Zikk

عايش بجرب بطوف بشوف يتكرر الماضي في صورة مضارع
بسخر بدمر كل الظروف بحارب بجاهد بناضل بصارع
بقابل مشاكل حياه باﻷلوف بقابل بشر سيقاهم مطامع
بكسر قيود ذل جهل يأس خوف وباﻹجماع للأمام ماشي طالع
ناصع - لوني في قلب عتمه بألف لون لنفوس مريضه
شايف طريقي صح وسط عقول بشر شريده
عارف نهايتي إيه وإيه هينوبني من الحياة العريضه
صدى اﻷلم في عقلي آخري سطر ف نعي من جريده
مش جديده الفكرة و ع الجميع دي كاس لازم تدور
لكن اﻹنجاز إنك تشق الضلمه لو بخيط من نور
إرسم أمل في شكل بسمه ع الوشوش إزرع سرور
إمحي اﻷلم وقول انا قادر مش هيكون غرور
شرور ف غياهب عقلي بتهيألي الخير كهاتك عرض بكر
صنعت رصاص من خامة الحبر قتلت روتين الفكر
محيت سواد النفس بنفسي اصبح ملهوش ذكر
سلاحي كان ورقه وقلم ما الفكر فيوم مكنش حكر

ما انا لو هعيش مكسور يبقى التراب ببدني أولى
لو عجزوني بألف سور هنول شرف المحاولة
لو شفت الحق صريح ف انا مستحيل هقول مجامله 
ولو هيحبطوني ف أرضي هحيي حلمي ف أي دوله 

جوله - ولو خسرت فيها هكسب غيرها
وانا نِفسي بنَفسي نَفسي هي اللي تحدد مصيرها
تختصرها ومن قاصرها ترسم هي خط سيرها
واعتمادي يكون على نفسي معتمدش فيوم على غيرها
كل ما امشي خطوة صح في النهايه هجني خيرها 
عمري ما احيد عن الأصول معيار النفس يكون ضميرها
هبقى سيد الظروف ومش هصير فيوم أسيرها
وفكرة التفكير في رب الكون هكون دايما فاكرها
همسك قلم هزرع لغم في كل فكر باطل
هحفر مكاني في التاريخ وسط الساده اﻷفاضل
هفضل ثابت ع الحق انا في الحياه هناضل
هحكُم زِمام هنشر كلام وهخلي الفكر واصل
هصبر على كل جرح وفي النهايه لازم يندمل
هنفذ نص الصبر بكل بند عليه اشتمل
هخلي ضهري وتد واشد عليه حبال اﻷمل
يمكن مش دي الحقيقة دي طموحاتي يُحتمل


ما انا لو  هعيش مكسور يبقى التراب ببدني أولى
لو عجزوني بألف سور هنول شرف المحاولة
لو شفت الحق صريح ف انا مستحيل هقول مجامله 
ولو هيحبطوني ف أرضي هحيي حلمي ف أي دوله

حِكْر الفِكر

ترااااك من قصة شخص عزيز عليا جدا و كل كلما اتقالت كانت حقيقيه 

و الليركس هتنزل قريب جداااااا


TeMe Ft Ayman Caesar Bent Lail بــنـــــت لـــيل

L'Commissaire nique sa grand mére,Francais j'y comprend rien ni vocabulaire ni grammaire
     YOUGATAGA

Mister You - La rue puis la Prison

Version final du remake de la prod de DJ E-Rise. 

Zikk

User 843469788