X♡

Written by: Mohamed Alaa
Music: Free Beat
Vocals: Mohamed Alaa 
Master and mix by: Z ! Y A Z A N
© 2015 X MuZic

الكلمات :

عارفة !
وحشاني جداً و انا دلوقتي بغني ليكي
احلمي بـ نجمة فـ السما تلاقيها بين ايديكي 
كُل حاجة مُستحيلة عشانك انتي تبقى سهلة
كُل حاجة بتحبيها بقت فـ نظري احلى
انتي اللي ياما حلمت بيها و اتمنيت 
و صحيت فـ يوم لاقيتها جنبي صليت و دعيت
ربي يخليكي ليا، صدقيني اجمل هدية 
ابقى ليكي و تبقى ليا عندي بـ كُل الدُنيا ديا 
ما بين ايديكي بنسى الدُنيا بنسى الناس
دا نظرة من عينيكي بتتوه مني الكلام .
ماليه العين و ماليه القلب حُبك حياة و مش ذنب
هعيش حياتي جنبك ميعوضش قُربك حد
قابلت كتير عيون مرتاحش قلبي غير فـ حُضنك
! معرفتش احب حد غير اما قلبي اتمنى قُربك
.كُل كلام الحُب ليكي صدقيني مش مُجاملة


دايماً بستقوى بيكي نُقطة ضعفي هيَّ عينيكي
عينيكي ضي مـ القمر عرفت بيها طريقي 
قلبي لقاكي و قال بحبك مبيندهش غير بـ اسمك
"هقولك حاجة و صدقيني "انا عايشلك


انتي السندريلا اللي قلبي مش مع غيرها
! مجنون يلاقي زيك يزهق منها فـ يوم و يسيبها 
بحلم حبيبتي اخدك فـ حُضني ألِف بيكي الدُنيا
و دا وعد مني ليكي الضحكة مش هتفارقك ثانية 
مثلاً ..
عن احلى صورة ليا كُنتي فيها جنبي
عن هزارنا و فرحتي لما تقولي انك مبسوطة بسببي
هتبقي ليا و مكتوبالي حُضنك هوَّ بيتي 
انا اول مرة عيشت لما شوفت حبيبتي عينيكي 
جنبك قلبي بيرقُص مـ السعادة
حبيت الدُنيا عشانك و بحبك انتي زيادة
مفيش غيرك هتنفع انها تبقى ام ولادي
انا مخلوق عشانك و انتي اتخلقتي عشاني 
بعشق كسوفك، نظرة خوفك .. ايوة بحبك.
لما تكوني غيرانة خايفة حد ياخدني منك
سيبيني اسرح فيكي، المس ايديكي اتوه فـ عينيكي
.. انتي ياللي ملكتي قلبي محمد مش هيكون غير ليكي


دايماً بستقوى بيكي نُقطة ضعفي هيَّ عينيكي
عينيكي ضي مـ القمر عرفت بيها طريقي 
قلبي لقاكي و قال بحبك مبيندهش غير بـ اسمك
"هقولك حاجة و صدقيني "انا عايشلك

تابعونى من هنا : www.facebook.com/profile.php?id=100004239844387

3eNeky I عنيكى

Written by: Mohamed Alaa
Music: Free Beat
Vocals: Mohamed Alaa Ft RawDa 
Master and mix by: Ziaad Hishaam
© 2015 X MuZic

الكلمات :

