Lipunang Malaya Ay  Ating Papandayin
Musika at Titik ni Joel Costa Malabanan

Hugis tatsulok daw ang ating lipunan
Nasa tuktok ay  mga mayayaman
May hawak ng mga kapangyarihan
At nagpapatakbo ng pamahalaan!

Samantalang ang nasa ilalim
Mga magsasakang walang lupang angkin
Mangagawang siyang lumilikha ng yaman
Ngunit sila rin ang napagkakaitan

Pinananatiling ang marami ay mangmang
Upang patuloy na mapagsamatalahan
Kung kaya’t tuwing may halalan
Nagwawagi ay ang mga mapanlinlang

Panawaga’y baliktarin ang tatsulok
At makabayang pinuno ang iluklok
Ngunit ang unang dapat na gawin
Edukasyon ng masa ay  paunlarin!

Bata pa man ay magsuri sa lipunan
Pag-aralang mabuti ang kasaysayan
Kilatisin ang totoo at di huwad
Magsikap at iwasan ang maging tamad!

Labanan natin ang pagsasamantala
Kumilos tayo nang bayan ay lumaya;
Ang tatsulok ay ating bubuwagin
Lipunang  malaya’y ating papandayin!

Lipunang Malaya Ay Ating Papandayin [musika at titik ni Joel Costa Malabanan)

AWIT SA KABABAIHAN
Musika at Teksto ni Joel Costa Malabanan
Ika-8 ng Marso, 2019
Inawit ni Fae Fami

Cafo sa 3rd fret

Intro: G – B-Em-C (2x)

G B
Ang sabi ng Aral ng Katipunan
Em C
Ang babae ay hindi dapat ituring na libangan
G B
Bagkos ay katuwang sa hirap ng buhay
Em C
Alalahanin ang ina nagpakahirap
G D
Alagaan ka sa iyong kasanggulan.

G B
Pinatunayan maging ng kasaysayan
Em C
Ang papel ng mga Babaylan sa ating lipunan
G B
Manggagamot, tagapayo at gabay
Em C
Hindi lang ina ang tungkulin ng kababaihan
G D
Mandirigma sa apoy man ng digmaan

Em C
Kaya hindi lang ideya ng Kanluran
G D
Na kilalanin ang aming karapatan
Em C
Bagkos ito’y supling ng katuwiran
G D Em - C
Mahalin at palayain ang kababaihan

Am D
Mula sa pang-aalipin ng kapital
Am D
Mula sa pang-aabusong sekswal
Am D
Mula sa idelohiyang patriyarkal
Em C
Atrasadong pananaw na sumasakal

Adlib: G – B-Em-C (2x)
G B
Sa panahong itong laganap ang karahasan
Em C 
Panggagahasa at mga pagpaslang
G B
Buksan natin palagi ang isipan
Em C
Irespeto ang alinmang kasarian
G D Em
Karapatan ng bawat tao’y igalang!

Awit Sa Kababaihan [musika at titik ni Joel Costa Malabanan)

ANG KATAWAN NG BABAE'Y HINDI MAKINA
Tula ni Gregorio V. Bituin Jr.
Musika ni Joel Costa Malabanan
Inawit ng Himig at Panitik para sa Bayan tampok si Fae Fami

Ang katawan ng babae'y hindi makina
Na kung kailan mo nais ay pwede siya
Tanungin siya kung anumang iyong nasa
Hingiin mong lagi ang pagsang-ayon niya

Nais ba ng babae ang anak nang anak
Na pag ayaw nya'y sasabayan mo ng upak
Babae ba'y pagagapangin mo sa lusak
Masunod ka lang kahit siya'y mapahamak

Babae ang nakatatalos ng kanyang sarili
Babae ang may alam kung anong mabuti
Ramdam niya kung anong maaring mangyari
Kaya pag-usapan kung ano ang maigi

Huwag mong ituring na siya'y libangan lang
Na sa libog mo, siya'y isang parausan
Karapatan ng babae ay dapat igalang
Siya ang mapagpasya sa kanyang katawan

Siya ang mapagpasya sa kanyang katawan
Siya ang mapagpasya sa kanyang katawan
Babae ang mapagpasya sa kanyang kalayaan!

