2ahwa Sada - قهوة سادة

Shaytan Al Nafs
Lyrics : Ahmed Yousry
Mix & Master : Po Lo 
Beat : Free Beat 

الكلــــــــــمات :
شفت اللى حب المال سواء حرام او كان حلال ..
ملك الطمع قلبه عشانه قرر يعمل المحال ..
خيال مريض رسمله صورة عزه فى ورث ابوه ..
الراجل القعيد اللى عياله هاجرو و سابوه ..
مش فارقه عايش لوحده مريض مستنى الموت ببطئ ..
 هيستريح من اللى فيه و استريح انا مالفقر ..      
لغى الطمع تفكيره قتل ابوه و مفاقش ضميره ..
و عاش و جاب ولاد تفتكرو ايه هيكون مصيره ..

شفت االى حب واحده لاجل عيونها اهله نسيهم ..
فضلت وراه لحد ما فصل نفشه عن ماضيهم .
كل احلامها عليه مجابه حبه ليها شبه عباده ..
المهم رضاها عنه و لو هيسرق دهب ماما ..
 و كالعاده يلا نهرب انتى وانا مسيرنا لبعض ..
خدت وعد يعيش معاها عمره ليها مجرد عبد ..
خد اللى قدر عليه ، قطع اخر صله بالبيت ..
و بعد كل دا نهايته ممكن تبقى ايه !!؟..

حارب نفسك بنفسك اقوى عدو لك بيناسفك ..
امسك نقطة انفصال ارادتك هن اهواءك التافهه ..
دا يوم ما سألو فى يوم حكيم من احق الناس بالنصر 
رد اكثركم تحكما فى شهوات النفس  ..                                                            ×2                                
                  
شفت اللى حب سمافتكره هيريحه م الهم .
مع ان كل جرعه زياده اباده لكل قطرة دم ..          
ديون بتكتر عمر بيجرى قاعد عالقهوه بيكبر ..
ابوه فى البيت كلامه كله ساعدنى مش هستحمل اكتر ..
الضغط خلق جواه فكرة الهروب مالكبت ..
مفكرش يحل مشاكله طبعا خد الطريق السهل ..
مغيب عن واقعنا .. تزيد مشاكله عن الحد ..
خد الأدمان طريق و نهايته" اكيد "عارفها اى حد ..
       
شفت اللى ربه اداه اللى اى حد يتمناه 
عيال و مال رزقه الحلال حاجه يمكن فى الخيال..
منحله احلى زوجه ست صالحه ليه تصون ..
لكن ضعيف النفس مهما قابل حب عادى يخون ..
مريض بحب الشهوه لأى واحده رخيصه و سهله .
بالفلوس تصبح موافقه معاه تقضى كل سهره ..
راجع للبيت الفجر كل يوم للصبح فجر ..
مفكرش يوم فى مراته او ايه نهاية كل غدر 

Chorus                    

وطبعا النهايه كانت لكل واحد منهم صعبه
 و سهل لأى حد عادى يتوقع مصيرهم ..
الراجل اللى عاش و ربى عياله بورث ابوه  .
عياله كبرو و يوم ما ضاق الحال فى الحال سرقوه ..
ماهى دايره داين تدان لو بعد عمر لازم تلقى ..
رد فعل لكل فعل ربك عادل مش بينسى ..
اما اللى البنت   استخلصته طلعته من توب اسرته .
سرقت كل ما يملك هربت الولد فقد دنيته .
                                                            
و اللى اختار توهانه ملجا مالهموم لازم تصدق    
 لو ماماتش اوفر دوس كان فى الهموم هيغرق         
اما اللى عايش فاجر الفضيحه كانت مأساه .. 
:وبعد احسن عيشه: اتهد البيت اللى ف سنين بناه ..

