هذا اجمل مقطع في الاغنية.... نقل نوعية! ااستمروا...

الأغنية جميلة جدا موفقين 

تعكس اغنية حيّد الحياة السياسية والاجتماعية في فلسطين، حيث تدور احداثها حوالي سنة 1936 في ثورة فلسطين الكبرى اثر القمع والظلم القائم من قبل الانتداب البريطاني.
تدور احداث حيّد بين غبيشي الثائر وحسنى الجميلة بحبهما لبعضهم البعض. تقدم غبيشي بطلب يد حسنى ولكنه تم الرفض من قبل ابيها للاختلاف الطبقي الاجتماعي. 
هرب غبيشي وحسنى مما ادّى لاستعانة ابيها بالقائد ابو حنيك (قائد بيريطاني المعروف بجون غلوب) لقتل غبيشي واستعادة ابنته حسنى.
لقد قمت باستعمال صوت مسجل لبدرية يونس وهي فنانة عاشت في 1950 واضافة توزيعي وصوتي اليها لتجسيد حالة غبيشي وحسنى وأداء الاغنية التراثية. 
The story behind Hayyed 
“ Hayyed '' reflects the Palestinain life in a political and social aspect. Ghbeshi is a Jordanian bedouin who went to palestine to help his brothers fight oppression and injustice caused by the British colony in 1936.
As a result, Ghbeshi and Hasna chose to flee, prompting Hasna's father to request that "Abu Haniek", a British officer in the Jordanian Arab Army, return Hasna to his family. Abu Haniek not only accepted the offer, but he also dispatched a squad army equipped with mortars and tanks. Ghbeshi battled heroically but was killed in the end, leaving Hasna to narrate the story of her beloved man.

Hayyed | حيّد (ألبوم وعد فلكلور 7191)



    يا ذيب يا سيد العدا
    اغرب تعال من المدى
    انزل ما في عندي حدا
    سبحان الي هداك
    انا صوتي راح وما رجع
    ورفاقي ماتوا مثل السجع
    والقلب زهر وانوجع
    والنار نار الهم
    يا ذيب يا ليل الشعر
    قاسمني همي للفجر
    صدق ترى صوتي سحر
    يوخدنا فوق تلال
    والنار يا خلي الصبر
    جرحك ياقوت ما هو فقر
    والله ما في قلبي غدر
    سايق عليك الله
    نركض ونعوي للصبح
    نضحك تايتداوى الجرح
    ونظل لصوت النبح
    يعلى عصوت الخيل
    ارجع وترجع وحدتك
    زرعو في قلبك الحسك
    بيني انا وياك
    يا ذيب يا ربعي الي ظل
    الي من جرحي طل
    من كان يصدق هالمطل
    يجمعنا انا وياك

شادي زقطان  - يا ذيب | ya theeb - shadi zaqtan

هذا المزيج إختصار للحوادث و الأحداث التي تعرضنا لها في شوارع وسط بيروت،
عندما خرجنا نهتف ضد السلطة.
سمّوها ثورة، حراك، مظاهرة، لا يهم.
عُدنا إلى منازلنا بكدمات جسدية و معنوية، و إلى أن نعود إلى الشارع مرة أخرى، المجد للمندسين.
هنا الذاكرة الصوتية الحقيقية لبيروت التي نريدها،
صوت الشعب و الطرقات، هروات الجنود، صرخاتنا و وجعنا.