Ang Katawan ng Babae ay Hindi Makina (tula ni Greg Bituin Jr.)

Walang Halong Biro ang Unang Araw ng Abril
Tula ni Jasper Lomtong
Musika ni Joel Costa Malabanan
Ika-29  ng Agosto, 2019

Labing-apat na tingga
ang punlang itinanim
sa malambot na lupang sakahan

labing-apat na basyo
ang nagsilbing pananda
sa tumimbuwang na mga katawan

labing-apat itong tumambad
na pambungad ngayong buwan
ng Kuwaresma

ang labi ng labing-apat, walanghabas
na kinitil, siniil
nang mainit na halik

ng nguso ng baril
ibinilad sa araw,
saka pinaulanan

ang pagod at kulubot
na mga katawan.
Nagsasagutang alingawngaw

ang bawat putok
na tila nagdarabog
na mga kulog.

Hindi patak ng ulan
ang nagdilig sa lupa—
tilamsik nang malagkit

na dugo
ang isinaboy ng berdugo
sa tinubuang lupa.

Walang halong biro, unang
araw ng Abril, malinaw
sa alaala, bawat putok ng baril.

Walang Halong Biro Ang Unang Araw Ng Abril (tula Ni Jasper Lomtong)[1]

Walang Santo sa Dilim
Musika at Titik ni Joel Costa Malabanan (8/29/1992 DSAC)

Sa mga sandaling nakaw na eksena
Bawat minuto ay mahalaga
Sa panahong mapanukso ang kapusukan
Damdami’y di mapigilan
Kasalanan man ay nalilimutan

Sa minsang pagkikitang hiram na sandali
Huwag kang umasang di magkakamali
Sabi nga: “ang kahoy mang babad sa tubig
Idarang sa apoy at magniningas din”
Kaya’t huwag mong pagtakhan

Sapagkat walang santo sa dilim
Sa gabing malamig at kulimlim
Kahit pa ang estatwang bato
Kikilos at gagawin ang gusto

Sapagkat walang santo sa dilim
Matino ma’y natutukso rin
Ang pagakakatao’y di dapat sayangin
Ang mundo’y sarilihin natin

Kung buo ang tiwala at ang pagtingin
Walang dahilang damdami’y pigilin
Pangamba ay iyong alisin
Isipan ay huwag guluhin
At ang mga kaluluwa’y pag-isahin

Sapagkat walang santo sa dilim
Sa gabing malamig at kulimlim
Kahit pa ang estatwang bato
Kikilos at gagawin ang gusto
Sapagkat walang santo sa dilim
Matino ma’y natutukso rin
Ang pagakakatao’y di dapat sayangin
Ang mundo’y sarilihin natin

Unknown Album (11/4/2010 7:43:52 AM)

Walang Santo sa Dilim (Musika at Titik ni Joel Costa Malabanan)

Dilat na Dilat Naman Itong Buwan (Kuwentong Bayan)
Tula ni Kevin Armingol
Dagling Awit ni Joel Costa Malabanan
Ika-6 ng Nobyembre, 2019 

Dilat na dilat na naman itong buwan.
Kapre't tikbalang kay lutong ng halakhak.
Maghanda-handa sa opisina't tahanan.

Pagsindi ng dilim, huwag magpasilaw
Sa akit ng t'yanak maglaro sa gubat.
Dilat na dilat na naman itong buwan.

Ang ungol at angil ng maligno't aswang
Sa gatilyong pangil t'yak mapapaigtad.
Maghanda-handa sa opisina't tahanan.

May bitbit na nginig ang hanging maginaw
Duguan ang d'yaryo nang sila'y nagkalat.
Dilat na dilat na naman itong buwan.

Walang kamalay-malay ang naglalamay:
Bangkay ng mahal ay pabuyang masarap.
Maghanda-handa sa opisina't tahanan.

Ating oyayi kung gabi'y alingawngaw
Sa dibdib nagluwal ng kulog at kidlat.
Buhay na saksi ang pagdilat ng buwan.
Tayo na't maghanda sa kalye't tahanan.