الاغنيه دى هدفها تفهم ان النفس تافهه ..              
للغلط بتشدك فاهدى لنهايتك واقفه بتندهلك ..
هتخليك تشوف الشوكه احلى ورده فى البستان      
رغم كونها مسممه  فمش هيفيد ترجع ندمان


شيطان النفس

verse 1 :
كل مرة بحاول أخبي دموعي بين حبري
كل مرة يتحول الفرح لحزن و يسجني
والحجة المفروضة مسير الحال يتعدل 
و أصرخ من جوه و أنا من بره مش بستحمل
و بحاول أتجمل بالكلام ما بين السطور 
و سطوري تفكرين بأيام ما كنت عايش مكسور
لأنا في الجنة .. ولا أنا في النار أنا في أقبح أختيار 
لعيش مع الوهم لعيش مع تشتت الأفكار
بتوه كل ليلة في أسألة ملهاش أجابة
والحال سيطر على قلمي فا كلماته كلها كأبه
عقلي بينزف .. و مفيش أي أستجابة
فأصبحت فريسة بينهش فيها العالم زي الديابة
كل ليلة فيها على قلبي أقسى هجوم
هجوم جنود الليل مع سهام النجوم
فا يحيوا بسهولة كل أرواح الهموم
أرواح صراخها في قلبي دايما بيكون مكتوم

Verse 2 :
يطلع عليا النهار و أنا في الجحيم 
ما طول الليل السهام بتضرب قلبي في الصميم
فا عقلي خاف لما داق طعم الأختلاف 
و القلم من جروحه بحروفه ياما شاف
فالعقل مقهور لحياة عليها مجبور
أفكار بتدور .. عضلات عليها دايما بتثور
فأتكسر مني غضب عني سن القلم
لما شاف بكلامه مدى جروح الندم
و مهما القلب يكتب فاللسان خلاص أتكتم
و لما أتكلم أتفاجى أنه أتظلم
و الضلمة بتسيطر دلوقتي على كل مكان
والقمر بيهرب منها مش حاسس بالأمان 
بدأت بجد أوصل لبوابة حدود الجنان
وعقلي متصل بجسمي بحبل أساسه دبلان
بستنى أني أشووف شعاع النور
مع وضوح النهار بخدع نفسي أني منصور
Mix and Master : AR-Devel
https://www.facebook.com/belal.ehab.779

حروبالليل

الكلمتين مابيجيبوش حق الورق
وخصوصاً لو كان الكلام على 'بُن'
كل الكتبجية قالوا كلام واتحرق
فار حبر الألم.. ثم فارت الحقايق منهُّم
باخ الكلام ع القهوة والدُخان..
طلعِت قصيدة مُستهلكه مابتتشربش..
وقفت فوق.. بصيت لتحت.. وفضلت اضحك
وانا كنت اصلاً.. زيهُّم...!!

القهوة صيت..!
ووشهّا بيروح أوام
يامخدوعين فـ الامكنة
نفس المكان شاهد عيان
ع التعبانين والساقطين فـ التهلُكه
خشب الكراسي بيستغيث..
بـ الشمس اوقات البكا..
خشب الكراسي دة مش قُماش
علشان يمدد فوق حبال البلكونات
ثم يسلم من عيون الفاتنات
ثم ينظر موضع الوجه الكريم
ثم يرجع صاغ سليم..!
ثم يلمع نن عينه... ويبتسم..!

اهلاً وسهلاً بيك..
انا لسة بشربها زيك تمام..
زيادة بُن تقيل..
تعالى ع القهوة..
اصل الكلام ع القهوة
دة برضه شئ بحساب!
وانا كنت بستوحىَّ
من معشر الكُتّاب
إن إكتأب الروح
وعلاقته بالكافيين
من اكبر الاسباب
عند انصهار العين

الوقت طعمه جميل
بالقهوة مش بيهم..
وفـ لحظة من خلوتك
تتقل عليك قهوتك
وتفكرك بيهم..!
اللحظة دي بالذات
سعات تكون اطول من لحظة وقتية
وسعات.. بتسوى سعات..!

مشاعرك اتمرمغت
فـ تراب بنات الناس
وعقلِت مع ديا..!
شفت البنات كلهم
ثم إشتهيت حُسنهُم
وماشوفتهاش هيا..!

القهوة شهوة حلال..
احضُنها وقت الضعف..
هاتمد فيك السهر..
ثم الغباء والعطف..

كيان القهوة بيحبك..
عجيبة وبتنشع مرار
لكن بتسُر..
وايه افضل من انك تكون وحدك
بعيد عن ناس كتير جنبك
بتنشع مُر..

