احمد

الجوكر - واحد 1 ابريل -- El Joker - 1 April 2014 - YouTube

مهرجان دنيا - سادات و فيفتى و فيلو توزيع موكا و مزاجنجى

ماسك القلم ، ودى مناسك الألم
آسف حاسس إن أنا ، ندمان إنك شوهتها
بظهورك بس ، ظهرت ليه ؟
كنت إمشى بس ، صلحت ايه ؟
فكرك موناليزا تروح منى كـ جوكر فين ؟!

تروح مطرح ما راحت ، اللى عملته ده لمصلحة
الجزء اللى باقى على اللى باقى من جملة إتصلحت
ماتمنيتش شيئ يتهد ، أعتقد حبيت بجد
مهما بان فى شبه بينى وبينهم ، أنا مش شبه حد "شبح حد"

بس
أوضح مشهد كان ، أكتر مشهد فاضح ساب
أذكى شخص رابح بان ، آخر شخص يلبس تاج
روحى
خدى المهلة كاملة ، فرغى الطاقة الكامنة
أهم حاجة لما تيجى تانى تكونى مآمنه

خايف يطلع ذكائك خانك ، وتكون مش رجعالك
تطلع كانت علامة ، ربك قاصد إنه يوريهالك
تفتكر عينى بتيجى فى عينها كل حياة علشان
لازم أفهم بس إن إحنا عشنا فى كذا مكان وزمان

يمينى جثة فيل ، ده مش المشهد الأخير
مع إنى ماشى مُبتسم وفى ضهرى الواشى على الصليب
يعنى إحنا مكملين ، وهما هيفهموا التشبيه
أصل أكيد هيبقوا جوكريانز زى ما بقينا مسلمين

ياترى كل جسمين كُنا فيهم إتألموا
فكرك مـ المرة الكام عن التكرار بيتكلموا
آه كان ممكن يبقى طفرة "لولا غباء الكاتب"
مش أعظم مئة رجل ، أعظم مئه رجل واحد

أيوه الورقة غضبت إنى لمستك أكتر منها
رغم إنى عايزك إنتى بس قوى أكبر عايزينها
معقولة إحنا اتقاطعنا كل مرة مرة واحدة
بعدين روحتى ناحية ، وأنا ومعجزتى طبعًا روحنا ناحية

لما القلب بيقف العقل بياخد كل الطاقات
فـ بيهديك تناسى آمن كمجرد عربون صداقة
برضه ماقتنعتش إنى مش هكون معاها
وإنى علشان أؤدى الغرض منى لازم أعيش بعاهة


طب هى عارفة أنا مين ؟ ولا هى للتذكير ؟
وقبل أول إحتياج لإنى أفتكر ، عشنا كتير ؟
كـ جوكر يرضى غرورى تكون دى كينونتها
كـ أحمد خايف لـ منساهاش ، تفضل خلفيتى صورتها

مكنتش أعرف إنك مش معاه وإنك رجعالى
فصنعت منها آلى شبه يحاكى حياتى معاكى
وهدفعها تمن ، كل جرة قلم ، لحظة ندم
رد أى سؤال الفترة الجاية سؤال مين اللى بدأ ؟

فى مواضيع بناقشها فى سطور انت متفهمهاش
بالمعنى اللى يبين إنى مسبتش حاجة ماقلتهاش
مش بجرى ومش هلحق لقب ، أنا النظام جابنى هنا
لو دى أول مرة ليك عـ الكوكب تبقى مش زينا

فى أسئلة كتير ماتجاوبتش غير سؤالك
لازم ما خلف الحياة مش الحياة اللى تشغل بالك
كان لازم يبقى ليها معنى ، يبقى ليها كمالة
كان زمان العصر الحجرى أذكى لولا عصر الآلة

El Joker - Manasek El 2alam l الجوكر - مناسك الألم

الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ El Ra2sa El 2a5ira I الجوكر _ الرقصة الأخيرة

