الجوكر - الواقع

When You Call At NightFall

الواتس الخاص بالصفحة 01121886073
الـــكـــلـــمـــات ياللي بين كل نجمة ونجمة: إمتى هتحنيلنا؟ سكننا الليل بالنيكوتين والقهوة .. يمكن تسمعيلنا علشان حلاوة الحب واقع ؛ بقى الحزن ملة محدش داق حلاوة الحب إلا وإنضملنا إحنا كتير ، وبنعرف بعض ؛ لإن عيوننا مبتخبيش مبنتسألش "مالكوا؟" من فراغ .. لكن بنقول مفيش إحنا التذكرة الواحدة وسط زحمة الإتنينات إحنا الخميس بتاعنا ميختلفش عن التلات إحنا صمت أقوى من الكلام تعبيرا عن صاحبه إحنا اللي بيتزهق منه ، وبيتقال سيبوه على راحته اللي بنحسد اللي رافع راسه .. مع إنه هيتكسر اللي ماشي باصص تحت رجله .. ويخبط فيك يعتذر ياللي بين كل نجمة ونجمة أوعي تكوني سراب سكان الليل في الأرض بسببك متشافين أغراب ياللي بين كل نجمة ونجمة أوعي تخذلينا محدش فينا إتعلم إنه يعوم يا سفينة لعله خير ... شر حامينا من الأشر يمكن أحسن ركوبة لينا ركوبة المضطر يمكن قدرنا الأب بتاع بعمل ده لمصلحتكوا لعله فقد ما نملك ... لإمتلاك ما نستحقه يا ساكنة الضفة التانية جايلك .. مش هتأخر كل شيء في حياتنا -لمقابلتنا- كان متسخر اللي عشته أنا وأنتي أرض صلبة نبني حياة عليها علاقتنا غاية الكون بيدور ودار حواليها متفقديش إيمانك بيا ، ولا تشكي للحظة فيا لو هضحي بكل حاجة مقابل حاجة .. فأنتي هي من أرض الخوف بحدفلك طرف أول خيط يربطنا بنكلم نفس النجمة .. في نفس الوقت .. ودي مش صدفة يا كعبة عيني وعينها بشريها بيا إلهميها بكونها مش وحيدة ، واللي فيها فيا إرسميني قصادها في السما ، وسيبيلها هي الباقي محدش طارد حلم يقظة أكتر من هوائي يا ساكنة الضفة التانية وجودنا في القاع أمل لينا بكرة مش هيلاقي حاجه ياخدها مننا .. فهيدينا يا ساكنة الضفة التانية العرش والتاج في إنتظارك وصلينا بسرعة يا أرض ... لقانا نقطة على مدارك المرادي مش غريق في عرض أول قشة تظهر المرادي المرسى نقطة قصادي .. كل ما أعوم بتكبر مؤمن في كل وقت ... متأكد لو فيه علامات بمشي ورا إحساسي دايما ... أنتوا بتمشوا وراه ساعات أخيرا إتقابلنا وش لوش بدون وسيط كل حاجه زي ما السما وصفتلي .. بإختلاف بسيط طبيعي إن أحنا دوبنا تحت أول ليل قابلنا حبنا لبعض أتولد قبل أول نظرة بيننا أحكيلي تاني كل حاجه ... حتى لو عاديه ده أنا بشوف نفسي فيكي أكتر مانا بشوفني فيا كل "بحبك" كنت بقولها لحاجه منك في اللي قبلك يعني كل كلام الحب اللي أنا كتبته ده أتكتبلك بتأمل حياتي وهي بترسم سندريلا فيا أثناء ما حياتك على التوازي بتشكلك هي مستحيل تكون دي صدفة .. جايز تطلع دي نظرتي مانا نحات ، وخلق معنى من لا معنى دي شغلتي أحكيلي جديد ، وأنا هنحت تماثيل جداد عايز كل يوم نعيشه يبقى أسعد من اللي فات طب نعمل حاجه جديدة ... ما دام مفيش حاجه تقوليهالي مش عارف ليه زهقان! يا خوفي ليكون اللي في بالي أوعى تواجه الموهوم بشيء بإن شيئه أختفى مفيش أصعب من الغروب عاللي متعلق بالدفا ساعات لازم نعيش وجع وصدمة إنهيار أوهامنا علشان نشوف حقيقة صعب حد يوريهالنا رفضنا نصدق إن نهاية القصة إبتدت فضلنا بنرقص .. مع إن المزيكا إختفت حاولنا نفضل سوا بكل وسيلة ، وكل حيلة خلقنا بديل لكل بديل لكل خطة بديلة فابتدى الملل ، وأبتديت أشوف عيوبك وبدأت أحتاج مساحة لنفسي ، وأستتقل وجودك وأضطريت أداري ده بكلام مكانش من جوايا فأبتديت أشك في حبي ليكي -أصلا- من البداية أحنا في محنة .. بس بنحلم .. والميت في حلمه حي من أول يوم فرحنا وأنا قلقان من اللي جاي مش تشاؤم ، ولا كآبة ، ولا مستكتر إني أرتحت بس للي في أعلى نقطة أي طريق هيكون لتحت ياللي بين كل نجمة ونجمة جيتلك ... متأخرتش بعترفلك إني أحتاجت أتحب ، وأحب ؛ فمفكرتش ياللي بين كل نجمة ونجمة: أيه المشكله في كده؟ أكيد مسيرها تصيب ... من فضلك أوصفيلي غيرها مش كل البدايات سعيدة ، ومش كل النهايات حزينة مسيري هكتب غنوة كاملة تحبي تسمعيها وحتى لو موهوم .. الوهم بكل طاقتي أولى على الأقل يتكتب على قبري نال شرف المحاولة ـــــــــــــــــــــــــــــــــــــــــــــــــــــــــــــــــــــــــــــــــ Sokan El leel Written by: El Joker Music: Mostafa Ebrahim Reff: Nupel beats Vocals: El Joker Master and mix by: El Joker © 2017 El Joker