بيروت 2015

بس آني ربّي بلاني 
بس آني
بس آني ولفي جفاني
بس آني

كلّهم يمشوا على دروب الهوا
بس آني ضايع دليلي 
بس آني
والنّاس يناموا وأنا بعيني جفا
من سحر عيون المها
انقتلت آني

قالت "إنت ليش فيي معتني؟
وأنا اللي بعتك من قبل ما بعتني"
ردّي عليها يا دموعي وانزلي
طوفان ظالم قاسي
ما يرحم حدا

بس آني ربّي بلاني 
بس آني
بس آني ولفي جفاني
بس آني

كلّهم يمشوا على دروب الهوا
بس آني ضايع دليلي 
بس آني
..................................
توزيع شادي الصفدي

Bs Ane Rabbe Balani | بس اني ربّي بلاني

This is for you Syria, for your struggle, melancholy, wounds and your wild bloody roses
for your freedom, for your tired restless eyes and heavy grey skies
this is for your silent  stones and your curved fragile houses,

this is the story of you Syria ,a story of me,
a story of both of us ..a story of death and birth and every gleams in between 
 
music and songs only !
but more than that, a skin I want you to wear,
a drug I want to you to swallow 
sins in heavens  in air 
a wind to carry and follow  
a hope to keep in despair 
a faith to hold in tomorrow 
and a sea I want you to measure 
for a smile in front of death
and a laughter in the face of fear 
for a hope in the face of misery,
a melody in the face of darkness 
to rise against death, to hold a fire in a hand 
in lands of ache and sorrow 
this is for you Syria
its my heart in sounds 
its my blood in waves 
from yesterday's agony
from yesterday's pain 
from yesterday's hell
it's music for tomorrow .



Justin Jones: Alto Sax 
Stephen Pale : Bass 
Steven Crammer: Drums 
Steve Caporale: Flute /Sax 
Jack DeVries : Trombone 
Adrian Condis : Clarinet/sax 
Tom Killackey : Trumpet 
Cooper Davis : Sound engineer 
yazan al hajari :Composition,piano, mandolin,vocals and lyrics 
2018

2 - Sons Of Bitches- يا اخوات القحبه

خزان المي - السيرك
 قصيدة حكي الشارع للشاعر عامر بدران
موسيقى وتوزيع السيرك

السيرك:
فارس سباعنة
شادي زقطان
جريس بابيش
نبيل برهم
حسين ابو الرب

شكر ل:
رفعت الرفاعي
حمزة ابو عجاج
محمد بدران - السنفور

الكلمات:

 تغيّر حكي الشارع عِنّا
وغيّر مصطلحاتُه وسَمَعُه
وصار الحاجز من لهجتنا
وصار الجندي ال لابس فزَعُه
ضيف ببيت الشعر الساحر
ضيف ببيت الشاعر. قادر
يكسر قلمُه
وصاروا الكِلْمات بْقعدتنا:
دخلوا، هجموا
اجتاحوا، اقتحموا
انسحبوا من الحارة الشرقية
انتصروا.. انهزموا.
انجرح الضابط ع الدبابِه
جنودُه انصَرعوا
وخلّوا ليل الناس جهنّم
و عجهنم عالصبح انقلعوا.
..
تغير حكي الشارع عِنّا
واحنا تغيرنا تغيرنا
وصرنا نميّز صوت المطاط من الحيّ
وقنبلة الصوت من الغازْ
ونلقط وجه الشَبه ال زَيّ
الكذب اللي بلكنة موفاز.
وصرنا نعرف نوع الفرقةْ
من اللاسلكي ولون الزِيّ
ونعرف حتى عيار الطلقة
اللي خزقت خزان الميّْ.
وحفظنا ارقام الدبابات
ومن ايّ معسكر جايات
ومين اللي جايي ورح ترجع
مين اللي جايي ت تباتْ
ومين ال ع الدور بتستنى
تغيّر شكل الشارع عنّا.
..
تغيّر حكي الشارع عنا
واحنا تغيرنا تغيرنا
وصار بشعر الحب يفوت
الرشاش ولوح التابوت
ومطرح كلمة"ميت فيكِ"
حلّت كلمة "إوعى تموتْ"
إوعى تروح وما ترجعلي
وظَلّك صلّي
ولما يشيلوا الحاجز بُكرا
شَرِّف واطلبني من أهلي.
وصار الشبْ
لو غافل دبابه و حَبْ
وقالتله اللي بْحضنُه بتغفي:
"إحكيلي عن حالك نتفي"
يبلّش يوصف..
كيف تصاوب، كيف تصدّى
كيف تحمّل أسبوعين
يفطر خبز وما يتغدّى
كيف تحايل عالدورية
كيف تخبى من القنّاصة
ولما يفاجئها بْهدية
يلبسها بسنسال رصاصة.
..
تغير حكي الشارع عنا
ولِسّاني بقلبي الملهوف
داير ع زهور جنينتنا
بعز البردْ
ماشي وأتفركش بالوردْ
وأسرق من نهداتُه حْروفْ
وأكتب عن حيلي اللي انهَدْ
وعن وجهي، ولونه المخطوفْ
من حبِكْ
من كُتر جنونِكْ
عن خوف عيوني من عيونكْ
عن ربط لساني وِسْكوتي
لما بمشية طفلة تفوتي.
لما تنامي
لما تنطيلي بأحلامي
حتى لما الجيش يفوت
يعربد ويفتش لبيوتْ
لا تلومي الأطرش بالزفِّه
لو ظل بإسمِكْ يتغنى
لما يمرق إسمِك صدفِه
ويقلب حكي الشارع عِنّا

