Neue Musik von Maya Mos und Studio Pengel nach der Lyrik von Neidhart von Reuental (ca. 1200 v. chr.). Es spielen: Cello: Andreas Wolf, Geige: Daniel Thieme, Bass: Michael Frunsch, Gitarre und Gesang: Maya Mos, Drums etc. Marcus Pengel.
Text:
Owe dirre not wie habent sich verwandelot
diese lichten summertage
von so seniclicher klage
truret manig herze daz in hohem Mute waz.

das ist aber elliu jar, daz der winter offenbar...
uns beroubet ane wer,
mit gewalteklichem her,
er benimt uns vil der schonen bluomen unde gras,
also hat ein wib,
mich beroubet gar der sinne,
an den triuwen unde ich si so herzeclichen minne,
wie wart ungenedig ie so minneklicher lip.

Owe Dirre Not

neue Musik von Maya Mos zu alter Lyrik von "Frau Ava" (12. Jht.). Es spielen: Cello: Andreas Wolf, e - Gitarre: Zwonk, Querflöte: Béla Csiszér, Bass, Gitarre, Gesang: Maya Mos, Produktion: Marcus Pengel.
Text
An dem ersten Tage, so hebet sich diu chlage, 
so wirt daz zeichen da ze stunt, 
diu wazer smiegent sich an den grunt.

An dem andren Tage, daz sule wir iu sagen, so
get iz aver wider uz, vil hohe leinet iz sich wider uf.

Wo biginnet iz bellen mit michelen wellen, 
daz iz alle die horent, die den sin dare cherent. 
Uber elliu diu riche, so stet iz vorhtlichen. 

An dem driten tage, alse ich vernommen habe, so wider
fliuzet ob der erde daz wazer al ze berge.

Wider get im der stram, daz sihet wip unde man. So 
trutet allez daz der ist, wande daz urteile nahen ist.

An dem  vierden tage so wirt ein mere chlage. So
hevet sich von grunde, viske unde alles merwunder						So hevet sich daz gebvugele, daz e fluoch under himele
ufen daz gevilde, iz si zam oder wilde.				

sie wuofent unde weinent mit michelem gescreie.
Si bizzent unde chrouwent, ein ander si houwent.

So chumet vil rehte mit sere tach der sehste. Der
himel sich verwandelot, er wirt tunchel unde rot.
An dem manen unde an dem sunnen siht man michel wunder.

An dem zehenten tage, vil luzel sul wir daz chlagen. So ze-
vallent die burge, die durch ruom geworht wurden. 
Berge unde veste, daz muoz allez zerbresten.

(An dem einleften tage, des sul wir unsich wol gehaben,) 
so zerget vil sciere, da diu werlt mit ist gezieret: 
golt unde silber unde ander manech wunder,
nusken unde bouge, daz gesmide der frouwen,
goltvaz unde silbervaz, chelche und e chirchscaz.

So hevent sich vier winde in allen den enden.
Ein fiur sich enbrennet, daz dies werlt verendet.

Daz liuteret iz allez. So brinnet stein unde holze
wazzer unde buhele, die der sint under dem himele.

So chumt der jungiste tach also sciere so ein braslach.

Daz gebeine si chukent, die toten si wekent. 
So samenent sich mit eren lip unde sele
daz ist vil wunnechlich, die guoten sint dem sunnen gelich.

das Jüngste Gericht

Neue Komposition von Maya Mos nach der Liebesyrik von Konradin dem Jungen (um 1200). Arrangiert von Studio Pengel Hamburg. Mitwirkende: Maya Mos: Gesang, Michi Frunsch: Bass, Andreas Wolf: Cello, Dimitij Schwarzbaum: Geige und Béla Csiszér: Querflöte.

Text:

Ich fröie mich manger bluomen rot, 
die uns der meie bringen wil.
Die stuonden e in grozer not.
Der winter tet in leides vil.
Der meie wil uns ergetzten wol 
mit mangem wünniclichen tage.
Des ist diu welt gar fröiden vol.

Waz hilfet mich diu sumerzit
und die vil liehten langen tage?
 Min trost an einer frouwen lit
von der ich grozen kumber trage. 
Wil si mir geben hohen muot, 
da tuot si tugentlichen an,
und daz min fröide wirdet guot.