موناليزا تانية الجوكر

من وهو لسه صغير و الجيران بتحلف بيه
المتفوق ، المؤدب ، اللي جامع دنيا و دين
كبر و دخل جامعة و آن أوان تاء التأنيث
يمكن مشافش بورنو بس إتفرج علي ونيس

و رغم طول الرحلة فالوصول بينسي التعب
أخينا لقي أخيرا اللي تحبه و يحبها
دايما كان بيكلمها عن إن التعليم تجهيل
واحد زيه في بلد بتفهم كان زمانله شأن كبير

فهمها حاجات كتير ، في الآخر فهمته 
إن حوا مش لآدم، حوا لفلوسه و شقته
و في عز ما هو حزين ، الأتوبيس وقف في كمين
الظابط قاله "إنزلي" ، نزل ، زقه للأمين 

شاف بطاقته ، بدأ تفتيش ، "إقلعلي الكوتش" ، يا باشا معيش
ممنوعات ، فمتحرجنيش ، "طب جنب إخواتك يا برستيج"
روح بعد يوم طويل ملوش تعازي مقبولة
يمكن حزين من الأول بس نفسه مش مكسورة

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه (x2)

أخينا في عز الوحده قابل شلة ثانوي اللي 
كانوا خدوا طريق معاكس للى هو فيه بالمللى 
قالوا فُك يابنى وشك وإبدأ واجه الحياه 
واذا كنت مش مُتكيف ، ف العلاج مكيفات 

أخينا خد الرحلة لحد القاع دحرجة 
بس اخينا لسه اخينا ، فـعايش مع نفسه في معركة 
يقع ، يبطل مدة ، تيجى فلوس ، تيجى بكتره
تيجى بفكرة ، تيجى ببودره ، تيجى بقعده ، تيجى في سوسته 

فجأه حوا رجعت لما ابو شقه سابها 
والغريبة حال أخينا الحالى لسبب ما جذبها 
طبعا أجر نفسه ليها روميو بالفلوس 
ونام معاها ضمان لإنه يلاقي لما يعوز 

وزى كل كدبة صعب للآخر نداريها 
عيلة حوا صعايده ، عمر موتها ما يكفيها 
أخينا إتقتل ، هو ميت في الحالتين 
لو كان إنتحر بدرى شويه مكانش مات اتنين 

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي عالم لولا الصحبة عرفته 
على المخدر اللى جاب المخدر المعروف آخرته

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه

الجوكر اخينا

https://youtu.be/lVzPRqpJMmo  ||  للينك اليوتيوب
||للينك التحميل  http://www40.zippyshare.com/v/KNtnlVNV/file.html 
------------------------------------------------------
علي وضعنا لحد مانقابل زينا

علي وضعنا لحد ما نقابل ربنا

ويلكوم بيكو في دايرتنا
دلوقتي انتو في حتتنا
ياريت محدش يستغرب 
من للغتنا لهجتنا  
---------------------------
يا زميكس احنا لوبطلنا
يبقا ربنا افتكرنا
يازمتنيلي يا صتنحبي
يحي علمنا ويسلم كارنا
---------------------------
معايا مطوة 
قرن غزال
اطوح بيها يمين وشمال
-----------------------------
العب مصارعة 
العب حديد
كلامنا كولو 
جديدفي جديد
--------- ---------------------------
  
البت رشيدة واللولا بكار
عملو مسلسل للاطفل
-------------------------------------
عالم سمسم كولو بيرسم
----------------------------
----------------------------
جبتك صغير ربيتك
تكبر عليا اخرب بيتك
-------------------------
انا هرمي نفسي
ارمي
انا خايف 
انزل يا جبان 
كتبت اسمي علي دراعي
عملتو خاتم في صباعي
-------------------------
كل الحكاية انه لون مدفون في بلدنا ورجعناه
ان كان وزير ولا كان غفير بردو هيعرف معنا
انتا وهو وهيا وهم معاك ومعايا ومعاه
وي ار اساطير اند نمرة 6 والباقي يسندها
 
------------------------------------------
بابا عبده اشتري عربية يا 
بابا عبده
ملاكي اسماعيلية يا
بابا عبده
------------------------------------------

