يا جمالك وعبقريتك ياهاني ياشنودة.. الشوارع حواديت... فيلم مختلف لعادل امام

كلمات : احمد فؤاد نجم
    الحان : الشيخ امام



مصر ياما يا بهية

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هي هي تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك في ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللي ع الدفة صنايعي و اللي ع المجداف زناتي

و اللي فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا في سلامنا يطوف ع الصحبة حلواني عصفور محني يغني

على الأفراح ومن تاني يرمي الغناوي تقاوي

تبوس الأرض تتحنى تفرح و تطرح و تسرح

و ترجع تاني تتغنى اللي بنى مصر كان في الأصل حلواني

الشيخ امام - مصر ياما يابهيه (جوده عاليه | Sheikh Emam - Masr Yama Ya Bahya (HD)

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

جتكم ستين نيلة , جاءت خاتمة لسيل من التهكم على الواقع الأليم و الانتقاد اللاذع من الرجل العجوز لركاب الأوتوبيس على سلبياتهم .
(مشهد عبقري من فيلم الارهاب و الكباب) بين عادل إمام و الفنان القدير عبد العظيم عبد الحق 
-----------------------------------------
-	هو حضرتك بقالك كام سنة بتقرا الكلام ده .
-	و الله سنين كتيرة يا بني , قريت و انا تلميذ و قريت و انا موظف و قريت و انا عازب و قريت و انا متجوز و عندي عيال و قريت و انا في كامل صحتي و قريت و انا بعيد عنك و عن السامعين و انا عندي المرارة , كله كلام يا بني كلاااااااام .
-	الله اومال بتشتري الجورنال ليه طيب .
-	مرض و العياذ بالله .
-	طب مفيش حاجة هترخص .
-	حاجاااااات كتيرة هترخص و تبقى بسعر التراب أنا و انت و الأستاذ و حضراتهم أجمعين و سع يا سيدي وسع يا اخويا ...... وسع يا سيدي , عن إذنك يا مدام .. يا مدام ما يقفوش بالعرض كده في الأوتوبيس , خصوصاً الستات , الوقوف يا مدام لازم يبقى بالورب .
ركاب الأوتوبيس : ههههههههههههههههههههههههه
-	يا سلام عجبتكم الهيافة اوي , آآآآآه و لو في حاجة جد يبقى بوزكوا شبرين , جتكوا البلا فيكم و في أيامكم .... وسع يا سيدي , و سعي يا بتوع معلش يا بتوع مسيرها تفرج , وسع يا سيدي , وسعوا , دي أزايز الكازوزة واقفة مترصصة في صناديقها و مستريحة عنكوا و لو حد ضغط عليها تفرقع .
-	أحد الركاب : أصلها متعبية غاز .
-	يا سلام و حضراتكوا متعبيين ايه ؟ لبن رايب .. لو يترج يبقى جبنة قريش .. يا جبناااااااااااا , ياللي صوتكم ما يعلاش إلا في الفارغة , خليكوا في اللي انتوا فيه .. ربوا العيال و روقوا نفسكم ليلة الخميس ويوم الجمعة اتوضوا و روحوا صلوا و كفاية عليكوا دعا ورا الإمام , جتكم ستين نيلة .

مشهد عبقري من فيلم الارهاب و الكباب بين عادل إمام و الفنان القدير عبد العظيم عبد الحق

داود : احنا جينا ليه يا عزيز ؟
عزيز : جينا ليه ! مش أنت قلت نفسك تزور سيدنا الحسين ؟
أنا قلت شي الله يا أهل البيت أنت حنيت .. حلوه دى اهل البيت و حنيت
داود : جينا الدنيا ليه أصلا ؟
عزيز : هه ؟
داود : ايه سبب وجودنا من أصله ؟
عزيز : ارادته ! سبحانه و تعالى رايدلنا نيجى الدنيا و نجيب عيال و العيال تكبر و تجيب عيال واهه الدنيا تعمر
داود : جايين علشان كده و بس ؟ تفتكر ؟
عزيز : كل حى جاى يشهد مكتوبه .. جاى يشهد على اللى انكتبله فى اللوح المحفوظ ويتوكل .... ربنا يكرمك يا داود يا أخويا و يطول فى عمرك

