Dier 5

Let's hit the club... oder den E-Lake. An der grousser Steißbein-Spezialfolge ginn et depriméierend Promi-News an Erweckungserlierfnisser zu London... Oh well! Et gëtt och nees ganz musikalesch mam Toni Braxton vun de Security-Leit, dem Patti LaBelle vun de Rollschung an dem Grace Jones. Mir sinn nach méi hopelessly devoted to ZLS ewéi soss an expandéieren äre Vocabulaire. Et gëtt och nees gewinnt schounungslos investigéiert: Fannt dir Lëtzebuerg cool? Ass Banannebrout nach aktuell? A wat ass de gréisste Scam in Scam History? Gratis dobäi ginn et och nach "Subway"-Mysterien, kickboxend Eenzeller an en Touch Drogen.

Iech gefällt dëse Podcast? Dann hannerloosst eis gären e puer Spotify-Stären :)

Nach méi Paus. fannt dir op:

- Instagram: https://bit.ly/3RVs4np

- Facebook: https://bit.ly/3RVshab

Fir Ufroen oder Feedback si mir och ënner paus.podcast@gmail.com erreechbar. 

Dir wëllt eng Playlist mat de greatest Paus.-Hits? There you go... https://spoti.fi/3vyjrpt
(Warnung: ka Spueren vun Däitschrap an de Flippers enthalen.)

#77 Dee mam "Liberté, Egalité, Beyoncé"

Surprise, surprise! Paakt den Didgeridoo aus a steiert – wann och en Dag ze spéit – mat ärem léifste fraefeindleche Podcast an eng Episod voller Concertsdrama, Miniatur-Hoerstylisten a provokant Leit mat Gitaren. Niewt Festival-Fantasien, Arctic Monkeys Lyrics an engem däregen Dossier aus dem Supermarché, hunn är Buh-Leit och nach d'Star-Performance vum nächsten ESC parat. An de Kategorien "random stuff to die from", "Nazis" an "Pride Month" ginn et genee esou Updates ewéi zu den Themen "And Just Like That", "ZLS" an "nei Marketingstrategien fir d'Barbie".

#105 Dee mat de Lëtzebuerger Avengers

Är zukünfteg Maacher Wäikinniginne sliden haut mat 100 à l'heure an de Schwimmteich an engem Politiker an d'dms. 
Et geet ënner anerem ëm emotional Männer, historesche Gossip a naass Ënnerwäsch zu Düsseldorf. 
Et gi wichteg Froen opgeworf, wéi zum Beispill: Ween ass de neien Joy Hoffmann? Wéi geet onironeschen Horror 2024? Gëtt ee vun eis Portier vun der Ambassade? A wat ësst ee beim Dinner mam Ötzi?
Et ginn Dommheeten an Highlights vun der Pride, ongewéinlech vill Shoutouts an Diskussiounen iwwer d'EM (net dm). D'Pläng fir den Abschid a verbal Konschtënnerstëtzung fannen eben esou hier Plaz ewéi oscarräif Hausfraen, Coming-Outs, d'Hogwarts-Hypnoseschoul a Rechtsrockbros. 

Inch Alain!

#132 Dee mat den enttäuschten "Tokio Hotel"-Fans

Mir sinn erëm do an hunn alles dobäi, wat dir fir d'Feierdeeg braucht: Trüffelpasta,  d'Kussespill an eng gutt op den Aarsch. D'Lisa Left Eye Lopes an en Engel mat BBL präsentéieren iech haut Beef mat der Krankekeess 2.0,  skandaléist Security-Behuelen an de Mustard of Disaster.  

Äre Bitcoin-Helpdesk verséisst iech d'Adventszäit mat de beschte Recommandatioune fir de Schluss vum Joer: ënner anerem gëtt eng Reportage iwwer eist Liblings-Zirkuspferd, eng lourd Telenovela-Obsessioun, e wonnerschéine Country-Album an en dramhafte Restaurant.

D'Taylor Swift ënnert de Podcasts bitt iech zwar eng Folleg mat ganz ville Cuts, mee dofir och mat engem léiwe Flic, Prominenz bei der OKF an alternativ Konzepter zu Chrëschtdag. Happy Quikanja!

