مكي قلبي ف العالم الموازي ✨🤍

اغانى المفضلة 2

اغنية الجوكر - موناليزا تانية -- 2014

غلطة الجوكر.mp3

الجوكر - 2014 - نسعيناتي راب جامد

الجوكر - 2014 - تسعيناتي راب جامد

الـــكـــلـــمـــات

الموت كان أرحملها ، من لحظة وصول أمها
بتجرى عـلى المستشفى أول مرة تخاف تبقى فى حضنها
الأم للدكتو: طمننى أرجوك ، بنتى فى خطر ؟
رد وعينه فى الأرض "المغتصبة هربت ملهاش أثر"
النور بدأ يغيب ، الأعصاب بتسيب
أم بتنهار ومشاهد حياة بنتها بتغيم بالتدريج
نبض القلب بطيئ ، عرق مغطى الشفتين البيض
ثم سقوط جثة الأم أسرع من رد فعل أى طبيب
وتمر أربع شهور ، باب البنت عليها مقفول
ومابتنامش ومابتاكلش ومبيدخلش أوضتها نور
وده حالها لحد وصول ، مُحضر مـ المحكمة بيقول
جلسة نُطق الحكم على الجناة بعد تمنتاشر يوم
يمكن لو كان عليها ، ماكانتش تشيلها يوم رجليها
للفضيحة وسط القاعة لما ينادوا المجنى عليها
لكن موت أمها ، وصلها ، إن الإنتقام آخر أمل
للأم علشان ترتاح داخل قبرها
__________________________

وتبدأ النيابة فى رثاء الفتاة المنكوبة
وتوجه التهم بـ أدلة وتطلب أقصى عقوبة
فتكسر وحدة صوت النيابة صرخة خوف
متهم ورا القضبان لما حس قرب الموت
قال لأ ، موتى وموته ماسموش عدل
متهمين الجلسة لسه أغلبهم بره الكدر
فى اللى سرق ، نهب ، تهمه ما ليها عدد
أنا جريمتى أذية بنت ، هو جريمته أذية بلد
إحنا مجرمين ، هما خلقوا بيئة مجرمين
قاطع كلامه القاضى بـ: حدد الإتهام لـ مين ؟
أحدد أيه ؟ ولو حددت الإستفادة ايه ؟
أنا يا بيه ، أهلى صرفوا على تعليمى آخر جنية
وبعد بكالريوس تجارة ، فرد أمن فى حوش عمارة
أتهان استحمل إبن كل باشا لـ يشتكينى لـ بابا
اخرتها مُقابل فيزا زور بيعت أمى دهبها
فـ المركب غرقت بينا ، مين يا باشا اللى مغرقها ؟
_____________________________

بعد الإستراحة رجع كل شخص مكانه
وجه القاضى التهمة وسأل التانى ايه أقواله
قاله أنا أتعرفت على المتهم الأول على المركبة
اللى كانت وخدانى لحلم حرام تحلم بـ رُبعه هنا
فجأة على الموج ، كل واحد خد فـ إيده طوق
من كل اللى كانوا على المركب أنجى أنا وهو من الموت
سبحان الله ، كإن الواحد ساب الموت وراه
علشان يرجع يقابله هنا ، اللهم لا إعتراض
القاضى قاطعه "يابنى ركز على صميم الواقعة"
رد "من ساعة ما رجعنا بيتاوينا أى مطرح"
علشان هو قال رجوعه لأهله شيئ محال
سابهم يفتكروه مرتاح ، أصبح هم وعنهم إنزاح
وأنا كده كده ، لا أب ، لا أم ، تربية الأرصفة
أكل عيشى من التسول ، طاقمى ده لابسه صيف وشتا
وفى يوم شاربين ساعة فجرية حصلت الجريمة
مش بقول إنى بريئ ، لكن ظروفى مش بريئة


Azmet Mogtama3

Written by: El Joker
Music: Polo
Vocals: El Joker
Master and mix by: El Joker
© 2014 El Joker


