منتصف يوليو

حلم - نجيب سرور

الشيخ أمام | محمود طه

قالولي زمان ونا صغير..
مفيش إنسان بيتغير..
وقالوا الوش و الماسكات..
تمللي عمرها قصير..
ومدام الطبع كالعادة..
تمللي بيغلب التطبيع..
حتفرق تربية زيادة..
ف واحد بالجينات حيصيع؟
أنا صايع على الفطرة..
ولا بكيفي..ولا بيدي..
وكل ماقول أكيد فترة..
ألاقي العمر بيعدي..
ولسه السنكحة كيفي..
ولسه السرمحة ف دمي..
ولسه ببوسها ف السيما..
و تضحك..أقولها إتلمي..
ولسه بلف ف الشارع..
ونا معرفش رايح فين...
وف الفجرية ع الكوبري..
مفيش غيري مع الأسدين..
بدندن لحن أغنية..
وتيجي إنتي على بالي..
فصوتي يبتدي يقطع..
ودمعة ف عيني تتلالي..
ف أطلع نوتة الأشعار..
وأقطع كل أوراقها..
وأبعزقها..
وتيجي الريح تفرقها..
على الأسفلت ف الشارع..
ياست الكل أنا واقع..
ف عرضك لجل تقريهم..
وبعد ما تقري ارميهم..
أو انسيهم..
بحكم الطبع و العادة..
هتيجي قصايدي متعادة..
ومدام كار الكلام كاري..
ومفيش غيرك ف أفكاري..
هتفضل كل أشعاري..
مفيش غيرك..
بنات فيهم..

قصيدة قالولي زمان - مصطفى إبراهيم

من حفلة في 2012
الهرمونيكا بطلة التوزيع ده ومش حابة يضيع. 

المغنى خانة - سبع بقرات

اوهام كاذبة

(Voice Record - Sherif Amar) | عايز أبطل أستني

شوية حبر اتدلق فطلع شوية فضفضة وخطرفة وكلام ملوش لزمة .. كلام ممكن تحسه متسمعوش 🖤
مشهد غامض .. صوت مزيكا حزين فالخلفية
كانت هي...
واقفة بـ ضل محاوطه الضوء الازرق من كل مكان
جزيرة .. جزيرة حزن وبس
مفيش ولا شئ فيها بيتحس غير بعض الخوف وهلاوس
والطقس اشبه باجواء مارس
والليل فيها ملهوش اخر
وكإن الصبح ملوهش مكان
الصبح ... زمان
الصبح يادوب فترة انذار للحزن بإن النوم قرب
انذار للقلب بإن خلاص .. خلاص الليل غرَّب
والكام ذكرى دول شاغلينك اهم راحو لحالهم
ألم تشفع يوما عنهم وعملتلي فيها مظلوم وبتاع!
وقفلت بيبان بالكليوباترا وورق البفرة ونص صباع
الليلة حزنك صار مشاع
بينك وبين الحيطة وكومدينو جنب سريرك والطفاية ومخدة خلاص بتبوش منك كله خلاص عارف انك حضنك ضاق مبقاش بيساع
الليلة حزنك صار مشاع
عرفت خلاص تشرب قهوة وتسمع فيروز من غير ماتفكر فيها 
خلاص مبقاش في حاجات تخفيها
شوفت ازاي!! شوفت ازاي بسجارة نورت الشمس ف عز الليل
عرفت ازاي تسمع غنوة كانت يوم مابينكم سر
وان ازاي المزيكا كانت تعتبر أسرار
حسيت كام مرة ببرد النار
طب تسمع عن روح بردانة!
الروح مبتتدفاش بلحاف ومخدة ودفاية
ياروح زيها يا بلاش ياروح تبادلها نفس احساس الدفى يابلاش
مش هحكيلك ازاي واحد فالإنعاش كانو فاقدين الأمل ف حياته بس اهه عاش
وسبب عمليات انتحار لم تكتمل
وغيرها كتير كمل 
ولا هقولك كام حد ف حياتي وحياتك استنى كتير عشان خطوة 
ولا حتى ازاي كل دول مكانوش عايزين بكرة
بس هقولك حاجة واحدة
انتا ملكش دعوة مش انتا السبب اصلا 
90% من حالات الانتحار كان ممكن تقف بحضن مش أكتر 
ف متخبيش .. صدقني .. مفيش جبان بيعيش
واللي انتا فيه دا مش احتواء دا مجرد تأثير حشيش
انسحابك وقت خوفك زود الكره اللي ليك 
فازاي تعيش .. ازاي تعيش ومن كلامهم قسوة الدنيا دي فيك
مشيو..؟ لأ مشيتهم طب رجعو..؟ لأ ونسيتهم
طب سمعو..؟ قولت اكتبهم
و مفيش ولا شئ رابط بينهم فدلقت الحبر وسيبته يعوم
اللون ضلم والقهوة كتير هنا قدامي
صوت فيروز بيوقف فجأة وكإنها بتموت تاني
وصدف بتصمم توجعنا وتجيب أحزان يحتلونا
فاسمع صوت الشيخ بيقول ياحبايبنا فين وحشتونا
......
FB https://www.facebook.com/profile.php?id=100015269921783
Wp: 01156932426

شوية حبر مدلوق

مُهدى إلى الأكثرهنَ جمالاً ♥
قريبة القلب بعيدة المسافة !

مَزِجْ - الجَميلاتْ

Lyrics : Montasser Hegazy
Produced by: Aiemzy 

بتعرف يعني إيه خنقة ؟
بتعرف يعني ايه ديماً 
ماتعرفشي تقول لأه !
بتعرف لما مش مرتاح
تداوي كل يوم ف جراح 
وياما جراح بتتبقي
بتعرف لما تمشي العكس
وتطلب قد ما تطلب
يجيك بالعكس؟
بتفهم في انكسار النٓفس؟
تحاول تمنع الضربة
لكن إيد الزمن سابقة 
بتعرف يعني إيه تبقي
ف وسط الجمع فرداني
تلاقي الفرح ف السكة
ف يمشي في إتجاه تاني!
وبتعيش بس بالجودة
وتأبيدة ف تأبيدة
صحيفة حزني مليانه
وفيها خمسميت سابقة
...  أشغال شاقة !

أكيد الوضع ده ح يزول
مادام كل شيئ زايل
باقولها لنفسي ميت مرة 
وبافضل أقول
وباتحايل
لحد مايأسي يغلبني
واستسلم 
ف يجي فيه أمل مجدول
كخيط بين النهار والليل
وصعب الخيط ده يتنقي
ودوامة ف دوامة
وياما من دا يا غلبان
وتتحمل 
وتتأمل ف بكرة الخير
تبات عشمان 
وتصحي تزقها لقدام
تزقك بعد خط الصفر
بميت زقة
بتعرف يعني إيه عطشان
وانت ف  السبيل سقا ؟
بتعرف يعني إيه خنقة؟!!
....
أكيد .. لأه

Aiemzy-Khan2a|أيمزي - خنقة

مزيج متكلمنيش ع الحب

لكم قيمكم ، ولنا الحب ، لكم عاداتكم ولنا 
الموسيقي ،لكم تقاليدكم ولنا المستقبل.

منتصف يوليو

MohamedElawa

Recent comments

boodysaad

User 665167765

Kadren

Rokaia Tarek

Related tracks