لا شفت الجماد اسمع وش يقول واحاكييه 
‏والانسان  مافهم وش كلامه لاناطقته 
‏اعيش الحزن مع كل من يفتقد غالييه 
‏لو اشوف عضنٍ جف ساقيه عانقته

مدام ان قصيدي ما لقا واقعٍ يغريه 
‏عطيت الخيال خطام الابداع و عتقته
قبل لا يموت الليل و اودعه بـ اسريه 
‏خيوط الصباح اشوفها حبل مشنقته

قريت الكتاب اللي يسافر معه قاريه
‏و وصلني لقصر امرؤ القيس و اروقته
هذا هو عقب ما عوّد من اللهو والتيه 
‏و هنا دم ابيه اللي لقى القوم رايقته

يقول انت بترافقني لثار ابي؟ قلت ايه
‏و سولفت له عن قصتي يوم رافقته
لقى في ظروفي ما ينسّيه ثار ابيه 
‏وسمع من قصيدي ما يهمش معلّقته

طموحي سرابٍ جاني الموت قبل اجيه 
‏وعزمي عزم من جمرة القيض محرقته
تقولون دام انه سراب ؟ ولحقته ليه !
‏ترا متعتي في شوفه و في ملاحقته

شعوري ورا حلمي وانا اصايده واخطيه 
‏اخاف انه احلى من شعوري لا حققته 
حبيبي يا ليت العمر منّا الين انهيه 
‏مثل ضحكتك لا قلت شيٍ مـ صدقته

ما تقدر تقول فاقد الشي ما يعطيه 
‏وانا اعطيك ضحكٍ لي سنه من يوم فارقته
لقاك اسرع من الحلم مع فارق التشبيه 
‏لو تسابقْه الاحلام مهيب سابقته

انزّه محبتك الشريفه من التشويه
‏وانا العاشق اللي رغبة النفس مرهقته "
ما طلت العنب لكن ما والله اعذرب فيه
‏اشوفه و اعرف انه حلو ما بعد ذقته

يابو عيون لا أرمَشت كحّلها ساااال

عبدالله بن عون | يا روح روحي مهجة الروح تفداك

ان هرج لي عيد وان مد لي يمناه عيد
يوخذ الفنجال منه على غير شهوه