الجوكر - سكان الليل

اتفرج على الفيديو كليب من هنا 
https://www.youtube.com/watch?v=5zfl1oAi_DU
الكلمات - Lyrics
كل واحد فينا بيبص على حلمة من بعيد 
بيقول انا مستحيل اوصله
اتحدى خوفك زعق وقول انا هاوصل اكيد
ياتكسر سور الخوف ياتعيش ديماً فى ضلة


قبل الوصل بتكة انا غريزة ثابتة 
معاية مفيش محاولة مفيش وجود للتالتة تابتة
فشلت المره الى فاتت اقف هتفشل المرادى
والى اتلسع من الشوربة يهاب وينفخ فى الزبادى

اهلاً بيك مكنتش متخيل انى هكلمك فى يوم 
مع انك ملازمنى ديماً معاية زى الهدوم   
مش فاهم سبب وجودك وليه تبنيلى حدود 
وكونى فى كون عدمك مسجون مع انك اصلاً مش موجود


مفيش وجود للحظ  وعزمك شئ غشاش 
انا جزء منك وبقولك  احلامك مش مسموحة
لو محتار تختار تكمل رسمة او متكملهاش
انا المسؤل عن كل رسمة فى حياتك كانت ممسوحة


اتحدى وواجه وفتح كل البيبان 
فشلت ايه يعنى ادخل على المحاولة الجاية
بدون اى حسابات جازف اوعى تكون جبان
مش هتتعلم العوم الا لما تكون فى الماية

------ كورااااس--------- 
كل واحد فينا بيبص على حلمة من بعيد 
بيقول انا مستحيل اوصله
اتحدى خوفك زعق وقول انا هاوصل اكيد
ياتكسر سور الخوف ياتعيش ديماً فى ضلة
---------------------
يالى فى الوقت اتسرقت ببحثك عن بدائل 
بتسلم قبل ماتحاول بتأجل حل المشاكل
بتخاف وتقول هاتعلم فاتبعد وتقول بتتعلم 
الخوف لو كان بيعلم كان زمانك من الاوائل

