سجد قلبي على رمل الضلوع وهزّه التنهيد
وانا في قلبي خيام الندم والخوف منصوبه
يا رب افهق هلاكي والمنايا والدروب بعيد
ما دام المودماني للتراب تقوده دروبه

يا غيّاث الظوامي والثمام وجرهدي البيد
اعذني من جهنم والحشر والموت وكروبه
انا مانيب لا مشرك ولا فاسق ولا عربيد
انا اللي لا عصى واخطأ تجهّم واقلقه ثوبه

وانا اللي يرتجف مثل ارتجاف الخايف الرعديد 
ليا شاف القبور الضيّقات وحس بذنوبه
انا عبدك ولد عبدك وجدّاني هل التوحيد
خطاياي اخجلتني يالله الغفران والتوبه

انا الانسان حمّال النقايض والكمد والكيد
غريق الطين واللذات من راسه لعرقوبه
انا عبدك يا ربي وانت تفعل ما تشاء وتريد
سألتك يالله العفو العظيم وهيّن دروبه

حمد الطيار | سجد قلبي على رمل الضلوع " خيام الندم "

قلت لك لا تعتذر .. هذا قدر !
والمقدّر لازمٍ عينك تشوفه

لو تذوّقت المراره والكدر
مع وفاء قلبك ترى ماهو حسوفه

من غرامي لك تعوّدت السهر
اسهر وعيني على السهر امخلوفه

لا تطري لي فراقك والسفر
ارفق بروحٍ على حبك عطوفه

عط وفاء قلبي حنانك والعمر
اهتني لا شفت من قلبك مروفه

اعتبر كل الشقى طيفٍ عبر
راح بأحزانه مع ايامه وخوفه

سلامه العبدالله | قلت لك لا تعتذر .. هذا قدر !

قلت وين ربوعنا؟ قالت سلوا !
‏كشّرت في وجهي رمالٍ عطاش
شالوا الدنيا معاهم ورحلوا
‏لا علوم .. ولا سلوم .. ولا بقاش
مع جديد العصر والعيش الحلو 
‏كلٍ بدنياه في طيش ومعاش
‏قلت هونك يا ثرى مهما فعلوا
‏عنك ما يعلون .. انت اريح فراش
حضنك الباقي لهم مهما علو
‏بس انا من دونهم مالي ولاش
عنك راحوا بس في القلب نزلوا
مثل ما ينزل على الورد الفراش
من رحيق الحب شربوا ونهلوا
كل ما في خافقي .. واصبح نشاش
المصيبة ليتهم يومٍ سلوا !
نشّفوا قلبي ولا كنه جراش
لا رمينا مع هل الماضي دلو
ولا خذينا مع هل الحاضر نطاش

سلامه العبدالله | قلت وين ربوعنا ؟ قالت سلوا !

قلبي اللي ما بعد ذاق للراحه طعم
يوم واحد والله اني ما اخبره ذاقها
عايشٍ ما بين همٍ شديد وبين ألم
يالله انك ترحم الحال يا خلّاقها

ارحم اللي جسم حاله غدا مثل القلم
تلعب الارياح به لعبها بأوراقها
انبرى مما يرى من ظليمه ومن وهم
من همومٍ طاقها القلب ما احدٍ طاقها

لي ثمان سنين او اكثر على ساق وقدم
ترعد المزنه ولا لاح لي برّاقها
واتجبّر واتصبّر لا يا صبر الندم
ضاقت الدنيا بعيني وضاق اخناقها

جادلٍ سبحان ربٍ خلقها من عدم
مع حلاوتها حلو خلقها واخلاقها
احسب إن القلب يسلم لكن ما سلم
صابته واستبدلت وصلها بفراقها

حسين العلي | قلبي اللي ما بعد ذاق للراحه طعم " المزنة "

يا ذيب لا تجذب علي الذيابه
حوّل وانا ببدي على الرجم يا ذيب
يا ذيب انا لي وقفة وانقلابه
رجلي مضرّيها بروس المراقيب

والذيب خاوى من عصور الصحابه 
له خوةٍ تصدق مع اهل المواجيب
بديت انا في راس رجمٍ عوى به
وابكي بدمعٍ غرّق الكم والجيب

عليك يا من ساقني في عذابه
سوق الركاب مكسرّات المصاليب
ركايبٍ .. ركّابهن صار ما به
رحمه ولا ياوي لشيب المحاقيب !

