
انا و عقلي في كيان مقفول
 و عقلي ديكتاتور ديما يحب الضرب..

ماتيوو
مفارق؟..
لأ بعيد عادي
وغارق؟..
لأ بعوم ميّت
بتزهد؟ولا مش طايل؟
يا شايل حمل بِتهاودُه
طريق بِيشِلّ أقدامك
و سِرب أماني بتراوضه
يمارس نَصبُه قُدّامك

بيشوي
تلاقي الديكتاتور ديما 
بيمشي يصب في جنونه 
و يشرب من بواقي الصب 
و عقلي ديكتاتور ديما 
يحب الضرب 
يحب يشوفني ديما 
جوه حاله حرب 
و يتعصب فحين اني 
بجامله و ماشي زي هواه 
لكنه زي مقبرتي 
تشوفه حي في قصايد 
تشوفني بندفن جواه 
و بمشي اوزع فلسفه 
علي كل خلق الله

ماتيو
بِتِسحب قرض من أملك
تِبعتر فيه على حِلمَك
و يهرب معني من جملك
تطنّش كام حياة وتنام
تلّزق نفسك المقطوع
و تفرح لما تكسر حدّ
تزوّق وجبتك بالجوع
و تسأل وِحدتَك بالرد:
يا هل هانكون؟
وهل نِفضَل؟
وهل نقدر نطير أفضل!
وكام يكفي؟
وهايتفضل؟

بيشوي
يفضل حاجه مني تعيش ؟
و لا هموت بدون جدوي 
بدون فايده في اي حساب 
اموت فارس مأرخش لجواده حاجات
الا كام كبوه! 
مأرختش نجاح و نجاح 
مأرختش تاريخ دوله
مأرختش 
عشان هتعلم التأريخ 
بعد م افهم الطاوله

ماتيو
انا وعقلي في كيان مقفول
يومياتي نشدّ ونِخانِق
ونزعج من زُعاقنا الارض
نأدّي في كل يوم العَرض
بدون ما يهمّنا الفُرجة
خلافنا، دا اللغة الدارجة
يجوز نلاقيلينا حلّ مفيد

بيشوي
و من امتي الحلول بتفيد ؟
و من امتي بنلقي حلول 
و من امتي بنلقي طريق 
لا بيرخم 
ولا بيطول 
ولا بنيجي علي الناهيه
و نكتشفه انه مش مقفول
و نلعبها استغاميه 
خلاص.. لسه 
خلاص.. لسه 
و بعد اما النهايه تطول 
نلاقي في اخره عمدان نور 
و نلقي وراها باب علطول

ماتيو
غريزة كل كائن حيّ
يخاف جدًا يشوف الجايّ 
ويمسك جامد الماضي 
ولو مِستَعبِدُه، وجارحه
فـ عقله يعارضه ويصارحُه 
يا راسم وشّها جواك
في حلم اِستهلكك لِهَلاك
و زيف عايشُه ضعيف خلّاك 
بَقيت ما تفُوقُش، أو ما تشوفش
وغارق فيها مش بتقبّ
وسايب ضِحكها ع القلب
ومِستنّيها في الأحلام
ياريتك تصحى أو ماتنامش.

cover by : engy Said 


beshoy..https://www.facebook.com/beshoy.gerges.9822/

matteo..https://www.facebook.com/atyamatta

matteo sounds acc .. https://soundcloud.com/matue-reda-608540546

خناقه..

كالعاده .. اسطوره في الخروج عن النص ..

المزيكا اللي ورا التراك 

https://soundcloud.com/emad-samir-14/jze4hesgfjdr?in=user-537022323/sets/for-upcoming-tracks/

https://soundcloud.com/marina-ghally/2018-2?in=user-537022323/sets/for-upcoming-tracks/  

https://soundcloud.com/ahmed-mokhtar-23/jwpwcexmpvju?in=user-537022323/sets/for-upcoming-tracks/

fb : https://www.facebook.com/beshoy.gerges.9822/
insta : https://www.instagram.com/beshoy_gergs/

اسطورة الخروج عالنص

في قلبي كومة غضب
في قلبي قايدة جحيم 
و عقلي بيوزني 
و شطاني خام و رجيم  


و انا من روايح الزمن الجميل
و انا الحلو اللي كان قادر يخلي 
اي قلب يميل 
انا الكلمه و جبروتها 
في صوت الناس و سطوتها 
و انا اللي ياما عشت سنين 
بعيش ذكري و اموتها

عالقهوه دلوقتي
بَعّد الحِلبه بالواحدة
و اقول حبات 
و اعد الخيبه و ورا خيبه 
و اقول خيبات 
و عادي الحزن دا يفضل
يروح مرة 
ومره يبات 
لكنه المره دي ثابت
و آي ثبات !