شوفت ، اديها سابت و انتَ كنت
بقيت لوحدك بتعافر مع البُعد
كُنّا مش هنحب تاني ، كُنّا هنكره قلب يعاني
كُل مرة آخر مرة بترجع تاني تكون اناني 
متشغلتش مرة عنك، افترقنا لكن بسببك 
كُل كلام الحُب يخدع حتى لو صدقتي نفسك 
معقولة مكنش الشخص اللي عيشتي بتتمنيه 
ولا اللي بيكسر قلبك هو بس اللي تحسيه 
عايز ابطل توحشيني بس قلبي مش بيقبل
و عشان كبرتي عند قلبي فضل هوَّ يصغر 
محدش وافق بـ العتاب ولا هينفع نبقى صُحاب
!! ازاي من بعد حُبك يبقى بينا سلام و خلاص 
وحشاني همسة بـ صوت "بحبَك" مش هشوف فـ جمالها حد 
بعشق بينا فرق الطول بحس انك بنتي بجد 
عيشنا كُل حاجة سوا كدبة كنت ليكي الهوا 
شهادة منك اني صُنتك و اني كُنت ليكي دوا


ياما الناس بتفرق ناس ، مين كان لسه ميعرفناش 
و قالوا علينا قصة طول حياتنا مشوفنهاش
ايوة اتغيرت بقيت حد تاني خلاص نسيت
و فـ يوم هتحتاجيني لما تحسي ان انا مليت 


مش بتفكر طب اسأل نفسك ليه بعدنا اكتر
نسيتي ؟
لا فاكرة ، بس كلامي مش هيأثر 
الوقت بيبدأ يبعد كُل ما يبعد قلبي يقلق
واخدني قلبي ليك  كُنت بتوحشني لو سكتنا
كُنت ! انا لسه حابب اسمع صوتك
كانت كُل لحظة حلوة مُستحيل تكون من غيرك 
"حبيبتي" كُنت بهدى لو بسمعها
كُنت عاشقة فينا جنانا قولي ايه مثلاً يمنعنا 
كُنا احلى اتنين لبعض 
بس مفكرناش فـ بعض 
عقلي قرر انُه يبعد 
قلبي فاكر اني اختارت 
اوقات بستغرب ليه قلبي بيحبك لسه
اموّت قلبي ولا انُه يحب واحدة بيه مش حاسة 
قولتي بتحبيني ! قولي عملتي عشاني ايه ؟
ولا بيهمك حالي و الأمان بتطلبيه
و دا ذنب حُب بجد ، كُل سور اتبنى اتهد 
عايز اقولك قبل ما تمشي قدي مش هيحبك حد


 ياما الناس بتفرق ناس ، مين كان لسه ميعرفناش 
و قالوا علينا قصة طول حياتنا مشوفنهاش
ايوة اتغيرت بقيت حد تاني خلاص نسيت
و فـ يوم هتحتاجيني لما تحسي ان انا مليت 


تابعونى من هنا : www.facebook.com/profile.php?id=100004239844387

7aD Tany I حد تانى

Written by: Mohamed Alaa
Music: Free Beat
Vocals: Mohamed Alaa 
Master and mix by: Z ! Y A Z A N
© 2015 X MuZic

الكلمات : 

بحبِك ، و بكرهّ اللي يحبك 
اناني جداً قولي مين غيري بيحسّك 
انا نَفسِك ، انا اللي بعشق نَفَسِك 
انا بسهر كُل يوم عشان حبيبتي ارسم ملامحك
عارفك .. و عارف ان الوقت سرقك
الدُنيا لو بتنسّي مش هتنسّي اللي جرحك
شوفي مدام البُعد كان قرارك
أظُن اني انساكي دا يرجع لـ اختياري 
يكفيني تكوني عارفة اكُنت عايزك تبقى جنبي
قلبك بينسى قلبي فـ حُبي يبقى  سلبي 
احساسي مش كلام عادي بحبِك و انتي ساكتة
بضعف قُصاد عينيكي .. هفضل احبك و انتي عارفة
وحشاني ، و اكيد واحشك كلامي 
دا كُل حاجة بينا بتقولك تعالي
وقت الحب و وقت خناقنا  و كُل حاجة تانى
قلبي عايزك تبقى جنبه و عايز حد تاني 
موسيقى هادية و اوضة ضلمة بحاول الهروب
جرس لـ باب مقفول مكتوب ممنوع دخول
حد عارفُه و معرفتوش كدبوا عليك و معترفوش
"و صوت بيشبه صوتها بيقولك "متسبنيش
البُعد عنك خوف ، مُستحيل حُضنك يتكرر  
حاولت افضل جنبك عشان احس ان انا بتغير 
عُمر طويل نفَس قُصير ، وقت بيجري و مش هتغير
مختارتش اظلم حد فجأه رميتني نفسي هنا 
البُعد احسن حل بس بنعاند نفسنا
دا لإننا لاقينا نفسنا مُختلفين مفيش زينا 
خنقاني بالتفاصيل ، نكد و خناق كتير
ما احنا لازم نفضل كدا صدقيني مفيش بديل
مقدر حُبك ليا متقوليش ان انا مش حاسس 
كُل سؤال إجابتُه بحبِك يا اما تكون مش عارف 
قمري او ملاكي ، انا منك و انتي مني
قوليلهُم مهما يحصل ان محدش يقدر ياخدك مني


