Аҧсны аҭоурых аҿы иҟоуп аҳәынҭқарра аиқәырхаразы акрызҵазкуа арыцхәқәа. Урҭ иреиуоуп иахьатәи амш. Жәабран жәаа 1918 шықәсазы аҧсуа аҳ Гьаргь Чачба иҧсра аламҭалазы ижәлар рахь ааҧхьара ҟаиҵеит. Уаҟа иаҳәоит ҳара  ҳабацәа, ҳабдуцәа,  ҳаҧсадгьыл ахақәиҭраз ишҭахоз. Доуҳала аҭынчра иашьцылахьаз ҳажәлар аӡәы имҵахырхәара рҭахӡамызт. Убри аҟынтә Гьаргь Чачба дрыҳәеит аҧсуа жәлар ржәҩахыр еибыҭаны рыҧсадгьыл аиқәырхара рхы азыркырц. Аҳ иҟаиҵаз ааҧхьара ҵакыс  иамоу атәы ахҳәаа аиҭеит аҭоурых ҭҵаарадыррақәа ркандидат, Аҧснытәи аҳәынҭқарратә университет аҭоурых афакультет аҭоурыхи, аетнологиеи археологиеи ркафедра адоцент Гурам Гәымба.

18-02-2022 Жәабран 18, 1918 шықәсазы аҧсуа аҳ Гьаргь Чачба иҧсра аламҭалазы иҟаиҵаз ааҧхьара аҵакы.

APSUA RADIO