El Joker - Azmet Mogtama3 L الجوكر - أزمة مجتمع

lines - 10_13_24, 1.07 PM

El Joker - Ba3d El Nesyan l الجوكر - بعد النسيان

lyrics - الكلمات : 
--
مجاش الوقت إللى أكرهكواا فيه أنا 
عادي فاتك قطر قيس عُمرك بـ 100 قطر ف السنه 
" وعد يالي بتعرف " إنكر " فـ كامـ سنه تتحمل " إبكي
" وانا أبكي عليك وحزني يزيد البله طين " عنيا بتحكي

سكتنا ! .. ولـا إحنا إخوااات ولـااا كُنا 
أنا لو ضعفت ليله أصبح الـاقى الناس هتاكلنا 
أنا مش كداااب ياطيب ! أنا قلبى مش كويس 
أنا حبيتها آها و تعبت و مهما شربت مش بتكيف

إمشى عنى .. روُحك خيطـ نحلى قلبى
ولـااا كُنا حبايب أبداً كنت عشق متعشقشى
فهمنى ليه أموت عالناس إللى تخصنى! 
فهمنى إزاااى مضحكش و مين خياله هيضلنى!!

إندهلى حد يداااوى قلبى بدل عياطى
احكيلك ذنب عِند انا هفضل #وتد مش هطاطى
لو أمُى عينها تفتح أضحك و أنسى همى
و أدينى شويه بضحك علشان هى لسه جنبى:")) 
--
أتعميت .. ولما مشيوااا أنا إختفيت 
و أقول القُرب يهون حالى و كله وباعنى و إتنسيت
كفى بكاياااا .. تعبت ودين الله يا أمايااا
بملى الجزء الفاضي بنزول دمعى فى الكوباايه !
----
اعاشرهمـ ! .. ادلق السمـ ف نن عينهمـ
اعميهمـ زيي ولـا ابوح للطرب واشكي لغيرهمـ
وادور لفوق ناديني فيني اتقال فعيني ذنب !!
وأقول ده ناسي غيري لكن فاكر كل كدب :') ^^
 
وانا 100 لغه انا هسترك لو لحمـ مش هندُغك !!
انا كفراان مجدعه فـ الـاحسن أداااري البكى 
إندهووووني .. قومت اااتكيف كمموووني
العين متجبش ودانها لما احتاجتهمـ سابوووني 

موعود بذنب غيري وافضل أبكي لحالي
مولود بجراح تكفيني ونمت عالدخان عماني
انا اندهك متجيش استنى غيرك يبعد 
دي مش غلطتك لـاء غلطة واحد صاحب زيك -_^

ده سُكري مش هيفوق "ده " ! عمري مش هيموت
ده ' ! ده صاحب إبن إبوه ده أخويا والـاخوااات تدوُمـ '
وانا دوخت ! وشوش الناس حكايات وشوفت
ولو عـ الضل يكرمـ كدا ومهما نداري دموعنا كُحل
---
أتعميت .. ولما مشيو انا اختفيت 
وأقول القرب يهون حالي وكله وباعني واتنسيت
كفى بكاااااياااا .. تعبت ودين الله يا امااايااا
بملى الجزء الفاضي بنزول دمعي ف الكوباايه ☺ !
--
Rec & Mix&Master : Ahmed Fathy ^^
Like & Share If You Like It ♥
--
Follow Me Through :-

 Instagram "   instagram.com/omar_kivock/ "
 Facebook " https://www.facebook.com/omar.kivock "
--
Much Love & Respect ♥

Omar Kivock | 100 لغه - Hundred language

lyrics ..
----

وفر كلـامك وإبعد متكسرش عينك
أحكي إللى تاعب رمشي وأغفل أمشي أحب فيها :")) 
وادور بين العشاق ! وأنده عالحال لو مال معاها 
واعيش فـ أرض الخير وأشف طير بقلوب طيلـاها
 
محدش بـِقـي .. كداا محدش هيخصني !! 
ملعونه صحاب جعانه من أول موقف كله جري -_-
اانا متبانليش دموع .. أنـا بكايـا فـالـلـيـل مكـتومـ
أنا نصحت طوب الـارض لكن فأرضي هجرت الطوب :")) 

واحكيلك باعو .. وبين كترة مخاليقه إداااور
ودااار الدور عليهمـ لف الدور عليا تابو
لو حد مات بيهدواا دااء الفتنه دااقواا أخواتى
أتغير عشان الجنه أموت زعلـان خارج حساباتى