تابعونى من هنا : www.facebook.com/profile.php?id=100004239844387

Kol 7aga Bena I كل حاجة بينا

Written by: Mohamed Alaa
Music Prod By : Ahmed Shiko 
Vocals: Mohamed Alaa 
Master and mix by: Z ! Y A Z A N
© 2016 X MuZic

 لينك التراك على يوتيوب :

https://youtu.be/hB01LWx09jc


الكلمات :

من يوم للتاني بشوفك احلى واحدة
 و لو بعدتي توحشيني كُل لحظة 
فيها ضحكة منك او فيها فرحة لـ قلبك.
مين غيري حاسّك مين اكتر مني حبّك 
كُنت شايف فيكي نفسي كُنتي شايفة ان احنا لبعض
اتاريه كلام و اختارتي فـ يوم البُعد 
انا فاكر الكلام فاكر بينّا اول حُضن 
فاكر لما قولتي انك حسيتي معايا الحُب
فاكر حاجات انتي اصلاً مش فاكراها
مهو اللي يحب بجد مُستحيل فـ يوم ينساها
هوَّ انتي بعدتي ليه ؟ ايه كان فيا ما لقتيه ؟
تبقي ليا كُل حاجة و تبقي تحت أمر عينيه
الفراق مكانش سهل بس مش اصعب مـ البداية
حاربنا حاجات كتير عشان نكمل الحكاية 
كُل حاجة حلوة معاكي، كُل حاجة مبتكملش 
انا فاكر لما قولتي عيني بـ غيرك مبتحلمش
صدقيني ابقالك منهُم ، حاولي تمشي عن تفكيرهُم 
بعدنا ليه !  دا انتي اللي اختارتك منهم
بحاول اقنع نفسي بـ انك حبيتيني
و مهما بحاول اسكُت صوتك بيناديني  
للحظة حلوة بينا صعب اني انساها سنيني
اللي ساب غير اللي اتساب فـ الأحساس و فـ الأسباب 
و في اللي اخترع كدبة بس انا عُمري ما اكون كداب 
عُمري ما خذلتك ولا حتى جيت عليكي 
كُنت شايلك انتي فـ حتة مُستحيل يدخُلها غيرك
بحبك ، و دموعي مبتكدبش 
الراجل لما يدمع يبقى وصل لـ درجة عشق 
يا عشق نفسي اقول ان بعادك مهما يطول
انا هفضل بردو احس طيفك جنبي كُل يوم 
نتكلم بـ الساعات و اعاتبك عـ اللي فات 
و بـ ضحكة منك اصفى ما انا حبيت ملاك 
كُل لحظة و كُل ثانية، كُل يوم و كُل وقت 
كُنتي مُلهمتي الوحيدة و مش بهتم بـ حد
فـ البداية كان اعجاب، ايام تفوت بقينا صحاب
ياريتني فـ يوم ما شوفتك و حلمي كان سراب
انا غير كُل اللي فاتوا، مش قولتيها بـ نفسك
اني صونتك هفضل جنبك جوا قلبي هفضل شايلك 
كُل وعد اختفى، كُل كلامنا حصل عكسُه 
الصح مش اني اعاتبك المفروض اعاتب نفسي 
اني سبت قلبي اتشد و اني ظلمتُه فـ حُب حد 
كان بيمثل حُبه و فـ الحقيقة حُبه وهم
يا قلبي فوق اللي حبك مش موجود
و عشان عُمره ما حبّك كان بيهد كُل سور 
فيكي عيوب و فيَّ عيوب ، فيكي قلبي كان بيدوب
و مهما كُنت بحاول اخبي عيني كانت تفضح و تقول
