لو ناويه يوم تبعدي 
وتسيبيني للعالم القاسي 
 قبل بس ما تمشي لو امكن 
تتركي للداء علاج شافي 
واضمنيلي تكون مطمنه
واي حمل سبيه علي كتافي 
ولو لقيتي بعدي حب جديد 
حبي لكن اوعي تنسيني 
اوعي تفتكري بإني بعيد 
دوري كويس هتلقيني 
ف كل مكان انا سايب 
دمعه نزلت تاني من عيني 
و ورده كنت سايبها للجرسون 
قولتله انك هتخديها
تاني مره سألته لو جيتي 
قالي دبلت خد اهيه ارميها ! 
رغم بعدك عني ورحيلك 
لسا ايامنا بعيش فيها .
لما تشوفوها قولولها اني بحبها
وانها جميله كأنها 
لحظة لقا بعد الفراق 
بعد الالم والاشتياق 
زي الكمان وصوت حليم 
او صوت منير"لما النسيم" 
زي ضحكه في يوم كئيب 
وان القمر يشبهلها 

#ضياء_محمد

ورده

غلطة شاطر

بيحاول كده علي فترات 
انه يحوش حق الاقساط 
لكن بيعاني من افراط 
شربه لسجايره الفرط
بيشوف اخبار  ف النشرات
وحقوق الانسان والشعارات
ف الاخر يتصاب بالاحباط 
ويلاقي العكس ع الارض
يبني الاشياء علي افترضات
وبيسرح بخياله للحظات 
يسأل هل لازم تفسير للقرارات؟
ويجاوب ويقول مش شرط
الجسم المليان بالاصابات
من اثر الدنيا وم الخبطات 
بيخاف م الموت وم السكرات 
ويصلي السنه قبل الفرض

#ضياء_محمد

من غير تفسير

لوكنت جديد وبكيسك 
ف الدنيا كتير هتشوف
هتعيش خايف م الموت 
وتعيش ميت م الخوف 
هتوه ف شوارع الدنيا 
وتلف كتير وتطوف 
هتقابل ناس و تفارق
وتكون الحجه ظروف 
هتعيش بسهولة تنافق
في حياه الناس فيها 
بتعيش تؤمر بالمنكر 
وبينهوا عن المعروف !
معروف في شوارع الدنيا
في ناس سكان الشارع 
بيناموا علي الرصفان 
ويحبوا هواه الساقع 
لو كان الجو رصاص 
هيكونوا اليه صداده 
وان تسأل ع الاشغال 
منحوس بيبيع حظاظه !
الشارع صار تمليك 
الشارع ليه سكان 
بيقضوا عشاهم نوم 
يتغذوا علي الدخان 
بيصاحبوا كلاب الشارع 
ويعادوا البني ادمين 
يسمعوا دعوات ف الجامع
ف يردوا يقولوا امين. 
#ضياء_محمد

شوارع الدنيا

كبرت

بتحسبها ازاي؟

اهداء

عينك مغمضه

طول طريقي

الحكاية

انا عارف اني حزين 
لاكني قصدكم بضحك
وكأن الدنيا دي مسرح 
ع الحال ده من سنين 
وبمثل ان انا بفرح 
انا وحدي في وسط الناس
وبموت في اليوم مرات 
في ساعات بحس ان انا مبسوط 
فجأه بتقلب بعياط 
والدمع في عيني يزيد 
وبداري ده كلوا في ضحكه 
2 يافندم يابيه تعالوا شوفوا 
شخص نفسوا يعيش سعيد 
بس يعمل ايه في ظروفوا ؟!
كان يا ما كان 
كان يوم بيحن لناس مش حبينه 
كان يفضل ماسك بسذاجه في ناس بيعينوا 
شايفنوا ؟! 
اصبح باهت 
وكل ما يتألم يكتم 
وميتكلمش
كلوا بيشكيله
 كل ما حد تزيد همومه يجري ويحكيلوا 
وكأنه بيجي يداوي جراحه ميعرفش 
فيروح ويداوي جراح غيروا 
بيواسي ومش لاقي ال يوسيه
 مين ال قال 
فاقد الشئ  لا يعطيه ...!
3 كان في جمبي كتير 
دلوقتي مش لاقي 
طب تاهوا في المشاوير 
ولا الحياه تلاهي 
الجرح اصلوا كبير 
مبقتش قادر اشيل 
مبقتش مستحمل 
مبقتش قادر اكمل 
مشيتوا ليه دلوقت بالذات 
مشيتوا ليه من غير سلمات 
 ليه كل الحاجات
 حلوة بتبقي ذكريات ؟! 
4 بالتدريج ... 
كل شئ بينقص 
صحابك واحبابك وايامك 
كلوا بينقص 
مكنتش اعرف شئ 
عن ناس بتموت وعايشه 
 ناس قلوبها بايشه 
بتكابر مع الدنيا 
و بتعافر مع الايام 
سناريو فيه الحزن خام 
العمر راح امتا...؟
ومنين بيجي الجرح ؟ 
الصوره ليه بهتا ؟ 
امتا هيجي الفرح؟ 
 بنداري الحزن في ضحكه ! 
يبقي لأيه الدمع ...💔

