TEXT/LYRICS

Alma, Bea, Gonda, Diana, Evi, Blueme u Jolanda, Vion, Tulpe, Schägg u Mei
losed was die üs zäge hei:  

S git Lüt im Land die luege üs guet, das freut üs sehr u git üs Muet
was mier gäbe chöi si no gseh, u schreie nid gäng no meh no meh
Anderi spüele üs d’Eier use, wo befruchtet si, es isch zum gruse
Si pflanze si andere Chüene i, wo minderwärtig sölle si

Die söllen üsi dopte Eier trage, ohni d’Natur u si emal z frage
U schnäll tües üs de wider besame, no schnäller befruchteti Eier absahne
Üsi Körper maches zu Profit Fabrike, lueged doch häre mit scharfe Blicke
Üsi Naturgschänk länge nümme. Meh u meh u meh wei si gwünne

Das mues stoppe, höred uf toppe,. Das macht üs chrank, mier si blank
Das git Eu so kei Qualität, es isch ou e Frag vo'r Pietät
Achtig u Würde ghöre zur Natur. De schänke mirs Beschte für üse Bur
G'stoppt mues es wärde, es isch nid gsund. Holed Öi Hilf vom Volk im Bund!

Mier hei geng scho Hörner gha, lät sie üs doch witer dra
mier si doch euri Fünde gsi, läts doch oh witer so sii 
mier luege öich doch guet, häbed ou es bitzeli Muet
mier tüe doch alls für öi, für Gras - u Heu

Mier Chüe si wichtig Tier uf Ärde, gäbe Milch, Anke, u Chäs vo de Bärge
S'Fleisch wird gässe u de Mischt verwärtet, uf Äcker, Weide u Familiegärte
Stöht häre für üs, stöht für üs i. Das mer chöi blibe wie mer gebore si!
Mier schmücke s Land für alli Tourischte. Im Summer im Gras im Winter uf  Pischte

Überall si mer de Stolz vor Nation. Für Japan, China e Scheich oder Baron
Die ganzi Schwiiz isch uf  üs Stolz. I Form vo Glas, Schoggi u g'schnitztem Holz
Uf Postcharte, Fotos im ganze Land. Heimer d Hörner uuuf, si elegant
So stöh mir fürs Gmüet u Wärbig i de Läde. So wei mir ou si im richtige Läbe!

Hörner

Popular tracks