Name: NiemanD Ft. Stiff Capone & Gunk Mc - Smoort E Sticky Met Me . by Gunk Mc
Duration: 3 min 13 s
Description: Lied over weed roken met vrienden #OneLove #Zamnesia

Zoalig ploatj! Ti niet die beter is of jin pafn me moatn

Lyrics: Offliberty
Mix & Master: Gaperstudio
Beat: Tokalah

Witje nog die eerste ki dawe mekoar zaagn,
Alle prikkels van buitenaf waarn ant vervaagn,  
kieken na mekoar de chemestry was doar,
kriebels imme buik aje wreef deur me noar..

Elk berichtje daje mie stuurde kwam direct bin!
kware der zeker van damme iets tope ging begin!
Je glimlach dee me smeltn, da doetie nog alsan..
kzage alene mo joen kwa heel in de ban..

Niemand kost ajoen tipn, je wa gwn jezelvn,
de fantastische kerel dak olsan koste beln ,
we boekten e kamer vo bie mekaar te zien,
tet mie vele gekost mo je was biemien.. $

Tis gie en ik 
ik en gie en gie en ik en ik egie,
ja witjet nog?

Tis gie en ik 
ik en gie en gie en ik en ik egie,
fantastisch toch?

Twas gie en ik tope, niemand die et wist,
kostn do mee omme want ik zien een optimist,
vo mie gin probleem aal dak wou was gie,
tope in de zetel, netflixn onder e soazie..

kammie al lange niemi azo goed gevoeld,
kant kun peisn dajt nie azo at bedoeld,
twas ommeki duidelijk je wilde niet memien,
ak vroege vo af te spreekn kostet nimi zien.

koorde joe nog 1x omde 3 daagn!
Kdurfde der niet va zegn, kwouwe nie zaagn,
Tergst vanal is dak peisde dat an mien lag,
tkwam bin lik e bomme kwoare hjel va slag.

Koste der nie aandoen dak kverlangde najoe,
En us kwiet graakn deed er niemi toe,
Men erte wa kapot tkost em niemand vermaakn,
T'enige da ging elpn wast gedoan maakn..

Twas gie en ik,
ik en gie en gie en ik en ik egie,
ja witjet nog? 

Twas gie en ik, 
ik en gie en gie en ik en ik egie,
Fantastisch toch..?
x2

Oe makje twa gedoan datr noois nie gewist is?
Oe kuje mie gern zien at er gin gemis is?
Alsan te druk en gin vooruitzichten
T'moet uit jen eign komn, ik kuje nie verplichtn

een berichtje stuurn, al ist ne goeiemorgn..
Das toch nie teveel gevraagd kmake mie zorgn..
Je ging me mee pakn ... 6 daagn weg,
Tot dat die dag eraan kwam, wa wilje dak zeg?

Je was er nie greed voorn en dadis oké
Ma zie gwn eerlijk en sleur me nie mee
Ken der begrip voorn, ma noem me ton gin schat
T'was nooit je bedoeling, twerd tied dak je vergat

Da wast, we gingn elk ze kant uit..
Niemi peisn an mekaar, e hoofdstuk dak afsluit!

Tot daj mie 2 maanden later e berichtje stuurde,
We spraken opnieuw af vo zolang dat nog duurde..

Offliberty - Gie en ik. Beat by Tokalah

Thorre - Tidn verandern
Beat: Scred connexion - Partis de rien (instrumental)
Produced: Skjivve Producties

- de tidn ze verandern, de tidn ze verandern -
--------------------------------------------
vol van et leevn toch een leegte gin invulling
nin kgoa nimir ip queeste der is schrik vo mislukking
den tid tikt mo kvertik et wan tgoa druk zin
lik dakket nu nog nie bezit woar est geluk vint?