Dilat Na Dilat Na Naman Itong Buwan (tula Ni Kevin Armingol[1]

Iilan
Teksto ni Vangiemar Gerpacio
Musika ni Joel Costa Malabanan
Ika-27 ng Abril, 2020 sa bahay

Marami ang may talas ng dila
Mahusay humabi ng magagandang salita
Marami ang may mga daliring sanay
Sa anumang tugtugin ay sasabay
Maraming bihasa sa pag-awit
May tinig na sadyang mapang-akit

Ngunit iilan ang may tapang
Ilarawan ang tunay na anyo ng lipunan
Iilan ang dumudura ng makabuluhang usal
Sa puso at isip, may  naikikintal
Iilan ang may makabayang diwa
Sa kanser sa lipunan ay humihiwa
Iilan ang sadyang may bayag
Para sa dalisay at makabuluhang paghahayag

Kailanma’y hindi galing ang mahalaga
Hindi dapat ang pangalan ang magpasya
Pagkat ang matayog na bituin 
Ay hindi palaging kinang ang dala
Madalas ang labis na ningning
Ay bumubulag sa mata.

Iilan (teksto Ni Vangiemar Gerpacio At Musika Ni Joel Costa Malabanan)

Buhay Guro sa Panahon ng Pandemya
Musika at Titik ni Joel Costa Malabanan
Ika-11 ng Steyembre, 2020    9:23 ng umaga

Masuwerte raw ang guro, pagkat tuloy ang sweldo
Kahit na sa internet lang nagtuturo
Kung nababatid n'yo lang  ang totoo
Lalong naging mabigat ang aming mundo.

Mapa-Zoom pa man o sa Google Meet
Pahirapan pag mahina ang internet;
Ang paggawa ng modules, di ganoon kadali
Pagod ang utak, maghapon hanggang gabi!

Di nakakatuwa iyang work from home
Kayod kalabaw para lang  di magutom
Kung pwede sana ay face to face na lang
Kasama mo ang iyong mga tinuturuan

Sa pagtalakay sa powerpoint presentation
Mag-isa ka lamang sa discussion
Mga bata'y baka mag-ML at mag Tiktok
At sa lessons mo'y hindi nakatutok!

Sa New Normal, matira ang matibay
Magsikap ka upang matutong tunay;
Distance Learning, Blended man o Modular
Estudyante'y dapat masipag mag-aral!

Buhay-guro sa panahon ng pandemya
Nakaasa ang lahat sa teknolohiya
At ang virus na hindi nakikita
Pinapaslang bawat buhay at pag-asa

Tayong mga guro ay Frontliners din
Taga tanglaw ng liwanag sa dilim
Gaya ng marami ay nahihirapan din
Dagdag na sahod sana ay dinggin!

Di nakakatuwa iyang work from home
Kayod kalabaw para lang di magutom
Sana'y matapos na ang pandemyang ito
Balik sa dati buhay ng mga tao!

Balik sa dati buhay ng mga tao
Balik sa dati buhay ng Pilipino!

Buhay Guro Sa Panahon Ng Pandemya (musika at teksto ni Joel Costa Malabanan)

BABY RIVER*
(Kay Reina Mae Nasino)
Tula ni Ed Romano Labao
Musika ni Joel Costa Malabanan

Kumapit ang pait 
sa nangitim
na munting daliri.

Hinahanap
ang init
ng kapwa daliring 
sa kaniya
ay nagsilang.

Namanhid 
na rehas,
ang taghoy
na humarang.

Ipinagkait
ang ugoy 
at lingap ng yakap.

Paratang
sa inang
nagbubuntis
ay dahas.

Umaawit
ang lagaslas
ng mga ilog.

Sinasalungat
ang lakas
ng maruming
agos.

Walang sinisino -
maging huwad
na manunubos
maging unipormadong
mga dimonyo
maging ang buktot
sa palasyo.