حديث الصباح والمساء - احنا جينا الدنيا ليه يا عزيز

ما يكنه عبد الفتاح الضرغامي لعايدة - أحمد بدير ويحي الفخراني - من مسلسل زيزينيا

اللامبالاة في أقسي صورها - من فيلم الحريف

داود باشا المسافر دائمًا أبدًا | حديث الصباح والمساء

أرض الخوف فيلم مصري من إنتاج عام 1999، من تأليف وإخراج داود عبد السيد وبطولة أحمد زكي .. حصل فيلم "أرض الخوف" على العديد من الجوائز منها جائزة الهرم الفضي في الدورة الـ 23 لمهرجان القاهرة السينمائي الدولي كأفضل فيلم عربي وأفضل إخراج.
كما حصد الفيلم معظم جوائز الدورة الـ 27 لمهرجان جمعية نقاد وكتاب السينما المصرية، فقد حصل الفيلم على جوائز أفضل إخراج وأفضل فيلم وأفضل ممثل مساعد وأفضل ماكياج، ونال الفنان أحمد زكي جائزة أفضل ممثل عن دوره في هذا الفيلم

ميكس رائع فيلم أرض الخوف - 1999 - أحمد زكي - عمق- صوفي - ملكوت - 8ق

ليست السعادة كائناً مادياً....ليست لذةً حيوانيه....ليست شهوةً بهيميه....
ليست السعاده في  جمال النساء....ولا الملابس البراقه....

أي والله ده كلام حلو 

إوصفلهم طريق السعاده - نجيب الريحاني

رمضان : الا اما انت يا شيخ حسنى محكيتلناش .. انت عميت ازاى ؟

الشيخ حسنى : انا اعمى يا غبى . ده انا اشوف احسن منك فى النور
 وفى الضلمة كمان .... يا سلاااام .. ده انت راجل عجيب يا رمضان

 رمضان : انت تشوف فى الضلمة بس .. سيبك  بقى من الهلفطة بتاعتك دى .. وقولى انت عميت ازاى

 الشيخ حسنى : كان ييجى عندى عشر سنين .. وكنا ساكنين فى البيت ده قبل ما مرات ابويا الله يرحمها تطردنا من الشقة .. فاكره اليوم ده 
كويس .. صحيت من النوم قبل الفجرية .. كنا فى بؤنة .. تقولش الشيطان صحانى .. لقيت نفسى ماشى ناحية البحر وكنت سخن .. سخن اوى   .
 سخن اوى .. نار كانت طالعة من جوايا .. والترمسة طالعة فى صدرى وجعانى .. قعدت عالشط .. الهوا كان واقف زى ما يكون غضب ربنا حل عالدنيا . غفلت .. يعنى ..عينى راحت فى النوم . مادريتشى دقيقة كانت ولا ساعة  .. لغاية ما صحيت .. بردو الشيطان صحانى .. لقت ادامى احلى منظر شوفته فى حياتى كلها .. تفتكروا شفت ايه ؟ 

القمر ...؟-

  لا القمر ده انا شوفته كتير قبل كده يا روح امك 

 الفجر ... ؟-

الشيطان ..مابيطلعش فى الفجر يا معلم الوظ

 جنية ...؟-

ياريت .. شفت انسية .. بنت مش عارف يمكن ولية بتقلع هدومها وبطرطش ميه على روحها وبتنزل البحر .. قلبى انخطف

 ...ومعرفتش كانت مين- 

لا عرفت طبعا

مين .. ؟-

 امك ..!  بحلقت .. بحلقت .. كانت غلطتى انى بحلقت

! وبعدين-

ولا قبلين .. قعدت متاخد زى المسحور .. لغاية ما طلعت .. وبس

بس ايه وبعدين ..؟-

بعد اسبوع .. عشر تيام .......... راح النور

 عميت ...؟-

 راح النور يا حمار.. مش عميت خلى عند اهلك نظر
يلا بينا ياخوانا بقى الفجر قرب يدن .. يلا .. بينا 
 عارف السكة ولا اوصلك يا رمضان 

راح النور يا حمار - الكيت كات

ارهاصات ما قبل الثورة 

ده احنا صغيرين اوى يا سيد - 
لا ياما محناش صغيرين , احنا كبار اوى بس مش عارفين نشوف نفسنا - 

 مشهد من فيلم اضحك الصورة تطلع حلوة    
وحيد حامد - احمد زكى - سناء جميل 

ده احنا صغيرين اوى يا سيد :( اضحك الصورة تطلع حلوة


https://www.facebook.com/hussein.samy.1612


اللامبالاة في أقسي صورها - من فيلم الحريف

Hussein samy

Recent comments

Sami Saadeddin

Sami Saadeddin

Abou Haya Ahmed

Ahmed Ahmed

Related tracks