#144 Dee mam Klaasohm Heufer-Umlauf

Är Grande-Duchesse begréissen iech am Joer 2025 mam Motto "We listen and we judge" – ënner anerem mat blanner Léift a polished trash, Geböllers an dem Anne Hinged. Hei ginn et fun facts ouni fun, e Western an der Stuff an e Wok op der Autobunn. D'Zousatzkeess-Nancy Drew, wat Gemeinsamkeete mam Trump huet, an e Booktok-Fan, dee mat senger Kaffismaschinn reest, këmmeren sech haut och em Themen ewéi fast fast fashion, Meta-Money an d'grouss Fësch zu Fëschbësch. Et gëtt spannend, well ewéi heescht et esou schéin: "Net all Tennisball gewënnt de Wimbledon."

#146 Dee mat Nieten, Nutten, Nagetiere

D'fei Madämmchen aus der Staat an dee Mann, deen sech am Summer gären emol selwer invitéiert, kommen haut éierlech an transparent em den Eck: Trennungen an Dating-Opriff, de Roger Dahm op Reddit, schnéiwäiss Enttäuschungen a Späizattacken vu Schauspiller (mat Techno) si just e puer vun de Punkten um Ordre du jour. 

Hairspray-Probleemer, sech fir Lëtzebuerg schummen, Macaron-Mafiabusiness, MAGA-Mausen an onneideg Sexzeenen  – viirun heiklen Theme gëtt sech och an dëser Episod net gescheit. 

Duercherneen a confused ewéi eh und je ginn sech nees wichteg Froe gestallt: Wiem vun eis gehéiert d'Éislek? Sollt den Harald Glööckler op d'Wallëscht? A ween der Däiwel ass d'Ruth? 

Mir hu net just Relatioune mat Spuenien, Frae mat Schankebrëller an Halluzinatiounen an de Bierger, mee glowen och vu bannen a baussen! Eist Geheimnis? Boo-dhism (an en Touch probiotesch Bakterien).

#150 Dee mam eenzegen Influencer vun der Welt

D'Bibi an d'Tina aus der Podcastwelt sprange fir iech vun der Frank Elstner-Maschinn a klammen an hier travelling Pilates pants, well haut steet villes um Programm. Ee vun eis ass a senger Bus-Ära, deen anere mëscht e Stage am "Foot Locker". 
An dëser Folg si crazy Girls ewéi d'Claudia an d'Bettina, d'Mme vu Singapur an d'Sylvie Vartan mat dobäi. 
Niewt Spotify-Geräischer, engem drëtte Member-Reveal a Sträit an der Podcast-Welt geet et ënner anerem ëm d'"Kotzende Tulpen", propper Récksäiten an eng Serie ewéi e Spice Girls Video.

#151 Dee mat der Speckmaus

Oh Lord(e) have mercy! Um Ouschtersonnde sinn de Johannes den Täufer an d' nei BFF vum Bibél-Timur nees fir iech do an hunn net nëmmen Easter Eggs am Gepäck, mee och Foreshadowing. 

Mir feieren e Familientreffen am "Verso", Frëndschaftsoofbroch um "Coachella" a Musical-Ikonen bei "Drag Race". 

Et gëtt eng Wiederauferstehung mam Missy, Landflucht op de Cap Vert an eng Schnitzeljagd aus dem Jenseits.

Mat dobäi sinn haut ënner anerem den Til Schweiger an d'Charlotte Gainsbourg, Gruppeleit, UK-Idiotien a Feminismus op der falscher Plaz.

Den Ouschtermenu besteet aus bloem Matcha, Bärlauch a Kamellen-ASMR (méi oder manner). 

An och um Feierdag ginn sech natierlech eng jett Froe gestallt: Wat ass eng Tyrolienne? Wisou leie Batterien an der Vase? A ween ass den Härgottsblieschen?

Abracadabra!

#152 Dee mam Koks am Waasser

D'Marlene Dietrich sëtzt am Donkelen, d'Liza vu Lëtzebuerg hëlleft beim Charitydinner an d'Musiksdiven ginn ënnert d'Lupp geholl – dat a villes méi erwaart iech haut an ärem Liblingspodcast! 

