Name: تسمحى , حمزة نمرة (Oud Cover) by Mario Saied ماريو سعيد
Duration: 2 min 49 s
Description: عزف الفنان و عازف العود ماريو سعيد

أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

اعطيني الناي وغني ... #عزف ... #solo

عبدالوهاب_يامسافر وحدك

الشِّدَة - لطفي بشناق

ياولد عمى - حورية حسن - حفل

لما تغــيبــي
أنا بتلخبط بين السكر والملح
وبدور ف الدواليب على حبة فرح
وملاقيش
لما تغيبى
أنا والبيت بنتوه من بعض
وبابص فى عينه مايعرفنيش
وبخاف م القطة أما تنونو
ومن صوت الريح اللى بيهرب من بين الشيش
لما تغيبى
كل الحاجات الحلوة يا حبيبتــى بترفض تعيش
لما تغيبى
أنا بحتاس
بنسى الدنيا 
وكل العناوين 
وأسامى الناس
واكل واشرب واكتب لكن كده من غير إحساس
لما تغيبى
بانسى القهوة ع النار
ويروح الطعم ويغيب الوش
لما تغيبى
كل المرايات يا حبيبتى تغش
وبحس أن النفس اللى طالع من صدرى 
غريب
لما تغــيبــي
أنا بتلخبط بين السكر والملح
ارجوكى .. اوعى تغيبى


لما تغيبى - على سلامة

برضاك ياخالقى ياسمينا .ogg

عزف الفنان و عازف العود ماريو سعيد

تسمحى , حمزة نمرة (Oud Cover)

فيروز_مسرحية لولو_امس انتهينا_قلبي عليك

best mix‫فيروز _

عازف عود مصرى ... مؤلف موسيقى

تسمحى , حمزة نمرة (Oud Cover)

Mario Saied ماريو سعيد

Recent comments

Ahmed Omar

Related tracks