اثره جلاوي .. من ديار القرابه
مونس ومجفي عقب ما كان في طيب
ثم شب من بين القرابه حرابه
حرابـةٍ يجبر بها العظم ويعيب

اثر الهوى صعبٍ على من مشى به
يركي على كبد المهاوي لواهيب
يا كم كم وكم ليلٍ سرى به
ياطأ على الديبان ما يعلم الغيب

ياقف على المجمول ويطق بابه
ويقول هذي من كبار العواقيب
الحب بلوى من بغاه ابتلى به
حب العذارى يالنشاما ماهو عيب

العيب من سوّد كتابه وجابه
يوم الرجال يبيّضون المكاتيب

خذاك خايب .. خيّب الله شبابه
ماهوب كفوٍ للبني الرعابيب
اليوم قلبي ما يفيد الدواء به
دواه عندي ما تسر الاطابيب

طبه طبيبه شوف جالي عذابه
كامل حسين اوصاف ما به عذاريب
هافي حشا باب الردى ما سعى به
ارمي بظني في هوى البال ويصيب

اديب ما في سنّته مثل آدابه
يدق بكبود العذارى مناسيب
حس الجنيه يغالطه في جوابه
هيّن علي وهو على غيري صعيب

خلف بن هذال | يا ذيب لا تجذب علي الذيابه

ولّي حمامه شتت الله شعبكي
ما كان غنّيتي مجارير ولحون
ابغى الطرب .. لكن ما ابغى طربكي
طربان بعض ايام .. وايام محزون

واكثر حزوني كلها من سببكي
خصٍ ليا قمتي تونّين بالهون
اي والله ابكي .. واكثر الناس تبكي
الناس وان سمعوا خبر شين يبكون !

يا نخلة الوادي ابي من رطبكي
لكن ما ابغى حزب الاحساد يدرون
دونك شجر يطلع ثمر شوك شبكي
ومن شوفكم وقّع على الكبد طاعون

مدري لو ان الحظ طلّق نشبكي
وصرتي لنا ملكة شريعه وقانون
مدري لو ان الحظ قام وغصبكي
غصبٍ عن العدوان وابليس ملعون

لا واهني اللي بليله نهبكي
في ليلةٍ حرّاسها ما يشوفون
ياذا الوطن ما عاد شفنا عربكي
ومن اولٍ في كل ساعه يمرّون !

يا نار شبّي من ضلوعي حطبكي
صابر على نار الموده وممنون

خلف بن هذال | يا نار شبّي من ضلوعي حطبكي

داعي وله يعزف على البال ذكراك
يعزف بصوت الليل .. لحن إلتياعي
يترك بنفسي لك أثر جرح طرياك
يا عز من ردد حروف الوداعي

قدّمت صافي الود على كف يمناك
وأهديت كل الحب دون أمتناعي
يوم الزمن وافي وطيفي بلاماك 
شمسٍ كست دنياي دافي الشعاعي

كم ضاحكتني دنيتي بضحكة شفاك
وبحر السعاده هايمٍ به شراعي
تاهت مراكبنا على جال ميناك 
ومرساك دونه مركبي له ضياعي

فرقى الحياه أرضاه ولا يوم فرقاك 
اريح من العيش بحياة الضياعي
وداعي وله يعزف على البال ذكراك
يعزف بصوت الليل .. لحن إلتياعي

عبدالله السالم | داعي وله يعزف على البال ذكراك " لحن إلتياعي "

صدّيت عني وابتليتن بفرقاك
غصبٍ علي اليوم قلبي جرحته
صدّيت عني وعسى الله يجزاك
مدري علامك ليه حبي ظلمته
اغويتني بالحب ما اعرف خفاياك
وأوهمتني بحلو الكلام وسمعته
خلّيت قلبي يتبعك ثم يهواك
وحقّقت منه رغبتك ثم تركته
أدميت قلبي وانقطع كل رجواك
وجرحت حبي ما اكتفيت وطعنته
دمي نزف وانت ألتقيته بيمناك
وشربت من كف الغدر وارتشفته
ضيعت عمري .. ضيّع الله دنياك
وهدّيت قصرٍ من خيالي نسجته