Mir äusseren eis zwar net iwwert de Poopst, dofir awer iwwer e Mierschwéngche mat Gittar, Kolleeginne vum Tennis an Toilettëpabeier aus dem Cactus. 

Ausserdeem geet et ëm d'Catcalling Season, Stage Moms op der Päischtcroisière an eng Dokterthees iwwer eng gutt amerikanesch Famill.  

Mir streeën nach e puer verletzend Poschen, e Libesgedicht, eng Telenovela an d'Tante Tina an de Mix a wënschen iech e schéine Sonnde mat "Paus."!

#153 Dee mam Klaus Kinski am Palladium

D'Sue Sylvester a säin héich beschäftegte Kolleeg hunn haut eng jett dufte Themen fir iech parat: al Männer am Fliger, marokkaneschen Ueleg an den RTP si just d'Spëtzt vum Äisbierg. 

Mir fuere mat iech op Divatown, bei Warner Brothers an an d'Disneyland fir Autoleit. 

Ausserdeem gi prominent Doudesfäll, brennend Plantagen an en Tennisaarm beschwat. 

Nieft enger (Prä-)Analys vum ESC ginn et och nach Norichte vum Verona, Tacos an der Mass a Schweinebackenrücken mit Honigkuchenpferdkartoffeln. Ach du meine Nase!

#154 Dee mat de Labubus

Mir huelen de Fisher-Price-Kassetterekorder eraus a leeë lass mat "Jills & Yannicks Radioshow"! 

Haut gi seriö Themen ewéi Gewalt géint Fraen, Pädophilie-Skandaler, Cancel Culture a Rassismus ugeschwat. 

An typescher Paus-Manéier kommen awer och Gossip an Dommheeten net ze kuerz: Et gëtt Maskottchen-Drama an Drammänner aus dem Backstage, Punk-Sirenen op TikTok a Beauty Blenders beim ESC. 

En plus stinn nach a story about a Boy named Benny, Fashion-Magazin-Cover-Dreem an Tattoos am Schluechthaus um ordre du jour.

#155 Dee mam Flippo

Den "Houfrëgmount" ass amgaang an är problematic faves sinn am Asaz – mat Aarullen a GANZ ville Ligen! Kenne mir de Bachelor an d'Hanni? Lafe mir den "ING"-Marathon beim Opernsangen? Muss ee vun eis no enger Hochzäit auswanderen?
Live aus dem Hondskuerf ginn et (opgewiermten) Köln-Gossip, schéint Aanrullen an eng Diskussioun iwwer Iwwerkompensatioun.
Fouteuses de merde, Schlager (halb Fisch, halb Arielle) an e mysterious Girl zu Klierf sinn och mat um Start.
Et gi vill Froe beäntwert an der nach méi gestallt... Wéini kritt d'FLF endlech eng rout Kaart? Si mir gutt fir d'Gen Z? Ass Lëtzebuerg ze kleng fir grouss Geschichten? An hätt de Gandhi Rammstein gutt fonnt?

#156 Dee mam Üben

Herzlichen Glückwunsch zu mir! Et geet um Surfbriet a Richtung Kneppenhepperdampferfest - well et ass Zäit fir eng nei Episod vun ärem Liblingspodcast! 

Tëscht Dokteschrechnungen an italieenesche Bopen am Weltall gëtt sech iwwer "Picon Béier"-Männer opgereegt, Thomas Mann-Joer gefeiert an "GNTM" analyséiert. 

Impfunge mat Mulch, d'franséisch Schiller a Goethe an d'Ikkimel (feat. Jang Linster) sinn eben esou en Thema ewéi en Hörsturz vun der eegener Stemm hunn, den Doud vun Zeechentrick-Figuren a Fastfood-Frëndschaft.

Och op d'Bildung gëtt natierlech nees opgepasst: Wat ass eng Bey-pression  ? Wei ee groussen Dichter huet den "deng Mamm"-Witz erfonnt? A wat huet d'Marie Curie mat Ringlights ze dinn?

#157 Dee mam F***ennnationalfeierdag

Et ass déi läscht Folleg ier d' Summer-Paus.-Episode starten an et geet uerdentlech virun: Mir fänke mat de "No Angels" un, sti mam Airfryer am Lift a spille mat Red Flags. 