-------------------------------------------
تعالا عليا يا موج البحر
شوية شوية
يا موج البحر
--------------------------------
اللي ملوش لزمة يرجع ورا
نعمله دايرة صغيرة
--------------------------
يا عبير يا عبير العبي شخاليل
دمغانا باظط من التحوير
يا عبير يا عبير العبي شخاليل
دماغنا باظط من الصراصير
طب احلا عروسة واحلا عريس
نورهم غطا علي الفوانيس
--------------------------------
 
العدة العدة 
طب  علي العدة
-----------------------------------
بيبسي كولا حبة حركات
جبنا كيلو مشويات
جبنا اللب عشان نتسلي 
قولنا زود مخدرات
جبنا حشيش وجبنا جيتار 
وركبنا عربية ايجار
لازم تيجي معانا 
تيجي معانا وتشوف 
الاساطير والنمرة 6
واللعب يابا عالمكشوف
------------------------------------
انا خايف انا من الخضة 
انا خايف اقع في الورطة
يارب تمم فرحتنا 
فرح اهل حتتنا
----------------------------
ظهرت اشاعة 
من كام يوم عالفيس
برعاية الهلاهيل
وابوهم الحاج كيس 

----------------------------------------------
السافلة دايما كده تبليك
وتدور تقول اشعات عليك
عشان مش عتعرف تيجي سكة
اخرها تجيب اللي فيها فيك
-------------------------------------------------
ده لابس البنطلون
 من قماش الصالون
ده حتي الكوتش
 بتاعه من 8 لون
-----------------------------------------

خلاص يا حبايبي كده خلصانة
 خلاص خفظنا الاسطوانة
شغل الحك خلاك بيبي
في الحضانة اللي ورانا
---------------------------------------------
طول ما الكلام ببلاش
يا فرحة  للاوباش
وجيل  راجل لراجل 
راح طلع معاااش

---------------------------------------------
خليك ريلاكس خليك ايزي
اسمع نصيحتي يا تلميذي
لو الحك ظبطك يوم
مش هيدوملك يا عزييزي

--------------------------------------------
تحية لاي راجل
يكون جدع واصيل
والرك عالمعادن
نبدأ بالتقيل
باسم كريم كاباكا
سلام خصوص يا مدير
 من تيم النمرة 6
ومن تيم الاساطير
هنقول عاكابتن دؤرم
والعنتيل عمار
ضياء واحمد كاباكا
توينس سوبر ستار
هنقول عليك يا بازا
هنقول مؤمن سكامبو
سلام مبعوت وطاير 
في طايرة جامبو
هنقول علي عبده الصالحي 
هنقول علي محسن ارزا
مسير    الغايب راجع
والسفينة ترسي
تحية ليك يامنص
تحية لابو روداينا
الكابتن حسن ظلطة
شبح مساكن الهيئة


كـــلـــمات || الكونت تركي


مهرجان هلس بوك الجزء التاني معايا مطوة  || DJ TORKY2016

مهرجان قصف جبهه_تيم الغام_فرانكو و نينجا_توزيع عصام سلامه

مدحت شلبى - ايمن الكاشف - عصام الشوالى - حفيظ دراجى

كلمات التراك
----------------------------------------------
كطفل كان عبقري ومع الوقت اكتشف ده
يعرف شدة وإتجاه الهوا أو يحتفظ بالسهم
كان كاره ظروفه ومش شايف في حياته حاجه مهمه
مولود القاع الي رافض ياخد نفسه غير ع القمة

شاطر في كل الي بيعمله لكن مش مؤمن بيه
فاكر متعة الحياه الوصول فعانى في الطريق
وعلشان متربي وسط ناس في عينهم كل شيء وسيلة
مترددش لحظة في إنه يدوس ع السلمه الأخيرة

بدأ يلعب على كبير بقى بيلعب على الدين
بدأ يشد ناس كتير بقى إمام مجاهدين
انا فاهم انتوا مش فاهمين
أطيعوني لو انتوا مؤمنين
الآيه كذا معناها كذا ، وانا اصطفيتكوا للتفجير