Al Sirk - Khazzan Al-Mai \ السيرك - خزان المي

عكا- طارق ابو سلامة ، غناء وعد العزة|Akka- tareq abu salameh feat. Waad Azzeh

كلمات: محمود أبو هشهش
موسيقى: فارس شوملي
غناء: عزَّة زعرور، راشد زعرور، زينة زعرور، فارس شوملي
درمز: بيير الطويل
جيتار: فيليب جراد
باص جيتار: خليل ترجمان
سنثيسيزر: فارس شوملي
تسجيل وميكس: جون حنضل
سُجّلت في استوديو مؤسسة المدى للتنمية المجتمعية من خلال الفنون و RJ Music Productions
إدارة وإشراف: عامر شوملي ومحمود أبو هشهش
 الصورة: شروق الأسعد 
 شكرا للصديقة سحر قواسمي وهيكل

تم إصدار هذه الأغنية بدعم من الاتحاد الأوروبي
مشروع "تراثي...هويتي" هو المسؤول الوحيد عن المحتوى، ولا تعكس بالضرورة وجهات نظر الاتحاد الأوروبي
 
 
 
ما ضل محل للهوا
ما ضل
بقعة أرض خضرا
أو فَيْ تحت شجرة
ولا ضل
شوية ظِل
على درج متروك
ولا حاكورة بيت مهجور
غرقانة في الشوك
 
وما ضل قمر يا ليل
ولا ضي نجوم ضل
 
وما ضل مدى يا عين
لا بحر ولا سما
إسمنت احتل الفضا
 
والعدا يا عين
ع راس الجبل
 
وما ضل محل للهوا
ما ضل

ما ضل محل للهوا

الكلمات

:بيلبقلك شك الألماس
بيلبقلَك شك الألماس آه، يا علي
أخدوا ألماسك..  يا ويل ويلي

شوفوا ابني يا عيوني.. بِهالفستان
شوفوا عمال يتمايل.. خدُّه رمّان
حبايب لا تلوموني..لومكم ما كان
بيغير حبي لوليدي.. يا عيني عيني

بيلبقلَك شك الألماس آه، يا علي
أخدوا ألماسك..  يا ويل ويلي

شوفوا ابني يا عيوني.. ما في علة
شوفوا عمال يمتايل..شو هالطلة
حبايب لا تلوموني..ألف اسم الله
يقبر قلبي بيجنن… يا عين عيني

بيلبقلَك شك الألماس آه، يا علي
أخدوا ألماسك..  يا ويل ويلي

:مرمر زماني
مرمر زماني، يا زماني مرمر 
حُب الصبايا عبّق متل العنبر 
 
مرت سألتني الخاتم لمين يا عيوني؟
لتكوني حبّيتي عليِّ يا مجنونة؟
قلتلها لابن عمي يا عمري خطبوني
عرفوا عنا والحكي عم يكتر
 