وتجرب ليه وممكن تحكم من الغلاف
قولى الملح والسكر فين قبل ماتدوق الاختلاف
وقعت مره اتعلم متجربش تانى المفروض
مش معنى انك اتلدغت من الحية تعيش فى خوف من الدود

اوعى تكون ياعزم فاكر انك يوم هتعدينى
النفس هى مللك النفس وهى الى بتستولى
انا الخوف غريزة ثابتة مش وهم الى يمشينى   
واليوم هتكون نهايتك نقطة جديدة للمحاولة

بتخاف من المحاولة فابتقاوم عكسك ليه   
وبتبذل اضعاف المجهود الى كنت هتحاول بيه
يعنى نفس المجهود هيستهللك نفس القلب نفس الدق  
فاليه تخاف من البداية جازف ليه لأ
------------------------------
انت بأيدك تختار بكرة
انت الى تحب او تكره
الخوف ملهوش قرار عليك 
فخاف انت تعيش نكرة .

كريم رفعت و محمد ايبو مع سارة حسنى - كل واحد

قادرين-الجوكر

Nghmaty.Com

أغنية الغربة - زاب ثروت وساري هاني مع أمير عيد | ألبوم "المدينة"

https://soundcloud.com/mazikaofficial :تابعوا اجدد الاغانى حصري على

اغنية فارس - زاب ثروت وساري هاني واحمد شيبة

الوصايا - الجوكر

متطلّبات الجنة:
_______________________________________
Intro: scene 1
-انت عايز تعمل ايه
=يعني مش عارف
-عارف، زي ما انت عارف ان دي مش الطريقة اللي هنلاقي بيها اجابة
=مبقتش عايز اجابة.. انا زهقت.. مبقتش عايز اسال نفسي عن اي حاجة
-انت اذكى من كدا.. مش انت اللي يوهم نفسه.. ولا اللي يريح دماغه وميفكرش
=شكلك عندك أمل تقنعني! 
-انت لسه برضه مفهمتش اني مش بحاول اقنعك باي حاجة.. انا بدور معاك.. وبسأل نفس اسالتك.. والأمل اللي عندي إنك تسمعني عالأقل
=قال يعني هتقولي حاجة معرفهاش.. ما انا حافظ كل نصايحك.. اسمعك ليه وانا عارف انك هتقولي.. 
_________________________
Verse 1:
معلش، آخر مرة، استحمل، عيد شريطك تاني
أدوق أنا المّر في حياتي، وانت تطبطب في الأغاني!
ماعادش في مساحة لربك فاكرنا فمتقلقش
ناتج الظلم كان مفروض العدل ولسه متحققش!
فكل مرّة كنت بهدى وأصدّق، إني لازم أصدّق
ليه بتقنعني أغطس أعمق كل ما تشوف إني بغرق!
القشاية اللي انت شايفها دي مش أمل ده سراب رسمته
بتشوف في الضرر حسنته، وتخفي غضبك بابتسامته
والغريب مهما عكس كلامك حصل لسه مؤمن
بتلاقيلك سبب مقنع، حقك مش هيضيع لا يمكن
فالحق بيتنسي، وتاني اتأذي، والمؤذي بيتكسي
والسؤال لو الرقيب ليه حكمة، أنا لمين اشتكي!
آمن بفكرة لكونها أذكى فكرة، ما إنت غبي
"صدّق لحد ما تتأكد" ده عمره ما كان مذهبي
الشك اللي انت خايف إنه يعيش، بياكل خوفك
بيهوّن عليك وظروفك "تغلط والإله يشوفك" 
________________________
Scene 2:
-ايوة بس أنا مكنتش هقول كدا
=يا سلام! من امتى بتفكر بطريقة مختلفة
-انا كنت عايز اقولك انك طلعت عندك حق
=ما انا عارف من زمان، بس يا ترى انت ايه اللي خلاك تغير رأيك دلوقتي 
-عشان المرة دي فهمت مشكلتك
= وايه هي مشكلتي؟!..
-نتايج افعالك.. وافعال اللي حواليك بتقنعك تبعد عن الصح.. يعني مثلا لو جربت
