عندي استاد بدماغي
بضلو يتبارو لا وعيي وانايي
وما عم احرز ولا فكرة
لازم وسع المرمى ما سايع
بحاول دلني عالطريق الصح
ودايما البدل ضايع/ضائع
وانا وكل خلاياي 
عم نشجع الحلم
في التراس بمدرجات الجمجمة
عم يحسسوني اني اذا خسرت قدامي جرم
وكل ما علم رفرف قدامي
بيزعجني الهوا
وبضل العلم عم يكبر 
بس لساه عاجز عن اكتشاف الانا
بين كل متر ومتر في شلة
وفي بينن حدا
شاف دبح امو وغشي
 بارضو
بمكانو مالو ارض
بكلامو مالو فرض
عم حاول دور بهالزحمة
ع زر تفعيل خاصية الجذب
للكل يسمعني 
للكل قرص كبة
من كل عرس بعد انتصاري عليي
بس تعو افهموا علينا
منقسمين بين حق لاسرائيل ونكبة
بين بنت عورة صوتا 
بنت عادي تغني
 نعم، لا 
شيعي، سني
عادي ينقسم عقلي
عادي ينفصم جسمي
بين اوجاع نوبة كلية لازمها مشفى
 ورهاب مشافي من وبا_ء مجتاح كوكبي
رهاب كلشي ابيض  صفرت سني
حلمت اني
صفرت بأدن حلمي
ما بهمني اذا انطرش فقت سعيدة 
اني قريبة من ادنو عالقليلة 
مافي مليون مشترك مبعدو عني
جرس تنبيهات بوصل تراكاتي
 ما بيبعت اشعارات حزني 
الذكرى جوا دماغك مانا بشارع (فرعي) 
الفكرة بنقاشاتك العم تتحول ل(جدل) كل ما تعصبي
وبمنصف (اتستراد) نامي حلمي
 بكرا بتفيقي بتلاقي الفراق (مسار اجباري) 
وانو  كل هاد كان مشروع (ليلى_ة) 
وانا كل ليلة بطلع (آخر زفير) 
وبنام ع تهديد اني بكرا ما رح فيق
او (المربع) الساكنين فيه ح يكون (تحت الأرض) 
ونكون انا وكل جيرانا لاول مرة (متل الورد) 
دبلانين
والناس كلها تتغنى فينا فترة وبعدا ينتسى هالكوبليه
ويبقى شقفة من حيط غرفتي ما اتجاوب ع استفسارو (انتي اتغيرتي ليه) 
ويطلع ناجي وحيد كل عمرو بيسمع غنية ما فهما لوقتا
يجاوب الاعلام بجملة مفتاحية (راحت يا خال) 
(وبعرف انك لو كنتي وقتا عارفة مية مية  رح تفرق بالوداع)

Stad - استاد

كيف ممكن تعرض السنافر بلا شرشبيل
احلامك عرق عالشراشف صار بدن غسيل
اصلاً مالا طعمة تسافر اذا ما هربان من شي
يا من خيبة، يا من حرب، يا من حالك القديم
يا من ياء ملكية ما استخدمتا
الا لتقول جروحي او احلامي ال مالي إلا سبيل
يا لتهرب من طريق
مالك في خليل او لتهرب من خليل
مالي ثقة ب حالي كل ما تضيع استردا
من كاف خطاب ما وجهتا بمكانا الصحيح
صدقني يا سيدي انا ما بس بحب البلد

انا عم موت في

وكلنا هون اموات حتى نثبت العكس
نحنا مجرد ارقام منحارب لنتصنف برا السرب
برا عدد الوفيات 
برا عدد الجرحى
برا عدد يلي انفجرو
طمعاً بالجنس والخمرة 
بشكل شرعي لا يُجرّم