مرمر زماني، يا زماني مرمر 
حب الصبايا عبّق متل العنبر 
 
مرّت قالتلي عنك أبعدتيني  
اختاري بعدي، يا إمّا بتختاريني
قلتلا دخيلك ما تروحي وتتركيني 
بدونك قلبي دقاتو بتتعتر 
 
مرمر زماني، يا زماني مرمر 
حب الصبايا عبّق متل العنبر 
 
مرت وبعنيّ نطرت جوابي، جوابي 
قلتلا معك لو زعلوا أهلي وصحابي
تعي ع قلبي، تعي زينة ع بوابي 
عتبوا ما عتبوا، أصلا اشي ومقدر 
 
مرمر زماني يا زماني مرمر 
مرمرتني ما عاد فيّ تتمرمر 
 
 :يا ظريف الطول
يا ظريف الطول وقف تاقولّك
رايح عالغربة وبلادك أحسنلك
خايف يا ظريف تروح وتتملّك 
وتعاشر الغير وتنساني أنا

يا ظريف الطول، أسمر ولطيف
غنولك كتير وغنوا عن التعريف 
بس ما حد عرفك زيي يا ظريف
بستنّاك أنا مية ألف سنة 
(اللازمة)

يا ظريف الطول يا سن الضحوك
إيدك بمسكها قدام امك وابوك 
لو تقول أهلك عني ابعدوك 
بنهرب بالليل ونعلن سرنا
(اللازمة)

:على دلعونة
على دلعونا وعلى دلعونا 
منكم وفيكم بنضلنا هونا 
منضلنا هونا بلادك وبلادي 
حنّوا علينا الوطن حنونا 

منكم وفيكم، وبعدو الشارع 
مش عارف إحنا فعل مضارع 
ما زهق فينا، فينا يصارع
بدل ما يحارب اللي احتلونا 

منكم وفيكم، يما ويا يابا 
حرام نتشرد ونروح غرابا 
حرام يروحوا من الأرض صحابا 
في دفا دياركم والله خلونا 

منكم وفيكم: إسأل المراية 
طلطل ع روحك واسمع الحكاية 
فيكم ما زلنا من البداية
كبرنا بوطننا مثل الزيتونا 
(اللازمة)

:منكم وفيكم 
عمل فنّي غنائي جديد من مشروع غنّي عن التعريف من إنتاج مؤسسة القوس للتعددية الجنسية والجندرية، يقوم على توظيف أغاني تراثيّة شاميّة/ فلسطينيّة بهدف استكشافها كمساحة تعبّر عن تجاربنا ووجودنا كمثليّات/ين ومتحوّلات/ين وثنائيّي/ات الميل الجنسي (بايسكشوال) وأشخاص يعيشون توجّهات جنسيّة وجندريّة مختلفة
 
أنجز العمل كتابةً وتوزيعًا وعزفًا وغناءً -بكلّ حُبّ- مجموعة من ناشطات وناشطي القوس وحلفائها، من خبرات واهتمامات فنيّة وموسيقيّة مختلفة، ومن كافّة مناطق فلسطين

