ياصاح انا قلبي من الحب مجروح
جرحٍ عطيب مالقى له مداوي

ياصاح أنا قلبي مـن الحـب مجـروح ..

جرحٍ عطيـبٍ مالقـى لـه مـداوي

 

لو ينشـرى قربـه شرينـاه بالـرَّو ح ..

مير البلا شوفـه غـدا بـه هقـاوي

 

أهلِّ دمعٍ فـوق الاوجـان مسفـوح ..

على الَّلذي ماهـوب للهجـر نـاوي

 

أنا ادري إنَّه مثلـي اليـوم مطـروح ..

لاشـك مايقـوى ولانـي بـقـاوي

 

لولاي اداري سرَّ الاحبـاب لابـوح ..

وابيـع بيعـات الهبيـل  الـفـداوي

 

لكنِّي اجحد فيه عـن كـل مفضـوح ..

خوفٍ عليه مـن الحكـي والدَّعـاوي

 

حسبي على الَّلي حط في الدَّرب ساموح ..

العـاذل الَّلـي جـر كـل البـلاوي

 

مـن اوَّلٍ بـاب المواصيـل مفتـوح ..

يـوم إن عـذَّال المـودَّه خــلاوي

 

واليوم سدَّ الباب لـوحٍ علـى لـوح ..

وامسيت أنا ياصـاح قلبـي شقـاوي

Comments

RR

RR

F

مقادير

—

👍🏻.