يا اجمل انسان

 كنت طالب مصري
نفسي فنجاحي ابني قصري
واهب سمعي وبصري
بس تعليمي قضي امري
بالنسبة للبداية 
مريلة بيج وجزمة جديدة
كراسة 9 سطور 
طفل بأمال واحلام بسيطة
بحب عربي وانجليزي 
و باكره الرياضة
لكن من صغري ماشي بمدأ
 العمل عبادة
من اولي لتالتة الاول 
وفي رابعة اترفعت ايد
ام وأب بطل يسأل
  والدروس بديل جديد
 مكان سؤال الاباء
بس بالإهانة والضرب 
سلام وداع يا كبرياء
 فخضت و اكتئابي حرب
سنة خامسة بقيت بخاف 
اسمع صوت تكة كوبس النور
لأني انهاردة هاتضرب واتعلق
لما عليا يجي الدور
كرهوني في الدراسة 
وكرهوني في الايام
طفل ماسك رقبة ازازة
 انتحار حرام
بس دي مش مأساتي 
دي مأساة وطن بحالة
طفل مصري اذكي طفل 
الاجرام بقي مكانه
عاوز ايه من بلد 
فيها استاذ في هامش مركون
بعدها بيبيع دماغة
م الدروس في السنة مليون
بيقولو كاد يكون رسول
بس الأستاذ بيسب الدين
وبيتنابذ بالألقاب 
اباحة منه متعلمين
عاوز ايه من بلد 
بتعز علينا الاجنبي
عرفونا كوكب الشرق 
قبل ام كلثوم بنت النبي
ليه يكون حلمي 
ابقي مدرس  مبدع عالم اللغات
مادخلش عشان مجموع رياضة 
مع اني مقفل ادبيات
فكرت بدون مبالغة
ولا ابداء اي ملاحظات 
حلمي اني اكون مهندس
حلمت بسرعة الحلم مات
لقيتني داخل معهد 
اصل حيالا المجموع
73 ابويا بيزعق
امي بتذرف في الدموع 
الحصرة ملت قلوبهم
بابكي في الصلاة بخشوع
كان نفسي يفرحو بيا 
ملك الفشل خضوع
في نعش انام ماسمعش
مش عاوز حد جنبي 
يارب اموت وادوق سكوت
يارب يوقف قلبي 
فهموني ان مجموعي
دي  نهاية سنيني
وزعلو بكي لما 
دخلو لقوني مقطع شراييني
بطارد ملك الموت 
بس هو مستخبي
بحاول انتحار
ببساطة خسرت حربي
الدنيا ناهية منتهية لما الفشل يموت
لما طالب يموت
بأسمع من امه نواح وصوت
بس انتو حضرتوه
و في قراره ايدتوه 
اديتوه رصاصة في مسدس
وفي جزيرة نائية سيبتوه
 رميتو عليا  المسؤولية
وكل يوم بأستحمل اكتر
عشر ساعات اذاكر
و دقيقتين فراغ تستكتر
فهمتوني  بعد امتحاني
لو مات حد عليا الملامة
فهمتوني بعد امتحاني 
هاحظي لنفسي بيوم قيامة
ضغط ضغط سيف الوقت 
بحاول اذاكر احصل ارد
بأجري بكتب المادتين
عشان درسين داخلين في بعض
لما معايا تقف معادلة
من غيظي قطعت التيشيرت
حلمت مجبر بامتياز
شعري وقع علي خضة فقت
صحيت لقيت حسين في معهد
لحلم تاني فرصة
معهد في صحرا مافيش مواصلة
 تلدغ تموت بقرصة
بلد تعليم برفع الميم
واقعين في لعبة نجسة
مناهج من سنة سابعين
والتخلف جابها نكسة
يعني ايه الابلة تمشي 
طول ترم اجازة ولادة
تنزلوني في المواد
لما الهرتقة تبقي عادة
اتحول فرق شاسع
بين فاشل وصاحب سعادة
لما صاحبي دخل طب
عايزني تمارجي في العيادة
يعني ايه اعيد تصحيح
 القالي 8 %
بتقولي بتبجيح صريح
روح ارفعلك بيهم قضية
لما ارفع القواضي
اتمناها قريب تفرج
و في بلدنا جزاء وعادي
اكسب قضيتي بعد ما اتخرج
لما جوه المدرسة اتعب 
ينقلوني من غير اسعاف
تكتبو كنت بحاول اهرب
م المسؤولية  بتخاف
مابقيتش الاميرية نافعة
او ازهر وزارة اوقاف
كله بيهمل رامي ضميرة
فمصر اتغطت باللحاف
يعني ايه تحطو فرق بيننا بين البنات
احنا اخوات كمان زمايل
حطيتو بينا المحظورات
ربيتو فينا فكر حيواني
ان البنت مخلوقة للعط
فبجهل وتفكير شيطاني
ولاد وبنات دنست العرض
وولد وبنت عرفو بعض
مع بعض بيهربو م الضغط
وبأنعدام رقابة جريمة 
شيطان تالتهم كسروا الوعد
اسف لو اتخطيت حدودي
بس حاسس جوايا بنار
ليه بورقة تروح حياتنا
طلاب كل سنة انتحار

يا اجمل انسان

Sultan

Related tracks