_________________________
Verse 2&3:
تعيش بتحاول تمحي جهلهم، محدش هيعلمك
اديهم آخر لقمة وجوع، محدش هيأكلك
ما انت طيب، فكرك سوي، فلأجل المصلحة العامة
بتستحمل وقوع ضرر عليك لخروج عدد من أزمة
وطول ما فيك حيل انت بتشتغل وغيرك لأ
ما المسمار المتني في راحة والسليم طبيعي يتدق
وبمعايير الدنيا هيقولولك ان المتني ناجح
وانت متعترضش عشان نجاحك جنة وانت عارف
مش بس كدا الضمير بيعلى فالمطلوب بيزيد
والمقابل مش نجاحك لأ، انك للكون مفيد
فلا حد هيشكر سعادتك، ولا هيرد الكون افادتك
مانت هدفك، عارف انه نجاح على المدى البعيد
فبص، محدش هيساعدك، مش هيعيشوا الوقت بساعتك
ايوة؛ غير انك تمشي صح هتشيل ليلة مش بتاعتك
فاكر لما كنت قريب من حلمك كام شخص بعدك
كل عنصر فيها جزء من نظام بيحفر تحتك
اوعى تصدق إن خوفك من العقاب كرادع نافعك؛ 
.. ابعد عن الغلط عشان غلط هتزيد دوافعك.
.. السم في العلاج، وخوفك من المرض خلاك
على استعداد.. تقتل شيء في يوم تلبيةً لاحتياج.
واوعى تظلم حتى لو هتتظلم من الكل
كل ظالم فتيل مظلوم، اقطع انت حبل الظلم
لكل فعل رد، دايرة كحق ليك مشروع
بس أشرفلك تكتب اسمك على طَرَف الحبل المقطوع
هيسرقوك، وهتيجي فرصة تسرق.. حكّم أصلك
هتشوف نساء سعيدة بالتحرّش.. غضّ بصرك
علماء الدين هيشاوروا باليمين على الشمال
واتخلقلك عقل عشان تحتكم ليه مش للاقوال
صعب؟ ما طبعا صعب.. مش نفسك تروح الجنة!
ولا فاكر ان بجملة حقك في النعيم تتهنى
لأ جنب الشهادة مطلوب عبادة وصالح الاعمال
وبعد ده كله دخولك الجنة برضه مجرد احتمال
_________________________
Scene 3:
=اديك قلتها.. اتعب نفسي ليه بقى من الاول، المهم انك فهمت اخيرا.. ممكن بقى تسيبني في حالي! 
-لأ..
=انت مبسوط يعني وانت شايفني بتظلم! عاجبك اوي اني كل مامشي صح اندم.. واشوف بعيني كل اللي ماشي غلط مرتاح! 
-تفتكر انا هدفي اديك سبب زيادة انك تستسلم! تفتكر انا فعلا عشان مش راضي باللي بيحصلك هسيبك تتوه!
=انت عايز مني ايه 
________________________
Verse 4:
مش عايزك تفهم غلط، بحضرّك، مش بحبطك
عايزك في كل لحظة تبقى واثق من خطوتك
انا شفتك استحملت الاذى من الشارع و المدرسة
صمدت رغم كذا وكذا، ودلوقتي بترجع للاسف
مش هقولك انت اخترت فلو هتمشي ايه اللي جابك
طول ما سؤالك لسه عايش عمري ما هزيف اجابة
ولا هسيبك برضه تتوه في سكة مش لاقيلها هدف
وعد هفضل المحايد مع انه المنبوذ للاسف
مش هزيّف الحقيقة، الطريق ده مش ممهد
هو اصلا صعب بيهم، شبه مستحيل لوحدك
بس عارفك، كل ماتتعب هتشوف في التحدي راحتك
مش ضامنلك مكسب؟ يمكن.. بس ضامن تكسب نفسك
مش قادر اوعدك بالجنة، مش عايز اقنعك تستنى
حب الصح عشان ده الصح ده اللي كنت عارفه عنك
انت اسمى من المقابل، انت آخر صح فاضل
انت آخر نقطة بنروي بيها شجرة الفضائل
________________________
Outro:
انت النقطة اللي بتتقاطع فيها روح كل الفصائل
انت الاثبات الوحيد عالحكمة في خلق شيء عاقل