و دا كان و كان و كان حُب عُمري اللي كان
جيه ينور حياتي بس نوره ضلّم خان
و كان حُضنُه هوَّ اكبر مكان 
بيساعني و انسى فيك كُل اللي فات 
مين كدّب و مين مكدبش , مين كمل و مستسلمش 
بقفل بينّا كُل باب و اتمنى انُه ميتفتحش
غيبتي عني دا لأني مسكت فيكي لآخر نَفَس
كُنت بنفذ وعد مني وعدتُه ليكي فـ يوم للأسف
كلمة بحبِك عقد مش كلام فـ ورقة و قلم 
قلبي كان صادق فـ حُبه مش مستني منك ألم
ايام تفوت مفيش حاجة بتتغير
بحاول ابعد عنك بس لسه مش متصور 
ان في حياة من بعدك اقدر فيها انا اعيش 
هعيش ههزم قلبي و اقول متجيش 
هقولك اني كرهتك و انى بردو محبتكيش 
زي ما كانوا يوصلولك كدبة و انتي تصدقيها
خسرت الناس عشانك و مفيش حاجة انتي خسرتيها 
كدابين ! الحُب يوم مش بـ السنين
الحُب اتنين عايشين مع بعض و مبسوطين
الحُب مش كلام، الحُب بالأفعال
الحُب بـ ألف معنى و كُل معنى ليكي اتقال 
آخر مرة اعاتبك فيها عينيكي دمعت
كُنتي عارفة اني صح بس قولت اودعك 
الأمل عطشان فـ بُعدك لـ لمسة من ايديكي 
كُنتي دايماً بتقويني اني اكمل بيكي طريقي 
هتشوفي مع الأيام مين اللي بجد حبّك 
لما تدوقي نفس الكاس و متلاقيش في حد جنبك 
مش هحب صورة فيها ضحكة كانت من بعدك
بس عايز اعيش فـ حُزني لو هيكون سبب سعادتك
هحضرلك فرحك، هرقص هغني ليكي 
و ايدي تلمس ايديكي .. مبروك يا حتة مني
هزعل جداً لو نسيتي اول واد هيكون على اسمي

تابعونى من هنا : www.facebook.com/profile.php?id=100004239844387

3esh2 l عشق

Written by: Mohamed Alaa
Music: Free Beat 
Vocals: Mohamed Alaa 
Master and mix by: Z ! Y A Z A N
© 2016 X MuZic

الكلمات :

الحُب كُله ليكي وبس ياللي مفيش غيرك يتحس
و مهما ألف الكون مش هلاقي زيك حد
بحبك ، حُب مفيش كلام يوصفُه 
حبيبتي هيَّ الجنة دا اللي الناس لازم تعرفُه 
بحس بيكي فـ كُل حاجة بتبقي جنبي
الله يباركلي فيكي ياللي خدتي مني قلبي
عاشق لـ عيونك دول دوبوني فيكي دوب
القلب حبّك انتي و حُبك انتي مش ذنوب
بحاول اد ما اقدر اقرب ليكي و منك اكتر
اخدك فـ حُضنى الاقيكي ماسكة فيَّ كـ طفل صُغير
برسم فيكي كُل حلم ، بحلم منك انتي بـ ابن
قلبي كان يهزم جيوش و جيه قُصادك انتي استسلم
صدقيني هكمل بيكي نُص ديني
انتي هدية من ربنا كافئني بيها سنيني
خلي ايدك تلمس ايدي جرّي حُبك بين وريدي
انا اللي راضي اتعبلك , انا اللي بحب عينيكي