حليم بيغني دلوقتي 
من ايه يا زمان جاي تداوينا 
والله بجد ..
من ايه يا زمان !
ملعون ابو الإنسان

مش مشكله الاسماء 
لو كلنا مقتول
مش معضلة جوعنا
لو من بقول ل بقول
العدل مش موجود
و الظلم مش مسؤل
و انا مش سعيد ابدا
و مش حزين علي طول
لكنني يوما ما 
هجعل ايديا تطول 
و من غير م اقول اسباب
مش مشكلة الاسماء
لو كلنا مقتول


و انا شاعر و ان كنت بنسي ساعات
افهم في حل الللغز 
و بمنتج الازمات
و اطلع من المشكلة 
بحل و مشكلات
و لسه مش بيأس 
ولا بلعن الازمات
ولا ويايا بعيش 
ولا بموت لسه 
و مش فاكر 
و مش هنسي
الشاعر اللي زمان اتولد فيا
مرضيش يموت 
ولا حتي يتكيف 
ولا راضي يتكتف 
ولا راضي يتقيف
ولا حاجه في الدنيا قادرة تسد طغيانة 
ولا عاش اللي كان يهواه زي اقرانه 
ولا راضي يتزيف


و هي فوضي 
مبتقولبش
و مش برضي
ف صعب تلمني في قالب 
بطبع عنيد و كيف غالب 
وحزن و خبرة  تجارب 
ف صعب تلمني في قالب 
و صعب ارضي
وصعب اشوفني ناقص شي
و صعب اشوفكوا مش مرضي
و مش هحسبها بالاهداف
هحسبها بكام مرة 
هشوط و  ترض مالعارضه


قلبي و ياما اقول قلبي
ايام م كان موجود 
ايام مكان لسه بلاد 
و منطقه و حدود 
ايام م كنت ساعتها متغطي 
او قبري لسه متملاش 
بجتتي و ورود 
دلوقتي عايش بس بالكلمه
و الكلمه جايز يوم ياكلها الدود



ايه النجاه
من الشعور باليأس و الإحباط
و قلة الحيلة 
و الإنحطاط 
و الصبر عالخيبة التقيلة 
و الوقوع ديما من فوق البساط
و الفشل في رفع أقلها شيلة 
و النجاح اللي ديما ليه إشتراط
او إشتراك
منملكش ندفعلة 
يحجز علي حظوظنا 
اسهلنا و اسهل له
النجاح اللي بنخسر اكثره
و يفضلنا اقله
و العقبة انه مفيش بديل 
ولا يحقلنا حلة 
و اللي حاولوا من سنين ملقوش 
و اللي حاولوا لحد م اتشلوا 
واللي حاولوا حله و مفهموش 
واللي لا حاولوا ولا حلوا 
مرار يسلم مرار 
و تتقل الشيلة 
و احنا اللي لا نملك امل اعظم
ولا حل ولا حيلة 
احنا اصحاب المرار 
و الشللة و الشيلة 
احنا اللي فاتنا كل انتصار 
و فادنا كل انكسار 
و فاتتنا حكمة و صبر
و خدنا بس
سخرية الاقدار
و العلة و العيلة


و انا مش معاك و مش ضدك
انا عالحياد
انا ضد فكرة انتاج البشر
و ضد فكرة ان البشر تتباد
و ان عشت مش هديلك النياشين
و ان موتت مش هنصب علي روحك حداد
ولازم تكون عارف انك هنا بطولك
و انك راجل كبير و دا كلام 
مهوش محتاج واحد يقولهولك
انت فطن تفهم لوحدك دا 
انا بردو تايه زيك من زمان 
و كل دا مش نتاج انهارده 
انا لا بمثل الشباب و لا العواجيز 
ولا حتي نفسي في بعض اوقاتها
و لا املك القدرة ولا املك التعجيز 
و لا في رسايل نفسي ابعتها 
انا واضح زي رسالة فالنشرة 
و جاي اقول اني انهارده بصاغ
و بكرة انا بعشرة 
و ان الصحاب و الهري و الجيرة و العشرة 
لا يسووا في عينيا بكوين من الاخضر 
و ان كنت عايش انهارده 
فيمكن بكرا مش هقدر 
و هتنتهي الفكرة 
فبلاش نموت ف العفن
يمكن تعيش برا 



