بحر الليل


عصفور
بالشوق مشقوق قلبة
وفي قلب العش بيتدفى
ويداري الدمعه الي في عينه
ويداري الجرح من اللهفة

عصفور رفرف
بجناح مكسور بيلم الأش
وجناح تاني بيطبطب بيه
على نسر وهو بيصطاده
قام صابه خدش

وحمام طاير فوق منه رايات
وصفافير عماله بتندهله
وحمام الوان نافش ريشه
مش لاقي غاوي يستهله

طارت هربت والليل ليل
طلعت بتطير اكتر بكتير
اكتر ما جناحها ما تخيل

وسماء الليل غربان وعويل
والبوم سارح ينشد موويل
في غرام الحب واصنافه
ويمد في قلبي بخطافه
ويجيب اوجاع

شمت ورده
 بريحق الزهر الخطاف
قامت شارده 
بتدور على الزهر الاصناف

والزهر انواع
منها الي بشوك
منها الصبار 
اهو ده الي فصبره على الوحده
يكتب اشعار

والزهر انواع 
منها الي بريحه خطافه
لكن بتسم
منها الي اوراقه من شمه
بتجيب الغم

وده مهما الغلب يغلبها 
بردك ده حمام
بتقضي العمر 
في حرية وحب وألهم
ملهاش في الهم ولا الغم
 ولا في سهر الليل

خافت طارت هربت
 قابلت كروان
ملعون بيغني في اشعاره
 وبقاله زمان
ينده انسيه سحراله 
ويمكن جان

الملك لك لك لك يا صاحب الملك
يا خالق جمالها وزارع في قلبي السهد
الملك لك لك لك يا صاحب الملكوت
ندرت لك ندري واهب اليك عمري
وبين ايديها اموت

ومعاها الديك قام بيأدن
وبيطوي الام وغرام وشجون
والشمس بتطلع من تاني
والنور يسرح فيضوي الكون
وبيمنع للاحزان غنوة
كانت طلعه من جوف مجنون

وبترجع حمامتنا الغيه
 بعد ما داقت طعم الاحزان
تفضل قاعده ومستنيه
يمكن ترجع زي زمان

HAMDY

Popular tracks