Name: محلتيش إلا الحروف.. by osama monir (نصوص عشوائية)
Duration: 3 min 54 s
Description: معملتش أي شيء يستحق الذكر، ولا حتى فضلت واقف على رجلي.

يمكن - على طلباب

كلمات & اداء تقوى الهوارى 
كلمات :
الوسخ وسخ و هيفضل وسخ 
و كيف الخرا يجيب له معلقة 
والحازوق هيفضل خازوق 
و العادي معداش بلاش نكدب و نحاول ننسي الفات 
الجبن وسيلة دفاع و الهروب فرض مش اختيار 
الخاين فاكر نفسه متخنش بس هو اتخان م نفسه قبل الغير ... 
شايف نفسي في مراية مكسورة لا لا 
دي مش مرايه دي طلعت الصورة ... 
اصلية وانا المكسور 
متغنليش ياناي ليه وانا مجروح بنزف دم ؟ 
ياخبيتك دي دموع بس مره شوية ف مش متعود عليها ...   جزمة م غير رباط مركونة يمكن نحتجها ولو صلحنها انتهت صلحيتها ف ياريت يعني لووسمحت بلاش صداع 
مش صفر ع شمال لا لا ولا اقل ولا اكتر انت عدم مش موجود ف الاصل محلك سر ملكش لزمة ... 
مش اكتئاب مودي لي انتحار للاسف ده الانتحار ذات نفسه منه جاله اكتئاب 
و ده مش حلم ولا كابوس دي حقيقة جواها محبوس و خايف بس تعترف و تقول ... 
ت انا فاشل انا عدم انا مليش وجود لا الاصح ملوش لزمه وجودي 
بس بس انا مش مؤذي 
مش عايز اتآذي مش عايز اخاف مش عايز جبن 
خيالي في الاوضة اوضح مني ... ف بتالي اسفي غير مجدي 
متعيطش متكبيش متوحنش كلهم نفس المعني بس الاقوي يوضحه و يقول كل ده في جملة واحدة  انت ملكش لزمة ... 
بس مش مؤذي

بس مش مؤذى

" لا يمكنك الخروج من هنا "

"osama monir" facebook account :
https://www.facebook.com/osama.monir.10

Produced & mixed by "reda jaan" :
https://www.facebook.com/profile.php?id=100008326306001

- share if you like it.

المتاهة 2 - أسامة منير

الخوف..

كَلام بطَال - أسامة منير

الهزيمة..

هلاس 2 - أسامة منير

للمخدة
وللسرير
للسلام
والحرب
هكتب
للكلابش
وللأسير
للي قال لازم تبطل
واللي قال قادر تطير
هكتب ان انا لسه هكتب
بس مش هكتب كتير

للي حبيتهم ومشيوا
وللي قالت مش بغير
للي ما رضيش بالهزيمة
وللي رضيت بالمصير

للي داعك في الفانوس
للي مكبوت في النفوس
للي لا يملك فلوس
رغم ذلك مش فقير

للي اللي حاصل
واللي لسه
للبداية في كل حاجة
ولنهاية كل قصة

للي سهران واللي نايم
للي محذوف م الشتايم
للي هيطوّل وقاعد
واللي بعد شوية قايم

للثواني وللدقايق
للي ميال للحقايق
حتى لو كانت تضايق
للإجابة وللسؤال
للمزاولة وللزوال
للي عايش في الخيال
حتى لما بيبقى فايق

للي عيشته في مرة مرة
وللي عيشته كتير كمان
للي خضته
وللي شوفته
وللي لسه مشوفتهوش
للي رايح
كله رايح
للستاير
والمراوح
للي باين
في الملامح
واللي خفياه الوشوش

للموسيقى وللقراية
للي باصين في المراية
للي عايز الكون في إيده
وللي مش بيقول كفايا
لام كلثوم ولأمير
ولتراك كان لك معايا

للحبايب كل واحد
للدواعش والملاحد
للي عامل فيها طيب
واللي عامل فيها جاحد
للي عامل فيها عامل
للمكاتب والمعامل
للي بيحبوا الصراحة
وللي بيحبوك تجامل
للعوامل والظروف
للقصايد والحروف
للي عايزك تبقى شايف
واللي مش عايزك تشوف