واذا كان حدا عم يعمل ديل
بلحظة الانفجار يا ترى يحتسب شهيد 

 فدى اهلو حتى ياخدو تعويض
شهيد كرمال الدماغ شهيداً فدى الدوبامين 
شهيد لشو! .. لوطن مسلوب
ولا برونزاج ع بحر مسروق 
ولا لمركب حياتو المالا حدا يسوق
بكرى بفتل الكوكب ب يأس
بصير بدي مكوك 

اوعى تصدق الكلام المعسول
وكيف كلن بحاولو يساعدوك
هنن بس ما عندن انجازات
٠ف بدن يحكو انهن انقذوك

فاوعى تصدق كل هالحكي
 اوعى تمشي ب طريقن
قد ما قالولك ارتكي 
اوعى تميل ع نواحيهن
قد ما قالولك ارتقي
 قاعك ما بيحوي اكاذيبن
 كل (اعمالن) كانت بهدف احباطي
جد ما بعرف بايا (امل) بدن ياني، ناديلن 

الشي الوحيد الممكن يتغير بهالامكنة
هو زيادة طوابيرن

يمكن كنت اتغيرت
 لو ما قالو  اني بس اكبر رح اتغير
وهلا ما بقي وقت
كبرت ع اني بدل هالشخص
او اوصل لحل وسط
بحيث تنيناتنا ما نتزيف
 ما بدي كون نجم
حتى بين
 بحاجة عتم
 او ممكن تغطيني الغيوم
واذا ولا بد كون من النجوم
بفضل كون شمس
 وما خلي حدا
 غيري يشوف

اوعى تصدق الكلام المعسول
وكيف كلن بحاولو يساعدوك
هنن بس ما عندن انجازات
٠ف بدن يحكو انهن انقذوك

قلن:
هالشرارة ما حتطفي طول ما النفس لسا حاضر
هالاغاني ما فينا تبكي بس بالآخر كلا تعازي
بلكي فينا تخفف
ع اللي عاش ذات الموقف
عاللي مات بلكي تعايش
عاللي فاش بلكي تواضع
وليك
ما الفكرة بمين فاز 
الفكرة بالطريقة الفاز فيا
هون ما فيك تضوي
بس فيك تحاول تطفين
هون الاحلام ما بتتفسر
ولا بتتحقق
هون مافي لحاف اصلاً
ف لا تمد رجليك بتبرد

ف منتغطى بالورق.. 
نحنا ما منتعاطى
نحنا منعالج الارق
نحنا جنون
 رجل عجوز
ناطر مسلسلو وسهى
بعتذر نشف ريقي
اكلت مفتاح الفرج
وبلعت كل المصاحف لما حسيت بخطر
وافهمت انو البداية ما كانت ب شكراً قطر
البداية كانت من لما اخلقنا اتعلمنا نفوت
ع اراضي مانا النا نحنا بالفطرة منقتل بعض دود
ف
اوعى تصدق الكلام المعسول
وكيف كلن بحاولو يساعدوك
هنن بس ما عندن انجازات
٠ف بدن يحكو انهن انقذوك


السنافر - the smurfs

هاي مخي
فيك تأشرلي
ع شو هو المنطقي 
ب انو كل يوم تقلي
يلا نفيق
نفطر مشاكل عالريق
نناقش آراء
ونحافظ عالرواق
بالحديث
او شو هو المنطقي
ب انو اصلاً كل يوم نفيق
ونكفي

طب هاي..
نحنا هون بعصر السرعة
نحنا هون بالمارتون
ما بترتاح هون (العيشة) 
ولا حتى بال (living room) 
لا تجي تقلي ظروفي
في مبادئ معروفة 
مثلا ما فيك تحط السماعة
وتريح راسك عالمخدة
والكترة بتغلب الشجاعة
وما حدا بيقدر عالق&بة

او فينا نقول
اكتر من انها مبادئ
 هيي دروس
والدنيا بتدور
شكلو لسا ما (جاك) [الدور] 
ولا [بتمثلو] (روز) 

