سماع صوتك حزة النوم عادة🤍

ما كنك الا شوق في بحر نسيان
كل المشاعر قبل لا اجيك لبتك
قبل المحبه تنخلق حس الانسان
كل الحواس الخمس يا شوق حبتك

وقبل اتعنون صرت للروح عنوان
ما دام هي في وسط الاحساس ربتك
من سبتك غيرت انا اسم (حمدان)
لين عرفوني باسم ( فزاع) سبتك

تبقى بمكان ويطلع البدر بمكان
واذا طلعت يضيع نوره بهيبتك
ما انته بلون الشمس وقت المسيان
استغفر الله الشمس بالنور صبتك

كن العمر لحظة اذا معك سهران
وكن السهر عمري بلحظات غيبتك
ان جيت صوبي صرت لك دار واوطان
وان رحت عني صرت بعدك وغربتك

قالوا تحت الاضلاع ما تنبت اغصان
قل لي وش اللي تحت الاضلاع نبتك
قطر الندى يصبح على الورد ولهان
سميت طيب الورد من اصل طيبتك

شفتك وعاتبت الليالي والازمان
وين الليالي كل هالوقت خبتك
ومن سبتك غيرت انا اسم (حمدان)
لين اعرفوني باسم ( فزاع ) سبتك

بحر نسيان X عبدالمجيد عبدالله

خطـاك

شيرد الأيام

سلاحي وشاجوري Dj

يوه وليد الشامي

مالت عليك x زهايمر مبكر - DJ HAMAD

سرحت في القلص من عزبة تميم.. شيلة

قاصد جداكم - حسين الجسمي

عبدالمجيد عبدالله - Mashup

Likes by ELGBAISI