Battu Ri Nakke

Produced : Kapthen LHC
Mixed Mastered : Ajin Buddies

Grill Daeng Lopo - Agadang Seppa'

Mangkasara’, la ku carita battu riolo
Kalengku ca’di inji wattungku jari anak lolo
Tu toaku dongko’ vespa inji tenapa na’oto
Mangkasara’ banyuanyara’ na pamarrung carita sallo

Kalengku ammantang i lalang agadang seppa’
Ri ampi’ balla’ku sangnging tau ta annaba-naba
Pabotoro’, painung, pasabu-sabu na palukka’
Tena kabajikang la ni gappa manna silama’

Sarro tu toaku appasang angkana teako pinawangngi 
Kapanrakang nu gappa punna tena nu pilangngeri
Salama’ ni boya ri lino jari siratangko ngu’rangi
Ka punna kamma anjo kodia la nu tunggelengi

Tamalla'ka bassung sinampe i rawa mako anjulung
Kambu’sulu’ abangnu na saba’ ulunnu riolo ammattung
Jannang mako ammempo sulengka rapa’ dalle’ naung
Jari turungka annaba bida’na tale’ba’ka runtung

Turungkana Mangkasara’
Sangnging Sissi’na la na tannang
Ka’bulamma ku kana mae ri kau 
Teako bambangi na tolo

Turungkana Mangkasara’
Sangnging Bankengna na pari dallekang
Ka’bulamma ku kana mae ri kau teako sungkei bone ulunnu
Ka punna kamma anjo kacinikangi tolonu

Le’ba’mi anne ku pau
Panggaukangnu andanggalli ulu
Rurusu’ batang kalengku
Ancini’ ngasengko silaga angngerang kalewang
Nu kana bajiki punna tale' talekang
I nai rewa ? Ero’ka anne a’kuta’nang
Ka punna rewako anjoreng mako si tayang
Anjo kalewang teako pari bokoi pari dallekang
Na ni ciniki kereanga sitojengna jangang

Ri cappa’ agadang tuli a’kunraring
Tau maraeng ammalo iaseng nu jalling
Janjang birisi’ kamma la nu sare pattampiling
La ngapako ? Panggaukangnu kodi ku sa’ring

Ka manna tassere’ bijannu ngondangi balandayya
Purinannu tassere’ ansimbangi campagayya
Tala ku cinikako na saba’ kalengnu tassala battu ri bajika
Tebaroa mae mako anrinni nginung je’ne sikaca

Turungkana Mangkasara’
Sangnging Sissi’na la na tannang
Ka’bulamma ku kana mae ri kau 
Teako bambangi na tolo

Turungkana Mangkasara’
Sangnging Bankengna na pari dallekang
Ka’bulamma ku kana mae ri kau teako sungkei bone ulunnu
Ka punna kamma anjo kacinikangi tolonu

Agadang Seppa’

Grill Daeng Lopo - Siriwa

Verse 1 :
Annya’ring ri ta’gilingna alloa
Tette’ tallu danniari a’mata inja
I rate katinroang angra’ba annawa-nawa
Sallang arengku kulle lompo na ku tinro na ku so’na

Siriwa ku kellai la amminawang
Tompo’kale I rateang bida’ lompo ku sareang
Turungka a’lengu’ ri pangngadakkang
Sare mami barisallang punna kamma inja alle mami tempaka’rang

Tayangi rong mempo maki rong
Lambusi bangkengta rong
Bajiki pa’mai’ta rong
Turungka a’lengu’ na saba’ i katte tu toayya ta le’ba’kami ki pasiasseng
Kereanga anjo ni kanayya siri’ ni paenteng
Iareka pacce ni paenteng
Iareka sassala’ ni renreng
Iareka katte tena tongmo na ngisseng kutaeng
Jari tea’ maki larroi punna a’lampa maraeng

Chorus :
Tuloloa sigandeng bayoangna
Mange ri malino
I rate bulu silaga sipa’rua
Karaeng tena laloja na remo
(2x)

Verse 2 :
Kau ngaseng taurungkaya
Sarro ngaseng a’lampa bella
Kella kukellai ammotere’
Barang sipattang jannang ammempo i rate tappere’
Sollanna katte a’kulle sita’gala’ jarre’

Tempa tempa sarro ero’ la ku dengka
Mingka sa’bara’ ku kasu’mang
Ku boli’ boli’ anciniki tuloloa
A’lampa sierang bura’ne ta ku issenga

Tena ki u’rangi riolo wattunta rungka inja
Siapa baine ki erang ta’sambe sambe
Punna tata appau tena na a’balle balle
Anjari bacayya ka jai baine ki rampe

Pammopporang mama punna kalengku tena na lewa
Tena tau tangkasa’ kalengna ri linoa
Siratangki a’carammeng ri panggaukangta allaloa
Massing-massing kale sallang sirekeng dosa

Chorus :
Tuloloa sigandeng bayoangna
Mange ri malino
I rate bulu silaga sipa’rua
Karaeng tena laloja na remo
(2x)

Siriwa (Produced By Ajin Buddies)

Kultur Rap, Etnis Rap, apapun yg bernada seperti itu

Grill Daeng Lopo

Popular tracks