يا اول من سكن بين الضلوع العوج .... ولكن طالبك لا اقفيت عني لا تخليني - ضيدان بن قضعان

حمد السعيد - معك واشتاق لك

.
- 

تأثير الحب 
على محمد المقحم 

يقولون يمكن تعشق ؟ قلت ما ظنيت 
وأنا أجيك من باكر ما أمداني 

بديت أتعلا بالمشاريف وأختفيت 
وصار الأكل والنوم ماهوب يهنالي

وأنا عادتي لا شفت طرد الهوى صديت 
أخاف إنقطاعت السرجي وكبوة حصاني

ولكن يسيرك القدر وأنت ما حسيت
ولو إنك تقول الحب مهوب يقواني 

أنا الظاهر إني طحت بالحب ما سميت 
تغيرت في يومين ما أعرف وش جاني

أحط الحطب وآخذ لي شوي ما شبيت 
من السجة اللي فيني الله لا يبلاني 

ويضحي الضحى وهو مخلى رواق البيت
وأنا أفتحه قبل الفجر في غالب أحياني 

انا طار عقلي فالهوى صدق وإنجنيت 
ولا يدي الا واحدٍ كنه إياني 

إلا أخذت فالمجلس ربع ساعه إنسليت
أحس إن قبلي ودي أصير وحداني 

سلامي على اللي كل ما مني عنه أقفيت 
يقوم الغلا والحب والولف يشعاني 

وأروح لمحادثته من الشوق ليا حنيت 
لعلّه يجي يرسل رساله ويلقاني 

ولا شفت "يكتب" تطلع وتختفي هجيت 
من الهبله أدخل لي برنامجٍ ثاني 

قبلي معه كيف أنت؟ وين أنت؟ وش سويت؟
أخاف أغفل لي عنه ساعه وينساني 

وإلى جيت أبي أعلمه إني عليه أشفيت 
أخاير ويرجف قلبي ويبس لساني

ولا رحت أبرقد أخذت لي غفوه وفزيت 
أتلمس جوالي وأنا الشوق يحداني 

وأنا لو بجي له وأعلمه ما أخفيت
لو أذوب في دمه من الشوق ميزاني

يزين الشعور اللي يجي فيك ليا حبيت
أنا قمت أحس بطهر روحي وبإيماني

وأحس إن كل شيء يبتسم لي ليا لديت 
أحس أن نور الصبح يطلع على شاني 

ولا عاد فكرت بحياتي ولا إهتميت 
طغى الحب فيني لين سامحت عدواني

سمابي هوى اللي يوم أحبه وأنا ما أخطيت
أنا أخطيت ما حبيت في ماضي أزماني 

أحبه ولا ضعفت عزومي ولا مليت 
لو أبتل على ذا الحب كان الله أحياني

أنا الظاهر إني طحت بالحب ما سميت / محمد المقحم

الورود تغار منها - ضيدان بن قضعان

عقبال ياماخذ فؤادي مية عام
ضيعتني منك و أنا ماأهتديتك

لا ما نسيتك كيف بانساك ما دام
ذكرى الفراق تهزني لونسيتك

حبك قدروأنا على دين الاسلام
مكتوب في وجه الجبين ورضيتك

لك في الضمير الود والحشمه أتوام
ولي في ضميرك مثل ما أنابغيتك

ولك منزل في نايف القلب وخيام
وذود الغلا ترعاه ولاشكيتك

يفطر عليك القلب وإن فارقك صام
والله لو إنك شوك سدره كليتك

القلب طير لادعي للهوى حام
وإلا أنت وكره من كثر ماهويتك

كن العيون من النظر عقبك أيتام
وكني ماريت إلا أنت من يوم ريتك

وكنك معي وأنا فقدتك من أعوام
مع الخيال ألقاك كني لقيتك

من صعب وصلك ما تهنيتك أحلام
إلا جابتك فزيت شوق ومحيتك

يعني وصالك صعب وأهدافي أوهام
يعني زرعتك للقدر ما جنيتك

صبرك يقولون العرب كل الأيام
يوم عليك ويوم لاجاك جيتك

ويا قلب ياللي ورثك جروح وآلام
بليتني ماهوب أنا اللي بليتك

ولعتني من عادني في الهوى خام
وأسرفت بي وأنا خطامك عطيتك

طعتك وزبدة طاعتك هم وهيام
ما الله كتب لي وأستخرت وعصيتك

لو للقلوب أسواق بايع وسوام
لا أبدلك وإن جيتني ماشريتك

وإلا أنت ياللي جيش عينيك مقدام
.لا أقنعت منك والرجا مارجيتك

كني سجين بين..إفراج ..وإعدام
وكنك سجن وأنا بنفسي بنيتك

تنبيك عن حالي محاصيل الايام
وتخبرك نظراتي نهار إلتقيتك

عقب الوصال اللي على عين من لام
قده و يكفيني عن الوصل صيتك

وقدني إلى مريت بالشارع العام
لديت من ما في الضميرودعيتك

أدري إن صوتي ماقطع عشرة أقدام
وأدري بي أعود إلى من نصيتك

ياشينها يا محني راس الابهام
ماقدر على شوفك وأنا عند باب بيتك

تمنيتك انت و واجد اللي تمنوني | حمد السعيد

غديـر

Recent comments

Rafeef

٤

ورق شّام ,,

𝓕𝓸𝓯𝔂

Related tracks