Падпалкоўнік МУС: На бок народу перайдуць падраздзяленнямі

Ці ўдасца ўладам «зачысціць» недзяржаўны сектар?

Што далей чакае TUT.BY?

Чаму ТUT.BY зыкрылі менавіта цяпер?

Актывістка пра «справу студэнтаў»: Няма розніцы, каго судзіць, галоўнае – спыніць пратэсты

Пад каго пішуць новую Канстытуцыю Беларусі?

Чаму працаўнікі НКВД перасяляліся ў Беларусь?

Калі Лукашэнка стане не патрэбны Маскве?

Наколькі балючымі будуць санкцыі?

Ці Байдэн з Пуціным дамовяцца па Беларусі?

Якая праца над памылкамі патрэбная, каб перамагчы?

Пакуль грамадзяне засяроджаныя на зборы ўраджаю, Святлана Калінкіна і кіраўнік Беларускага інстытуту стратэгічных даследаванняў Пётр Рудкоўскі ў эфіры праграмы «Размова» падсумоўваюць, што вырасла, а што загінула за лета на палітычных палетках Беларусі.

Госць праграмы лічыць, што лета беларускіх чыноўнікаў прайшло адносна спакойна і гучных кадравых зменаў было не так шмат. Адстаўка міністра ўнутраных справаў Ігара Шуневіча і прызначэнне на ягонае месца Юрыя Караева стала хіба што не самай гучнай кадравай зменай. А адбылася яна, на думку Пятра Рудкоўскага, таму, што сёння Лукашэнка робіць стаўку на мяккую сілу.

Што пад скурай у міністра Караева і чаму насамрэч знялі Шуневіча?

Беларускі бюджэт ізноў не далічыўся вялікае сумы. Не менш за $ 20-25 млн сышло на правядзенне лёгкаатлетычнага матчу паміж зборнымі ЗША і Еўропы. Толькі на прызы сышло каля $ 1 млн.
Ці працуюць гэтыя грошы на паляпшэнне іміджу Беларусі? І ці можа спорт высокіх дасягненняў стацца арыенцірам і «нацыянальнай адметнасцю»? У «Размове ProContra» з вядоўцамі Святланаю Калінкінай і Уладзімірам Мацкевічам разважае спартовы аглядальнік Барыс Тасман. Госць праграмы зазначыў, што Беларусь дзеіць, як калісьці дзеялі СССР, ГДР, Куба.
«Тыя краіны, якія шмат укладваюць у развіццё вялікага спорту, у тое, каб заваяваць вялікую колькасць алімпійскіх медалёў, медалёў чэмпіянатаў свету і Еўропы, у іх не суадносіцца гэта з эканамічным развіццём, гэта не суадносіцца з дабрабытам насельніцтва. Спорт узводзіцца ў нейкі абсалют, у пэўную шырму», – выказаўся Барыс Тасман.
Чаму спорт – гэта галіна вытворчасці чэмпіёнаў і чаго каштавала перамога для алімпійскай чэмпіёнкі Юліі Несцярэнкі? Пра гэта ды іншае – у «Размове ProContra» з вядоўцамі Святланаю Калінкінай і Уладзімірам Мацкевічам ды спартовым аглядальнікам Барысам Тасманам.

У Менску разыгралі $ 1 млн

У «Размове» Святланы Калінкінай медыяэксперт Францішак Вячорка тлумачыць, якім чынам прарасейскія тролі хістаюць грамадскае меркаванне ў Беларусі, што сёння можна супрацьпаставіць крамлёўскім інтэрнэт-тролям і чаму Беларусь прапусціла пачатак вайны.

«Тролям тут не месца», – прыкладна так можна інтэрпрэтаваць затрыманне ў Менску расейскай грамадзянкі Ганны Багачовай. Яе вінавацяць у спробе ўмяшацца ў выбары ў Злучаных Штатах пры дапамозе інтэрнэт-тролінгу. Ці сапраўды ўлады Беларусі хочуць выступіць супраць Крамля, затрымаўшы праўладную расейскую тральчыху? Медыяэксперт Францішак Вячорка лічыць, што не варта спадзявацца на тое, што беларускія ўлады выйшлі на адкрытую канфрантацыю з расейскімі. Перш за ўсё таму, што вайну ў сеціве Лукашэнка фактычна прайграў.

«Беларускія тролі ёсць, але эфект ад іх працы не такі моцны. У прынцыпе, Лукашэнка і ягоныя памагатыя пачалі займацца інтэрнэтам надта позна, калі для іх там не было ўжо прасторы», – выказаўся госць праграмы.