Fir déi néideg Holiday-Vibes ginn et amerikanesch Absurditéiten, pöbelnd Politikerinnen a Féisswéih um Festival. 

Mir gi mat den Aliens an den Europapark an diskutéieren iwwer Marketing, "American Apparel" an e persesche Rapper. 

Natierlech geet et och ëm "the concert that could have been an e-mail", dem Charel Goerens seng grouss Musekskarriär a Millennial-Tipps fir Saachen am Summer. 

Ze kläre bleift also just nach: Ass Karamell 10 Kalorie wäert? Wéi vill Dates kann een an enger Woch hunn? Wien ass d'Twiggy XKX? A wisou ass d'Antonia Rados bei de Mormonen?

# 158 Dee mat der Homoerotik am Ouer

An der éischter "Summer-Paus." iwwerreeche mir d'Zepter un d'Lizzy: Hatt ass net just d'Little Miss Pinterest, mee och déi viirbereetste Persoun vun allen Zäiten. Frësch vum Minigolf huet hatt Kaddoen, Kichelcher a Buzzeren am Gepäck – vläicht spille mir Spiller, mee vläicht ass dat alles och just eng "Intervention". 

Mir schwätzen ënner anerem iwwer Halloween an der Villa, "Disney"-adults an Heroin fir Ufänger. Et gëtt och nach Mikro-Mobbing, Concerten ouni T-Shirts an Zitater mat Selbsterkenntnis. Mat dobäi sinn ausserdeem Krichszeenen um "Picadilly", Espresso Martini (literally), Beebee-Tennis a "Recession Indicators". 


Och de Bildungsoptrag kënnt nees net ze kuerz: Wat ass "Pausisyphus"? Wat sinn déi dommst Google-Froen? Ass "Brach" d'Zukunft vum Marketing? A wisou ass d'Buffy e Steak?

#159 Dee mam Lizzy

D'Summer-Paus. geet weider a mat dobäi ass haut keen aneren ewéi d'edgy "Kindle"-Queen a Member vun "The Cocktails": d'Kyra a.k.a. Kitty (oder och Kythi). 


Paakt är Mini-"Dianas" aus a kommt mat eis an d'Kölner Clubszeen aus den 2010er, mam Streckeisen an d'Frittebud an op de Gehaansbierg. 

Mat dobäi sinn e Festival-Recap (vu "Frauenfeld" bis "Werchter"), nei Rockstars (Midlife-Crisis incoming!), an True Crime op TikTok. Et gëtt "Feuer, Eis und Dosenbier" mat Kaviar, de Canaletto an e Psycholog mat Bassgittar. 

Et bleift ze klären: Kann d'klengt Latinum de Grondstee fir eng Frëndschaft leeën? Wat ass "Braceletsgate"? A mat wei engem däitsche Promi feiert et sech am beschten?

#160 Dee mam Kitty

Nothing beats a ... Concert am Atelier! Dofir ass haut d'Mamm vun de Staren, der Stad Diddeleng a "Catch a smile" an eiser Summer-Paus. 
Et geet ënner anerem ëm iconic Rockshows, 48 Stonne mam Robbie Williams an e legendären Owend mam Lemmy. 

Mat dobäi sinn och schwiereg Kënschtler*innen, den James, d'Stierwen vun ale berüümte Männer an e fliegender Teppich. 

A wéi enge Länner gëtt et blot Waasser AN Mënscherechter? Wat ass eigentlech no den "SK Babies" gelaf? A wéini kënnt d'Beyoncé endlech op Lëtzebuerg?

#161 Dee mam Fabienne

Fir déi zweetlescht "Summer-Paus." deelt äre Liblings-Schlagerduo sech Kopfhörer a potert mam Paus.-Haus und Hof-Fotograf Pit zu Porto. 

Huet eis Drag-Schwëster Iddie fir en zukünftegt Cover? Gëtt et deemnächst eng Podcast-Episod aus dem "Berghain"? A ween hat eigentlech de Rock-a-field am Gaart? All dat soll haut geklärt ginn.

De jéngste Gaascht vun allen Zäiten (und von allen, die noch kommen werden) huet vill Nostalgie matbruecht – ënner anerem Indie Sleaze, "Born This Way", iPods an Tumblr. "Drag Race", Fotografie an eis most 2010er Looks dierfen och net feelen. 