Baby River (tula Ni Ed Romano Labao)

Quarantine
Musika at Teksto ni Joel Costa Malabanan 
Ika-1 ng Mayo, 2020

Capo sa 2nd fret

   Am                                             E
Diumano, ipinagbawal ng Diyos  kay Eba at Adan
                                                         Am
Na tikman ang prutas, alok ng ahas na gumagapang
     A7                                               Dm
Quarantine ng diyos ay nilabag at minana raw natin
        B                                                                   E
Kasalanang ang buong sangkatauhan ang may pasanin

         A                                                Bm
Nang sakupin Espanol ang Las Islas Filipinas
     E                                                         A
Ninuno natin ay lumuhod sa krus at pandarahas
   D                                           Dm              A
Higit tatlong daang taon ang cedulang-quarantine
  E                                                          A             E
Ang lupit ng pang-aalipin at relihiyong pamahiin!

      Am                            G
Si Rizal ay namulat at si Bonifacio ay nag-aklas
     Dm                                                 E
Ngunit inagaw ni Uncle Sam paglaya ng Pilipinas
     Am                                G
Edukasyong kolonyal ang nagsilbing pang-quarantine
      Dm                                                    E
Upang sariling pagkatao ay malimot na natin!
 
                     Am                                              G
Refrain:   Quarantine ay kasangkapan upang tayo'y kontrolin
                       F                                               E
               At  anumang ang kalayaang taglay ay supilin
                     Am                              G
               Quarantine ang solusyon sa pandemyang malupit
                       F                                                 E
                Ihiwalay ang malusog sa mahina't may sakit

Am-C-Dm-E (2x)
F- break C  break –Dm  break -E (2x)
   
      Dm                    Am           B             E
At upang ang demokrasya ay pigilin at supilin
     Dm                    Am           B                E
Ang Batas Militar ni Marcos ay nagsilbing quarantine 
     C                         G              F              E
Ngunit kahit ang dikatdurya ay tuluyang nagapi
     C                            G           F                      
Bulok na sistema  ay hindi nabuwag at ito’y  
   E
nanatili  

(Ulitin ang Refrain)

      Am                          C
At ngayon sa lipunang kontrolado ng kapital 
      Dm                                                  E
Oligarkiya ang nagsasadlak sa atin sa kanal
      Am                                         C
Sa digmaan ng idelohiya ay may armas na kemikal
      Dm                                                   E
Pandemyang sa buong mundo ay sumasakal

       F                                                  C
Quarantine ang  panlaban sa  Covid 19
       F                                                     C
Quarantine laban sa sakit na sa China galling
      Dm                                      Am
Quarantine ng estado ay pang-aalipin
      F                                            E
Mapagsamantala’y i-quarantine natin!

      Am                                C
Daming walang makain hinaharas ng militar
      Dm                                E
Kulong ang tugon sa halip serbisyong medikal
      Am                            C
Sa halip na ayuda pagpaslang ang nagaganap
      F                                                 E
Ginigipit, ginugutom  lalo ang mga mahihirap!

     F                G                  Am
Matagal na tayong naka-quarantine
    F                  G                            Am
Matagal na tayong binubusabos, inaalipin
     C                       G
Di lang Covid 19 ang kanser ng lipunan
           Dm               B                 E
Maraming virus sa ating pamahalaan!

Quarantine (Musika At Teksto Ni Joel Costa Malabanan)

Apoy sa Tatsulok
Musika at Titik ni Joel Costa Malabanan

Malamig na naman ang simoy ng hangin
Para bang nagbabantang may darating na unos
Malapit na ring maghatinggabi
At ang mga tao ay nahihimbing

Ngunit may dalawang kaluluwang nanatiling gising
Nagtatampisaw sa gitna ng alaala
Kailan ma’y hindi na maibabalik
Habol ang hininga sa gapang ng halik
Ang katawa’y pinag-iisa nitong bigkis ng pag-ibig!

Sa di kalayuan ay mayroong nagmamasid
Mga mata, luha’y nangingilid
Ang damdamin ay nagpupuyos
Punong-puno ng galit at panibugho

At biglang, bumunot ng baril
Pusong manhid, liyab ng panimdim
Tadyak sa pintong pinid
Mga putok sa dilim ang narinig.

At humupa, apoy sa tatsulok
Tatlong bangkay ang nakalugmok!

Mga Awit sa Wikang Sarili

Popular tracks