Swann ich mich von der lieben scheide,
so muoz min fröide ein ende han.
Owe, so stirbe ich liht von leide
daz ich es ie mit ir began.
Ich weiz niht, frou, waz minne sint. 
Mich lat diu liebe entgelten vil
daz ich der jare bin ein kint.

Bluomenrot

Owe Summerwünne, Liebeslyrik von Neidhart von Reuental (Anfang 13. Jahrhundert). Vertont von Maya Mos, arrangiert und produziert von Studio Pengel, hamburg; mit Beiträgen von Michi Frunsch: Bass, Andreas Wolf: Cello, Dimitrij Schwarzbaum: Geige und Béla Csiszér: Querflöte, Gesang: Maya Mos.

Text:

Owê, sumerwünne,
daz ich mich dîn ânen muoz!
der mir dîn enbünne,
dem enwerde nimmer buoz
herzenlîcher leide,
und der wolgetânen,
nâch der ie mîn herze ranc!
sol ich mich ir ânen,
daz ist under mînen danc.
swenne ich von ir scheide,
sô geschiet nie man unsanfter von deheinem wîbe.
bezzer wære mir der tôt,
danne ein seneclîchiu nôt
die lenge alsô belîbe.

Klagte ich nû besunder,
waz ich leides ie gewan,
ich hân ez vür wunder,
daz mir maneger niht engan,
ob mir liep geschæhe
von dem besten wîbe,
diech mit ougen ie gesach.
sî hât an ir lîbe,
des man ie ze guote jach.
swie si mich versmæhe,
ich geloube niht, daz siz alsô von herzen meine.
ich getrouwe ir, als ich sol,
lônes und genâden wol,
und hulfe ez mich joch kleine.

Ich bin in von schulden
immer nîdic unde gram,
die mich von ir hulden
dringent: daz ist Berentram
und der junge Gôze
und der ungenande,
des ich nennen niht entar,
der daz gerne wande,
		
dô ers umbe ir minne bat,
ûf daz röckel er ir trat
dâ niden bî dem soume.

Owe  Summerwünne

Liebeslyrik von Neidhart von Reuenthal um 1200 n. Chr., vertont von Maya Mos, produziert von Studio Pengel. Mit musikalischen Beiträgen von Bela Csiszér (Querflöte ), Andreas Wolf ( Cello ), Michael Frunsch ( Bass ) und Marcus Pengel ( Drums und diverses ), Gitarre und Gesang: Maya Mos.

Text:

1   Winder, diniu meil    	du verderbent den walt,   
diu bluomen und die heide sam.
sumer, din gesinde ist allez worden vreuden bloz.
manic herze geil   hat ze truren sich gestalt,
den allen vreude wol gezam.
Wie zimt einem wibe, diu ich vür elliu wip erkos,
daz sie nie    mir vervie 
minen sanc zu guote,
den ich ir mit dienste willeclichen sanc, 
unde sten noch hiute in miner huote,
daz si an miner staete nindert vindet dwerhen schranc?

2  sol min staetigkeit    	und der lange dienest min 
erwerben niht wan mir versagen,
so muoz mich von schulden riuwen, daz ichs ie began
mir ist iedoch geseit,    die da staete künnen sin,
daz si gelücke wol bejagen.
vrouwe Saelde, ut dinen trost ich noch die guoten man,

daz si ir strit   unde ir nit
gein ir vriunden laze,
tuot si daz, so wirt das ende lihte guot.
schaffe ir ungenaden eine maze!
We, daz immer wip an guoten vriunden missetuot!

Winder diniu meil

Liebeslyric von Hartmann von Aue aus dem Iwein Zyklus, vertont von Maya Mos. Produziert und arrangiert von Studio Pengel, Hamburg. Mit Beiträgen von: Andreas Wolf: Cello, Michi Frunsch: Bass, Dimitrij Schwarzbaum: Geige und Bela Csizér: Querflöte. Gesang und Gitarre: Maya Mos.

Text:

Sit ich den sumer truoc riuwe unde klagen,
so ist ze vröiden mit trost niht so guot. 
Min sanc süle des winters wapen tragen,
daz selbe tuot ouch min senender muot.