Last Rap Seed

علامة استفهام 4

Motatallabat El-Ganna - متطلّبات الجنّة

خارج عن السيطرة

الــكــلــمــات

حسيت انك ضعيف ، ومكسور الجناح
مكبوح الجماح .. معدوم المتاح
بسبب
ناس عن جهل قالوا انك مش زيهم .. مش كامل
كإن الاختلاف دليل على توزيع مش عادل

في ناس كانت بتشدك لورا ، وتهدك لغرض
في ناس كرهتلك النجاح ؛ عشان في قلوبها مرض
قادر ، والدليل ان الحياة مهزمتكش
من وانت بتحبي وهي بتحاول متقومكش

وقومت .. خدت أول خطوة غصب عنها
وفضلت تنجح مهما يتقل امتحانها
وزي ما ناس هدتك .. زي ما ناس ساعدتك
زي ما ناس كرهتك .. زي ما ناس حبتك

ما الشىء وعكسه مخلوقين يتنافسوا
غيرك كسب سباق بس خسر نفسه
وانت روحك كانت بتكبر كل ما تكبر
قولت تقدر للي قالك مش هتقدر

الدنيا مبتديكش اللي انت شايفه عليك كتير
ما دام هتحلم .. اوعى تحلم الا حلم كبير
في ناس وصولها راح هدر عشان لحظة تأخير
سابق بشراسة ... كإنك بادئ الأخير

الظروف سيوف ، والدروع إرادتك
عمر التعب ما راح هدر .. قاوم بكل طاقتك
هما حاولوا يحبطوك خوفا من حركتك
عرفوا ان انت هتعديهم لحظة انطلاقتك

استنى الريح تعدي ، ويندموا اللي مالوا هوا
يخسروا اللي حاربوا بعض قدام اللي كانوا سوا
تمد ايدك ليهم يفتكروك بترمي طعم
أصل اللي يزرع شر لازم يجني رعب

واما العيوب تبدأ تغطي ع المزايا
وتُحبَط قبل خطوة واحدة من خط النهاية
وتبص لروحك بشفقة في المرايا
زي ما تكون خلاص صدقت ان انت مش كفاية

بص وراك تشوف طريق طويل اتمشى
هازم في كل مللي فيه ميت احتمال للفشل
اما اللي وقعوك وسبقوا الخوف فيهم متغلغل
بيبصوا وراهم مرعوبين لتقوم تكمل 

الدنيا مبتديكش اللي انت شايفه عليك كتير
ما دام هتحلم .. اوعى تحلم الا حلم كبير
في ناس وصولها راح هدر عشان لحظة تأخير
سابق بشراسة ... كإنك بادئ الأخير
__________________________________

7elm kbeer

Lyrics: El Joker
Music: Mohammed Elsayed
Master & Mix: Amonuos
Recorded at: Wave Studio
Master & Mix at: Retal Studio
Des. by: Mostafa Karim

© 2019 El Joker

قادرين-الجوكر

3amo eljo

Recent comments

Sherif eldamak

Ahmed Gamal

mahmoud Ghaly

احمد ماهر

Related tracks