Reader.mn подкастын цоо шинэ улиралын эхний дугаарт бид Францын нэрт зохиолч Мишель Уэльбекийн "Тулааны талбарын тэлэлт" номын талаар ярилцлаа.

1994 онд бичигдсэн уг ном хэвлэгдэн гарсан даруйдаа Францын хамгийн их уншигдаж тэр хэрээрээ хамгийн их маргаан дагуулсан бүтээлүүдийн нэг болсон билээ.

"Монсудар - Утга зохиол" цувралын XIV болон хэвлэгдсэн уг ном ялгаварлан гадуурхалт, хөрөнгө мөнгө, албан тушаал, эрх мэдэл, гаднах үзэмж дээр тогтсон хандлага, амьд бус харилцаа, сэтгэл гутрал гээд нийгмийн эрээн барааныг тэр чигээр нь дүрслэн харуулсан бүтээл юм. Үүнийгээ элдэв уянгын халил, сонгодог уран зохиолын байдлаар бус харин хурц хатуу үг, алиа марзан жишээнүүд, бага зэрэг хараал ёжлолоор илэрхийлсэн нь уг номын онцлог болсон юм.

Подкастын зочдоор бид Франц судлаач Х.Ананд болон "Алтан хальс" холбооны гишүүн, кино урлаг судлаач Х.Есөнчулуун нарыг урин оролцууллаа.

№36 Мишель Уэльбек "Тулааны талбарын тэлэлт"

"Жангар" хүүхдийн номын редакцаас зөвхөн хүүхдийн ном гэлтгүй, тэдний ертөнц, тулгардаг асуудлууд, томчуудын хандлагын тухайд "Тэрслүү яриа" цуврал подкастыг эрхлэн гаргахаар болсон билээ. 

Уг цуврал подкастынхаа эхний дугаараар бид “Ном бол зөвхөн саатуулах хэрэгсэл биш” хэмээх сэдвээр ярилцлаа.
Нүүдэлчний нийгэмд бол энгийн үзэгдэл боловч өнөө цагт хэтэрхий хоцрогдоод байгаа хүүхдийн тухай хүмүүсийн хэвшмэл үзэл хандлагыг эвдсэн тэрслүү сэдвүүдээр ярилцах бидний подкасттай хамт байгаарай.

Подкастанд “Монсудар” хэвлэлийн газрын "Жангар" хүүхдийн номын редакцынхан тогтмол оролцох юм.

Tersluu yaria podcast

№1 Тэрслүү яриа подкаст - Ном бол саатуулах хэрэгсэл биш.

Жангар" хүүхдийн номын редакцаас зөвхөн хүүхдийн ном гэлтгүй, тэдний ертөнц, тулгардаг асуудлууд, томчуудын хандлагын тухайд "Тэрслүү яриа" цуврал подкастыг эрхлэн гаргаж байгаа билээ.

Шинэ оны анхны дугаараар бид “Зурагт ном болон зурагтай номын ялгаа” сэдвээр ярилцаж, зурагт ном нь хүүхдийн хөгжилд хэрхэн эерэг нөлөө үзүүлдэг талаар бид олон талаас нь ярилцсанаа хүргэж байна. 

Мөн хүүхдэдээ ном авч өгөхдөө тэдний насны онцлог, өөрсдийнх нь хүсэлтийг харгалзаж, хүүхдийн номыг хүүхэд эцэг эхийн хоорондох харилцааны нандин гүүр байж чадах тухай яриаг сонирхоорой.

№2 Тэрслүү яриа подкаст -Зурагт ном ба зурагтай номын ялгаа

№37 Монтескье "Хуулийн Амин Сүнс"

Reader подкастын шинэхэн дугаарт бид Францын алдарт философич, түүхч, Соён гэгээрлийн хөдөлгөөний гол төлөөлөгчдийн нэг Монтескьегийн "Хуулийн Амин Сүнс" номын талаар ярилцлаа.

Энэхүү суут бүтээл нь хүн төрөлхтний улс төр, нийгмийн хөгжилд асар их хувь нэмэр оруулсан ном билээ. Бүх цаг үеийн хамгийн агуу бүтээлүүдийн жагсаалтад зүй ёсоор багтдаг уг номыг Монсудар хэвлэлийн газар “Нийгмийн ухаан” цувралынхаа V дэвтэр болгон Францын Элчин сайдын яамны дэмжлэгтэйгээр уншигчдад хүргэсэн юм. Энэхүү бүтээл монгол хэлнээ орчуулагдан хэвлэгдэж байсан боловч энэ удаагийн шинэ хэвлэл орчуулга, найруулгын хувьд хамгийн сайн нь болсон гэдэгт бид итгэлтэй байна. Францын хувьсгалаар хэмжээлшгүй эрхт хаант засгаа халсан Франц Улс 1791 онд баталсан шинэ Үндсэн хуулиа “Хуулийн Амин Сүнс” номын эрх мэдэл хуваарилах зарчим дээр тулгуурлажээ. Үүнээс гадна Америкийн Нэгдсэн Улс төдийгүй эрх чөлөөт ардчилсан улс орнуудын Үндсэн хуульд ч асар нөлөө үзүүлсэн гэдгийг тэмдэглүүштэй.

Подкастын зочдоор бид Хүмүүнлэгийн ухааны их сургуулийн олон улсын харилцаа, нийгэм судлалын ахлах багш, доктор (Ph.D) П.Мягмардорж болон Лондонгийн их сургуулийн судлаач, улс төр судлаач Ж.Санчир нарыг урин оролцууллаа.

№37 Монтескье "Хуулийн Амин Сүнс"

Өнөөдөр ном бидний өдөр тутмын хэрэглээ олж хараахан чадаагүй байна. Ийм үед зохиол бүтээл бичдэг болон ном уншиж, түүнийхээ тухай тэмдэглэл хөтөлдөг залуусын дуу хоолой нийгэмд хамгийн чухал билээ. Тийм ч учраас энэ хүмүүсийг нэгтгэх, тэдний бичвэрээр дамжуулан номыг хэрэглээ болох, уншсан номоо ярилцдаг соёлыг бий болгох гэсэн мөрөөдөлтэйгөөр www.reader.mn сайтыг эхлүүлсэн билээ.

Reader.mn

Popular tracks