أتدعى إنه صاحب فكر ، وأتدعى إنه عنده خطة
وإنه هيقطع راس الأفعى .. من الآخر شاف فانديتا
وعلشان محاط بغرقانين في غل وخوف ونقص
كل ما يعزف سيمفونية الجنة يتسابقوا على الرقص

عارف إن منكوا كتير مروا بظروف مؤلمة
انا واحد م الي مش طايقين حال الدول المسلمة
ظلم فقر جهل ولسه الأسوأ في انتظارنا
نص العالم انتهكنا وأكتر من نصه احتقرنا

بس لا إنتوا مجاهدين ، ولا ده الحل ، ولا الدين
بالعكس ده انتوا حجر مربوط في رجل غرقانين
لو الي استغلك زاهد في الحياة كان هيسيبهالنا
هيسيبلك ليه الحزام الناسف لو طريق الجنة

ده كإنك فاكر قوة دينك من قوة دولته
وكإنك إله يأست من فلان فبتموته
أو كإنك لو حكمت العالم دينك كده إنتصر
يعني شويه حظ لهتلر كان بقى المهدي المنتظر

خليك مسلم حقيقي في كل فعل وكل كلمة
سلوكنا في الحياة دعايا حية لديننا
يا شيوخنا كفايه افتا في حرمانية الوشوم
أ ب الإسلام لناس كتيره لسه مش مفهوم

 الاسلام وسيلة والأهداف كلها شخصية
والمسيحية مش مسئولة عن قرنين حروب صليبية
ولا عن تاريخ من كره وقتل أتباع اليهودية
اللي أكيد بريئة من إنتهاك فلسطين الأبية

لكن احنا مجتمع عيان .. مجتمع عميان
تتفجر كنيسة تلاقي ال100 مليون نقاد أديان
قبطي ينشر م القرآن آيات القتل والتمثيل
يرد مسلم بآيات دعوة عيسى للسيف الي في الإنجيل

وده نتيجة ضخ بعض رجال الدين روح الكراهية
مش كل اللي مداسش ع الزناد بريء م المسئولية
ده غير الأم بتاعت متآمنش لأربعه ريشة
وبتاعت خليك مع اللي عارفينهم من الكنيسة

صدرنا إن الأديان لا تناسب هذه الألفيه
وخفى طوفان التعصب كل ملامح الإنسانية
اتدعاء وجود عداوة بين التلات أديان معناه
إن مصدرهم غرضه فتنه .. هل دي رؤيتك لله

الجوكر - السلمه الاخيره | Eljoker -Elselema_ela5era

NINJA EL-SHAB7 ❂ 01152171281

اغنية 2 ابريل - الجوكر

اعملو repost  للاغنيه❤️

الــكــلــمــات

البشر غرقوا في شر نفوسهم وانت مش رسول
طول ما محدش عايز يسمع يبقى إياك تقول
الكلمة مبتغيرش إلا اللي بيسعى للتغيير
متقولش "هخسر ايه؟" عشان اعداء الكلمة كتير

لازم تفهم ان الناس بتكيل بمكيالين
والفرد بحد أدنى يمتلك وشين
مش هيبصوا اللي انت فيه دفعت إيه مقابله
كل يبكي على ليلاه وشيطانه بيطبطبله

اللي ادى استنى ياخد ، واللي خد خلع من بدري
القلم بص على الخشب اللي راح مبصش انه مبري
مستكترين عليك قيراط ما هما رضيوا ب شبر
اشمعنى آدم يتسجدله أنا أحسن منه كبر

لو لمحوا الهمة هيحبطوك بكلمة لأجل ما تهمد
عايزين يشوفوك بتموت بشفرة تلمة عايزك تجمد
ولا بيجروا في طريق ولا انت عقبة لازمها إطاحة
بل سولت لهم أنفسهم إن موتك راحة

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هييجي من أقصى المدينة شخص عكس الباقي
أوعى تشوف بعين القاعدة ما هو إستثنائي
نحن نشك حتى نُدفَع أن نثق
الدنيا مره مش لازم تشربها سِك

