المزيج الأول , خوف.
صوتيات: فيلم أنا بحب السيما.
....
يارب , ارحمني , ارحمني من عقابك من جهنم , أنا خايف , أنا كل ليلة قبل ما أنام بقعد أحاسب نفسي على الي عملته طول اليوم ,و ساعات ألاقي نفسي عامل خطية واحدة اقول معلش و أنام , و ساعات اربعة و خمسة و عشرة , ببقا خايف أنام أموت و أنا نايم أروح جهنم , و ساعات النوم يغلبني و أنا عمال أحاسب روحي و أئنب فيها , و أحلم انك بتحاسبني ف السما , و اصحا مفزوع و مرعوب و رغم كدا مفيش دقايق و أعمل خطية تانية و أعيش يوم تاني ف خوف و عذاب , آآآة يا رب , أنا كلب ولا اسوا.
....
لأ لأ يا نعيم أنا زعلانة منك أوي وربنا كمان هيزعل منك , مش فارقة مهو  زعلان مني من الاول وانا رايح جهنم رايح مفيش فايدة , مين الي قالك كدا يا حبيبي ؟ , بابا ,لأ ياحبيبي لأ ربنا بيحبك و بيحبنا كلنا , بيحبك انتي كمان ؟ طبعا , أومال ليه انتي عيانة ؟
....
انت ليه كل ما بتقرب مني كإنك بتعمل جريمة, خطية , بتقفل القوضة و تضلمها كحل أكننا بنسرق و مرعوبين من عقاب ربنا 
....
اللعبة فين اللعبة ؟اللعبة اهية يا بابا امسك , الحمد لله يا رب ,الف حمد و شكر ليك ربنا نجاك , مش ربنا الي نجاني, الناس المسحورين دول هما الي شدوني , هو ربنا هينجيني ليه ؟عشان يشويني على مهله ف جهنم , ماما صحيح انا هروح جهنم ؟هو انا وحش أوي كدا ؟ لأ يا حبيبي انت حلو ,اومال بابا بيقول كدا ليه , يعني بابا بيكدب عليا , لا أصل بابا ,لأ انا عارف نفسي كويس انا رايح جهنم رايح مفيش فايدة. 
....
انتو ايه ؟ عايزين تودوني جهنم , عاوزيني أكفر ؟ قولت ميت مرة السينيما حرام , حراااام , أوف 
....
النهردة أول مرة أشرب و أول مرة ادخن و اول مرة اكتشف إني خيبة عامل روحي وحش و بضرب الناظر و انا قطة , انا حتى محصلتش القطة القطة بتخربش كلمتين تهديد و شخيت ع روحي , و ف البيت فاكر إني ممشيهم ع عجين و هما بيستغفلوني ,تحس باية لما ابنك يكذب عليك , و انت تكذب على أبوك او على مديرك ف الشغل و هو يكذب على مديرة ,و كل واحد بيحاول يشكل الي تحته بالعافية و يخلية على مزاجه صورة منه , و الي تحتيك لإنو خايف منك بيمثل عليك انو بيتغير و هو مبيتغيرش , محدش ف الدنيا دي بيتغير إلا لو عاوز يتغير , حابب يتغير , تقدر تخلي واحد متدين بالعافية ؟ بلاش , عبد الناصر نفسه , يقدر يخلي واحد اشتراكي بالعافية ؟ كل واحد فينا كابس ع نفس الي تحتيه و خايف ومرعوب و بيمثل و بيكذب على الي فوقيه من العبد لله لحد عبد الناصر نفسه عنده الي بيضحكو و يكذبو عليه , سلسلة طويلة من الخوف و الكبت و الجبن و الكذب , و العمر قصير عشان نضيعه فالمتاهة ديه ,أنا كمان كذاب , بس انا كذبي اخطر من الناس ديه كووولها , الناس بتكذب على بعض , لكن انا بكذب عليك انت , عامل قديس و دا حلال و دا حرام و معذب روحي و معذبهم معايا ف البيت و فى الشغل , كل دا كذب , لكن الحقيقة اني بحب الخطية و كل الي بعمله دا عشان خايف , خايف ترميني فى جهنم , يعني لو مفيش جنة ولا نار يا ترا كنت هعمل نفس الحاجات , انا بعد العمر دا كله اكتشفت إني معرفكش , انا اعرف شوية فرائض و أوامر و نواهي لكن معرفكش و كل الناس دول بيتكلمو عنك و ميعرفوكش ,دول بيقولو الطقوس و اسرار الكنيسة اهم حاجة ,و دول الخلاص ف لحظة و دول الملئ و الالسنة و دول الملك الالفي و دول الثواب و العقاب و كلنا بنتفق ف حاجة واحدة بس , اننا بنتكلم عنك و منعرفكش , انا بعترف و بصوم و بصلي لكن مبحبكش , أنا دايما خايف منك , نفسي أحبك , نفسي أحبك زي ما تكون أبويا.

مزيج الخوف

المزيج الثاني , سقوط
صوتيات : أفلام , 1-بنتين من مصر
2-رسائل البحر
3-بالالوان الطبيعية.

مزيج السقوط

تراكمات أصوات المجتمع , ضباب لرؤية أوضح.

المزيج

Popular tracks