Bli betre kjent med den tidlegare ordføraren og stortingsrepresentanten frå Hornindal. 22. september er det 10 år sidan opninga av Kvivsvegen, ei hending Lødemel skildrar som eit høgdepunkt i den politiske karrieren.

16. Vekas utvalde med Bjørn Lødemel 21. september

Simon Hjelmeset Kirkeeide er ein av våre unge, lokale skiskyttarar som skal ta opp arven etter Bø-brørne. Grunnlaget legg 22-åringen på Lillehammer, der han bur saman med andre hardtsatsande utøvarar frå Markane og Hardbagg.

24. Vekas utvalde med Simon Hjelmeset Kirkeeide

I april 2004 såg guteklubben Stryn Ping Pong Club dagens lys. Ganske tilfeldig og utan vidare plan for kva dette skulle utvikle seg til å bli. Kåre Tonning, Arve Aaning, Åge Rustøen og Christer Lunde Solberg er på plass i radiostudio for å mimre om 20 år med galskap og kameratskap. I tillegg bidreg Kim Rune Flo, Torstein Breivik, Jan Egil Flo og Robin Vonheim i sendinga.

Gjestesending: Stryn Ping Pong Club (SPPC) 20 år

Vi har besøk av Trio Triathlon; Are Njøten, Anders Maurset og Jon Gudbrand Kveen Øvre-Flo.

#57 Sport und Spaß 15.mai 2024

Sommaravslutning! Vi snakkar med Torbjørn Hatledal om den nye 18 hols frisbeegolfbana på Ullsheim. Vi tek også ein prat med tidlegare norgesmeister i frisbeegolf, Jostein Håland. Og ikkje minst; truleg norges beste på å imitere sportsprofilar, Vidar Higraff, byr på både seg sjølv og ei rekkje imitasjonar. God sommar frå oss i SS!

#58 Sport und Spaß 17.juni 2024

Jabbing om jobb er ein ny serie på Radio Stryn der vi møter personar frå ulike bransjar og kategoriar, og med ulike roller, i arbeidslivet. I den første episoden kan du bli betre kjent med gründer Elisabeth Flo (30) som driv Seniortrim.

NY SERIE: Jabbing om jobb #1: Gründer Elisabeth Flo

Høyr kva den erfarne bedriftsleiaren, styreleiaren og investoren tenkjer kring bedriftsutvikling og organisasjonsbygging.

Gjesteserie: Jabbing om Jobb #2: Bedriftsutvikling med Arild Bødal

Mariann Rosa, eller Thomassen som døypenamnet er, hadde stor suksess som vokalist og frontfigur i bandet Surferosa i perioden 2000-2009. I dag lev ho også av musikk, som DJ og med eige bookingbyrå for kvinnelege DJ-ar. I denne episoden kan du høyre korleis det er å ha scena som arbeidsplass.

Gjesteserie: Jabbing om jobb #4 Mariann Rosa og scena som arbeidsplass

I den 7. episoden kan du bli betre kjent med Marius Solbakken. Austlendingen som kunne tenkt seg å bli snikkar, men som enda opp som kommuneoverlege i Stryn. 

Jabbing om jobb #7: Landsbylegen Marius Solbakken

Jan Fjellkårstad (45) frå Blakset er økonomidirektør i måløyverksemda Coast Seafood. Dei omset fisk og sjømat for milliardar og har store deler av verda som marknad. 

Jabbing om jobb #8: Jan Fjellkårstad om verda som arbeidsplass

Kveldens gjest er sjølvaste 71 grader Nord-vinnaren, Espen R. Nakstad! Norges tøffaste kjendis fortel om turen gjennom Stryn og Hornindal, forholdet til dei andre deltakarane og det å halde deltakinga skjult for kollegaer og vener. Han blir også utfordra på ei dialektoppgåve. I sendinga ringer vi også opp Månadens lyttar og det blir spalten "Ka i alje dage"? 

#62 Sport und Spaß 4.desember med Espen R. Nakstad

Kåre Rake (90) og Egil Solheim (81) gir eit lite innblikk i krigsåra i indre Nordfjord. Rake var sjølv 5 år då krigen braut ut, og far til Solheim, Magnus Solheim, var fenrik og deltok i krigshandlingar i Valdres. I samtalen fortel dei om historier han delte; bombingar i Valdres, fangenskap og rollebytet då freden kom. 

Gjesteprogram: Minner frå krigsåra

Mannsterk sending der vi har besøk av Nils Petter Hauge, Terje Walaker, John Rasmus Sæbø og Hallvard Skrede. Ein kameratgjeng som møtes til turar kvar onsdag - og litt til. Vi får også innside-informasjon om "skjeggestuntet på Stryn stadion" av hovudpersonen sjølv, Frank Hool. 

#65 Sport und Spaß: Stryn sine "Gutta på tur"

Christer Lunde Solberg er første gjest i sesong to av serien Jabbing om jobb. Han fortel om korleis han i godt vaksen alder måtte tenkje nytt og omskulere seg, då knea ikkje lenger tillet han å halde fram i jobben som omreisande seljar for Ricco Vero.

Jabbing om jobb #10 Christer Lunde Solberg

Fotballspelaren bak uttrykket "Jump in it" er med oss frå Nederland! Sondre Holmlund Ørjasæter vart nyleg selt til Twente og vi sjekker ut status for det nye profftilværet. Vi har også besøk i studio av far og son Krossen, som mimrer tilbake til Norway Cup og Ekebergsletta, der G14 bidrog med masse flott fotball og spennande dagar. 

