Intro :
بقيت ف الناس أنا بستنضف 
الدايرة صعب تدخل فيها بدون تذكرتك 
لا بعطف  .. ولا الطف 
لو هتقل معانا ازميلي هتتشطف 
x2 


(ayyye) 
بدوس بنزين و مش بهدي
صوتي يجيبها لحد عندي 
بشطب أي حد باعني
بلف الدنيا و مش هتساعني 
و مش هييجي حد بعدي 

و لسة زميلي ببني ف نفسي
بالفن ازميلي برسم نفسي 
كل خطوة كانت بتقسي
بتعدي فترة و مش بتنسي
نسوان بتلسن و إحنا نودي

طب ليه بتزن
أنا مش طالب غير تقدير
و دماغي ت ون
زميلي ف يوم عقلي هيطير
و قلبي يشت 
و دايما مايلة مش بتطيب 
طب هييجي ف يوم و أغيب
هي تشد أنا بسيب 

هياخدوا منك كل طاقتك و ف الاخر هيسيبوك 
و لما تبقي فاضي و عايز حد يشيلك هيلوموك 
و مش هيشيلوا جميلة ليك 
ف ضلمة الوحدة هتناديك 
هتتغير الف درجة و تمشي لوحدك ع الطريق 


يا زميلي دايما كنت أقول إن الدايرة بتديق
  Heal كأن الزون بتقفل و أنا مش معايا 
كنت أقول ازميلي ف يوم إن الضربة هتصيب  
 مرة كانت تصيب و الف مرة كانت تخيب

مجمد قلبي و دي مش شغلة بوجي و طمطم 
مش فاضي أراضي كل حد كان مكلضم 
مش هطبطب  ولا افضفض 
لساني يقول تراث لسانك كان مترب 
طموحي حفلة اخلي فيها الناس تتنطط 
طموحي أعمل بواكي كتير تكون م الاخضر 
ومتزايدش ... أنا بقدر 
لو حد ف يوم سمعني كان بصوتي اتأثر 


طب ليه بتزن
أنا مش طالب غير تقدير
و دماغي ت ون
زميلي ف يوم عقلي هيطير
و قلبي يشت 
و دايما مايلة مش بتطيب 
طب هييجي ف يوم و أغيب
هي تشد أنا بسيب 

ربي يسهلي الصعب 
و البفه يخليها لبعض 
كام واحد قبلي قال ازميلي إن إنت بتشتكي م الضعف 
روح شوفلك عيل يا منيل يتمنالك أيها فرح 
 يزميلي شلتي هيبة و صرح 
و دايما واقفين ف الضهر 

يا زميلي دايما كنت أقول إن الدايرة بتديق
 Heal كأن الزون بتقفل و أنا مش معايا 
كنت أقول ازميلي ف يوم إن الضربة هتصيب 
 مرة كانت تصيب و الف مرة كانت تخيب

MONO X Dj DawSha - Zone | مونو و دي جي دوشه - زون

Written & performed by : MONO
Produced & mixed & mastured by : Dj DawSha
Artwork By : jemzzz


كلام كتير ف دماغي بس قليل بيطلع
زي نجوم ف السما بس قمر بيلمع
دلوقتي دماغي شغالة اوهامي تكتر تجمع
في ليلي بحكي للسما و أنتا لوحدك مين يسمع

كانوا كتير بس سابوك
أفكار ف دماغي تأثر ع السلوك
سكينة ف ضهرك قولي مين أخوك
بتعيد يومك أكنه ديجافو

مكنش غلطي م الأول
 ساعات دماغي تتحول
بحس إني مرفوض منكم اكني ماشي بتسول 

مش فاهم بس بجري ع الطريق 
كبرنا فجأة كان في صبي 
حقيقة ولا دي أحلام أكيد 
أفكاري تقتل كل يوم تزيد 
بعامل نفسي معاملة الصديق 
بحكي ليها همي ازميلي مش بتديق 
بكون فيها دايما شخص جديد 
ده بيقتلني بس أي الجديد 