Et gëtt donieft awer natierlech nach onzenséiert iwwer plakeg Bieren, Labubus op "Only Fans" a Serienstars op "Grindr" geschwat. Queerness oblige!

#162 Dee mam Pit

Let's go!! Déi läscht Summer-Paus. kënnt eng Woch éischter ewéi gewinnt a liwwert en Zesummentreffen, dat Olympia an de Schiet stellt. 

D'Jïel an de Yåkz hunn e grouss gemaach an haut huet de lëtzebuergësche Kelce-Brudder sech ausgebadged, fir iwwer Käerzen, d'"Moutarderie de Luxembourg", RTL-Kommentarer an Dönerpizza ze diskutéieren: de Bob Bertemes – jéngste Pensionnaire vu Lëtzebuerg, Gay Community-Ikon a most relatable Sportler ever!

Et stinn ënner anerem (méi oder manner penibel) Kenneléiergeschichten, tea aus dem olympeschen Duerf a Meme-Kultur um Ordre du jour.

Journalistesch investigativ gëtt et natierlech och – mat Froen ewéi: Wéi geet Lëtzebuerg mat senge Sportler*innen ëm? Hänkt d'Klatz wierklech um Nol? A wéini kënnt e sexy Kalenner eraus?

#163 Dee mam Bob

Endlech geet et nees em eis! D'Summer-Paus. ass eriwwer a si sinn erëm do: de Starmaker an d'kompresséiert Sardinnebéchs. Et gouf vill Schmu gedriwwen, Feedback ginn, Zäit an der Horizontaler verbruecht a bal beim Parkautomat gekusst. Postoperativ Investigatiounen an urgent Insolatiounen waren och um Start – an iwwer all dëst (a nach vill méi) gitt dir elo geupdated!

Mir waren Oben ohne um "e-Lake", an der längster Kontroll vun der Welt, mat Flamen op "TikTok" a beim Lena Dunham an den dms. Et geet ëm Bieden am "Basic Fit",  Baba Ganoush mat ganz spezielle Pouvoiren a Blosinstrumenter. 

Mat dobäi sinn och Catfish-Leit, eng trashy Pop-Madame, d'Charol Canning, de "Matlock" am Altersheem, de Luigi, de Jimmy, de Stephen an de Charly. 

Et bleift ze klären: Gëtt et deemnächst e Podcast-Crossover oder Kanner-Special? Wien ass d'Beyoncé vun deene ganz Jonken? An ass alles am Botter (sexy royale Botter, fir genau ze sinn) oder gëtt et Sträit am Paus.-Team?

#164 Dee mam illegale Backstagebesuch (sorry Nosi)

Um Weekend vum Trounwiessel hunn de lëtzebuergesche Serj Tankian an d'Emo-Mrs.Doubtfire net just eng Laachkris mat Houschtufall (Erkältungszäit, dir wësst Bescheed) dobäi, mee och Content Creator-Kloertext, e Kollektiv am Kino a Kriisemanagement an der Branche. 

D'Crème de la crème (an d'Jill) huet sech versammelt, fir tëscht milkafaarwege Kleeder an iwwerwältegendem Botter déi längste Fëmmpaus ever ze maachen. 

Déi schéinst Krausel vun der Welt, dem Yannick seng aner Schrëftaart, d'Lady Gaia, d'Whitney an d'Mariah, Romeo a Julia am "Ernster" a natierlech och S.A.R. – jiddereen ass op dësem besonnegen Dag mat dobäi. 

On top: Tourismus am eegene Land, eng Misswahl mam Elsa, e katastrophale Brunch a Stanniol – wou fannt dir dat alles beieneen, wann net an ärem Nummer 1 Business-Podcast?! Dofir lauschtert vive vive vive eran!

#165 Dee mat der Welttour zu Wickreng

Déi least relatable people on earth berichten haut quasi live vum 30-järege Jubiläum vun hirem zweeten Doheem alias "Den Atelier": War den James do? Wee krut op de Fouss getrëppelt? Wéi ass de Backstage? All dat kritt dir an enger mëtternuechtlech-midd-dommer Episod geliwwert.