Чаму вайна з тролямі такая важная для Беларусі і чаму ад дзейнасці прарасейскіх каментатараў асабліва пакутуюць рэгіёны, слухайце ў «Размове» Святланы Калінкінай з Францішакам Вячоркам.

Лукашэнка прайграў вайну ў сеціве

«Інтернет і фэйсбук — перамаглі тэлевізар у нас», — гаворыць эксперт з Арменіі Рубэн Мэграб’ян у праграме "Размова Калінкінай".Народ скінуў уладу — і менавіта блогеры ды сацсеткі дэтанірвалі армянскі пратэст.

Моцная ўлада, якая трымаецца на рэпрэсіях, татальнай прапагандзе, карупцыйных грошах. Капіталізм для «сяброў», якія кантралююць асноўныя фінансавыя плыні, разбіты малы бізнес. Так выглядала Арменія перад рэвалюцыяй — вельмі падобна да сённяшняй улады Лукашэнкі. Ці атрымаецца пратэст блогераў у Беларусі?

Тут запалоханы народ і пануе страх перад рэпрэсіямі, — заўважае вядоўца Святлана Калінкіна. Інтэлектуалы баяцца, што сітуацыю скарыстае Расія — і альбо дапаможа заціснуць пратэст, альбо прапануе сваго кандыдата.

— Армянскі рэцэпт паспяховай рэвалюцыі: «нават жанчыны з дзіцячымі вазочкамі перакрывалі вуліцы!»

— У якім выпадку Расея змірыцца з выбарам народу?

— Ці народ не пашкадаваў пра змену ўлады?

Падрабязней пра гэта ды іншае глядзіце і слухайце ў поўнай версіі «Размовы».

Ці атрымаецца ў Беларусі рэвалюцыя блогераў?

Ужо напрыканцы гэтага года ўладаў чакае жорсткае расчараванне. Крытычныя праблемы, якія гэтак востра стаяць напярэдадні прэзідэнцкіх выбараў, не развяжуцца — Расея ў гэтым не зацікаўленая.

Такое меркаванне ў эфіры праграмы «Размова ProContra» з Уладзімірам Мацкевічам і Віталём Цыганковым выказаў кіраўнік беларускага Цэнтру стратэгічных і вонкавапалітычных даследаванняў Арсень Сівіцкі.

«У канцы года беларускія ўлады будуць вельмі расчараваныя ўсімі гэтымі перамовамі з Расеяй, — выказаў здагадку госць праграмы. — Не трэба забываць, што ў канцы года нас чакаюць перамовы аб новым газавым кантракце, які больш важны з тактычнага пункта гледжання, чым усе гэтыя перамовы аб паглыбленні інтэграцыі, трыццаць адной дарожнай мапе, якія, на самай справе, нават калі і будуць падпісаныя, не маюць ніякіх юрыдычных наступстваў».

Пры гэтым палітолаг далёкі ад таго, каб змяншаць пагрозу. На ягоную думку, у Расеі і Беларусі прынцыпова розныя мэты. Чаму? Падрабязней — у «Размове ProContra» з Уладзімірам Мацкевічам і Віталём Цыганковым ды кіраўніком беларускага Цэнтру стратэгічных і вонкавапалітычных даследаванняў Арсенем Сівіцкім.

Пуцін працягне перакрываць кісларод Лукашэнку

Прынамсі, у вачах большасці расейцаў, распавядае філосаф з Расеі Максім Гаруноў. Чаму цэлая краіна ператварылася ў мрою, глядзіце ў «Размове» Уладзіміра Мацкевіча.

Таемныя перамовы без выніку, вулічныя пратэсты — пытанне паглыблення інтэграцыі Беларусі і Расеі ў той ці іншай форме авалодала апошнія дні ўсёй краінай. Госць праграмы філосаф з Расеі Максім Гаруноў у сваю чаргу тлумачыць, як на гэтыя падзеі і Беларусь агулам глядзяць з Расеі і чаму адтуль наша краіна падобна да мроі.

«Беларусь не існуе ў тым сэнсе, у якім існуе, напрыклад, Фінляндыя і ў тым сэнсе, у якім існуе, напрыклад Швецыя. Беларусь — гэта нейкая казка, мара. Нешта туманнае. Нейкі міраж. Нешта ў міражы там адбываецца У Беларусі няма суб’ектнасці, няма твару, тое, што адтуль паходзіць каўбаса, тое, што адтуль паходзяць цукеркі і згушчонае малако — гэтага мала, каб надзяліць гэты аб’ект суб’ектнасцю», — тлумачыць Максім Гаруноў.