لماذا منكم وفيكم؟
وُلدت فكرة العمل بشكل أساسي من العلاقة الوثيقة لنشطاء القوس وفنانيها مع الإرث الغنائي والموسيقي للمنطقة -كما هو الحال مع غالبيّة بنات/ أبناء شعبنا، حيث كانت حاضرة دومًا في حياتنا وأفراحنا وأتراحنا، وجزء أساسي من ذائقتنا الموسيقيّة وتفضيلاتنا الفنيّة.
إضافة لذلك، شكّل العمل فرصة ممتازة لطرح مقولة سياسيّة واجتماعيّة حول وجودنا كفلسطينيّات/ين نعيش توجّهات جنسيّة وجندريّة مختلفة، حيث نتعامل في القوس منذ سنوات مع مسألة الإنكار المجتمعي لوجودنا وقضيّتنا، والتي تتمظهر بأشكال مختلفة من الشيطنة والإقصاء وحتّى عدم الاعتراف بوجودنا وحياتنا في المجتمع الفلسطيني والعربي أصلًا.
شكّل العام الأخير بالنسبة لنا ذروة في الظهور المجتمعي ومواجهة الإنكار، حيث جعلت أحداث كثيرة من قضايا التعددية الجنسية والجندرية محطّ نقاش شعبي ومفتوح كانت القوس في واجهته. تأتي "منكم وفيكم" لتختتم  العام الماضي المليء بالتقدّم والنقاشات والانفتاح على قضايا التعددية الجنسية والجندرية وتؤكّد على مقولة واضحة لا لبس فيها: نحن منكم وفيكم وسنبقى كذلك.

:منكم وفيكم موسيقيًا
اخترنا في "منكم وفيكم" التجريب من منطلق صوتي من خلال معالجة الآلات التراثية (الناي، العود، والبزق، الإيقاع) إلكترونيًا. يأخذنا العمل في رحلة صوتية من الماضي الى الحاضر إلى المستقبل، حيث تبقى المقامات والإيقاعات بطابعها الأصلي، لكن من خلال منظور معاصر.
كان تحديد التوجّه الموسيقي للمشروع من الأسئلة غير البسيطة التي واجهتنا، فمن جهة كان لدينا هدف إنتاج عمل معاصر وشبابي يجدّد اللحن التراثي الكلاسيكي المعهود، ومن جهة أخرى كنّا واعين تمامًا لعدم الانجرار لفخّ الموسيقى الاستهلاكيّة التجاريّة التي تقوم على أصوات وألحان بعيدة كلّ البعد من الارث الموسيقي للمنطقة، وبالتالي لا تشكّل بناءً عليه أو استثمارًا فيه

Minkom O Feekom منكم وفيكم- غنّي عن التعريف

Remix of "Top of the Mountain" / "لاطلع عراس الجبل" by Rim Banna
Produced, mixed & mastered by @wardenclyph
instagram.com/wardenclyph

Rim Banna - Latla3 3a Ras ElJabal (Wardenclyph Remix) | ريم بنا - لاطلع ع راس الجبل

غِناءْ .. شادي زقطان وعماد الصيرفي

 فيْ 11 ألف مَحل فاضيْ ... 11 ألف هوَ عَدَد اللأسرى الفلسطينيينْ في سجون الاحتِلال الاسرائيلي

كَلمات الاغنيـةْ :

في الدور اللي ع البنك وع الفلافل 
في أصوات اللي من الحسبة في زحمة المداخل 
في أزمة البلد في اعراس الجمعة والأحد 

وفي المشاكل والرحلات في المظاهرات والجاهات 
في سهرات الحلاقين ليلة عيد وفي سرفيس اللي جاي ع البلد من بعيد 
في دايماً حد ناقص لو كمل العدد 

يمة في الوان ممنوع تتجمع مع بعض في أي مكان 
ويمة في كلام مفروض كان حلم خلصنا منه من زمان 
في قلوب يمة لسة بتستنى .. بدقيقة زيارة تحلم وتتمنى... 

في عيدية لسة ما وصلت في فرحة لسة ما كملت 
في كرسي فاضي ع السفرة يمة في القلب حسرة 
في 11 ألف محل فاضي

شادي زقطان - فيه 11 ألف محل فاضي

Zina Zarour & Faris Shomali
Profile Artwork: Samia Halaby

ما ضل محل للهوا

دون عنوان

Recent comments

مرحباً انا استخدم الساوند كلاود

Shireen

Samar ozrail

Yaraz

Related tracks