عجيب أمرك محيّرني
بتسمع مين فـ نص الليل
بعيد عنك.. مسهرني..
حياتي معاك بعيد عني
وتطلع فاضي في الاخر
عشان راضي تقول روحي
وروحي كمان في ترحالك
قليل الحيل ومش مالك
سوى اغنية من حفلة 
لـ ست الكل.. في يناير

ومطرة بتعجز.. عن سباق دمعاتك اللولي
ويفرز قلبك المليان..
حاجات مش لازم اوصفها
بتشبه شئ من الجبروت
فايخجل السحاب والرعد
بيعمل صوت..
فاينزف دمع فوق كتفك..
وتنزل إيد ماتعرفهاش..
تطبطب فوق سطوح قلبك
تكون مبسوط..
تنام ع الارض مش فاهم..!
وروحك تطلع الملكوت..

علاقة حُب طردية
انت بتغوى البشر
وحبيبة انسيّة..
'والقهوة' بالمُختصر
بتحب فيك حُزنك
وفلانة مش حبّاك
وإكمن قلبك حجر
مش شايف إللي معاك
ياعم الحالم النايم
قوم بُص م الشباك..
على شُرفة الهانم..
هتلاقي ليك دوبلير
هتلاقي حد هناك..
بيقوم بدورك كاحبيب
فـ ارضى بنصيبك والقدر والقسمة والترتيب
يجوز تفهم.. بإن روحك مش هناك
وان القهوة باقية عليك من كل دول
سَنيورة زي القمر..
لكن ماهيش فهماك..
من غير ماعينيك تقول
تصعب عليك قهوتك..
تبكي.. فاتبكي معاك..!

بصرف لون الشِعر.. لكنُه شئ طاهر
والقهوة شاعر اسمر الكلمات..
او بين قوسين يشبه سمار 'هاجر'

يااارب..
إهدينا حُضن من ريحة الكافيين
والقهوة بالتحديد
والحُضن فوق الإيد
لكن بلاش مروفين
الروح ماهيش ناقصة
صوت الكمان اهدا
حجم المكان فنجان
طعم البشر قهوة
والقهوة مش الوان
زي البشر اوقات..
لونها صحيح غامض
لكن بـ وِّش وحيد..!
مش زي ناس سابت
فـ القلب ميت تجعيد
لما لقِت مقامات..
القهوة مابتخدعش
القهوة مش بتبيع
القهوة شخص وديع
شايل معاك النعش
قوس الكمان ينغز
فـ الروح بميت كوبليه
وِسِع المكان مش حلو
لو كنت وحدك فيه
لكن كمان اعرف..
القهوة صيت.. ياعبيط
ممكن تخِف عليك
تبقا الحبيب ليها
وتكون حبيبة وبيت
اصل البشر وحشين
انت إللي حد جميل
القهوة ع التسجيل
تحت إنزلاق الشمس
انت إللي مش مرغوب
فـ الناس وفـ الماشيين

سهران مع القهوة..
بتنادي ع النايمين..
عايش فـ ناس ماتت..
ميّت فـ ناس عايشين..

القهوة / جلسة حكاوي موجوعين القلب
تشربها.. تقفل عينيك / وتقول..!


خلف_الله#

www.facebook.com/P0ET.Ash

اشرف خلف / سمرا

TraCk MaTAl Gd3 : Mr.Virus
Mix & Master : Mr.Virus
Record Mr.VRS Studio
Pro : Free Beat And Edit By Mr.ViRus

All CopyRights@Mr.Virus Studio

الى حابب يتابعني ده الاكونت بتاعي

www.facebook.com/M.Marcelo.30

Lyrics

فتحت باب الدنيا لقيت وراه الموت
لقيته بيقول كلام لكنه منغير صوت
لقيت بسببه ناس حزينه في الملاكوت
هي كده الحياه في يوم هتعيش ويوم هتموت
صحبي كان معايا امبارح ومات منغير ملامح
ان في يوم هيعدي علينا منغير مايكون موجود
القلب الابيض مات الضحكه الصافيه راحت
هو الموت كده ديما ظالم موصوف بالشي الجاحد
ليه يا دنيا تخدي الفرحه وليه بالجرح سبقه
خدتي اطهر من كان فينا وسبتي الحزن لينا
يافرحتك بالجنه جيين ان شاء الله
متجمعين في الخير في حياتك وفي مماتك
دعوات من القلب طالعه لصاحب الروح الصالحه
الاسم احمد طنطاوي بتنادي عليه مليكه
في كل لحظه حلوه سيرتك مسابقه الضحكه
ديما بالخير فكرينك اكيد مبسوط في مكانك
كنت ديما فاكر غيرك وكنت صاحب صحبك
في عيد ميلاد فيلافيو كنت انت صاحب الفكره
اتجمعنا ولمينا والسبب حبك لينا
في يوم اسود مشئوم سمعت خبر وفاتك
كانت صدمه ومش مصدق طنطاوي عند الله
في مستشفي مطريه شفت دموع غليا عليا
قلوب مكسور و حزن سايد ونفوس مقهوره دم فاير
تخدي البسمه تبقي قاتله خنقه شنقه ليه يا دنيا دور القتله
شفتك متشال في خشبه وناس بتقول الفاتحه
دموع شباب ورجاله كبار ام واخت صاحب اخ
وفي عزاك كان مفجائه و حب الناس كان ماوئ
يارب يا رحيم اجمعه مع الصالحين
ودي اخرة القصه طنطاوي سبنا وراح
مات الجدع وفرقنا مات الرفيق وارتاح