للبشر ولكل حاجة
للنهاية وللديباجة
للي ساعدك تبقى ناضج
واللي شدك للسذاجة

للي بايع
واللي شاري
للحواري
وللخطاوي
للي سامع
واللي راوي
ولعبقرية خالد الصاوي
ولخالد صالح

للعداوة وللمحبة
وللي دايمًا يستخبى
للي باقي في عمره حبة
وللي ملهوش في المصالح

لسه هكتب ليك وليا
للحفيد والجد بينهم
للي عاش بالإسم والد
بس فعلًا كان مكانشِ
للي بيننا ولو مبانشِ
للتشابه بين مشاعري
وبين ظروف مشروع كومانشي
للثقافة وللموالد
لسه هكتب للي غاوي
وللي هاوي
وللي بيحب القهاوي
وللي بيحب انعزاله

لسه هكتب للي سكتوا
ولسه هكتب للي قالوا

للي باع الأرض عادي
وللي رافض إحتلاله

للنباهة وللخيابة
للنيابة وللقواضي
للي عايش جوة غابة
أو في عالم إفتراضي
للي عاش طول عمره حر
مهما خد حبس انفرادي
للي أعلن التمرد
واللي طول الوقت راضي
للي عايش بالتراضي

للأراضي وللمزارع
للي ما بيمشيش وواقف
للي طول اليوم يسارع
للي بكرة هيبقى ماضي
وللي بعد سنين هيبقى
.. زي دلوقتي ومضارع
للي نازل واللي طالع
للي عاش لسنين في حاله
وللي عاش لسنين يصارع

للمصالح والمطارح
للي مبيعرفش يكدب
واللي عمره في يوم ما صارح
للي لو مرة اتخاصمتوا
حتى لو مغلطش هو
يجري ويبادر يصالح
للي فاسد واللي صالح

للنزاهة .. وللمتاهة
وللي مش عايزاك معاها
وللي عايزاك بس وانت
غصب عنك مش عايزها
للي ضاع م العمر مني
وللي ضاع م العمر منك
للفرص لو لسه فاضل
فرصة واحدة هننتهزها

"للصحاب وللصحابة
للي بينهم تار تملي
وللي بينهم فيه قرابة
للمدينة الفاضلة هكتب
بعد ما اكتب للخرابة
للي سلم واللي حيا
للتعالب والديابة
للي متشوفهوش عينيا
وللي بتشوفه الغلابة
للمسافة ما بين إيديا
وبين إيدين أقرب سحابة
للحياه ولحساباتها
ولتقلبها وثباتها
للجميلة في حد ذاتها
لسه هكتب للكتابة"

للجميلة في حد ذاتها

هتنسوني في يوم يا حبايب.. هتنسوني
هبقا مُجرد ورقة في مَهب الريح.. 
- ياااه لو أسامة يكتب نص تاني. 
= مين أسامة؟. 
- واحد عبقري وصف نفسه هلاس.. تخلى عن كل شيء و أختفى. 
وجودي عادي يا أصحاب، يعني لا الكوكب هيقف بَعدي ولا الحال هيسوء، لا نصوصي هتخليكم أحسن ولا حروفي هتبقا الدرع عشان تحاربوا في وش الأيام.. 
واحد كان هِنا و مكنش.. ده أنا..
عِربيد أختار سكك ضالة، مُهرج القعدة و ضحكي مش مضمون، شيطان للبعض بس أمي تقولي "روحك كُلها نور".
فيكم أوفياء لحُزني و هيسمعوا "خمورجي" سنين، فيكم الموسيقار و الراوي و الندبة و فيه اللي لسة فـ متاهة سابع سما.. 
بس لإمتى يا أوغاد؟
لا هبقا أحمد بدر* ولا الطحان*
لا هبقا طفرة الجيل ولا واحد الزهر لعب معاه
هبقا بعيد مع كل شخصياتي في دماغي و بعد سنين.. 
= مين أسامة؟ 
- معرفش. 
_______________________
* شُعراء مصريين.

وجودي عادي..

معملتش أي شيء يستحق الذكر، ولا حتى فضلت واقف على رجلي.

محلتيش إلا الحروف..

osama monir (نصوص عشوائية)

Related tracks