متوهمنيش كرهاني ' .. إنجدنى و افصلها عني
سهراان لحد الصبح ويجي الليل أرجوك فوقنى
استفدنا اي مالسهر غير قلب اتقهر وإنتهى ‼
انا لفيت كتير وحفيت وقبل ما أموت هردمـ قبرها 
--------

إحنا مبنرحمش حد زن الودن أمر سحر .. 
قاعدين ننهش فبعض ولما هنقومـ هنقومـ على ' ذكر'  .. 
ربنا كبير ! العشق مر فكاس أليمـ
' قلمـ ' بيكتب ملل ' ألمـ ' طاال لـ  كـتاب كبير
 
إندهلك تبقى بينا ' تسبني ' البلوه حب فلمه ' بيعمي' 
تجري " وأنـا أجري " ومنلحقش العمر إللى راح وبيجري
ومبنحصلش ، إحنا قلوب غلـابه متتصلحش
طريق كاره للفرح غامق زي  الليل فـ البحر !!
-
الماضي خيال مأته إللى جاي بـ 100 قناع
الدمـ ساح برود فى نغمـ مشوش مالـالحان
مخلصتش الحكايه البطل لسه بيغامر
عملواا عكس الـايه " رافقواا الكلـب لما إتذائب " ‼
-
ولو على بنت عمري  ف أنا بختي محبهاش  :")) 
وأحب نسيمـ الفجر وأشغل بالي بالـاوهامـ
كداا الحكايـه بانت تدريجياً لو مركز .. 
متحكيليش أحزااانك أنـا بموت وبقول كويس .. :")) 
----
Rec & Mix&Master : " Ahmed Kamel " 
Prod By : >> S-lam Shetoz << 
Like & Share If You Like It ♥
--
Follow Me Through :-

 Instagram "   instagram.com/omar_kivock/ "
 Facebook " https://www.facebook.com/omar.kivock "
--
Much Love & Respect ♥

Omar Kivock | طوب الارض - Earth Bricks

NINJA EL-SHAB7 ❂ 01152171281

اغنية 2 ابريل - الجوكر

BooDy mohamed - Official

الجوكر واحمد مكي- اجمل اغنيه حزينة جداا سمعتها في انطوائي

إسمع فى الهاند فرى و إندمِج ^^
--
LYRICS - الكلمات :

أيامـ و عَدت , رَقبتى إتلوحِت
أعيش متوحِد , أكون كـ بيت قديمـ مِكركِب
مشيت بـ ضهرى شوفت نقص أصحابى
عوجت لسانى فـ إتكربجت بـ صوت ضمير حيطانى

أَخِف الضرب أصدع , هِديت من براا
هَديت فى نفسى جواا نفسى و جواا منى مصارعه
الخوف جمعنى , مشيت و صوت صريخ تبعنى
جريت وكنت بنهج و أنده " قلبى إندمج وما سمعنى

أعيش بـ مُخدِر , أنا مُدمر , فـ بفصِل
فـ أكمِل , مش هخسر , هفوق مـ الـاول
مجنون بـ ميزه , أموت ملـاك و تعيش إبليسه 
غرقت فـ بيره , أطفى الجوب , أنور بيسه ..

أنا بين مُنحدراات , بلِف فى إصطفات
عشيت بـ مية قراار , بان الليل و أنا كُنت فى نار
بخواا السِمـ من لِسانهمـ تحت مُسمى " هزاار " 
أنا فى عاركه جواا دماغى , قولى إزااى أهرب فى بار '!?
---
أستنى عـ الغراامـ كتير , أكيد هتعوج
مش هرسمِك لونى كبت , كونى شاب , فى قلب تِبت
خوفى يأس إنى أبقى حد غير ما عوزت , فـ بتقسِمـ
أكيد بعد الملـاك فيه وحش هيصحالنا " وهنتهلِك

أنا فـ الـادنى , مَحيت كلـامى بدخنه
مُخى عضمـ مش هتخلع , مش هتحبك يا أهتمـ
مش ههتمـ , بسهى , بكسب و أنا مغمض
إتجنبت الشوك بتعور , مش هتغلِب شوق و أعيطـ :)