Mee CALN ZHOWN, well et gëtt nach méi: Mir sëtze mam Forrest a mam Lana op der Bänk, schwätzen iwwer spawnende Lipödem, "Mister Bear"-Gossip a Fässer, déi ni zou sinn.

An dëser Folg ginn et ausserdeem nach FOMO bei der "Luxlait", Fächeren am Kaffi an dat anert coolt Claire, mee och K-Pop Demon Hunters, e Mäerder bei der Police, eng Männerkleeder-Moudenikon an de sixpackegste Musikvideo vun allen Zäiten.

#166 Dee mam Beth Ditto sengem Brownie

Allerhellegen ass schonn eriwwer a Chrëschtdag steet an de Startlächer... dat ass QUÉISI!!!!!

Hei gëtt fir d'éischt awer emol nach d'Fréijoer gespuert a sech no vir gedréckt fir eng nei Episod vun ärem Liblings-Podcast. Et gi Supermarché struggles,  "british pettiness", eng Attack vun der Plüschwuerzel a "Shawshank Redemption", mee och "Paus. and friends" mam Luc an onerkannten Halloween-Geschwëster.

De Line-up ass haut extra fantastesch, well mat dobäi sinn den Oskar, d'Buergermeeschtesch vun der Welt, de Yannick am Heterosexuellen, Honken vun der ADEM de Michel Sardou (feat. "Escher Musik"). 

Do bleift just nach ze froen: Wat ass en "Chicken Tachycardien"? Huet "Paus." de "Yungblud"-Concert ausverkaf? A natierlech: Wer stiehlt mir den TEQUILA!?

#167 Dee mam grousse "Cactus"-Seenen

Null-sechs-neun!! Babahaft! Hildegard! Berghain! 

D'Britt an de Ricky si nees do, vläicht sinn et awer och d'Fräulein Knüppelkuh an de Ralph Wiggum – egal wéi ginn et haut nei Geschichte vum Schlësselroman ënnert de Lëtzebuerger Podcasts:

Mir gi bei d'Metzlersmeedercher, iesse Bulletten am Bus a riichten eng Petanquespist an der Stuff op. 

D'Mme vu Losch, d'Mme Pieppieppiep an dat klengt Tendinite sinn och mat dobäi, genee esou wéi den éischte Gay-Crush an "Dolce & Gabbana" aus der Filmbranche.

Et geet ausserdeem em "Eggnog"-Fans (feat. Toni), eiser aller Buergermeeschter, Ofstëmme mat Riets a Rap-Doku-Pläng mam "Filmfong".

Gëtt et en neit "Girls"? Wien disst säin Ex zu Walz-Musik? A wie gëtt hei beim Sport gefilmt? Falls dir genuch Sëtzlieder op den Ouere gutt, gitt dir et elo gewuer.

#168 Dee mat der musikalescher Offenbarung

Get ready for a very special "Kaffiskränzchen" because Luxembourg's meme queen has finally knokk-ed on our door: "Not Claire in Luxembourg" will be dropping AND spilling the T in a new "Paus."! 

The future grand duchess talked to Gillian and the man with many fans about Luxembourg lore, possible lawsuits, famous followers and bisexual icons. 

In this multilingual episode your new favourite throuple chats about the "Lëtzebuerger Filmpräis", similarities between the Grand Duchy and Ireland, period shaming and the "Polvermillen" black hole.  

The ingredients of a good meme, the Luxembourgish word of the year and the difference between "expat" and "immigrant" are also on the agenda. Plus: the Mandela effect, "Guinness" insider knowledge, memin' and dreamin' in Delululand and possible future dating partners.

Will Rosalía x "Philharmonie Lëtzebuerg" be happening? What's a gúna? And why do we hate Liechtenstein? LETZ figure it out!

#169 Dee mam "Not Claire in Luxembourg"

Léif Dammen, Hären a non-binary friends... D'Joer geet dem Enn zou an d'Maria an de Jesus aus der Podcastszeen ("Lux"-edition) si prett fir d'Chrëschtdeeg esou besënnlech ewéi méiglech ze maachen: vu réierenden Doppelmaus-Momenter iwwer ëffentleche Liebesbekundungen bis hin zu spaassegen Aufgabe fir är Adventszäit ass alles mat dobäi!