هو الحنين جارف
ولا الحنين جارح
هو البعيد شايف 
ولا لبعيد سارح 
الجثه دي يلزمها ڤاترينه
مش طب و مشارح
و الجثه دي بتحس و حزينه 
من غير امل في الجاي 
ولا حزن عالرايح
ولا شامه ريحه انتصار قرّب
ولا عمرها ارتكبت خطأ فادح
ولا عينها شايفه الأسود اللامع 
ولا قادره تلمح اي لون فاتح
بتشتري من اي دكانه مقفولة
و سايبه دكان الحظوظ فاتح 
 
الجثه دي زيي انا بالظبط
و لا راضي عن ماضي 
و لا عايش شئ سعيد 
ولا ناسي و مسامح 
و كل اللي عارفه
 ان أنا دلوقت 
ماشبهش نفس الأنا 
اللي عاش إمبارح 

مزيكا التراك مزيج بين اعمال ظافر يوسف و غسان بن حلتم

facebook \ https://www.facebook.com/beshoy.gerges.9822/
instagram \ https://www.instagram.com/beshoy_gergs/?hl=ar

لا حل ولا حِيلة

اللي انت شايفه 
نضَج زيادة عن اللزوم ف اتضر 
عَمي عينيه ع النور 
اللي ف اخر الممر 
كسر القواعد و الحدود و اتغر 
و رجع يدبدب جمب نفس الحيط
زي اللي جه يجدد حيطان الاوضه 
هد البيت

قادر يخبَّط و هو شايل الدرع 
قادر يوقع شجرة 
لكن 
يصعب عليه الفَرع
ديما يقيد العشرة 
دون النظر للنفع
او للضرر 
عمل كل اللي كان عنده 
و عمره م اتشكر 
بيتنطط بين الأمل و اليأس
زي الكورة الكڤر
او زي كورة البولينج
او زي كورة البينج

عملية لازم تتعمل عالواقف
ضد القدر
من غير متاخد بينج
و انت اللي عايش ليك سنين عالالم 
عشماوي اعدم في حياته مئات
و اخرتها جاي يلمس شعور الندم 




اندريتيد لغايه م افقع الضربة 
اوڤر ريتيد لغاية المواقف الصعبة
و احرف واحد لو اعتبرنا 
الصبر دا لعبة
و اول عسكري مجند 
اتعود 
علي الغربة 
و اخر عسكري ممكن يسلم جسمه للتربة 
مش عارف دي رغبه في الحياة و شعور مباح؟
ولا انا اصلا مرور و معايا منع سلاح

مش قابل اساسا .. بس متكيف
عايش جوا شخص جوا شخص مزيف 
معرفش ابدا ابقي انا نفسي
ولا حتي عارف البس لبس متقيف
ببدلة ميري و ببيادة حديد
خوذة و سديري و ذكريات عناقيد
مهندس مثقف وقت ما تعوزه 
و وقت تاني بيبقي قفل عنيد

زي القصايد متعه مش دايمه
زي الجواز
 بس في قايمه 
زي السلالم لو مفيش نايمه 
تطلعها لو رجلك صوابع ايد


زي السجون جوا الحديد 
في حديد 
و انت متحرر 
لكن حاجات تانيه بتحكم
و تتأمر 
و حاجات بتتغير 
و انت اللي ثابت 
قديس قديم ف قلايته
و لما قرر ينفتح
الدنيا تابت 
خلية طاقه شمسيه 
و الشمس غابت
 
يبقي ايه النَفع؟

و مين يقدر يرجعلك 
اللي ف سبيله اندفع ؟

لا نتيجه تشفعلك
ولا حتي سعيك شفع
كيس الأماني علي ضهرك 
من فتره جامده اتقطع
و معاكش حاجه تلم فيها 
و لا حتي في خدعه تقدر تأديها
ف تخف حبه من اثار الوجع

 
اوقات تعمل كل المتاح
و تخسر 
بس مش هترتاح
ف تزأر
بس شغفك راح
ف تسكر 
زي كلب و راح
تجرب
تبتدي الارباح
ف تكسب 
من نجاح ل نجاح
ف تسخر 
و القدر سفاح
ف تخسر 
بس مش هترتاح

الأمل مؤذي
 اكتر بكتير 
من فقدانه 
الأمل قادر فلحظه يطيرك
و فلحظه يخلع قلبك الطيب
من مكانه
الأمل مجنون و طايش 
و ياما لسعك من جنانه
بس بردو له وش طيب 
و انت واكل توت جنانه
و لسه بردو بتبتدع 
و بتطلب التفاح 
دور ف شجرة مهما يحلالك 
و بردو مش هترتاح