Wie lützel mir mit staete liebes tuot!
Wan ich vil gar an ir versumet han
die zit, den dienst, dar zuo den langen wan.
Ich wir ir anders ungevluochet lan
wan also, si hat niht wol ze mir getan.

Wolte ich den hazzen, der mir leide tuot,
so moht ich wol mit selbes vient sin.
Vil wandels hat mit lip unde ouch der muot,
 daz ist an mim ungelücke worden schin.

Min vrowe gert mit niht: diu schulde ist min.
Sit sinne machent saeldehaften man,
und unsin staete saelde nie gewan,
ob ich mit sinnen niht gedienen kan,
da bin ich alterseine schuldic an.

Iwein / ungevluochet

Die "Sprüche" von Konrad von Würzburg, vertont von Maya Mos, produziert und arrangiert von Studio Pengel, Hamburg. Es spielen: Cello: Andreas Wolf, Bass: Michi Frunsch/ Jørn Haugen, Cembalo: Michi Frunsch, Blockflöte: Susanne Albrecht, Geige: Dimitij Schwarzbaum, Gitarre und Gesang: Maya Mos, Drums: Marcus Pengel.

Text:

 Ûf erde nie kein man gesach sô tougenliche clôsen,
sô wîbes herze in dem diu minne lûzet âne kôsen:
si kan mit ir lôsen
gebærde ir friunt beschâchen wol.
5
ahî wie sæleclichen der mit fröuden wirt gerîchet,
der si vil reinen winkeldiupen vâhet unde erslîchet,
diu der strâze entwîchet
dur lâge in gar ein enges hol!
ûf den si den roup muoz lân, den si verborgenlichen hilt,
10
swaz sir friunden ab gestilt,
daz si ze loche tücket, 
daz wirt herwider ûz von in gehelset und gedrücket, 
si giltet kus mit kusse dem si tougen hât gezücket,
swâ sich liep gesmücket 
15
ze liebe, als ez von rehte sol.

32.9

Zwelf schâcher zeines türsen hûs in einem walde kâmen:
der fraz er einlif sunder wer, die schiere ein ende nâmen.
sît begunde er râmen
daz se alle würden gar verzert.
5
Dô werte sich der zwelfte und wolte alsam ein helt gebâren.
dô sprach der türse «du enmaht nu keiner wer gevâren:
dô dîn zwelve wâren,
dô soltest du dich hân gewert!»
Dir gelîchet ein geslehte daz ein herre stœren wil;
10
daz enlâze sich niht vil
besunder underzücken:
ez wer sich mit ein ander sîn, swenn erz beginne drücken.
wil ez sich einzelinge under sîne füeze smücken,
sô wirt ez in stücken
15
ze jungest gar von im verhert.

32.10

Genühtec man an sippeschefte, prüeve in dîme sinne,
wie dîn getriuwer dienest und dîn lûterlîchiu minne
friunde gnuoc gewinne,
die zuo dir in der nœte traben.
5
ein trûtgeselle ist bezzer danne vil unholder mâge;
dâvon du flîzeclichen des mit dînem dienste lâge,
der sich bî dir wâge,
sô dich die sorge al umbegraben.
ob er sî gereinet dir, sô liuter im ouch dînen sin,
10
sô das dû dich wider in
vor allem meine schûmest.
den friunt du lange suochest ê du zim den wec gerûmest,
er wirt unsanfte funden und behalten aller kûmest:
helfe dû versûmest,
15
wilt dû niht guoten friunt behaben.

32.16

Wie sol ich rîchen edeln schalc mit valschem muote erwaschen? 
von kupfer scheidet man daz golt mit eines unkes aschen
hei, daz mîner taschen 
vil nâhe ein pulver nie gelac,
5
dâmite ich guldîn adel schiede ûz kupferînem willen!
wê daz ein îderslange mag dur herten cokodrillen,
und daz niht gebillen
mîn zunge in arge sinne mac!
swaz ich singe ald ich gesage der valschen rîchen edeln schar,
10
des nimt si ze cleine war;
ir muot alsô vereinet
an triuwen unde an êren ist, daz si niht tugende meinet.
in korne wart ein kündic wahtel nie sô sanfte erbeinet,
als ir herze ersteinet
15
in schanden ist naht unde tac.