Падрабязней — у праграме «Размова» Уладзіміра Мацкевіча з філосафам з Расеі Максімам Гаруновым.

У вачах Расеі Беларусі не існуе

Зрабіць Беларусь раз і назаўжды часткай «русского мира» можа жадаць не толькі Расея. Такі парадак выгадны нават некаторым краінам NATO, лічыць вайсковы эксперт Андрэй Паротнікаў, госць праграмы «Размова» Святланы Калінкінай.
 
Ці наступіла адліга ў стасунках Беларусі ды NATO? Госць «Размовы» Святланы Калінкінай вайсковы эксперт Андрэй Паротнікаў зазначае, што дакладна можна заяўляць: двухбаковыя дачыненні не сталі горшымі. Пры гэтым эксперт зазначае, што не ўсе чальцы NATO гатовыя вітаць Беларусь у шэрагу паплечнікаў.
 
З якой краінай з блоку NATO ў нас найгоршыя стасункі? На думку госця праграмы, з Літвой.
 
«Тут ёсць шэраг чыннікаў, але мне падаецца, што перш за ўсё ідэалагічны, – зазначае Андрэй Паротнікаў. – Літоўская нацыянальная самасвядомасць базуецца на міфе аб тым, што Вялікае Княства Літоўскае было менавіта іхнай дзяржавай. Што датычыць людзей, якія абазнаныя ў праблематыцы, высокапастаўленыя чыноўнікі разумеюць, што гэта не так, і калі пачнецца працэс вяртання Беларусі ў Еўропу, гэты працэс будзе закранаць у тым ліку і гістарычную палітыку. Яны проста прайграюць».

Якая еўрапейская краіна штурхае нас у «русский мир»?

Афіцыйны Менск называе Астравецкую АЭС надзеяй на энергетычную незалежнасць краіны, а экаактывісты – марнаваннем грошай, экалагічнай і эканамічнай пасткай. Чые аргументы мацнейшыя і ці сапраўды ад спынення АЭС мы можам атрымаць выгоды, у «Размове» з экаактывісткаю Анастасіяй Дарафеевай спрабуе разабрацца Віталь Цыганкоў.

Са словаў экаактывісткі Анастасіі Дарафеевай, беларуская атамная электрастанцыя – палітычны праект, які не нясе ніякай эканамічнай палёгкі ды жаданай энергетычнай незалежнасці. Госця студыі падкрэсліла, краіны Еўрапейскага Звязу прынялі стратэгію адмовы ад «бруднай энергіі». Выкарыстоўваючы неэкалагічную энергію, Беларусь не зможа экспартаваць яе і нават прадаваць па добрых цэнах тавары, зробленыя з яе дапамогаю.

«Суседзі гэтую электраэнергію набываць не будуць», – падсумоўвае Анастасія Дарафеева і нагадвае, што пакуль рэактар не запушчаны, спыніць план пад назвай «Астравецкая АЭС» не позна.

Якое найменш балючае выйсце з сітуацыі вакол АЭС?
«Пакуль Беларусь атрымлівае досыць слабыя сігналы аб тым, што калі яна адмовіцца ад гэтага праекту, калі павернецца разам з Еўропай у бок узнаўляльнай энергіі, можа атрымаць дапамогу», – выказалася Анастасія Дарафеева.

Акрамя таго, госця праграмы нагадала праблемы з бяспекай будучай АЭС. Рэкамендацыі не выконваюцца, а магчымасць грамадскага кантролю фактычна адсутнічае.

Пра іншыя выклікі, звязаныя з будаўніцтвам Астравецкай АЭС, вы даведаецеся з «Размовы» Віталя Цыганкова з экаактывісткаю Анастасіяй Дарафеевай.

«Брудная» энергія Астравецкай АЭС нікому не патрэбная?

Народнае галасаванне, якое мусіць вызначыць адзінага кандыдата ад апазіцыі для ўдзелу ў выбарах прэзідэнта, пайшло не паводле плану. Народ галасуе за адзінага, а вось прэтэндэнты на гэтую ролю адзін за адным пакідаюць праймерыз.
 
Выканальнік абавязкаў кіраўніка штабу праймерыз Аляксей Сігаеў у студыі «Размовы ProContra» распавёў, што сыход прадстаўніка Беларускай хрысціянскай дэмакратыі – Паўла Севярынца – з праймерыз быў нечаканасцю. Яшчэ большаю неспадзяванкаю сталася тое, што выйшаў і прадстаўнік Партыі БНФ Аляксей Янукевіч. Што ж адбылося?
 
