نسايم الليل زيديني
بالشذى والطيب عوديني
زاد الشوق لي يهون امتى وصاله

يا نسايم الليل آنسيني
في رجوعك لا تنسيني
بي طيب الحب آسيني
من بعد الضر ماسيني
انا برضي عشوق مهما جيوش الحب صالوا

يا نسايم ما بترعيني
ما بفيدني شذاك دعيني
لو قصدك لي تعيني
ارجعي بي دمعة عيني
للمعشوق قوليله ينوح ونومه عصاله

في الهوى يزداد تمكيني
يا بلابل الدوح حاكيني
في نواحي دوام شاركيني
في الحب ابكيك وابكيني
اصيح مفروق لي بروق ثغرك لالوا

طيفك لامتى يجيني
وفي لذيذ النوم يناجيني
من سهم البين ينجيني
ويبرد نار سجيني
وفؤادي يروق واناجي ملاك طيبة خصاله

سلامي بعد تجنيني
عليك وليالي سنيني
بعد شعري وتفنيني
في وصفك وعد حنيني
يغشاك مرفوق مع النسام وروحي خلاله

عبدالعزيز محمد داؤود - نسايم الليل زيديني - كلمات عمر البنا - الحان كرومة

محمد الأمين-رجع البلد (حفلة القراند 17/6/2022)

ليل السهد

فضل ايوب لوموهو اللاهي..الجمعة9

صفوة جمالك مع رمية

ميرغني المامون و أحمد حسن جمعه - رمية + صفوة جمالك

مصطفي السني - البعاد لامتين يا حبيب.mp3

حروف إسمِك

جمال الفال

وراحة البال

وهجعة زول بعد ترحال

وتنّية حلوة للشبّال

ودنيتنا ومشاويرنا

وغنواتنا الما بتِنقال



حروف اسمِك

نجوم ركّت على الياسمين

فرح فى عين جمالها حزين

أساور فى إيدين طفلة

بتحفظ فى كتاب الدين

زَفَافَ عاشقين بعد فرقه

وسط باقات دُعَا الطيبين

حروف إسمِك

عقد منضوم بخيط النور

وطلة وردة من السور

ونغمة تنادى من طمبور

وشُعلة فرحة فى الوادى

تَشِع جَذلانه ليها شهور



حروف إسمِك

وَكِت أشتاق وأرحل ليك

وأسرح فى عسل عينيك

بِتَحضِنّىِ......

قَبُل ألمسَ حرير إيديك

تأرجِحنى..وتَفَرحنى..وتخلينى

أدُق صدرى

وأقيف وسط البلد واهتف

بريدك يا صَباح عمرى

حروف إسمك - محمد الأمين

هذه الأعمال الخالدة لعباقرة و رواد الفن السوداني الأصيل ستبقي الهاما يثري الوجدان ويشجيها عبر الأجيال. هذه الأعمال تم تنقيحها عبر تحسين جودة الصوت علي أفضل وجه ممكن مساهمة في الابقاء علي هذه الأعمال علي مر الزمان

عبد العزيز محمد داؤود   - أنة المجروح

أقراك مرّة صاح
خليني أقراك مرة صـــــأح
عكس إحتشادك فى الحضور
هل غاب معاك وعى الطريق
.. أم بيكى زكـّانى الزمن
ماشيك .. وعارفك يا حريق ..
فى يوم غماماتك .. بجن
فرهد غيابك .. أغنيات
ظلت أراضى اللقيا بور
بلقاكى يا كل الطيور ..
مسجونة والحرية .. سور
وبلقاكى بيناتنا الثبات
وبيناتنا شمس البكرة فى لحظة .. مخاض
*******
طول الوجع رشـّح مواطن العافية .. فيك
خلانى أرجع وأبتديك
وأقراكى من كل الجهات
ومابين أقابلك .. ومشتهيك .. كان حلمك الأول
.. ترفْ
وكنتى الصبية الغايبة
فى زحمة حجا .. وكلمة شرف
كنتى الزوايا الميتة .. فى متحف خزف
كنتى الوصايا العشرة .. واللون الشحيح
أقراك مرة صاح...خليني أقراك مرة صاح
*********
سميت مساحاتك حــِكر
.. كل البيحلمو ا بى الشمس
فجـّرت من واقعك .. عبث
سكـّنت فيك ..ضد السكون
كل اللى كان ممكن .. يكون
وطارت ضفيرتك ليل غنا
جدلة صبُر .. وطولة نفس
أقراك مرة صاح..خليني أقراك مرة صاح
*******
ومابين أقابلك وجيت عليك
كان عندى ليك بس نحنّ .. والجرح الثرِى
وخيبة أمل أم الشهيد
فى الكلمة .. والوجه الجديد
وكان إحتقان نبض الزمن
نومة طفل .. فوق الدّمن
... يا صاحية بى الحاصل علىْ
يا نايمة عن فقرى البليد
سميت مرافيك الوطن
.. صِبحت مناحاتك ..
... نشيد

wad_algmair@hotmail.com

ابو سامر - إحتشاد

عثمان حسين، اوارق الخريف

‎⁨محمد الأمين - عابر طريق (عود HQ)⁩

أشيل حُزنَك .. تشيل حُزني

‎⁨محمد الأمين - عابر طريق (عود HQ)⁩

Kazim Alzaeem

Related tracks