32.17

Des argen ôre müeze sîn verwâzen und vertüemet,
daz niht wil hœren dâ man tugentrîche liute rüemet!
swâ diu rebe sich blüemet,
dâ fliuhet daz gewürme dan.
5
des wînes blüete mag ez niht gedræhen noch gelîden:
alsô muoz êrenblôzer schalc der frumen lop vermîden:
wan der bœse nîden
wil iemer tugentrîchen man.
bernder miltekeite blüete kargen herren gar bevilt;
10
tugende spürt er sam das wilt
ein nasewîser bracke;
doch mestet sich mit ir ungerne sînes herzen backe.
des fliuhet er des milten lob als ein pantier der tracke, 
der vor sînem smacke 
15
sîn leben niht gefristen kan.

32.20

Der Mîssenær hât sanges hort in sînes herzen schrîne,
sîn dôn ob allen ræzen dœnen vert in êren schîne,
dâmit er bî Rîne
die singer leit in sîn getwanc.

Uf erde nie kein man gesach

Neue Musik nach dem Lied "wie sich minne hebt" von Albrecht von Johannsdorf (um 1200). Es spielen: Andreas Wolf: Cello, Jørn Haugen: Bass, Susanne Albrecht: Blockflöte, Daniel Thieme: Geige, Marcus Pengel: Drums und Arrangement, Maya Mos: Gitarre und Gesang. Produziert bei Studio Pengel, Hamburg.

Wie sich minne hebt daz weiz ich wol;
wie si ende nimt des weiz ich niht.
ist daz ich es inne werden sol
wie dem heræen herzeliep geschiht,
sô bewar mich vor dem scheiden got,
daz wæn bitter ist.
disen kumber fürhte ich âne spot.

Swâ zwei herzeliep gefriundent sich
unde ir beider minne em triuwe wirt,
die sol niemen scheiden, dunket mich,
al die wîle unz si der tôt verbirt.
wær diu rede mîn, ich tæte alsô:
verlüre ich mînen friunt,
seht, sô wurde ich niemer mêre frô.

Der ich diene und iemer dienen wil,
diu sol mîne rede vil wol verstân.
spræche ich mêre, des wurd alze vil.
ich wil ez allez an ir güete lân.
ir genâden der bedarf ich wol.
und wil si, ich bin vrô;
und wil si, so ist mîn herze leides vol.

Wie sich minne hebt

Liebeslyrik von Heinrich von Morungen (um 1200 n. Christus), vertont von Maya Mos. Produziert von Studio Pengel, Hamburg. Es spielen: Jørn Haugen: Bass, Andreas Wolf: Cello, Dimitrij Schwarzbaum: Geige, Susanne Albrecht: Blockflöte, Marcus Pengel: Drums und Arragement, Maya Mos: Gitarre und Gesang.

Text:
Owe warumbe volg ich tumbem wane
der mich so sere leitet in die not?
Ich schiet von ir gar aller vröiden ane,
daz si mir trost noch helfe nie gebot.
Doch wart ir varwe lilijen wiz und rosen rot, 
und saz vor mir diu liebe wolgetane, 
geblüet reht alsam ein voller mane:
daz was der ougen wunne und des herzen tot.

Min staeter muot gelichet niht dem winde
ich bin noch als sie mich hat verlan,
vil staete her von einem kleinen kinde,
swie we si mir nu lange hat getan,
Als swigende iengenote, und ein verholner wan
wie dicke ich mich der torheit underwinde,
swanne ich vor ir stan und sprüche ein wunder vinde,
und muoz doch von ir ungesprochen gan?

Ich han so vil gesprochen und gesungen, 
daz ich bin müede und heis von der klage.
In bin umbe niht wan umb den wint betwungen,
sit si mir nicht geloubet, daz ich sage,
Wie ich si minne, und wie ich ir holdez herze trage.
deswar, mirn ist nach werde nicht gelungen.
hete ich nach gote ie halp so vil gerungen, 
er naeme mich zuo zim. ach miner tage!

uoxara may

Popular tracks