«Тыя, хто заявіў пра выхад, сказалі, што не гатовыя быць адзіным. То бок у Паўла Севярынца – ідэя байкоту ці яшчэ чаго-небудзь», – тлумачыць Сігаеў і дадае, што «беларускія апазіцыйныя палітыкі, на жаль, адрозніваюцца сваёй непаслядоўнасцю».
 
Паводле Сігаева, у Янукевіча і Севярынца шмат прэтэнзіяў да ходу праймерыз. У прыватнасці яны не задаволеныя тым, што яўцы пагражае каронавірус, галасуюць за кандыдатаў людзі з дзяржаўных пасадаў. Аляксей Янукевіч з Партыі БНФ зазначыў, што вернецца да праймерыз толькі разам з Севярынцам і Канапацкай, якую не ўлучылі ў спіс кандыдатаў праз разыходжанні ў поглядах.
 
Слухайце «Размову ProContra» са Святланаю Калінкінаю, Віталём Цыганковым і выканальнікам абавязкаў кіраўніка штабу праймерыз Аляксеем Сігаевым, каб разабрацца, чаму рашэнне, якое мусіла паказаць палітычную спеласць апазіцыі, прывяло да правалу.

Праймерыз – усё? Апазіцыю пасварылі каронавірус, настаўнікі і Канапацкая

Пра цяжкія эканамічныя наступствы каранціну па ўсім свеце не папярэджвае толькі лянівы, але непрыемнасці могуць прыйсці і з нечаканага боку. Адмыслоўцы прагназуюць істотны спад у вялікім кіно – на новыя галівудскія прэм’еры проста не будзе грошай?

Тры менскія кінатэатры закрыліся з-за эпідэміі каронавіруса. Каранціну няма, але людзі перасталі хадзіць у кіно, а гучныя сусветныя прэм’еры адкладаюцца на нявызначаны тэрмін. Чым даўжэй будзе цягнуцца локдаўн, тым больш верагоднасці, што сярод крызісных сфераў эканомікі акажацца і кінематограф.

«Па ўсім свеце цяпер практычна не працуюць кінатэатры. Тыя праекты, якія раней збіралі грошы ў кінатэатрах, як «Фарсаж» ці «Бонд» дваццаць першы ці дваццаць другі, былі перанесеныя. Калі яны зараз выйдуць онлайн, яны фактычна не акупяцца – завялікі вытворчы бюджэт. Гэта ўсё накладзе вялікі адбітак на тыя прынцыпы, паводле якіх варта ствараць сучаснае кіно», – выказаўся ў эфіры «Размовы» Віталя Цыганкова кінакрытык Тарас Тарналіцкі.

Што будзе з сусветным і беларускім кіно пасля заканчэння пандэміі? На гэтае ды іншыя пытанні шукайце адказы ў «Размове».

Каронавірус заб'е кіно?

Лукашэнка занадта добра плаціць сваім чыноўнікам, каб тыя наважыліся канкураваць з ім. Таму ў прэзідэнцкай гонцы прымуць удзел толькі адчайныя, мяркуе госць «Размовы ProContra» — былы працаўнік Адміністрацыі прэзідэнта Аляксандр Пласкавіцкі.

Аляксандр Пласкавіцкі працаваў у Адміністрацыі прэзідэнта з 1994 да 2000 года і за гэты час здолеў добра прааналізаваць норавы беларускай наменклатуры. Сёння, на ягоную думку, ніхто з людзей сістэмы, якія могуць рэальна канкураваць з Лукашэнкам, на выбары не пойдзе. Браць удзел у гонцы — значыць дайсці да крайняй ступені адчаю.

«Раней ці пазней чалавек, які расчаруецца ў сваёй здольнасці па-добраму падштурхнуць нашага монапалітыка да больш-менш асэнсаваных, эфектыўных, рацыянальных дзеянняў ці хаця б да ўліку хоць нечых меркаванняў, хоць да маленькага ўліку, ад адчаю згодны вось на такія ўчынкі, — выказаўся Аляксандр Пласкавіцкі. — Згадайце фільм "Дзень сурка", калі ў галоўнага героя паўтаралася адна і тая ж цягамоціна. Ён жа ўрэшце пастанавіў скончыць жыццё самагубствам. І прыклаў для гэтага ўсе высілкі. Я думаю, і для Цапкалы, і для Бабарыкі ў гэтым выпадку гэта праява адчаю».

Таксама ў поўнай «Размове ProContra» з Уладзімірам Мацкевічам, Віталём Цыганковым і былым працаўніком Адміністрацыі прэзідэнта Аляксандрам Пласкавіцкім:

Ці з’явяцца ў Лукашэнкі рэальныя канкурэнты?