الغلط لحظه و الندم اعمار
ف بتحسس سلاحي
الانهيار رغبه و إعادة الإعمار
مشروع سياحي
مش هترجع اي دار 
زي ما كانت 
من اي النواحي
و انا من سنين برقص بين محطات الفشل
وبين نقطتين نجاحي
و بقطع المشوار 
بقلبي نايم و بعقلي صاحي


انسان قديم جدا 
لكن نضيف 
زي قهوه في وسط البلد
مركبه تكييف 
زي الفصول كلها 
لو كانوا الخريف



زي ضربة سهم في زمن الرصاص
او طوبة جامدة بتترمي
 علي ناحية القناص 
في حاجات كتير مجهود بلا قيمة 
مجهود و مهدر .. يتبذل و خلاص
اخر نفس موجود 
في امبوبه الغطاس
ولا هيحيه ولا هينجد 
هيحافظ علي حظوظه 
بصبر و بأخلاص
يا يقابل وجه كريم 
يا بدلة الانقاذ

الرغبة ف الحياة بتقل
حتي ان كنت شايفها تأدية واجب 
في عيون كتير تقدر تعلي عالحاجب 
الدنيا ناظر مدرسة مغرور 
و انا زي عادتي عامل الواجب
مبخافش لو شافني ف اي طابور 
لكن مراوغ هادي و مشاغب 
دلوقتي لسه بردو نفس الشخص
لكن مشتت و بخيال شاحب

في سيرك بلا اسوار 
زي المهرج مهما لف و دار 
ف نهاية الفقرة بينتهي دوره
و يعود اخيرا بس عنده دوار 
و ينام و يصحي و يبتدي تاني 
و يعيده تاني .. بدون امل في فرار

بندول و ماشي في عيشته يترنح
بيروح و ييجي يتوه و يتمرجح 
يسعي في حبله فوق يمين و شمال 
ويرجع لنقطة صفره يتطوح

و اخرها ..

البساط اتسحب من تحت رجلي 
بقع و اقوم و اقع و اقوم و اجري
و شكل القضية هتستمر صراع 
من وقتنا و لحد يوم اجلي

ف كتبت بما لا يترك مجال انسي
و حزنت حزن اللي سفينته
غرقت علي المرسي 
و تعبت اشاور ليها 
و اشوفها مش حاسه
و تعبت احافظ عالأمل 
و دي الكارثه

المزيكا
https://soundcloud.com/7a-mid/dhafer-youssef-khira-indicium-divinumelegy-for-my-mother?in=sam-smiley-5/sets/dhafer-youssef&si=83716138e7da442ea67d09b7e93fa131&utm_source=clipboard&utm_medium=text&utm_campaign=social_sharing

https://soundcloud.com/7a-mid/dhafer-youssef-khira-indicium-divinumelegy-for-my-mother?in=sam-smiley-5/sets/dhafer-youssef&si=06aa005483ff43a1868c2f4920ca9b70&utm_source=clipboard&utm_medium=text&utm_campaign=social_sharing


facebook : https://www.facebook.com/beshoy.gerges.9822/
instagram : https://www.instagram.com/beshoy_gergs/

مُبهَم

يا اورانيا الحياة دي بنت فانية "
بس بحلم بالخلود
و انت سحر في كل ثانية 
يمن ليا بالوجود
ينهي فخري بما كتبته 
و افني عمري ف اني اعود
شاعر بيهديلك ولادتة 
بعد موته من عقود
و الكلام ف دماغه قايد
نار بتاكل ف البارود
جاي و تاني بيحكي عنك 
زي عنقاء جايه تاني
 "تتحرق علشان تعود

Cover : Egyptian Kiss by Hoda Ibraheem

Music : عمر خيرت - الارهابى 
             عمر خيرت -  خلي بالك من عقلك
             موسيقى أفريكانو - خالد حماد 
             موسيقى راجعين يا هوي - خالد حماد

Accounts : facebook : www.facebook.com/beshoy.gerges.9822/
                 : instagram : www.instagram.com/beshoy_gergs/

Phoenix / العَنقاء

بيشوي جرجس نبيه...ملوي..المنيا..مصر^_^  
مشروع شاعر...
واحد بيحاول يكتب شعر....
و التراك دا واحد من المحاولات دي ..و من المحاولات اللي بحبها جدا؛؛؛
account el face ..... www.facebook.com/beshoy.gerges.9822
account el insta ....... www.instagram.com/beshoy_gergs/
al whats ....01122402686