nie gelukt nin wel gesleurd in de stelling
van teleur een kwelling van tfeit daze eigenlijk nie deugd
da et eigenlijk nie meug we bevindn oes ip een helling
goan achterut moar et es de teegnstelling

van wuk datter gezegd is vele vertellingn
mo de latste gesprekn lietn min belle wel klinkn
der was gebrek an de dingn woardaw tope noa verlangn
olletwji verloorn olletwji deen we ntwa anders

kreeg ommekji te hoorn daj nie langer mi wou wandeln
jammer oeda droomn in jun leevn kunn kanteln
nu ist alleen handeln kbewandel nu min eign pad
verzwijgn kannek nie daj lik den tijd veranderd was
-------------------------------------------------------
- de tidn ze verandern, de tidn ze verandern -
-------------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------------
- de tidn ze verandern, bajoas ja, ej de tidn ze verandern -
-------------------------------------------------------
ot eki slig goa peizek were an den kindertid
mo in den tijd dak peize reize kik deur et verleedn vint
joat ti verleedn tid kwetet kan nie were nink
zeekr dakt zoe wiln olle momentn dat lik teegnzit

wan kzie der teegn ip nink kwille nie veroddern
doarom willek wa doen me jeugd ton bluvvek zelve jonger
mo ej kweet zonder toch goak gin kopke onder
oje zoe kikn oedat loater goa zin kiktj verwonderd

ol gedonderd gebliksemt perioodn is et wok zonnig
tvol nie te betwistn de grote komn wok odder
komme nu verre twintig toch verre van den arrivée
wan elk nen dag betrappek mezelvn dak nog dingn bie leer

kdoe nog dingn verkeerd klwoope meer teegn dezelde steen
dan da nen ezel doe dus wa benne kik vo beest?
kvergete geregeld van wa aandacht te besteedn
aan tgene waarvan dak dacht da moak ek nimi mee
-------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------
- de tidn ze verandern -
-----------------------------------------------------
we woarn kljinne onwetend en speeldn totda de zon zonk
thus wa verveeln en wachtn totda ze opkomt
tot da et lot ons tegoare i gebracht
de vorming van een bende en tot ip den dag

van vandoage zint nog oltn diezelste moatn
en kwete van die gastn daze der vo mie goan stoane
in goeie of sligte doagn khope dat nie goa vervoagn
en dak min gelik goa oaln dawe bluvn bestoane

wan int begin zag je oes twope ip gelik wekn fjiste
de jiste van de chiro en et bleef lik mo vermjirdern
ton kwoamn de kjirn daw van de grwote partys proefden
verlangn en verlangn vo doar mjir te vertoevn

intresses da verandern juste lik et genoegn
in plekke van te wachtn goak et land weer beploegn
want der is kans dawe mekoar ipnieuw goan moetn zoekn
en dawe dachtn vo gin oar dat anders ging zin lik vroeger


Tidn Verandern

Vulva van de scene (prod. by NACHT, cuts n scratches by DJ RESTLESS)

Nation

Tderde Oge X Buttnwest - Onderdrukt (Prod. Separator)

Nie Te Moeilijk

Nieuw album van de west-vlaamse mc en producer Rookwalm alias Doper. Dope Shit Productions 2010

Rookwalm- Crusher feat. Plukketuffer

Medicoatie - Dewittn (beat By Westkop - Prod By Buttnwestn)

woop woop thats the sound of da ...

Dilated Peoples - Basics (Instrumental)

Buttnwestn - Ti Normoal Daj Deure Bokt

Artiest: Nachtkruper
Beat & edits: Westkop
Mix & Master: Mister Personal

Nachtkruper:
https://www.facebook.com/nachtkruperFK/
https://www.youtube.com/user/NachtProducties

Westkop:
https://soundcloud.com/user-774854013

PSL Persoonlijk:
https://eastgardenmusic.net/
https://www.facebook.com/Eastgardenmusic/

Vanaf 15/01 ook op Spotify!
NachtProducties 2020.

Verre Westn ft. Buttnwestn & Morsdood

Lied over weed roken met vrienden #OneLove #Zamnesia

NiemanD Ft. Stiff Capone & Gunk Mc - Smoort E Sticky Met Me .

Gunk Mc

Recent comments

Leegoard

Sir Freak

Related tracks