اجمل واحدة هيَّ انتي ليكي سحر لو ضحكتي
الدُنيا تنور فجأة و اعرف انُه نور حبيبتي 
انتَ ابويا و انتَ ابني ، انتَ ضعفي و انتَ سندي
انتي عشقي ، انتي الضحكة وقت تعبي 
(x2)

لو فـ يوم انا هبقى عشان انتي بس جنبي
انا مهما اكون مخنوق مُستحيل لغيرك اشكي 
علمتي قلبي الحُب و علمتيه يحبك انتي
الدُنيا تحلى معاكي و تبقى وحشة لو بعدتي 
اعذريني لو سيبتك صدقيني
ما كُنت افكر الا فيكي و احلم امتى تجيلي 
مفيش دموع ، مـ الليلادي نفسي اقول
ان انتي اللي ليا و هفضل جنبك انا على طول
محتاج اعيش كتير عشان اقدر اوصفك
القلم مش هيسكُت طول ما كلامي عن حضرتك 
معايا بتوحشيني فـ اوعديني ما تسيبيني 
انا اكتر حد حبّ اكتر ما انتي حبتيني
بتخيلك بـ الفستان و الناس فرحانة بينا
كام ضحكة على زغروطة بالدُنيا و اللي فيها
هعيش حياتى معاكي فـ كُل حاجة هتبقى جنبي
الناس فـ البرد بتستخبى و انا بهرب فـ حُضنك انتي 


اجمل واحدة هيَّ انتي ليكي سحر لو ضحكتي
الدُنيا تنور فجأة و اعرف انُه نور حبيبتي 
انتَ ابويا و انتَ ابني ، انتَ ضعفي و انتَ سندي
انتي عشقي ، انتي الضحكة وقت تعبي 
(x2)

تابعونى من هنا : www.facebook.com/profile.php?id=100004239844387

AGml Wa7da I أجمل واحدة

Title : عشق 2 
Artist : Mohamed Alaa ( X ) 
Music : Free Beat
Rec & Master & Mix : Mohamed Alaa ( X ) 

الكلمات : 