#66 Sport und Spaß 20. august 2025 -Jump in it!

Bli betre kjent med Odd Kåre Hjelmeland som har drive gravferdsbyrå sidan han var 21 år gammal. 

Jabbing om jobb #11 Odd Kåre Hjelmeland

Hovudgjest i sendinga er Jostein Flo. 61-åringen takkar for seg etter 29 år i Strømsgodset, der han har vore både spelar, marknadssjef, dagleg leiar og ikkje minst sportssjef. Vi har også besøk i studio av Marie Haugen og Oddny Grete Njøten som oppdaterer oss på ståda i seniorhandballen i Stryn T&IL. 

#67 Sport und Spaß 17.september 2025 -Jostein Flo

Bli betre kjent med leiaren for barnevernstenesta i Stryn. 23 år i jobben og klar for nye!    

Jabbing om jobb #12 Barnevernsleiar Rita Stølen Veamyhr

Kåre Tonning har alltid vore fascinert av sjøfart, og i ein alder av 51 år fekk han seg jobb som kokk og lettmatros på ein brønnbåt. 

Jabbing om jobb #13 Sjømann Kåre Tonning

Jon Fredrik "Joffen" Hopland er for mange helst kjent som trommeslager. No er derimot notane skifta ut med koding, og saman med ein tidlegare studiekamerat har han starta Altek AI. Dei er i ferd med å etablere seg som ein betydeleg leverandør til hotellbransjen, av tenester som nyttar KI (kunstig intelligens).

Jabbing om jobb #14 KI-gründer Jon Fredrik "Joffen" Hopland

Ingvill Flo og Emil Goberg Solheim jobbar ved strynekontoret til PwC. Om kort tid får dei nytt namn og nye eigarar, i selskapet Tell. 

Jabbing om jobb #15 med Ingvill Flo og Emil Solheim - frå PwC til Tell

Vi har med oss: Marie Rekdal Johannsdottir, nyopprykka til Toppserien med Molde FK. Maren Hjelmeset Kirkeeide, snart klar for å starte OL-sesongen. Og Heidi Holmlund, direkterapport frå KM-sluttspelkamp i Syril. 

#68 Sport und Spaß 22.oktober 2025 - Damenes aften

Marianne Nærø tok over leiinga i HS Bygg i februar i år. Kven er ho og korleis likar ho seg i bedrifta som feirar 40 år?

Jabbing om jobb #16 med Marianne Nærø frå HS Bygg

Brannsjef John Jatgeir Vinsrygg om gleda over vedtak om ny brannstasjon, om 33 år i feiar- og brannvesenet og om glade og mindre glade dagar i jobben. 

Jabbing om jobb #17 med brannsjef John J. Vinsrygg

Inge Fænn og Per Ytre-Eide med historietime om nesten 90 år med skiaktivitetar på Strynefjellet, i samband med utgjevinga av boka "Strynefjellseventyret". Tidenes mestvinnande alpinist i Norge, Kjetil Andre Aamodt, bidreg også med minner frå fjellet. 

#69 Sport und Spaß 19. nov. 2025 -Strynefjellseventyret

Rune Solheim er ein entreprenør i alle ordets tydingar. Han likar at ting skjer, og er gjerne den som set tinga i gang. Solheim har sett spor både i Stryn og Ålesund, og er van med at folk har meiningar om det han driv med. Men så har han også ein del meiningar sjølv. Bli betre kjent med "mannen bak Kamben". 

Jabbing om jobb #18 med Rune Solheim - entreprenøren frå Rake

Sølvi Hjelmeland har starta bedrifta Pure Wave. Utan fagleg bakgrunn eller bransjekunnskap har ho klart å løyse ei stor utfordring til lands og til vanns - og i lufta med, på toalettfronten! 

Jabbing om jobb #19 med Sølvi Hjelmeland -oppfinnaren

Kjell August Ytre-Eide vart nyleg tildelt Årets eldsjelpris i Stryn fotball. Han legg ned mange, mange timar som keepertrenar og som dommar. Han har også forska på dømming i ein masteroppgåve. Vi tek dessutan ein prat med skiskyttar Ann Kristin Aaland som kjempar for ein plass i IBU-cupen.

#70 Sport und Spaß 10. 12. 2025 -med eldsjela Kjell August Ytre-Eide

Rogeir Haugen er dagleg leiar i Oldedalen Skyss AS, som nyleg vart heidra med Vestland fylke sin Bedriftsutviklingspris. Han er også låtskrivar og har samarbeidd med kjente musikarar som Rune Rudberg og Anne Nørsti. Dette i tillegg til hans eige musikkprosjekt; Mona Jill's Trio.

Jabbing om jobb #20  - skyss, klapp og klem med Rogeir Haugen

Ove Andre Aarskog og Roy Aron B. Myklebust inviterer til ei to timar lang sending med flotte gjester: Espen Rostrup Nakstad, Kjell "Kjellen" Bigset, Malin Ek Bråtene, Anders Magne Vik og Andreas Flo Tonning. 

Førjulskos på Radio Stryn  - Ove og Roy Aron med gjester

I denne podcasten finn du blant anna Radio Stryn-programma Sport und Spaß, Jabbing om jobb og Vekas utvalde. I tillegg dukkar det frå tid til annan opp ulike temasendingar. Sport und Spaß er ei herleg blanding av sport og fjasing med programleiarane Roy Aron B. Myklebust, Thomas Thaule og Frank Hool.

Radio Stryn/ Sport und Spaß Podcast

Pinned to spotlight

Popular tracks