All CopyRights@Mr.Virus Studio

#Mr.Virus Mat Al Gd3d(مات الجدع)

التراك ده مش اكتر من رساله لوالدي <3
Length: 4:29
Artist : SeliM Ft Omar Shabaan
Lyrics By : Mohamed SeliM
Mastering&Mixing:Diablo Db
@egycinemastreet
'SeliM
www.facebook.com/mohamed.selim.dark
https://soundcloud.com/selimexiled
'Omar
https://www.facebook.com/oshf202
https://www.facebook.com/omarshaaban25/?__mref=message_bubble
https://soundcloud.com/omar-shaban-3
Lyrics:
Chorus1 @omar-shaban-3
سكت كتير علي اللي الخان اللي كان 
قريب زمان باع العشرة كده من غير ما يتكلم
قلبي داق من المر فوق دموع عنيا ومش بفوق
عرفت كمان اننا مش ببلاش نتعلم
Verse1 https://soundcloud.com/selimexiled
سامحني يا ابويا انا اسف مطلعتش شبهك
اه انا عارف انك عايزني ابقي احسن منك
بس هنعمل ايه هما البشر كدا انواع
صوابعك مش زي بعض ولولا الشاري مكنش هيبقي فيه بياع..
والعكس صحيح وياريت تفهم كلامي
ياريت تفهم ان زمانك عكس زماني
متحاولش  بطريقتنا عشان ترضي البشر
خليك زي منتا ديما ترضي رب البشر
 قلبي كان حجر..كنت كتير انا بصدك..
كنت كتير بغيب عشان ابعد عنك ..
 بس برجع تاني عشان حته منك
سامحني..متلعطش يا بويا زي بنتك
صحيح كتير بغلط ببعد عن ربي
وتقول عليا اني تافه معنديش مشاكل 
ان كل الهم عندي اني اقعد كده واغني
سامحني..لو من غيرك قلت انكسر ضهري
Chorus1 @omar-shaban-3
سكت كتير علي اللي الخان اللي كان 
قريب زمان باع العشرة كده من غير ما يتكلم
قلبي داق من المر فوق دموع عنيا ومش بفوق
عرفت كمان اننا مش ببلاش نتعلم
Verse2 https://soundcloud.com/selimexiled
سامحني سامحني لو كنت سامعني
كنت براضيك زمان وكنت بتخاف علي زعلي
لكن دلوقتي..بقيت مش عارف..انا اسف ..انا اسف اني مش عارف انا خايف
وساعات بخاف لما تقلي اني اخلي بالي علي اختي وامي في بعدك عني..
بتقول لما يجي موتي هتحسوا بقيمتي
يتعب طول ويقولي انتا سبب ساعدتي
كنت تزعقلي عشان اطلع راجل
عشان كف  الدنيا ميهدنيش بالساهل
بس يابا والله تعبت..الدنيا مش سيباني في حالي عشان سكت
غرقت في بحر الياس حتي من الياس زهقت
. لامتي هيصرف عليك
تفضل تغلط ويربي فيك..تغلط تاني  تتمادي عشان مريض
مبقتش خلاص من حد تسمع 
عيني سهرانة بتدمع بحاول ليه واللي فات مش هيرجع
Chorus2 @omar-shaban-3
بحاول ليه اللي فات مش هيرجع
وقولي ليه يا قلبي تاني كده انتا بتدمع
انا اسف  اه بس اسفي ملوش لازمة
ومهما قلت يابا انتا كده مش بتسمعّ
Outro"" https://soundcloud.com/selimexiled
بصلي في المراية لما اكلمك ..
صارحني وقولي ازاي كده بقيت اكرهك
بتلعب مش بتعيش
بتحب بقلمك ومن جوا مفيش
حتي اللي صانتك بعتها عشان انتا متسويش
حتي لونك في المراية باهت
يلا هانت
كام يوم وتموت زي ما كل حاجي فيك ماتت