القلب شال و عجز من البُكا
 وحشاه عيونك لسه بيحلم باللُقا 
يمكن بعدتي بس عايشة جوا مني
و ازاي فارقتي بعد ما قولتي إياك تسيبني 
انا اللي حلمت بـ حُب .. حبيت حد محبنيش
و فات الوقت بينا و انتي لسه مرجعتيش 
حبيتك، و حُبك كُل يوم بيزيد 
عشقتك اد ما القمر عنّي بعيد
روح لـ عيونها يلا اسهر و اتكلم
لو افتكرت امبارح كُنت اكيد منُه هتتعلم 
صدقت كُل كلمة و كُل كلامها كان اوهام
و لسه شوقك ليها بيزيد ف كُل يوم بُعاد 
اسأل نفسك مين ارتاح و مين اتحجج بالظروف
ياما قالتلك "هفضل جنبك، و معاك مش بحس بـ خوف"
حلمت و  كُله اتنسى، حتى انتَ اتنسيت 
حلمت افضل معاها، حلمت يجمع بينّا بيت 
يا وجع مبيهداش من يوم ما صحيت و ملقتهاش
يا قلبي مش واحشها زي ما هيَّ كمان وحشاك 
فـ البُعد مش هموت اكتر ما كُنت ميت فيكي
هيفضل قلبي رافض غيرك و حُضني بس ليكي
قوليلي ليه بعدنا و ليه محستيش 
بـ إني فـ بُعدي عنك مش هقدر اني اعيش ؟ 
مش مرتاح و بندم عـ اللي ليكي اتقال
زرعتي حُبك فيَّ و لو بـ ايدي كان اتشال 
انا غلبان و بوجع نفسي من زمان
كام مرة حبيت حد و فـ الآخر برجع ندمان 
بندهلك يا عشق اختارتي حُبي ولا الكدب
اختارتي تبقى فـ حُضني ولا سيبتي لما سيبت  
بيقولوا الايام بتنسي، طب قوليلي انساكي ازاي؟
شايفك فـ كُل حاجة، شكل الزمن نسّاي 
جايز من حُبي ليكي وصلنا للفُراق
عيني هتكدب لو قالتلك مش مُشتاق 
الغلط فـ مين، مين اللي باع عِشرة سنين 
كُل يوم بقول لـ نفسي بُكرة نبقى كويسين 
مش محتاج لـ مُعجزات، محتاج منك اهتمام
محتاج منك كلمة حلوة اقوى بيها عـ الايام
و ياما قولتلك "لو مش حباني هبعدك
و لو فـ يوم هتحتاجيني هبقى جنبك و اسندك
 و لو ناقصة هكملك، و كُل الحُب يتحبلك
و ساعات كتير بتضايق بس مش بحب اشغلك
آسف، مش بعرف اشكي ولا اتكلم 
فـ بشكي فـ الاغاني و صوتي للناس بيتألم
خلصت الحكاية و كُنت حاسس مـ البداية 
انك زي اللي فاتوا كُله بيوصل للنهاية 
اكتر حاجة مزعلاني اني هبقى لوحدي تاني  
و اني لما احتاج لحد حُضنك مش هيكون مكاني 
علمتيني ازاي احبك بس عايز اسأل سؤال 
ليه اتعلمت احبك بس ناسي اتعلم البُعاد ؟
مفيش كلام مش هكدب و اقول تمام
و مش هزيف الكلام و مش هخلي دموعي تبان 
صعبان عليَّ نفسي، مُتّ فـ حد كان كداب
حُبي ليها كان افعال و حُبها ليا كان كلام 
كُل كلمة حُب كدب 
و كُل وعد كدب 
احساسك فـ حُضني كدب 
اللي كان ما بينّا كدب 
وحشاني بس زهقت، اول مرة اقول تعبت 
كُنت شايفك بـ الفُستان، كُنت شايفك احلى بنت
دايماً نهاية القصة بتبقى بداية لحد فينا
قولتلك متشغليش بالك بـ اللي بالهُم بينا
مصدقتيش و ساعتها مني زعلتي
و فضلت اصالحك علشان بالنسبالي انتي 
حبيبتي و امي و صاحبتي و بنتي
انا صدقت لما قولتى انك ليا اتغيرتي 
و كنت بحب الحياة عشانك
دلوقتي و انتي بعيدة قولي مين ياخُد مكانك 
واحشني صوتك، والله حتى سكوتك 
واحشني لما جوا حُضني تسيبي روحك 
هفضل بحبك معقول لسه بتسألي 
دا الناس كُلها تغيب بس انتي لازم تفضلي 
يعني ايه ! احنا عن بعض بجد بعدنا؟ 
يعني اللي كان ما بينا عادي انُه يروح لغيرنا ؟
و ياريت ما كُنت فـ يوم اصلاً حبيت
و ربي مُتّ فيكي بس بجد انا اتهديت 
ازيك ؟
عارفة انك مش وحشاني
و ان خلاص قلبي وعدني مش هيبكي تاني
هم يضحك و هم يبكي  
مش هتبقي عند حد زي ما كُنتي ليا فـ قلبي 
وحياة عينيكي و قسوة قلبك فـ اللي كان
مـ الليلة دي انا هنساكي و انتي ناسية من زمان 
حبيتي غيري، و غيري ياريت يسعدك
متدمعيش عشان حبيتك من ضحكتك

تابعونى من هنا : www.facebook.com/profile.php?id=100004239844387

X♡

hana