لو لو رجع الزمن سنة مش هتمشي في طُرق تانية
اعرف ان مرت سنة من غير ما تكبر ثانية
لو غلطت راجع نفسك وهتدفع لو تمن بصه
واجه .. أوعى تدفن راسك في التراب وتندب حظك

في ناس بتحس بكبر على تجارب ناس سبقتها
كل اللي كانت دماغه ناشفة الدنيا دغدغتها
في ناس بتعرف تستفيد من كل شخص جرب
وناس لازم ايديها تتحرق عشان تحرم

بين طبقات الناس وتسلق جبل شبه بحت
كل بصة فوق لازم توزنها ب بصة تحت
لو فضلت باصص فاضل أد ايه ومين فوقيك
مش هتحس طلعت أد ايه ولا عمر شئ يرضيك

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم

لو بصيت للسما بعين الغِل تلات تربعها
اعرف إنك ماشي في طُرُق بقى لازم ترجعها
أنت عدو نفسك ديننا بيمنعك تتمادى
آلهنا مش فوق الاولمب بيتنفس عبادة

في أصول الأعتقاد كل الفرق أصابت
الكُفر كبر .. مش اجتهاد في فهم غامض
لا تنغلق وتشخصن الأمور ف تبتذل
نحن أشاعرة في بعض الأمور نُرجئ أو نعتزل

هتحس الاختبار تقيل عليك .. ومين محسش
إبراهيم قال : أرني كيف ؟ .. وإبراهيم متهزش
فيه قبيح بديله أقبح ، وقريب بعيده أوضح
وصاحب جنتين اتمنى لو إنه كان الأصلح

هتبان الدنيا ظالمه متصدقش اللي انت حاسه
يوسف لو مترماش في البير مكانش هيرمي نفسه
ساعات شرور نفوس الناس تكون خطوة في طريقنا
مش عارفين رايحين لفين ؛ ف متقوليش بعدنا

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم
_____________________________________

El Wasaya

Lyrics: El Joker
Vocals: El Joker
Music: Mostafa Ebrahim
Master & mix: Youssef Anwer
Video by: Mostafa Karim & Adham Karim
© 2018 El Joker

الجوكر - الوصايا

الــكــلــمــات

بنقدم قبل النوم عرض شاش وميكروكروم
تهزيئاً لدراكولا .. بطولة الفيلم لفص توم
فاضل ألف جنيه على أول ألف في المليون
أو شفرة موس ، يا حبل في نجفة الصالون

آدي اللي إتلصم عطل .. الواقع يخذلك تتسطل
صعب تعيش بـ اللي منك فِضِل ، وصعب اللي فاضل فيك يتقتل
راسه مش في الطين عشان كرامته سوى البلاطة
لأ ،كان عنده إرادة .. بس هبت ريح وطاطا

في قمة الهيكل ده عين ترى الجميع
في أرض الذئب جُرِم إجتماع قطيع
ونادى منادي بكوننا اتنقذنا .. بحال المراكب اللي غرقت وعظنا
شكر كل اللي شارك ببصمة .. لقانا بنغرق نادى لقراصنة

صاحب الشيطان ومتصاحبش فكرة
الشر واقع ، والبلد دي خرم إبرة

اليأس سلاح ، وتلم .. يعشق اللي خاف فـ سِلِم
أما باني اللي بيتهدم .. لو مفاقش مكانش حِلِم
وطننا ضاق ، لكنه عشق .. الوضع ساء ، تحليته غش
وزيرنا مات ، وملكنا كِش ... وإتقال معلش

صمتك مش علامة رضا .. علامة الفرهده
كلنا أطراف في صراع على حتة جبنة في المصيدة
اللي متسطلش كفايه عاز فنون تسطله
ديلرات الكار نجوم طريق مخطيناش أوله

