و أنت تدري كل ما تحتاجني تلقاني ..

سلامي سلام مودعٍ مايبي فرقاك .

" وانت تدري كل ما تحتاجني تلقاني ".

" وفجيت له بابٍ عن الناس سكرته "

تقعد تحبّه .. وانت ساكت ومغبون

محمد بن فطيس . . إيه والله أهوجس ولاني بمرتاح || نادر

فاجئتني بمفارقك ما تولمت

سلامي سلام مودع مايبي فرقاك.

على كثر السنين اللي عرفتك ماعرفتك زين

‎⁨حسبت انت وانا نبقى حبايب

على الهون ياجرح المفارق وضيق البال
على الهون ياهم سطابي وقدرته
اعزك لو انك جرح ومجاهدك قتال
وروضت جسمي لاجل سقمك وصبرته
لاجل من ملك قلبي من الجال لين الجال
وفجيت له باب عن الناس سكرته 
وحطيت له عن شمس قيظ الغرام ظلال
وشيدت له بيت بقلبي وعمرته
عشقته ودللته وجريت له موال
وتخيرت قربه ليتني ما تخيرته
رعى ريف قلبي لين صار الحشا مدهال
وعن مدهله جنبت غيره وذيرته
اداري عليه من الزعل وازعل العذال
وخطاه ان كبر في عين غيري تصاغرته
سقيته من عدود الغلا والغرام زلال
بعد ماجذب من دم قلبي وصدرته 
قبل مايغطي ليله المنتثر بالشال
سرقت الكرى من نون عينيه وسهّرته
نقش كل حرف من حروفي على السلسال
تباهى بها واغاظ ناس مجاكرته
وكتبت القصايد في عيونه علي اليامال
وليا مرني صوت النواخذ تذكرته
تكاثر علي الله يجازيه كيف الحال
وانا يوم اسوق العمر له ما تكاثرته
وبعد كل هالتقدير والحب والاجلال
تغير وهقواته عليه مغيرته
لبسته ثياب الغطرسة لين جا يختال
وكبر في عيونه يوم الاوهام غررته
واذا السالفة ضحك ومهازل ولعب اطفال
خبطت الغصن لين ابرق الريش طيرته
خلصنا وقفلنا الصناديق بالاقفال
ومن جور حكمه كامل القلب حررته

سلامي سلام مودع مايبي فرقاك.

Reem.⚜️

Recent comments

ايُلااف ⚛︎

🤍 .

𝐌

A🎸

Related tracks