مع اني مش من جمهور عادل امام ولكن فيه كام فيلم له حوار 😍

قطرات كتير تعدي عليا ولا يعبروني ."

انا لو زهقت اتسجن، عارفه ف ناس كتير تزهق بس متقدرشي تمشي تموت وهي زهقانه. " انا واحد منهم ."

فاتني القطرات ولا كنت نايم وتايه مش مركز من الاهات وتموت وإنتاج زهقان

مشهد الزنزانه - فيلم احلي الاوقات

إبراهيم : لأ! مش محتاج حد يترافع عنى .. ومتشكر قوى للمحكمة اللى إنتدبتك عشان تكمل الصورة المزيفة للعدل وللقانون .. إتفضل يا أستاذ أنا مش لازمنى محامي .. أنا أعرف أدافع عن نفسي كويس .
شكري : خلصت اللى عندك ؟ ، قسمتك بقى إن أنا أترافع عنك .. عجبك مش عجبك حترافع عنك .
إبراهيم : الله !، قلتلك مش محتاج محامي ..إتفضل ! .. ياشاويش حنفى!!.
شكري : أنت يابنى خايف لأكسب القضية؟ من الناحية دي إتطمن حخسرها .. تسعة وتسعين فالمية حخسرها.. وحيحكموا عليك وحيكون حكم قاسي قوي..وللمرة المليون حيقولوا عليا محامي حمار.. نعمل ايه ! قسمتنا كده.. حمار بيترافع عن حمار .
إبراهيم : طب أااا .. لما أنت عارف أنك حتخسرها جاي ليه ؟
شكري : تنفيسه ..تنفيسه ليا ولك .. كلمه حلوه نقولها.. صحافى يلقط مننا لمحه نضيفه.. قاضى تفلت منه كلمة شجاعة .. أهى تنفيسه للكل .. زمن! ..زمن يبرروا فيه إنهم يرموا البمب على دماغ ناس ملهمش دعوة بالحرب خالص وعايزنى أكسبها!؟ .. زمن بتتشوي فيه الناس فالأفران عشان لون جلدها أحمر ولا أصفر ولا عنيها مسبسبه وعايزنى أكسبها!؟ .. زمن بيلموا فيه ولاد الناس سن ستاشر وسبعتاشر سنه ويدفنوهم فالرمل بإسم الحريات الأربعة ! وعايزنى أكسبها!؟.. زمن بيكسبوا فيه خمس تلاف جنية فدقيقة ويغلو على التاني أجرة التروماي وعايزنى أكسبها!؟ .. كل اللى أتمناه أنهم يخففوا عنك الحكم ولو شويه .
أبراهيم : ( على وجه علامة التعجب والذهول )

حكمت المحكمة حضورياً على المتهم إبراهيم عبدالعزيز الشرقاوي فالسجن خمسة عشر عاماً مع الشغل والنفاذ
>>>
سيناريو وحوار : محسن زايد و يوسف شاهين
إخراج: يوسف شاهين 
إنتاج :1979
--------------


وعايزنى أكسبها ؟!! - محمود المليجى و أحمد زكى - من فيلم إسكندرية ليه؟ لـ يوسف شاهين

الاجابة لكل الاسئلة
الاجابة لكل "ليه" سألتها ف يوم من الايام

حديث داوود و عزيز من حديث الصباح و المساء

دعاء الكروان - (حوار) فاتن الحمامة وأحمد مظهر

- يا ماما ماتسيبيش اساس المشكلة و تمسكي في الفروع .. أساس المشكلة كانت غلطتها هي .. شغلها في الجرنان من غير ما تستاناني و تاخد موافقتي .. و لما هددتها و خيرتها فضلته عليا

- إنت متجوزها عشان بتحبها ولا عايز تستعبدها ؟

- إنتي هتقولي نفس الكلام اللي هي بتقوله ؟؟؟
يا ماما مش معنى ان انا بحبها .. ان مايبقاليش رأي في مسألة جوهرية زي دي

- يبقالك رأي أه .. بس لها الحق تقتنع بيه او ما تقتنعش

- يعني إيه ماتقتنعش !!!
ماتقتنعش يعني ما تقتنعش ... كل واحد له دماغه

- دي مراتي !!!!!

- مراتك مش عربيتك .. اللي تشغلها بمفتاحك .. تحركها زي ما انت عايز و توديها مطرح ما تروح

- هأهأهأ .. والله عال .. ال رضينا بالهم و الهم مش راضي بينا

- إيه !!! .. بتقول إيه يا علي ؟؟؟!! .. لاهو إنت فاكر نفسك أحسن منها ؟؟ّ!! و إتعاطفت و إتكرمت لما إتجوزتها ؟؟؟؟!! بتستقل بيها و مستكتر نفسك عليها !!!! ... ما إنت حفيت وراها لما رضيت بيك .. ده إنت كان ناقص تنصب خيمة و تقعد فيها قصاد باب شقتها

- ماهو هبل الحب بقى و عباطته ... تقولي إيه !!!