Dir musst d'Land net verloossen, fir internationale Feeling ze kréien, well mir sinn Europa a Podcastform: Haut gëtt et italieenesch Riviera mat Chrëschtdagshannergrond, d'ëmwerfend polnesch Sprooch, Mënschenhaass zu Paräis a finnish people (hello hello)!

Et bleift just nach ze klären: Ween ass de Berghain vu Lëtzebuerg? Wat leeft donneschdes owes am "Melu"? A wat ass e "social ninja"?

#170 Dee mam bloe Fuedem

Surprise a god jul! D'indirekt Chrëschtdagsbeliichtung ënnert de Podcasts guidéiert iech duerch dem little baby Jesus säi grousse Moment an huet net Weirauch, Gold a Myrrhe mat dobäi, mee suspicious silence, Tattoo tea an d' wicked witch (flip it around).

Et geet haut ëm "Spotify"-Ageshaming, penibel Ufroen un de Bréifdréier, random acts of kindness an (in-)kompetent Mënschen an an ausserhalb der Chamber. 

Mir trotzen dem drohende Weltënnergang mat "Dangerous Minds" am Prisong, verroden eis Hochzäitspläng, Iddien zu "Richtung 22" an déi bescht Jugendwierder vun de Millennials. 

Oflenkung vun ze vill Iessen, ustrengende Familljememberen an enttäuschende Kaddoe gëtt et mat wichtegen Themen ewéi Pumpen beim Baken, dem kierzte "Stephen King"-Film an Appartementer zu Oz.

Mat um feierlech gedeckten Dësch sëtze wichteg Leit ewéi de Brice de Nice, de Yoshi, dem Diddy seng al Assistentin, d'Johanne an de Fioré. 

Natierlech ginn et och an de besonnesch feierleche Stonne vum Joer wichteg Froen ze klären: Wien trauert mat Pyrotechnik? Ass de Supermarché déi nei Disco? Si mir de neie "Marc Thoma"? An ass de Ben Olinger "das Beziehungsomen"?

#171 Dee mam Twerken am Asia Market

Wëllkomm bei der "Rocky Horror Uptight Show" mat äre Sisters aus der "Orangerie"! 

Am grousse Réck- a Viirausbléck 2025/26 ginn et esou hallef informativ News fir d'neit Joer, de Yåkz am "Alpha Male"-Modus (lusch an der Dusch) an eng ruinéiert Welttour (Tortikolli).

Tëscht Chaos a Comfort Zones berichte mir och iwwer Böller-Budgets, den Doud vum Museksvideo an e rietsen Aarm, deen no lénks weist.

Natierlech sinn d'obligatoresch "Stranger Things"-Mutmaßungen mat dobäi, plus e Projet fir "Spotify" an "ZLS" an e klenge Fësch zu Gran Canaria. 

An op de leschte Meter vum ale Joer gi selbstverständlech nees wichteg Froe gestallt: Wou sinn d'Husbands? Kréie mir eng Plaquette an der "Belle Etoile"? Wei ee geheime Virsaz gouf heemlech ëmgesat? A wéi funktionéiert eigentlech Recycling?

Happy new year!

#172 Dee mam putegen Outfit

Wéi kann ee mat enger Schachtel eng ganz Primärschoul a Panik versetzen? Wéi dreift ee mat "Nivea"-Crème Biosproffen an de Wahnsinn? Jugendleche Leichtsinn, Drama an Trauma zum Schoulufank – haut bei "Paus.".

#8 Dee mat der rentrée

Iech gefällt dëse Podcast? Dann hannerloosst eis gären e puer Spotify-Stären :)

Nach méi Paus. fannt dir op:

- Instagram: https://bit.ly/3RVs4np

- Facebook: https://bit.ly/3RVshab

Fir Ufroen oder Feedback si mir och ënner paus.podcast@gmail.com erreechbar. 

Dir wëllt eng Playlist mat de greatest Paus.-Hits? There you go... https://spoti.fi/3vyjrpt
(Warnung: ka Spueren vun Däitschrap an de Flippers enthalen.)

Paus.

Popular tracks