أنا يا طير - ميسون صلاح

سايق دلالو علي - ميسون صلاح

مجموعة من أغاني الدلوكة مع الفنانة السودانية قسمة على برنامج هلا ٩٦ الإذاعي(ستايل مع د. أحمد حمد)

قسمة - مجموعة من أغاني الدلوكة (ود البلد/ بسحروك ليا/ ست الفريق)

إحترامي إليك من صميم قلبي
غير ما أشعُر..
أتفانى عليك و الدليل حُبِّي
تسمِح تنظر..
شوف دموع عيني
سايلة فى خدَّي
من لهيب الشوق..
برضو مافي خلاص
هكذا يا ظالم
جزاء الإخلاص 

ذُبتَّ في حبك
و الفُؤاد مجروح
ما فضل مني
شيئ خلاف الروح
هكذا الأشواق..
تسمو بالعشاق..
من ثرى الأشباح لي سماء الأرواح
حيث تروي هُناك..
للنجوم معناك سابحة في عَلياك
طاهرة كالأملاك..

إنتِ أبهج نور من بدور الكمال..
سابحة فيك آيات من معاني الجمال..
تجعل الفنان
عبقري الخيال
لو نظم أشعار
أو عزف أوتار
تندهش أفكار..
و العقول تحتار..
يا جميل ياما في الجمال أسحار..

أنا في شخصك بحترم أشخاص
و طبعاً عندي إحترامك خاص..

كلمات عبد الرحمن الريح

أسحار الجمال (إحترامي إليك) - ضياء الدين السر، تسجيل قديم.mp3

برضو يا أيامنا حِنِّي
تاني يا أيامنا حِنِّي
ما خلاص كِملت دموعنا
ما أظن يجدي التمني

نحن من ما عشنا فيكِ
ما حصل في يوم فِرِحنا
مرة غايتو نقول مقادير
مرة نتحمّل جرِحنا

ياما ضُقنا المُّر أنحنا
من عذابك ما استرحنا
برضو يا أيامنا تجني
لا بتجاملي ولا بتحِنِّي
نحن ما كِملت دموعنا
ما أظن يجدي التمني

*******

شيلي يا أيام عُمُرنا
بس شِويَّة علي هوانا
ياهو زادنا الباقي لينا
ياهو في المشوار عزانا

نحن لسع في ربيعنا
دابنا نتحسس خُطانا
انت يا أيامنا تجني
لا بتجاملي ولا بتحِنِّي
نحن ما كملت دموعنا
ما أظن يجدي التمني

*******

يوم عرفنا الريدة مرّة
قلنا ياها الباقية لينا
وكُنّا خايفين من عوايدك
تاني ترجعي تفجعينا

رحنا نفرح ما علينا
والفرح بان في عينينا
انت يا أيامنا تجني
لا بتجاملي ولا بتحِنِّي
نحن ما كملت دموعنا
وما اظن يجدي التمني

*******

جُور لياليك ما رحمنا
نحنا ياما صبرنا ياما
والصبر عذَّب قُلُوبنا
برضو في وجوهنا ابتسامة

دايرة لي ريدنا السلامة
ولا خايفة من الندامة
نحن ما كِملت دموعنا
ما أظن يجدي التمني


ريل

Popular tracks