عندما يبكي القلم ⏳

يا حبيبتي 
انا مش قادر اعشق تاني 
مش قادر افضل وحداني 
من يوم ما بعدتي وانا تعبان 
ويوماتي اتطورت في مشاكل 
من يوم بعدك وانا مشتاق 
وبحبك مضطر اتنازل 
كان نفسي تكون معايا الليلة 
افضل اشكيلك 
وانت كاعدتك تواسيني 
تمسكي منديلك 
تمسحي عيني 
وكأنك دايما بتشيلي 
من قلبي حزني واوجاعي  
يا اجمل صدفة حصلتلي 
يا اجمل ضحكة ف الدنيا 
بتمني نرجع لو ثانية 
امسك ايدك واقول عايزك
وعايز يبقي بينا وعود 
وعايز عمري ما افرقك 
يا حبيبتي فيوم هنعود 
ونرجع تاني نتغازل 
اكتبلك شعر واغنيلك 
ولو مرة حزنت في يوم 
تتدواي جراح قلبي 
بمنديلك 
#ضياء_محمد

رثاء قلبي 💔

كلمات :ضياء محمد 
غناء وعزف :حازم نافع

اقوي بيكي

انا لما وقعت 
صحابي جم وسندوني 
واهلي مأثروش برده 
ومدولي بدل الايد كتير 
معرفش ليه غفلت 
وفجأه صحيت لقتني كبير ! 
وشعري شاب 
وانا لسا شباب 
وحلمي ضاع وقولت مصير 
يجوز تعبت م التفكير 
وجسمي مل من النيكوتين 
عشان ادمنته بغباوه 
قلولي ف بلدي 
يابني ازاي بإبن
 فلان هتتساوي ....!
ده عمرك كله كان برصاص 
وكان الحزن استيكه 
وتايه انت بين الناس 
وقلبك لسا انتيكا 
وروحك لسا بتعاندك
وبتعافر وعايزه تعيش 
و ف الاخر 
تلاقي ده كله كان تهويش 
ولساك ياما هتجرب 
ف مره تخاف
وف 100 هتتهور 
وم الايام هتتعور 
وجرحك يوجعك مده 
لكنه ف يوم مسيره يطيب 
يبانلك بس ف الشده 
مين صاحبك بحق حقيق 
ولساك كل يوم تحزن 
وتلاقي انك في بحر الدنيا 
 لسا غريق .!
 #ضياء_محمد
موسيقي فيلم تراب الماس لهشام نزيه

لم اعد انا الذي اعرفه

الدنيا تلاهي 
وبتفرقنا بالتدريج 
والوقت الصعب مسيره يمر 
لو حتي ان مر بشكل بطئ 
وعلاقتي انا وانت يا حبيبتي 
زي علاقة قشا بغريق 
مشيت احلامي وبتمشي
ودخلت انا ميت الف طريق 
موصلتش للحلم اياه 
ولا حتي لقيت جمبي صديق 
احكيله ودايما جمبي الاقاه 
والوهم بيتعب ف الانسان 
فيعيش دايما ف حاجات قلقاه 
بالضحك بيكدب ع المخاليق 
في جراح توسع ف الدنيا تضيق 
وسكات وهدوء بيداري زعيق 
وحيطان قلبي كلها تشيقيق 
ملقتش حلول ... ولا اي علاج 
نبضات قلبي كأنها ف سباق 
كله هيحصل لو ربك شاء
مستعجل ليه ؟ 
في حاجات كتير هتعوزها 
ومتخدهاش 
وحاجات كتير غاليه 
هتبعها ببلاش 
و في عمر يضيع 
وكأنه مجاش
وادينا بنعيش ... هنعمل ايه؟ 
احلامك جايز كانت
 هتكون كوابيس 
صورك من سنه دي بتثبت ليك 
انك دلوقت من العواجيز 
وان انت بقيت واحد تاني 
و قافل ع نفسك بالترابيس ! 
#ضياء_محمد

الدنيا تلاهي .!

(1)
ف الدنيا كما طير محبوس 
وزهقت ومليت م التكتيف 
ومابين الناس انا طفل عجوز 
مبحبش صوت التسقيف 
بحفظ ف حروف واتملي حروف 
والكم يزيد لو نقص الكيف 
وبوقع درس والاقي دروس 
ف الكدب الابيض والتزييف 
 فكتشف اننا ف الدنيا ضيوف 
لكن الدنيا بتقسي علينا 
 رغم الواجب  اكرام الضيف 
(2)

بتدور الارض و بندور 
فندوخ ونصدع م اللفه 
وطبيعي هيجي عليك الدور 
فتحاول تغيير الدفه 
لكنك هتعود مكسور 
وتعييش راضي وتستكفا 
(3)

هو بسيط كان نفسه يعيش 
لكن دايما في حاجات منعاه
يحزن ويزيد حجم المعاناه 
يترك ويسيب كل ال معاه 
كل وعدكوا وكل كلامكوا 
كان دايما لا يحمل معناه !
#ضياء_محمد

ضيوف

https://www.facebook.com/profile.php?id=100008295651843 

https://instagram.com/diaa_jopa_?utm_medium=copy_link

https://twitter.com/DChwba?t=50mEbLY-Qgzh2GJT9bbagA&s=08

jopa

Popular tracks