"ـــــ قصيدة  من وحي ست البنات  "بيشوي جرجس mn wa7y st al bnat "beshoy gergs"

بيشوي جرجس ...ملوي ...المنيا
واحد بيحاول يكتب شعر  ^ــ^ـــ
www.facebook.com/beshoy.gerges.9822
www.instagram.com/beshoy_gergs/

مش شرط كل سيندريلا تبقي طيبه و مظلومه...في اكتر من سيندريلا قتلت اميرها

cinderella "beshoy gergs"سيندريلا "بيشوي جرجس

الاسم موضح المضمون ...القصيده دي عن معلومات مش ف بطاقتي......القصيده دي عنّي
 face book acc.. www.facebook.com/beshoy.gerges.9822 
instagram acc.. www.instagram.com/beshoy_gergs/

m3lomat m4 f al bTa2a" beshoy gergs"بيشوي جرجس"معلومات مش ف البطاقه"

إكرام الموتي دفنهم و مش شرط  يكونوا ماتوا في الحقيقه... كفايه انهم ماتوا جوانا...
facebook acc..... www.facebook.com/beshoy.gerges.9822
instagram acc ....... www.instagram.com/beshoy_gergs/

gnaza malakea "beshoy gergs" جنازه ملكيه "بيشوي جرجس"

التراك دا فعلا اخر محاوله

بيشوي جرجس " اخر محاوله "beshoy gergs: a5r mo7awla

شاعر بيبهر كل من سمعوه
معرفش يبهرها 
يبقي ملوش لزمه

face book account : https://www.facebook.com/beshoy.gerges.9822
instagram account : https://www.instagram.com/beshoy_gergs/

بيشوي جرجس "الي السيده التي حكمت" beshoy gergs: 2la elsayda allte 7kmt

التكرار و الاعاده في الغالب بيكونوا مُملين دا في الاحوال الطبيعيه لك الرقصه دي كان لازم تتعاد ...

ممكن تعيدي الرقصه تاني؟/momkn t3ede al r2Sa tane?

مش هقدر اقول عن التراك دا اكتر من انه "مجرد تجربه"

التجربه/el tagrepa

النهايه مشكلتها انها مبتنتهيش




...

المزيكا اللي في الباكجراوند

https://soundcloud.com/mema-5/ul61h0jpzgzg

https://soundcloud.com/sedqi10/5zuxm60tcedt

https://soundcloud.com/h-aguero/k6u9yhifmdf2

https://soundcloud.com/shlan/gm1stkezanth


facebook acc ..https://www.facebook.com/beshoy.gerges.9822

insta acc ...https://www.instagram.com/beshoy_gergs/

قبل النهايه بمتر!!

الأحلام بتفضل جميله طول م هي مبتلمسش الواقع ..


مزيكا الباكجراوند

https://soundcloud.com/hamzeh-kh-1/zqqyet6i0p8m

https://soundcloud.com/shady-azab-1/1988a

https://soundcloud.com/karawan/optouaehvdnu/s-UWJfP2RkdxI



facebook acc.. https://www.facebook.com/beshoy.gerges.9822
instagram acc.. https://www.facebook.com/beshoy.gerges.9822
twitter acc..https://twitter.com/beshoy_gerges88

علي ناصية الحلم !!

لو لسه هنقاوم !!
ف دي اخر تلت ساعة مقاومه عندي ..






face book : https://www.facebook.com/beshoy.gerges.9822/
twitter : https://twitter.com/beshoy_gerges88

cover by : engy said

used tracks :

https://soundcloud.com/elto7fageyya2/he3qg3fdrvvz?in=user-537022323/sets/n/

https://soundcloud.com/lmona/ljn6syzedsvt

https://soundcloud.com/ase-tay/omar-khayrat-foraq?in=user-537022323/sets/n/

https://soundcloud.com/h-aguero/missing?in=user-537022323/sets/n/

https://soundcloud.com/a7mad-helal/rage7-daoud-mowaten-mo5ber-7aramy/s-P0qbnFelqWV?in=user-537022323/sets/n/

https://soundcloud.com/oturuyorumama/mark-eliyahu-humbleness-www

https://soundcloud.com/la-moktares/kristina-cooper-emanuel?in=user-537022323/sets/n/

لو لسه هنقاوم !!

صعلوك مهمش بقلبٍ شريدٍ و احلامٍ كبيره جداً... 

beshoy gergs

Pinned to spotlight

Popular tracks