Cinema Street Studio Vol.2

Sam7ny | سامحنى Ft Omar Shaaban

v.r-1 https://www.facebook.com/zezo.alaa.5492
v.r-2 https://www.facebook.com/hesham.slim.5
ـ تايه...في الدنيا عايش سواح
…دنيتي وبعيشها وضاع الامل في النجاح
ـ منعزل...وحيد ولاكن مرتاح…
الناس كلها حسدني حسدوا الكلب علي النباح

ـ لييه؟؟...كارهنلي الضحكه ليه…
انا الي ياما بكي وماحدش حس بيه
ـ  انا الي ببكي..انا للنفسي باحكي…
انا الي باشكي..وماحدش طيب جرحي

ـ اناا كمانجا دايب اوتارهاا اناا البكي في وسط اليل…
قلبي للبنيه عشقهاا ومن العشق شوفت الويل
ـ انا وحيد والوحده راحه وسط ناس مش حساسين
…في وشك يضحكولك وفي ضهرك زراعين سكاكين

ـ اناا بكيت عليكي وانتي خساره فيكي الدموع…
جبروت الراجل قلبه قلبي شرخ لل الضلوع
ـ منك موجوع مابقااش لياا انا وانت رجوع…
صوتي مش مسموع صرخه من الضلوع

صبرت عليكوا ، بس الصبر صبار بيشوك
ليه خلق وسخه مش صافيه مع كل لون بتلون 
لحظة سكون ، عدت ، بعد السكون بالومكوا 
ده حلم بايخ قولو عليا جاحد بخنكو

 عايش لوحدك ؟! لوحدي ف الدنيا دي
 من امتا شاغل بالك بكره تموت ويعيشو عادي
 مالك ؟! حزين  اطلع و شوف ف النور 
 مش عارف تعبان مش حابب إبان مكسور
 
انا كنت ماشي في سكه ضالمه ونفسي مش عارفاني
عمري م قليت مع صاحب عمري مكنت معاكو اناني 
مجروح ل حالي كل حلم ليا اتهد
المخرج عوز كده مش مشكله شيل المشهد

مين معايا لا لوحدك اصل الخلق مش هتصفي
عيش ضعيف مكروه وسط خلق دنيا نجسه
كان قلبى طيب أبيض ناعم من غير خدوش
 اتحول غامق متجّرح غريب ومعرفوش
 
 عمري مقفلت قلبي لحد كان محتاجه
 عمري مقصرت مع الي احتاج هشام ف يوم وسابه
بواسي كل الناس بداوي الجرح بدون مقابل
ف يوم من الايام هحتاج لقلب يطيب خاطر