ف شايف كل هالقصور
هي سراب ل ما تشوف
 
قديش هالأرض قحلة
والطلعة مانها سهلة
فالداخل هون مولود
والخارج ابن دولة
سافر ولا تقرب عالجنوب
علمن كيف من بين الف مطلوب
منقبض عاللا حكم عليه

ما بكل الحروب
لازم كلنا نكون جنود
عادي قرر ما حارب
جراحي مالا محارم
باقي البشر
بتقبض رواتب
ع اول الشهر
انا بقبض مصايب
تخيل قديش 
كانت اختلفت حياتي 
وانحلت مشاكل.. 
بس لو كنت مُغاير

بس لو كنت متلي متلن 
ويلي متحكم فيني رأي واحد
بس لو كانت كل الاشخاص اللي راحت
لا مرقو ولا شفتن 
ك&خت مية و اثر فراشة 
كل المحاضر بكل الافادة
مقابل المجازر يلي الخضتن

ف ليش لفيق
شو هو الشي 
البيتطلب مني
ضل حاضر
وبطل غيب
وينو الطريق
اللي مستاهل
كون بوعيي
لسوق فيه
او اصلا وينو الطريق
البلا حوادث
وين المفارق
البتودي 
ع مكان فعلاً غير
مو بس ديكور جديد

عم جرب وصل لايا مخرج لايا ثغرة
اقدر منها لاقي بكرى
لو كان ابشع لو كان احلى
بس بدي يمرق

ما بدي موت 
ما بدي موت
مع كلشي صاير ما بدي موت
مافيني اتخيل كيف حدا متلي ما يكون موجود
 ما يقدر يحكي ولا يكون الو صوت 
 رهاب من المجهول وما بدي موت ما بدي موت




atoal yoom 2 - أطول يوم ٢

من فترة
امرقت محل ما آخر مرة شفتا
اذكرت انو صرلو كتير ما التقينا بعدا
 كيف ممكن ترجع وآخر شغلة قلتا
انو نهايتا معي يا فضيّا يا (تتعبى) 

ارجعت فلاش باك
قبل المشهد ب تيك
كنت عم خبرا بشكل حقيقي
اني فيك
اني حدا معقد قد ما حاولت تفك
واني ولا مرة سمعتا

وقبلا تماماً كنت عم قلا
برتحلا
بعد ما مسكت ايدا و وضحتلا
كيف امسكت ايد الحياة وقرفتا
مرق اوتوكار روضة وقتا
قطع سمعا
 ف اضطريت عيط! 

برأيك كل هالولاد 
لما تكون حياتن بلا عياط 
قديش ممكن يفرق المستقبل
كم حدا فينا بينجح 
وكم جرح فينا نخيط

وهاد كان بعد حديث 
عن تداول العملات
وصلنالو بعد حديث 
عن السياسة و وضع البلاد
وكيف ما عاد 
حدا فينا فينو يغير 
هاتي رقمك ت سيف
عرفيني سكنك وانا بخيّم


هون الصمت.. 


قبل بثواني كان الصمت مسيطر
عيونا ما عم تتلاقى وساكتين
لانو قبل بثواني بذكر كنا علقانين 
وكان اساس العلقة
انو اعطيتي رأيك فيني

وكان عندي اعتراض ع كذا نقطة
وكبيت القهوة القبل شوي جبتا
بعد ما سألتك شو بتشربي 
وما جاوبتي غير بعد ما كنت كتير مصرّة
ف قررتي تختصري علقة

وهيك كانت حياتنا كلا
قد ما مرقنا مواقف بالآخر منعلق
قد ما سلكنا بلاليع بالآخر منعلق
ويمكن هاد تشاؤم فعلاً

وايزي اذا مشيتي 
يعني شو آخرتا 
بيبي قد ما تعلّي
يعني شو سقفا

ديّتا كم كلمة حلوة متلا
شفتي هيك مثلاً
رغم قديشنا واضحين 
ما عم لاقي ولا صورة إلنا
كل مشاكل الانظمة عنا
 بسيطة منحلا 