На што новых кандыдатаў штурхнуць абурэнне і адчай?

Каму давядзецца выбіраць паміж «палітычным» і «эканамічным» крымінальным артыкулам?

Супернікі Лукашэнкі: навошта яны ідуць на выбары?

Праграма «Выбары. ProContra» знаёміць гледачоў з прэтэндэнтамі на ўдзел у прэзідэнцкай гонцы. Сённяшні госць студыі — Алесь Таболіч.

«Часцяком кажуць: чалавек прыйшоў у палітыку як фрык. Але ніхто не задумваецца, што я для культуры ўжо шмат чаго зрабіў. Тыя ж фестывалі, як "Купальскае кола", якому ў гэтым годзе ўжо 13 гадоў. "Тату фэст" упершыню таксама. Гэта нейкія новыя ідэі. З новымі ідэямі я варушуся па жыцці», — распавёў Алесь Таболіч.

* Для ўсіх прэтэндэнтаў у кандыдаты былі створаныя аднолькавыя ўмовы для выказванняў у межах 25 хвілінаў праграмы.

07:20 стратэгія — быць клёвымі

13:20 палітыкі надакучылі

18:00 адмаўляцца ад палітыкі не трэба

24:05 бліц-апытанне

Таболіч: я рабіў бровы сястры Ярмошынай

Серыя праграмаў «Размова VoxPopuli» прысвечаная людзям, якія выразна выказалі сваю грамадзянскую пазіцыю падчас сёлетняй выбарчай кампаніі, хоць раней палітыкаю не цікавіліся.

Сёння суразмоўца Святланы Калінкінай і Віталя Цыганкова – каталіцкі актывіст Арцём Ткачук, які разам з паплечнікамі запусціў інфармацыйную кампанію «Фальсіфікацыя – цяжкі грэх». Мэта кампаніі – нагадаць вернікам, што несумленнасць пры падліку галасоў парушае і свецкія, і рэлігійныя законы.

«Шмат хто ўспрымае палітыку па-за мараллю. Маўляў, палітыка маральным правілам не належыць. Фальсіфікацыі выбараў таксама папалі пад гэтае ўспрыманне, хоць гэта насамрэч ніякая не палітыка. Можа быць, нашая акцыя выведзе гэтую матэрыю з табу палітызаванасці і ўвядзе ў нармальнае рэчышча: каталік павінен шчыра лічыць, павінен змагацца за праўду», – выказаўся ў студыі «Размова VoxPopuli» каталіцкі актывіст Арцём Ткачук.

Не браць грэх на душу. Каталікі заклікаюць да сумленных выбараў

Шмат грамадзянаў уключыліся ў палітычнае жыццё напярэдадні выбараў у Беларусі. Іхныя меркаванні ды погляды сабраныя ў серыі праграмаў «Размова VoxPopuli».

«Неабыякавы грамадзянін» — гэтак папрасіў прадставіць сябе герой праграмы «Размова VoxPopuli» Максім Паршута. Супрацоўнік буйной IT-кампаніі распавёў, чаму, на ягоную думку, грамадства вітае новых лідараў.

«Мне падаецца, людзі гатовыя да марафону. Да таго, што змены хутка не адбудуцца. Спачатку, напэўна ўсім падавалася, што за два месяца хуценька ўсё зменім. Але мне падаецца, што вось з гэтым вопытам прыходзіць разуменне таго, што, магчыма, не, прыйдзецца і далей законна адстойваць свае правы», — выказаўся Максім Паршута.

Ці варта верыць у тое, што актыўнасць людзей не скончыцца нават пасля агучвання вынікаў галасавання?

«Чым больш жорстка ўсё закручваецца, тым больш людзі бачаць, што гэта з-за таго, што дзейны прэзідэнт не можа перамагчы сумленна. І кожны такі крок — нядопуск і гэтак далей, — толькі ўпэўнівае людзей у тым, што рэальныя рэйтынгі нізкія», — выказаўся госць студыі «Размовы VoxPopuli» ў гутарцы са Святланай Калінкінай і Віталём Цыганковым.

Працаўнік IT-кампаніі: не веру ў лічбавы падлік галасоў

«Размова» – вечаровая публіцыстычная праграма ў жанры аналітычнага інтэрв’ю. Аўтары ды вядоўцы – Святлана Калінкіна, Уладзімір Мацкевіч і Віталь Цыганкоў – уплывовыя, знакавыя ў Беларусі медыяперсоны і грамадскія дзеячы, вядомыя інтэлектуалы.

РАЗМОВА

Popular tracks