عبدالله السالم | صدّيت عني وابتليتن بفرقاك

ورضاك يا عيني تراني اداريه
تر منيتي يا روح روحي اناجيك

ما احب انا الهجران ولا احب طاريه
بالعمر كله يا حبيبي انا اشريك

لو اعتني بالبعد فرقاك ما ابغيه
واكتم مواجيع الضماير واناديك

لا زاد همّي خوّفتني لياليه
ويمضي ربيع العمر كله وانا ارجيك

ومسكين يا قلبٍ تكاثر دواعيه
تبكي .. ويضحك كل منهو يراعيك

عبدالله السالم | ما احب انا الهجران ولا احب طاريه " يا روح روحي "

تصاريف الليالي عذّبتني
تلوّن كل يومٍ له جديد
اذا طاوعتها ما طاوعتني
واذا عاندتها .. راسه عنيد

بها شفت الثواني سيّرتني
على ما تشتهي .. لا ما اريد
اسابق خطوته لين اتعبتني
واثاري تو مداها بعيد

صحيح اني بكيت لين اجبرتني
اسايرها بلا رايٍ سديد
ترا بالحب في ماها اغرقتني
اماني عاشها قلبي السعيد

احسب أن السعاده ريّحتني
واثاريها على همي تزيد
اعيش بحلم واهم واقعدتني
من الغفوه ترانيم …….

تقول الناس راحوا واخبرتني
اذا ما رحت خلتني وحيد
اسامر علةٍ بي سهّرتني
طوال الليل وغيري يستفيد

عبدالله السالم | تصاريف الليالي عذّبتني

لا غاب عن عينك حبيبٍ تودّه
احسب نجوم الليل وامرح خلاوي
هذا وانا لي عنه يا ناس مدّه
والقلب من جور المحبه شقاوي
عن جيتي يمكن عذوله يردّه
والا بهجري ناعم العود ناوي؟
مسكين قلبٍ عوّد الحب ضدّه
ماهو على خفقٍ بفرقاه قاوي
هجري تعدّى مع هوى البال حدّه
وبعده على قلبي كثير البلاوي
حبل الوصل يرخيه والا يشدّه
انا على درب المحبه رجاوي

فهد بن سعيد | لا غاب عن عينك حبيبٍ تودّه

لا تخبره عني ترى ما بي خلاف
شيءٍ بسيط ولا على الحال خوفي

" امرٍ حصل والله بالاحوال روّاف
ما بي خطر واللي يروح مخلوفي "
 ما ابيه يتكدّر بال مجمول الاوصاف
ولا ابيه لأحزان الضماير يشوفي

قلبي عليه اذا حصل شيء ينلاف
لو ………. مخضرات الجروفي
 يا رايحٍ يمه ترى القلب ميلاف
عطه الصحيح بصادقات الحلوفي

واذا سألك وقال وش به ما ينشاف
قل دون وصلك منعنّه ظروفي
 ماهو على كيفه له الوقت وقّاف
حداه عن شوفك الزمان الكسوفي

فهد بن سعيد | لا تخبره عنّي .. ترى ما بي خلاف

اشرقت دنياي من بعد الظلام
وانبرى جرحٍ بقلبي من سنين

واهتنيت اليوم في حلو المنام
والسعادة أصبحت لي تبين

في سماء حبي ظهر بدر التمام
وانجلت هموم عن قلب الحزين

كم تلوّع خافقي بدنيا الغرام
كم قضيت الماضي بأحزان وونين

احترس من عاذلي بنقل الكلام
وسرّنا يا الترف ما ودي يبين

يا ربيع العمر يا حسن القوام
بالوصل داويت جرحٍ بي دفين

فهد عبدالمحسن | اشرقت دنياي من بعد الظلام

قلتها من داخل القلب الجريح
قلتها ما ابغاك لا تتعب وراي

للشحيح إن حدّني وقتي .. شحيح
وللقلوب الطيبة .. تمطر سماي
من وعيت بوجه هالدنيا صريح
طبعك الغدّار ما ينفع معاي

عادتي مابكي على جال الضريح
اطلب المولى وهو يجبر عزاي
من غرورك حاسب لملحك يطيح
ينتثر .. لا صار ما همك غلاي

إلتقى قلبي مع الضبي المليح
كامل الاوصاف بعيونه هناي
عقبك البال المشقّى مستريح
يا قليل الخاتمة قربك شقاي

فهد عبدالمحسن | قلتها من داخل القلب الجريح

عطني دليلك بالجفاء يوم تجفى !
وإن كان عذرك في محله .. عذرتك

في وقت أنا أرجيه بـ تتغيّر وتصفى
وراك تزعل كلما أني نصحتك !