الليل بروزنى فى لوحة الميتين " و دب كتابتى
صَحى مشاعرى فتره , و سابنى جُثه بحكى
مش هحِب غير مشنقتى , هشتاقلى
إسلوب حكايتى إختلف , قلبى إتجرد من عبايتى 

الناس دى محبتنيش , متحكيليش أتعاب
كُنت طيب بين أندال بتعاب , كت داايره إستهبال -_//
' و لو إن مراايتى ' أذيه ' باب لـ عالمـ تانى ' و ليا
' عيشت فتره فى ' إزدوااجيه ' فـ حضرت بسالب ' شخصيه
---
فـ مريض أنا بـ ما بعد الـارق كـ المُختل
مش وااجدلى حل , كُنت باقى فـ مش وااخدها جد
مكُنتش أحسن حد , مشوفتش أسوء منى 
كـ إنفصامـ بعيش غير سنى , عاودواا حوجه لـ سندة كتفى 

أنا مش بينا , مش هاممها نبقى '!?
أنا إستنيتك , فـ إنتى مش هتكونى سندريلـا ..
مصاحبتش مالسعاده غير كلـامـ عنها " و بضحك
كُنت أبات عـ الورق " لما أتخنِق " فـ أصحى أهدى

منكرش سابت أثر , بَحن مهما حصل
جت وإختفت جت وإختفت لعبت بيا " فـ قلبى إتكسر
مش من نصيبى و مش هتساب للقدر
ولعت الجوب إحتفالـاً بـ إللى قولتهُ وحصل .. 

بعزف عـ البيانو دمى , ما هحلقنى
عيشت الليل لوحدى , و كان لوحدى " أنسبلى 
شوفت العجب فى الـايامـ دى , كت شيطان سبحلى
كت بتعزف 'دبحى' على نِوت غلبت طرب قلبى ")
--
- REC & MIX & MASTER : OSSAKAA ^^
- LIKE & SHARE IF U LIKE IT ♥
---
Follow Me Through :-

 Instagram "   instagram.com/omar_kivock/ "
 Facebook " https://www.facebook.com/omar.kivock "
--
Much Love & Respect ♥