سابق هالحكي بكم لحظة
كانت مكتئبة ف حشتا
بعد ما ربتلا ع كتفا واعتذرتلا
نيابةً عن ايا شي
 كان المفروض يتأسف منا
واهمل حزنا

بعرف اني بكتير اوقات 
بتناسى مدى حساسيتك
انك بتبكي ع اتفه الشغلات
ومو بأيدك
تكوني منطقية
بعرف انو الموضوع متعلق فيني
 وبقديشك عنيدة

بس قبل شوي كنا عم نحكي
انو في حال بدنا نكفي
ومصريّن يعني
ف لازم تقتنعي 
اني حدا مهمل مهما ضميري انبني

وهاد كان اول حديث بذكر
بعد ما كنت منطرتك عند المدخل
سلّمت برفق واعتذرت 
بيبي آسفة اندمجت انا وعم احكي عنا






Nihaita m3ee - نهايتا معي

لسا بمكانا كل هالقصص..
تعي خدي شت من عيون البطل
تعي خدي بف مع كل نفس
بلكي فينا نقارب وجهات النظر
مالو مينا القارب اذا جدف بس طرف
وان كانت كل التجارب لا تدعو للامل
وفكرة انك بتحبيني بتحسسني ب قلق
عدّي كل المواقف نزلينا ع جنب

عدّي كم مرة اثبتت
انو الفصاحة سلاحا الكبت
وقبل ما بلش احكيلك
بكون اتعبت
اسمعت..
منك انك بدك ياني عد معك
وانا دايما بايدي( شغل) 
ف (بفصلك) ..
وترنيلي.. وافصلك
ونتبارى بسؤال شبك
وما حدا منا برد
ف كل ما هجم برد
حدا منا بيحترق

ف لا تآخذي ما بدر
الما بيعرفك بيهلكك
لا تتأمي ب حجر
ما ح يفيدك لو عجبك


ليكي كلنا عنا صوت.. 
منقدر نقول فيه
كلشي حيكون منيح
او نكون منطقيين
وتقليلي انو ما بينعاش معي
وعادي الحق ب ايدك
عدّي عليا هالحكي
وضلي عيدي ليوم تفهمي



Sally - Layoom Tfhmi - سالي - ليوم تفهمي

في جزء جواتي ممكن ب ايا لحظة ينكمش
ينحط بالسجن بتهمة انو متستر ع وحش

ممكن ب ايا لحظة يطلع ياكل الكل
 وما من فراغ عندي كرش

متل لما بدقلك وبيطلعلي مشغول
بصير مخي ملاهي افكاري فيا تدور

وخصوصي انو
تلت رباعنا منكذب
وما بعرف شو ممكن تنطر
من حدا اول شغلة اتعملا
كيف يبزق
يمكن اوعدك ما ينزل عليي اللون الاصفر
وبنفس اليوم البس
او بعد خناقة اقفلا بتعهد
انو بطل (طعميكي) مكونات
 مشاكلي الشخصية
وبنفس اليوم( اطبخ) 
احمض وجه عندي
اختفي وعبي وقتي
ب اي شي مانو انتي
ومافي سبب بس كرمال تنزعجي

الواح قزاز بينا بس انتي مانك روز
بخيالي (الدُّنيا) (لنا) وانا ماني (سامر فوز) 
هالصدر ما بحن بدو من البواكي كروز
هالحضن ما بيدفى بدو من الدولار مليون

وبظن مافي داعي
احكيلك عن دماغي
كيف حتى يوصلك
بدو كتير صواريخ

بيبي هي وقاحتي
ما من فوشة جاية
بس فكرة تعبيني
بدا كتير صهاريج

وفكرة تضبيني
بدا كتير فساتين

حتى تعبي عيني
حاولي تفرجيني
الفرس اللي بجوانح
وكيف بتطير الدلافين 
وانو الدول  باراضينا
مجرد صديق وحب يساعد