انا لما قولت لأ .. كنت بقولها عشان شاريكي
انا عند حسن ظنك .. قالب الدنيا ومش لاقيكي
قالولك إني طايش .. وإني مش بفكر فيكي
قسموني أتنين إتغدوا ببعض .. عشان يتعشوا بيكي

قالي ملفك كِبِر .. جملة سياسة كمان وشكرا
قولتله متهددنيش .. انت متعرفش انا مين في شبرا
هما اللي إتمادوا ؛ فـ مخدتش الدوا في ميعاده
كُنا سته .. وسته مننا ماتوا

طموحك نازل أرض الواقع .. هيبططك
اللي عوزته ، واللي إتحقق .. شىء ، وعكسه .. وده أحبطك
نِداك في مالطا ربى فيك الكسل
معادش فيها حاجه حلوة ، أو سوادها عسل

مربوطين في ساقية أكل العيش .. من تعليم لـ جيش
لـ حب قتله سعر السوق .. فقالوا عنه طيش
مش صدفة كل الناس دي بقت بتحلم بـ اللجوء
محدش غيرنا بيعزف .. تيتانيك بتغرق .. فوق

البلد دي فيها ظلم والسكوت عليه جريمة
فاضل ايه عشان تحس إنك ملكش قيمة
إتهانت جوه قبل بره .. ألف بدل مرة
سكرهم يا نمل مرر .. إتحرر
__________________________________________

Mosem El Ze2ab

Lyrics: El Joker
Vocals: El Joker
Music: Hanto
Master & mix: Youssef Anwer
Des. by: Mostafa Karim
© 2018 El Joker

الجوكر - موسم الذئاب

الــكــلــمــات
ضهرك لحق مش من مصلحتك تنصفه
سبب جمال الغنوة قبح اللي بتوصفه
ساعات اللي انت شايفه يبقى اللي انت شايفه
أغلب الأوقات شجاعتك جت مـ الخوف اللي انت خايفه

من دوشة تل الغلطات .. مش سامع مـ السما أصوات
بـ الغل وبـ الخوف متحاط .. مش عارف تاخد خطوات
كله غرز بوزه في التراب في أول نطة
هما حاولوا تاني .. وانت اختارت حاجز أوطى

قتلوا مننا كتير بحجة شىء أهم
خلوا الهوا اللي بيني وبينك ريحته دم
مداقوش ازاي الوجع شىء ملموس وطعمه في بقك
ظنوك بتقول مجازا إن الظلم كسر شوكتك

مش أرق اللي مسهرك للميعاد ده
كل اللي عدى مستنيك على المخدة
واللي فاكره حب قالوا عنه غدة
معظم النجوم اللي بتحكيلها مات من مدة

قتلت جزء فيك عشان يعيش أغلبك 
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك

فرض السكوت يموت شخص بالبطيء
قص كلام من السياق يضل ناس عن الطريق
بعض الوجع داين تدان ، وبعضه حظك كده
في ناس بتعبد الحياة ، والباقي كبش فدا

وبصراحة مفيش مؤشرات إن الزمن هيدور
الضلمة اللي في عالمنا قادرة تبلع أي نور
وضع معادش مبلوع .. خلافنا في أصل وفروع
ملكنا لا سيف ولا دروع .. ملكتوا الطلق والجوع

سعرك سعر ترس في عجلة الإنتاج
وبصراحة يعني من أسباب إيمانك الإحتياج
لبسّوا الرجلين فردة .. عبدوا الحس والمادة
نزعوا المعني مـ الوردة .. ينفوا المطرة لو تندة .. فوقهم

شوهونا .. أصبح زوقنا زوقهم
إتعاطفنا لما إتعاطفوا ، وقولنا قوم لوط بشوقهم
قصاد الريح تفضل جدور ، وجدور تتقلع
أول مرة أمسك كبريت العلم الأزرق ولع

قتلت جزء فيك عشان يعيش أغلبك 
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك

الجوكر - السلمه الاخيره | Eljoker -Elselema_ela5era

Omar Mahmoud

Recent comments

Youssef EL Sheikh

Ahmed Salama

Hadeer Ashraf

Ali Gad

Related tracks