مش موهبة || فرج البنا - من حفل دار الأوبرا

اخطفيني - نجمة من بين السما
هَتلاقيني - بين ايديكي السود بَياض
خربشيني - تكسبي قلبي البسيط
واعرفيني - زي ما انتي بتعرفي كل شيء من غير ما اقول

دَخَّليني - أسفل الكِتف الشمال
وقتها ..
هتصدّقي - أد ايه صعب ومُحال
لما اقولك فكّري - فيا من ناحيِة حبيب
لما اقولك فكّري - في الجواب من غير سؤال

فيا عاهة من اللا ديني - فيا كُفر الملحدين
فيا من ناحيِة يَميني - كل شيء كان غير سَليم
بس عايزك تعرفي - إن قلبي المُستَقيم
مال لقلبِك وقتها - كَفَّروه المؤمنين

بس لحظة من الثواني - حَوِّلوني لحد تاني
لما بتكوني في ضلوعي - لازم اتحوّل أناني
أصل عندك كلهم - هَيشوفوكي واحدة سهلة
يعزموكي لـ مُر قهوة - يحضنوكي الحضن شهوة
بس مش شايفين وَتينِك ..
لما نَبضُه يتوه لـ وَهلة - واحضنك - فَـ يسبّوا دينِك

قربيني لناحيتِّك - فاشهَد إنك شيء خُرافي
هُمّا شايفينك عادية - بس بيشوفوا احترافي
لما اعدي في كعبتك - بس مش شرط أبقى حافي
عَمِّديني - اُردُني عامل تَفاوُض
غَطَّسيني - نبقى جَدِدنا العلاقة
الصداقة - حِبري وَسَّخها بقصيدة
قَدَّريني لما اشوفك - كل يوم بعيون جديدة
وابقي هاتي المحفظة - حاسبي ع الطرحة العزيزة
ولّا اقول لِك هاتي إيدك - أصل هَنخُش الكنيسة
هاتي شمعة - وَلَّعيها
إنتمائك - مش ضروري
لو إيمانك جوة زمزم - هاطرُدُه بريحة بخوري
وأرجم الأفكار في راسك - لما نوصل حارة سَد
فَـ تزوريني كل جمعة - واجي ازورك كل حد ❤️

#كيرلس_عطية
#بين_سبحتين_وصليب

اخطفيني | كيرلس عطية

كنت ماشي ف قلبي كل الذكريات ..
كنت واقف ببكي ع العُمر اللي فات ..
كنت لما اشتاق بقول اسمك ساعات ..
كنت بحرق فـ السجاير ولّا فيا 
= يابني روّح مش هتيجي
-لأه هي زمانها جايه ..
عدى ساعه اتنين تلاته 
عدى يوم واتنين و ١٠٠ ..
وانتي لسه بعيده عنّي
والهزايم هي هي ..
انتي زي ما قولتي كنتي بتعشقيني 
ولّا كُنتي بتنسي بيا !
لأ خلاص ملهوش لزوم
حقك عليا ..
لسه بمشي باجُر رجلي ورابط الأحزان كوفيّه 
لسه وقت الضحكه فيه كسره ف عينيا ..
أي عرض نهايته فُرقه ما بين حبايب
ببقى بطل التمثيليه ..
بس عندي سؤال قاتلني ، لما انا مباجيش ف بالك
انتي ليه موجوده فيا ! 

..
كنت ومكونتش خلاص 
ليه تقتليني بكلمه ! ، كان ماله الرُصاص ! 
ليه توحشيني بعد كل اللي اتعمل !
مبقتش اشوف فين الأمل 
مين اللي حب ومين اللي مل ؟
ايه اللي زاد 
ايه الل قل !
الحل ايه 
ده لو اتجهنا ان احنا برضه نلاقي حل ..
مين انا هلجأله لو حسيت بضيقه!
مين هيشرب ويّا مني القهوه مانوا ! 
متقوليش عندك صحابك
الصحاب مكالوش وصانوا ..
الصُحاب ماخدوش عزايا 
الصُحاب مكانوش معايا 
الصُحاب ضحكوا ف ازايا 
متقوليش عندك صُحابك
كنت وحدي لدرجة اني 
وقفت اكلم نفسي قدام المرايه !
كنت وحدي لدرجة اني 
بكيت على القهوه لوحدي 
لما فجأه تعبت معرفتش اقوم ..
كنت وحدي لدرجة اني
كنت عايز حُضن منهم 
ع الاقل يسيب ريحتهم ف الهدوم ..
كانوا بره بيسهّروا وبيضحكوا
وانا كنت وسط البحر غرقان مش بعوم 
مهزوم لدرجة إني مش قادر اقول مهزوم ..
كنت وحدي لدرجة اني 
ماسك التليفون 
ومش عارف اكلم مين!
شوفتي مهزلة السنين !

الهزايم - محمود منير

مصطفى عبدالرحمن ربنا يكفيك

القاء وكلمات : مصطفى عبدالرحمن
هندسة الصوت ودمج الموسيقى : مصطفى الملّواني
دخل في المقطع الموسيقى: موسيقى "على ورق الفل" - صوت "دينا الوديدي"

مش كنا متفقين - مصطفى عبدالرحمن [Produced by : Mustafa El-Mallawani]

مصطفى ناصر .. عملية استئصال الشعر

أخبارك إيه و إنتي بعيده ؟

وحشاني

بعد انتهاء التجربة - مصطفي عبدالرحمن

جديد الشاعر احمد ابراهيم - قصيدة واحد يناير - هندسة صوتيه : رايزو .

قصيدة واحد يناير للشاعر أحمد إبراهيم

قصيدة " من اسبوعين " للشاعر مصطفي عبدالرحمن 
من حفل ساقية الصاوي 10 يونيو 2019

البروفايل الشخصي  https://www.facebook.com/mostafaaboelaala

من اسبوعين - مصطفي عبدالرحمن

جرب سُكاتي هتبكي من جواك
جرب بُكايا هتتقلب شاعر ...!

مش موهبة || فرج البنا - من حفل دار الأوبرا

Farag Elbana

Recent comments

Saja Mohamed ❤✨

Saja Mohamed ❤✨

Mostafa Roshdy

Hend Gamal

Related tracks