يا حبيبي انت خليت الزمان ايام هنية ❤️

حبيبي..ياللي حبك شيء سماوي، نقي وهادي ورقيق، لا يشوبه دنس ولا يعكره كدر. افتكر دايما أول كلامنا لما قلت لك انت هدية كبيرة أوي..هفضل أقولهالك طول عمري: (ياللي حبك من السما أجمل هدية) يا جميل قدر ربنا يا حبيبي..منحرمش العمر من عطفك عليا! أبدا يا رب ما أنحرم..كنت قبلك بسمع الأغنية دي، وحنية اللحن مع صوت فريد الرخيم، وأبص في السما وأقول يا ترى هلاقي حد أحس في حضوره بالأمان فأقوله منحرمش العمر منك يا حبيبي بالنبرة الحنينة الشجية اللي بيغني بيها دي! جيت أنت كرم من ربنا، شملتني بعطف وحنية وأمان مكنتش أحلم بيهم ولا عمري عشت زيهم، بقيت النهاردة بدندن مع فريد وفي عيوني دموع فرحة وأقول: (ما نحرمش العمر من عطفك عليا..ياللي حبك من السما أجمل هدية) وأحتار في عجيب عطف ربنا عليا أولا، اللي منه عطف عليا بيك، إنت اللي تجلى فيك معنى العطف الرباني، إنت لطف ربنا بقلبي يا حبيبي..(لولا حبك كان زماني في جو تاني..كان زماني بشتكي قسوة زمان يا حبيبي..) بحب الأغنية من زمان، وبحب حنيتها، جيت أنت النهاردة أضفيت حنية على الحنية، كأنك امتداد لحنية أداء فريد فيها، أديتها معنى تاني، وطعم تاني.  بحبك يا حبيبي..ومانحرمش!

بنسي كل الدنيا إلا عينيك حبايبي

ما انحرمش العمر من عطفك عليا

ياللي حبك م السما اجمل هدية

ما انحرمش العمر منك ياحبيبي

ولا من ضحكة عينيك الحلوة ديا

وانت جنبي .. بنسى روحي وانت جنبي

انسى كل الدنيا الا عينيك حبايبي

وانت جنبي .. كل همسة .. كل لمسه

الف شمعة حب بتنور فى قلبي

ياحبيبي لولا حبك كان زماني فى جو تاني

كان زماني بشتكي قسوة زماني

ياحبيبي انت خليت الحياه ايام هنية

ياللي حبك م السما اجمل هدية

ما انحرمش العمر منك ياحبيبي

ولا من ضحكة عينيك الحلوة ديا ..

فرجيني .. قربي ياعيوني ياحلوة فرجيني

واحضنيني .. الحنان والحب والشوق احضنيني

وان حلفت اني بعيش فى الجنة ياعيونى صدقينى

ياحبيبي عايز اغني للعيون السود و خايف

يزعلم مني الخدود ولا الشفايف ي حبيبي

ياحبيبي عايز اغني لكل حاجة فيك شوية

ياللي حبك م السماء اجمل هدية

ما انحرمش العمر منك ياحبيبي

ولا من ضحكة عينيك الحلوة دي

Comments

Marawan Khiraalh

شــروق♡

Mahmoud Sarwat

Ramadan Hamed

مريم

Salma Salma

Ahmed Hussein