- أقول إخص و ألف إخص عليك يا علي
.
ممدوح عبد العليم - محسنة توفيق
ليالي الحلمية

-   إنت متجوزها عشان بتحبها ولا عايز تستعبدها .ليالى الحلميه

مشهد من فيلم البيضة والحجر 

ماهو لو كنت إنسان جاهل كنا صدقنا انك مُدّعى ودجّال 
لكن انت إنسان مثُقف ومعاك دكتوراه فى العلوم الفلسفية 
ماهو ده من خيبتى برضه - 
واضح إنك شديد التواضع ياصاحب الكرامة
يا محترم انا مش صاحب كرامة -
أستغفر الله ده انت اللى بتوزع الامل الحلو على الناس كل يوم الصبح 
هو فى حد فى البلد كلها م بيقراش حظك هذا اليوم المنور ببصمتك فى كل الجرايد ؟ 
كله فى الهجايص صدقنى -
أصدقك واكذّب نفسى ؟
اذا كنت انا شخصياً مقدرش اتحرك من بيتى الصبح قبل م اطمن على حظى فى الجرنال
تبقى غلطان -
يادكتور التحريات بتقول ان كل الناس اللى اتعاملوا معاك بيأكدوا إنك صاحب كرامة وليك وزنك
انا زى اللى لابس بدلة حديد كل مابيزيد وزنه جواها بتخنقه -
يعنى انت مُصمم إنك دجال ؟
كل شئ اصبح مُزيف المبادئ ، الافكار ، الناس ، حتى نظريات العلم بيفتتها الشك وبتهدمها البحوث الجديدة مع كل يوم 
بصراحة انت اجهدت ذهنى 
الناس فى حاجة ليقين ، لحقيقة واحدة تكون ثابتة ده اللى بيخليهم يؤمنوا بحجاب وتعويذة ودرويش اهبل يضحك عليهم 
أفهم من كده انك بتجهّل المجتمع وتتهمه بالجهل ؟
لا .. بالضعف ، الضعف مبيفرقش بين جاهل ومتعلم هما اللى بيخلقوا الدجال ويصنعوه  بارادتهم زى ماصنعوا من الحجر تمثال وعبدوه 
!!

احمد زكى - الناس فى حاجة ليقين ، لحقيقة واحدة تكون ثابتة - من فيلم البيضة والحجر

حسن أرابيسك يتحدث عن وحدتة - من مسلسل (أرابيسك: أيام حسن النعماني)

يوسف المنسي درويش - من فيلم المنسي 1993

القلب له كلام تاني | من مسلسل أرابيسك أيام حسن النعماني

كيف يحسب حسن أرابيسك الأشياء ؟

رمضان : الا اما انت يا شيخ حسنى محكيتلناش .. انت عميت ازاى ؟

الشيخ حسنى : انا اعمى يا غبى . ده انا اشوف احسن منك فى النور
 وفى الضلمة كمان .... يا سلاااام .. ده انت راجل عجيب يا رمضان

 رمضان : انت تشوف فى الضلمة بس .. سيبك  بقى من الهلفطة بتاعتك دى .. وقولى انت عميت ازاى

 الشيخ حسنى : كان ييجى عندى عشر سنين .. وكنا ساكنين فى البيت ده قبل ما مرات ابويا الله يرحمها تطردنا من الشقة .. فاكره اليوم ده 
كويس .. صحيت من النوم قبل الفجرية .. كنا فى بؤنة .. تقولش الشيطان صحانى .. لقيت نفسى ماشى ناحية البحر وكنت سخن .. سخن اوى   .
 سخن اوى .. نار كانت طالعة من جوايا .. والترمسة طالعة فى صدرى وجعانى .. قعدت عالشط .. الهوا كان واقف زى ما يكون غضب ربنا حل عالدنيا . غفلت .. يعنى ..عينى راحت فى النوم . مادريتشى دقيقة كانت ولا ساعة  .. لغاية ما صحيت .. بردو الشيطان صحانى .. لقت ادامى احلى منظر شوفته فى حياتى كلها .. تفتكروا شفت ايه ؟ 

القمر ...؟-

  لا القمر ده انا شوفته كتير قبل كده يا روح امك 

 الفجر ... ؟-

الشيطان ..مابيطلعش فى الفجر يا معلم الوظ

 جنية ...؟-

ياريت .. شفت انسية .. بنت مش عارف يمكن ولية بتقلع هدومها وبطرطش ميه على روحها وبتنزل البحر .. قلبى انخطف

 ...ومعرفتش كانت مين- 

لا عرفت طبعا

مين .. ؟-

 امك ..!  بحلقت .. بحلقت .. كانت غلطتى انى بحلقت

! وبعدين-

ولا قبلين .. قعدت متاخد زى المسحور .. لغاية ما طلعت .. وبس

بس ايه وبعدين ..؟-

بعد اسبوع .. عشر تيام .......... راح النور

 عميت ...؟-

 راح النور يا حمار.. مش عميت خلى عند اهلك نظر
يلا بينا ياخوانا بقى الفجر قرب يدن .. يلا .. بينا 
 عارف السكة ولا اوصلك يا رمضان 

راح النور يا حمار - الكيت كات


https://www.facebook.com/hussein.samy.1612


يوسف المنسي درويش - من فيلم المنسي 1993

Hussein samy

Recent comments

Emad El saied

اكسيل

@3bsttar

Emad El saied

Related tracks