Omar Kivock  | هزار - Banter

متطلّبات الجنة:
_______________________________________
Intro: scene 1
-انت عايز تعمل ايه
=يعني مش عارف
-عارف، زي ما انت عارف ان دي مش الطريقة اللي هنلاقي بيها اجابة
=مبقتش عايز اجابة.. انا زهقت.. مبقتش عايز اسال نفسي عن اي حاجة
-انت اذكى من كدا.. مش انت اللي يوهم نفسه.. ولا اللي يريح دماغه وميفكرش
=شكلك عندك أمل تقنعني! 
-انت لسه برضه مفهمتش اني مش بحاول اقنعك باي حاجة.. انا بدور معاك.. وبسأل نفس اسالتك.. والأمل اللي عندي إنك تسمعني عالأقل
=قال يعني هتقولي حاجة معرفهاش.. ما انا حافظ كل نصايحك.. اسمعك ليه وانا عارف انك هتقولي.. 
_________________________
Verse 1:
معلش، آخر مرة، استحمل، عيد شريطك تاني
أدوق أنا المّر في حياتي، وانت تطبطب في الأغاني!
ماعادش في مساحة لربك فاكرنا فمتقلقش
ناتج الظلم كان مفروض العدل ولسه متحققش!
فكل مرّة كنت بهدى وأصدّق، إني لازم أصدّق
ليه بتقنعني أغطس أعمق كل ما تشوف إني بغرق!
القشاية اللي انت شايفها دي مش أمل ده سراب رسمته
بتشوف في الضرر حسنته، وتخفي غضبك بابتسامته
والغريب مهما عكس كلامك حصل لسه مؤمن
بتلاقيلك سبب مقنع، حقك مش هيضيع لا يمكن
فالحق بيتنسي، وتاني اتأذي، والمؤذي بيتكسي
والسؤال لو الرقيب ليه حكمة، أنا لمين اشتكي!
آمن بفكرة لكونها أذكى فكرة، ما إنت غبي
"صدّق لحد ما تتأكد" ده عمره ما كان مذهبي
الشك اللي انت خايف إنه يعيش، بياكل خوفك
بيهوّن عليك وظروفك "تغلط والإله يشوفك" 
________________________
Scene 2:
-ايوة بس أنا مكنتش هقول كدا
=يا سلام! من امتى بتفكر بطريقة مختلفة
-انا كنت عايز اقولك انك طلعت عندك حق
=ما انا عارف من زمان، بس يا ترى انت ايه اللي خلاك تغير رأيك دلوقتي 
-عشان المرة دي فهمت مشكلتك
= وايه هي مشكلتي؟!..
-نتايج افعالك.. وافعال اللي حواليك بتقنعك تبعد عن الصح.. يعني مثلا لو جربت
_________________________
Verse 2&3:
تعيش بتحاول تمحي جهلهم، محدش هيعلمك
اديهم آخر لقمة وجوع، محدش هيأكلك
ما انت طيب، فكرك سوي، فلأجل المصلحة العامة
بتستحمل وقوع ضرر عليك لخروج عدد من أزمة
وطول ما فيك حيل انت بتشتغل وغيرك لأ
ما المسمار المتني في راحة والسليم طبيعي يتدق
وبمعايير الدنيا هيقولولك ان المتني ناجح
وانت متعترضش عشان نجاحك جنة وانت عارف
مش بس كدا الضمير بيعلى فالمطلوب بيزيد
والمقابل مش نجاحك لأ، انك للكون مفيد
فلا حد هيشكر سعادتك، ولا هيرد الكون افادتك
مانت هدفك، عارف انه نجاح على المدى البعيد
فبص، محدش هيساعدك، مش هيعيشوا الوقت بساعتك
ايوة؛ غير انك تمشي صح هتشيل ليلة مش بتاعتك
فاكر لما كنت قريب من حلمك كام شخص بعدك
كل عنصر فيها جزء من نظام بيحفر تحتك
اوعى تصدق إن خوفك من العقاب كرادع نافعك؛ 
.. ابعد عن الغلط عشان غلط هتزيد دوافعك.
.. السم في العلاج، وخوفك من المرض خلاك
على استعداد.. تقتل شيء في يوم تلبيةً لاحتياج.
واوعى تظلم حتى لو هتتظلم من الكل
كل ظالم فتيل مظلوم، اقطع انت حبل الظلم
لكل فعل رد، دايرة كحق ليك مشروع
بس أشرفلك تكتب اسمك على طَرَف الحبل المقطوع
هيسرقوك، وهتيجي فرصة تسرق.. حكّم أصلك
هتشوف نساء سعيدة بالتحرّش.. غضّ بصرك
علماء الدين هيشاوروا باليمين على الشمال
واتخلقلك عقل عشان تحتكم ليه مش للاقوال
صعب؟ ما طبعا صعب.. مش نفسك تروح الجنة!
ولا فاكر ان بجملة حقك في النعيم تتهنى
لأ جنب الشهادة مطلوب عبادة وصالح الاعمال
وبعد ده كله دخولك الجنة برضه مجرد احتمال
_________________________
Scene 3:
=اديك قلتها.. اتعب نفسي ليه بقى من الاول، المهم انك فهمت اخيرا.. ممكن بقى تسيبني في حالي! 
-لأ..
=انت مبسوط يعني وانت شايفني بتظلم! عاجبك اوي اني كل مامشي صح اندم.. واشوف بعيني كل اللي ماشي غلط مرتاح! 
-تفتكر انا هدفي اديك سبب زيادة انك تستسلم! تفتكر انا فعلا عشان مش راضي باللي بيحصلك هسيبك تتوه!
=انت عايز مني ايه 
________________________
Verse 4:
مش عايزك تفهم غلط، بحضرّك، مش بحبطك
عايزك في كل لحظة تبقى واثق من خطوتك
انا شفتك استحملت الاذى من الشارع و المدرسة
صمدت رغم كذا وكذا، ودلوقتي بترجع للاسف
مش هقولك انت اخترت فلو هتمشي ايه اللي جابك
طول ما سؤالك لسه عايش عمري ما هزيف اجابة
ولا هسيبك برضه تتوه في سكة مش لاقيلها هدف
وعد هفضل المحايد مع انه المنبوذ للاسف
مش هزيّف الحقيقة، الطريق ده مش ممهد
هو اصلا صعب بيهم، شبه مستحيل لوحدك
بس عارفك، كل ماتتعب هتشوف في التحدي راحتك
مش ضامنلك مكسب؟ يمكن.. بس ضامن تكسب نفسك
مش قادر اوعدك بالجنة، مش عايز اقنعك تستنى
حب الصح عشان ده الصح ده اللي كنت عارفه عنك
انت اسمى من المقابل، انت آخر صح فاضل
انت آخر نقطة بنروي بيها شجرة الفضائل
________________________
Outro:
انت النقطة اللي بتتقاطع فيها روح كل الفصائل
انت الاثبات الوحيد عالحكمة في خلق شيء عاقل