Zizo Ft Hesham Slim  Lwa7dy II - لوحدي 2

بدايه الحياه | BDaiT L HyaH

Lyrics 
...
V1 ...
صوت الهدوء الليل مع السمع غما العين
ماشي صح ماشي غلط مش عارف رايح فين 
انا مشتاق انا مش ملاك عشان الكدب
و ده اختلاف الحلم وده اتفاق تكون شبهك بنت
السكه لسه عتمه و الدنيا سحله ونفسي بجنه
عايش وسط وشوش ضاله ولسه فيا البسمة
ابتليت بالعشق وانتا لسه طفل شكيت مانمت حبيت فاسهرت قولت لنفسك اسد فاطلعت شبل 
ازاي انام و ادفا و بردك مش سايب العاشقين 
سهران يا ليل قولي مين يشكي لمين
الدنيا مولد فيها فقير وفيها ضعيف 
وفيها كبير و فيها مشايخ و فيها حرامي غسيل 
اضحك و هزر تاني مفيهاش حاجه تستاهل 
بس العاشق لو محبش يبقا القلب جاهل 
قعده صحاب كدابه والقلب كتير اشتكي
قاعد بعيد ف نفس فيلم بس من زمان انتهي
Hook ..
.......
صوت الطبله عامله دوشه كلها بالحلال
ساعات بكون سرحان  وسارح ف ملكوت الله
سلطان العشق بداوي الهوا 
انا ببص عل احلامي جنب النجوم ف السما
.......
V2 ...
الهم طالني و قفش مش سايبني 
مش حللني و مش حببني لسه مش هممني
سيب كلاب السكك تنهش ف لحم القلب
ده سجن عالم جوا عالم دي دنيا بنت ستين كلب
كل يوم قعاد ف قهوه وحب البن شهوه
قعده تودي ف داهيه مع ناس بتجيب البلوه 
بس حبيت كلام الناس عني ف الغرام 
الحب مش حرام و كرهت المشي ف البطال
اكيد الكدب خيبه قولت الحق بهيبه 
خوفتو مني بطيبه وانا عقلي كله مليان زيطه 
اتكتب علينا الشقا والهم ملناش نصيب لحد 
و ده كبت موجود بجد مشدود بحبل والسكه سد
كمل الطريق لوحدك لو ملقيتش حبيب
وانا حبيبي جنمبي وقلقان خايف من النصيب 
انا طبيب علمتهم الضحك سابوني حزين 
شايل فوق كتافي جبال علشان سري ف بير
Hook ..
.......
صوت الطبله عامله دوشه كلها بالحلال
ساعات بكون سرحان  وسارح ف ملكوت الله
سلطان العشق بداوي الهوا 
انا ببص عل احلامي جنب النجوم ف السما
.......
Prod By الورشة | Beatz .. 
Rec&Mix&Master .. “Young Capo” (Home Studio)

Sultan El'3eshq || سلطان العشق ( Prod By : Beatz | الورشة )

CHECK IT OUT ON YOUTUBE :
https://www.youtube.com/watch?v=GMGIM5od3wc


Lyrics 
من صغرنا و احنا اتنين ف كل حاجه نفس الشكل
بنصلي و ف رمضان بنصوم و نفطر نفس الاكل
حطتني جوه كابوس مش قادر ولا عايز افهمه
لاول مره شفت اخ بيكره توأمه

اتغيرت ياريت فكرت جبت مستقبلك الارض
اتدمرت بعرض جنه فالصو و التفجير كان شرط
فكفرت كل فرد انت عمرك صليت فرض
دين تسامح فاتبترت ياما نصحتك وانت اخترت

غمضت عيني حلمت احلم كانت في الاصل عيني مغميه
فتحت عيني في وش اخويا لاقيت في عينه كره ليا 
مت ! عادي موت بالنسبالهم مش ضحيه
انت ثواب في دين ملوش وجود ملكش عنده ديه

بأي نيه أي حبل بينا تقطعه 
ايمانك مين هيرجعه 
مشيت و نسيت تودعه
شيلت من دماغك فكرة انك حاجه كويسه
مانت مخك اتمسح و كل شئ فيه اتنسى

فانسى اهلك انسى كل اصحابك و انك مننا
انسى عشرة كام سنه مانت ناسي ربنا

لأ و مصدق انه حاططك وسط خلق بيحبوك 
مش هتقنع نفسك انك فاكره وتروح تدبح اخوك

اقتنعت بالارهاب ! مش هتقدر تقنع شعب
انت كده محطوط معايا ويا بعض في موقف صعب
موقف ان انت تموتني و متندمش ع اللي حصلي
لو هموت بإيدين اخويا يبقى اموت نفسي احسنلي

مش لازمني اي ذكرى حلوة من ساعة ماكنت ملازمك
شطبت كل كلامك و حرقت كل رسمك
مسحت صوره ليك ف عقلي عكس ماكنت راسمك
عشان لما اتسأل عن مين قتلني انسى اسمك

اخترت نعيم ف عقلك انت بس مش موجود
متخفش ربي و ربك عادل و الميزان مظبوط
مبسوط..منولتش جنه لا ف سما ولا ارض
ياخسره انا كنت بدعي نبقى ف الجنه مع بعض

Damo - Den Malosh Wogod (prod.by Aref)

أوضة ضلمة..

_إتقتل زي ميولُه..😅💔
_مش متكسر أنا متفتت..😅💔

أوضة ضلمة..

Abdelfattah Ali

Recent comments

Ahmed Bin Rabiaa

Ahmed Newair

AS7

Taha Ghoneim

Related tracks