بدمر نفسي مصاحب الدخان 
وقت الشدة الاصول بتبان 
بيبان خسيس بيبان جبان 
ضيعت وقتي بس مش ندمان 

مش هركز غير على جيبي 
همشي كل دولا على كيفي
كلامكوا كله ماشي على زيف 
نزلت بس رايح على فين 

نسيت همي ازميلي و اتلاشيت 
ف الشتا قلبي يدور على بيت 
كان نفسي أشوفك بس على عيني 
أحلام بتجيلي دايما كل ليل 
كله اختفى فجأة ليه اتنسيت 
بكرهني ف كل مرة أقول ياريت 
كله مرة اصفي دماغي أكون رميت 
ارجع نفس النقطة من ما ابتديت

جسمي اتخدر 
عقلي دفتر 
أسئلة ف عقلك
مين يفكر 
كلامي أقوله ف وشك 
يا زميلي مش هغشك 
بيطلع مني مرة مش بحضر
خدت منك صد 
مخدتش منك رد
كتمت ف قلبي الصبر
أنا مش بألف 
هتوديني القبر
مش برمي ف البحر 
مش هقل بكلمة مني لو هتجود


MONO X Dj DawSha - Kalam kteer | مونو و دي جي دوشه - كلام كتير

Written and performed by : MONO
Produced by: Dj DawSha
Mixed & mastured by : Dj DawSha
Artwork By : Ahmed M Ali (Alexander) 
Artwork name : Al Araq - الارق 


Lyrics :

لفيت نص بلاد الخلق و لسا أنا ما ارتحت
لما كنت ابص قدامي كنت ببص لتحت
لسا أنا بعاني و مش لاقيني ف عقلي سد
حتى البحر قالي كل همومك عايزة سحب

و لسا أنا مش بحكي
كل حاجة كانت ف دماغي بتظهر و أنا لوحدي
 نفسي ألاقي حل بس هسيب ده كله و امشي
سمعت نص هموم العالم وما في حل لمشاكلي

عشان أنا اكتفيت
مش شاغلني أي حاجه عشان ده كله زيف
دمي كان ع الارض بس عمري ما اشتكيت
محدش كان سامعني و لأجل ده أنا غنيت
بس مش بلاقي إجابة يابا أنا اتجنيت
و عمري ما حنيت
عشان كدة اختفيت
مش لاقي لقلبي بيت 
مش لاقي لعقلي زيت
أصل ملقيتش ميزة لما بعدت تآني و جيت 
كان بيبقا عقلي سايح كل يوم بليل

مكانش فارقلي أبقا نجم الشاشة
مكانش فارقلي خالص أبقا أي حاجة
طموحي كل مادا كان يزيد زيادة
عشان لما أفكر  مش بلاقي افادة 
ليه عايشين في غابة 
تعبنا من الكئابة 
كله بقا سادة 
و الحزن بقا عادة 

الحزن بقا غالب 
ليه عايشين ف قالب 
كله بقا اسطمبة 
و ما في حد فالت 
المشاعر دي بالسالب 
السف بقا عاجب 
بس ما كنت استاهل 
إن كله يروح بالساهل

كان مفروض إني أقدم روحي فدايا 
كنت خايف آنتي تضحي و يبقا كل ده جوايا
بس العكس ده إللي دار و كتبتي نهاية 
عشت سنين من الحزن بس يابا أنا اكتفيت 

مش شاغلني أي حاجه عشان ده كله زيف
دمي كان ع الارض بس عمري ما اشتكيت
محدش كان سامعني و لأجل ده أنا غنيت
بس مش بلاقي إجابة يابا أنا اتجنيت
و عمري ما حنيت
عشان كدة اختفيت
مش لاقي لقلبي بيت 
مش لاقي لعقلي زيت
أصل ملقيتش ميزة لما بعدت تآني و جيت 
كان بيبقا عقلي سايح كل يوم بليل

MONO

Popular tracks