عسى جروحٍ منك بالقلب تشفى
جروحك كثيره بي وانا ما جرحتك

عجزت لا ألقى .. في محبتك مرفأ
معذور .. لو أني أهيم وهجرتك

يا ليت تعذيبك لي العام كفّى
عز الله أني بالعناء من عرفتك

ما فيه سرٍ بين الأحباب يخفى
وأنته عن أسرار الهوى ما سألتك

خل الشموع بـ ماضي الحب تطفى
وقل للذي ما حب .. يا طيب بختك

قلبٍ مثل قلبي من اللوم يعفى
على الوصل شاريك .. وبالهجر بعتك

عيسى الاحسائي | عطني دليلك بالجفاء يوم تجفى !

خلف بن هذال | ما حط شيّال النهود بنهوده " يا حلو منطوقه "

هاتي يمينك وامسحي دمع الاحزان
خلي سكون الليل بحسك تغاريد

تعالى يا صوت الهنا عذب الالحان
نجدد لقانا ونجعل ايامنا عيد

تعالي يا عطر الزهر فوق الاوجان
نجعل مواصلنا بليا مواعيد

يجمعنا صوت الشوق خلان خلان
ويا القمر والا الضحى بغير تحديد

قلبٍ يودك لا تجازيه حرمان
ماله بكل الناس غيرك مقاصيد 

عذبني طول الصبر والحال بنقصان
فى كل يوم الموت يرسلي تهديد

عبدالله السالم | هاتي يمينك وامسحي دمع الاحزان

عبدالله السالم | وقفي .. نبكي على الماضي سوا

عبدالله السالم | انكشف غدرك لقلبي

عبدالله السالم | خلها بالقلب تحرق ما بقى

فهد بن سعيد | قالوا تحبه " موال "

الرحيل اثر على قلبي الشقا
صرت اعاني وحشة الليل الرهيب

يا بقايا الامس انا لي وش بقى؟
ماتت الامال مالي به نصيب

تسجع الورقى على همس اللقا
لا نظمت ابيات شعري للحبيب

حبي العذري على وضح النقا
ما ابالي له على طول استجيب

حسبي الله فرقوا بين ارفقى
صار كلٍ يشتكي جرحه عطيب

عالم العشاق .. للعاشق شقى
أسأل مجرب ولا تسأل طبيب

في فراقه يوم قلبي ما هقى
لين اصبحت بدياري كالغريب

في سما الاحلام مضنوني رقى
دايم اسرح به ويفضحني النحيب

عبدالله السالم | الرحيل أثّر على قلب الشقا

‏في وداعك صدّقي عيت خطاي
‏لا تحرك في مكاني وقّفت

‏ما قدرت امشي واخليكي وراي 
‏ما قدرت امشي ورجلك ما خطت

‏واستباحت دمعتك مني عناي
‏تحكي احزانك وهي عني حكت

‏دمعةٍ نجلاء تعزّي في هواي
‏بس روحي عن هواها ما عزت

‏" الليالي السود سوّدها اساي
‏والغيوم عيون بأحزاني بكت "

‏ما شكيت الصبر في ياسي ورجاي
‏والليالي من كثر صبري شكت

عبدالله السالم | في وداعك صدّقي عيت خطاي افضل تسجيل

عبدالله السالم | على طبيب الهوى - لحن اخر

بروفات شريط معاذير الظروف

عبدالله السالم | بروفة معاذير الظروف & رحيق الورد & مقدر اعيش

فهد بن سعيد | طمن النور ياللي رافعه للتحدي

لا تحسبوني كل ما غنيت طربان 👨🏻‍🦯
https://twitter.com/in960

نواف 🎻

Popular tracks