Last Rap Seed

علامة استفهام 4

Motatallabat El-Ganna - متطلّبات الجنّة

الكلمات 

وحشته .. الدوامة اللي ياما بلعته
صبتله كاسين فنسيها .. صبت تاني عشان نسيته
متعرفناش .. فقالت دنيا .. قال عاشت الأسامي
جم البار في حضن بعض ، وطلعوا في حضن بعض تاني

جيت م المستقبل عشان انقذك .. بدل ما دنيا عليك ما تميل
قولتلها انا هو لما يكبر ، وبقولك ده عيل
للفشل ماشي ، ومـ الفشل للكسل ماشي غاطس
مش عايز مني قرص ملكش عندي عسل خالص

اتفقنا؟ بنراهن على نفسنا لما بنخسر مبدأنا
بنحضر فينا الجن ، ونقرا الآية اللي بتحرقنا
أكتر حاجة عملنا حسابها الوقت اللي بيسرقنا
رغبتنا في كوننا سوقنا خوف لـ نكون اتساقنا

خايف يطلع اللي شيلته مش أتقلك
حتى لو هتقولي لأ مش هسألك
تلات تربع حروفنا مش في مستقبلك
محدش مـ العساكر دي بيترقى ملك

سيبها .. مش دايمة .. خليك انت قاعد .. هي اللي قايمة
مكنتش جيت من بكرة لو المراكب كانت عايمة
مش زايمة! لا مش بتحلم .. هي اللي نايمة
هتصحى ، وهتقلب عليك الطرابيزة زي ما بتعمل دايما

بتكابر ، وعندي ، وراسك بتسيب على سور الفرص علامات
صباعك يتحرك .. يقولوا بـ الهمس: مش كان المفروض إنه مات!
انت بذرة الصوت اللي رافض أنحني .. مهما الدنيا تهدني
وانا لو عارف أتجاهل الصوت آجي أحاول ليه إني أمنعه يتبني؟

خايف يطلع اللي شيلته مش أتقلك
حتى لو هتقولي لأ مش هسألك
تلات تربع حروفنا مش في مستقبلك
محدش مـ العساكر دي بيترقى ملك

بكرة هتكبر ويومك يتزحم
وتبدأ من بعض الحاجات تنسحب
هتبدأ تبقى مادي ، وفجأة تتسحل
وتفشل تهدي ؛ تعوز تنتحر
وكله إلا اللف من نص الطريق
كل اللي شك كان موته بطيئ
ننجح نسدد ضريبة توفيق
نجوم وبنشيل غلطات الفريق
كله إلا اللف من نص الطريق
كل اللي شك كان موته بطيئ
ننجح نسدد ضريبة توفيق
نجوم وبنشيل غلطات الفريق
هتكبر ويومك يتزحم
وتبدأ من بعض الحاجات تنسحب
هتصبح مادي وتتسحل
وبالتدريج هتعوز تنتحر

خايف يطلع اللي شيلته مش أتقلك
حتى لو هتقولي لأ مش هسألك
تلات تربع حروفنا مش في مستقبلك
محدش مـ العساكر دي بيترقى ملك

الجوكر واحمد مكي- اجمل اغنيه حزينة جداا سمعتها في انطوائي

zakialkholy

Recent comments

Ali Lol

Anosh

عبدلله الحناوي

محمد اللواء

Related tracks