El Joker - The Father _ الجوكر - الأب .. تراك راب حزين Sad Rap

سمعتهــا ؟! .. فهمتهــا !! .. كــررتهــا كــام مــرة ؟ II Respect For Joker

ElJokar II Enfsam 7ad II انفصام حاد II احمد الجوكر II Respect For Joker

My Acc : www.facebook.com/OnlyForZamalek1

الجوكر - انفصام حاد

Pancakes

الـــكـــلـــمـــات

صحي في يوم مش فاكر من حياته اي حاجه
سأل نفسه : انا مين! ، و قام يدور علي إجابه
لقي في دولابه صورة صاحب عمره قال "محمد"
"انا فاكرك" ، و بدأ ييجي في باله أكتر من مشهد
لقي موبايله و لقي الرقم ، طلبه بدون تفكير
رد صاحبه بـ :يااه يا صاحبي ، فينك من كتير؟
انا فقدت ذاكرتي
عشان كده اتصلت
خليها تحكيلك إزاي علشانها بعت طوب الأرض
بعد ما اتقفل في وشه سأل نفسه مين اللي أنا
بعت عشانها صاحبي ؟ ، و هو بيسأل نفسه لقي
دبله و تحتيها ورقه ، مسك الورقه و بدأ يقرأ :
صعب عليا أقبل مكونش أم ... أتمني تفهم
إنهار وكسّر كل حاجه جت في طريقه ..إتجنن
فين و فين أدرك إن ده مش حل ..استسلم
بيُحاط بذكرياته مع مراته كأنه فيها
اي نعم ناسي كتير لكنه إفتكر حبه ليها

في حياتنا النسيان يُعتبر مرض و لا نعمه ؟!
أغلب ذكرياتنا حمل تقيل ، أكيد نسيانها إعفاء
إستسهلنا الغلط و إتجاهلنا صوت ضميرنا
دايما نشبع رغبات دلوقتي علي حساب مصيرنا(x2)

بعد يومين طوال قرر ينزل بين الناس
قعد على قهوه ، قابل عجوز مسميينه الخال
سأله: مالك يا ابني شايل هم الدنيا لوحدك؟!
رد : نسيت الناس ، و الناس نسيتني، إيه اللي يضحك؟
ضحك الخال .. الواد اتنرفز ، سأله: ايه مشكلتي تافهه؟
رد : يا ابني انا ابني رماني في الشارع ،اديني مرضك لفه
في الآخر خده يكشفله و قاله : يا ابني ثق في الله
و الدكتور طمنه : هتفتكر بالوقت و العلاج
رجع بيته و حبس نفسه لمدة اسبوعين 
أدوية و تمرينات ذاكره بالكاد إفتكر شيئ
قبل ما ينهار عصبيا قال ينزل يرغي مع الخال
قعد مستنيه عالقهوه و زهق بعد تالت شاي
سأل القهوجي عليه ، رد القهوجي بكره غريب 
الخال ربنا افتكره ، و الله ما أعرف ليه ناسيك !
طلع محفظته يحاسب كان زعلان أد ما مذهول
وقعت من محفظته صورة الخال ... بمعني اصح أبوه

اللي ناسي بيجري ورا ماضيه و لو دقيقة دقيقة
و اللي فاكر نفسه يبدل الحقيقة بصفحة جديدة
لو قدامك فرصة تصلح غلطة متسيبهاش
غيرك إتأخر علي ما فهم إن الحياة مبتستناش(x2)
________________________________________­____________

Ba3d El Nesyan

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

بعد النسيان_- الجوكر


الـــكـــلـــمـــات


زهقت من صحابه و من سهراته و من رجوعه 
وش الفجر كل علاقته بيها سد جوعه 
تصونه ليه و هو خاينها الف مره
بيبصلها كل فين و فين هتبص فين غير بره

لا ده كلام شيطان انا بنت ناس و متربيه
هو اختارني فمهما لف مسيره في النهايه ليا
بس لامتي هموت بالحيا عشان يعيش حياته هو
جبان ، شاري راحة البال و بايع الابوه

زهق من نكدها و من طريقة اهتمامها 
كره غيرتها لما بالغت في المبالغه
زمان كانت كل يوم بشكل و بتسريحه
دلوقتي مياه عديمة طعم و لون و ريحه

كانت كل يوم جديده ، كل بنات الدنيا فيها
دلوقتي المخبر اللي مراقبه دقيقه دقيقه
و مقدرتش كونه اصبح ثور في ساقيه
عشان يعوض جنة بابي اللي في المنيل


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين


ليه بتخون؟ ليه بهون؟ ان شاء الله ، و مش بيكون
ليه مسجونه؟ و مش مسجون؟ ليك دنيتك و انا بدون؟
دنيتي اللي هي الشغل و سجنك اللي هو بيتنا !
اقتنعت ان انتي الطرف اللي بتتعبه علاقتنا !

انت خاين ، في الواقع ده اسمه هروب
من ان كل اللي انا حبيته فيكي ملوش جواكي وجود
طب ما انت مش انت اللي انا حبيته ، يبقي اخونك عادي!
احنا في مجتمع شرقي ،انسي شعارات التساوى

انا اكتفيت ،انا لسه عايزك جنبي
انت اناني لدرجه انك عايز تبين انه ذنبي
مش ذنبي لا انا و لا انتي، الحياه اللي ضغوطها زادت 
و مخدر البدايات انتهي ،فعقولنا فاقت

مبقولش اننا وحشين ،ولا مش مناسبين
احنا يا دوب بشر زي كل البشر و البشر ناقصين
متبررش الخيانه ، انا اصلا مببررهاش 
انا بقول اننا خربنا علاقه حرام منصلحهاش 


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين

الجوكر - قابل للكسر

على الشاعر • النبراس • El-Sha3eR • El Nebras

سكان الليل _ اجدد اغاني الجوكر

اغنية كنتي - الجوكر 2018
برعايه طرب ميكس

اغنية الجوكر واحمد مكى انطوائي ج2 حزينه اوى اتحداك

zakialkholy

Recent comments

Zámora ẞspirit

Zámora ẞspirit

عزرائيل البر

Dia Diab

Related tracks