Wa7sh - وحش

انا الوحش بهاللعبة 
ماني شايلة منها ايدي
بعكس كل ولاد جيلي 
ماني اوت 
بيتش برجع بصحصح
 قد ما تطول الغيبة 
معك رابر الساوند كلاود
معك رابر الغيمة

ومافي حدا بيستحق لقب غريمي
انا ببيع حكي 
حرفيا 
يعني بكرى رح ناكل من يلي بتعمليه فيني
يعني رح تلبسي من خيرات 
اني لما بنزعج
بدال ما ادبحك
 بروح بعمل غنية

ورجاء حسي بفضل 
كل طالب بكل فصل
حسسني اني لا منتمية

واشكري ضلي اشكري كل الوقت
كل لحظة فيها انجبرت 
ما انزل عالشارع 
وازرع جواتي مبادئ 
ما بتملك واحد بالمية انسانية

ف كما اسلفت 
انجبرت ضل بالبيت 
قال كانو خايفين عليي

وانا ك طفل كتير مليت
ف صنعت هي الشخصية 
الحاليا عم تحكيكي

وبالله ليكي 
فيكي تبتسمي بس تنجاب سيرتي

بعتقد اني عملت ما يكفي
ويستحق
 انو تبتسمي بس تذكريني

او عالقليلة بهالابتسامة
اعترفيلي
 
اني كنت شخص مميز
اكتر من انو 
اسمي ينكرزك

لمجرد انك ما فهمتيني
ولا تنسيلي
اني  
 وطن فيكي تنتميلي
بلا ما جندك

وبدون ما تدفعي لي
او تدفعي فيني
ولا تنكري 
اني لساتني عم سليكي
بانك تتبعي وتحللي رايم سيكمزي
بجرح ع لوفاي 
بحكيلك قصة رعب بترنيمة
بلاقي حل وبدون غش
هي راشيتة تانية يلي بجيبي





لسا الوحدة ما بتخون
وعلاقتنا صارت اعمق
حتى
 فهمتا اكتر
من سنة كان مفهومي احمق
الوحدة صارت اكبر
اكثر واقعية
ولا تفكري 1%
اني عم احكي حتى نرجع

انا لم أعد اصلح للاستهلاك الآدمي
كلشي خرب يا بيب من يوم فقد اعصابي
 لما صرخت اول مرة وانضبيت
من وقتا و انا ما عم اعرف ضب لساني

والموضوع كتير تطور 
عم يعملي مشاكل
عم يكبر معي 
صح عمرو سنتين
 بس كتير مشاغب

محمل بالمتاعب
طافي كل المشاعل
معتم اكتر من المكان
اللي انت فيه جواتي

هالسنة مافي تبريرات..
ما عاد رح اتحربق
انا كل وجوهي شوهتا

بدي احكي الحقيقة
بس هالمرة
ما بس خبيتا
هالمرة انا دفنتا

وما عندي فكرة 
اذا
بيكفي قلك..
انو... 
كان معك حق وقتا



خمسطعش سبعة - 15/7

فكة زنقة

15 7 -2025

ÚÏäÇä æáíäÇ 

Adnan And Lina - عدنان و لينا

Mixed, Mastered engineered by Shi7a

الكلمات : 
تقريبا صرت بعرف كلشي بس لسا ما عرفت ليش هيك دايما بضل بصير
ليش لازم احمل مسؤولية كل حدا بحياتي ليش لازم دايما كون انا الحدا المنيح
انا الحدا الكبير
انا الحدا البيبذل طاقة
ويوم يجف البير ما حدا يعبي
ما حدا قريب انا اقرب حدا بعرفو
ولسا ما كتير بأمن فيني ف الفيني ما بقولو كلو
لسا في
عندي احلام عندي مشاعر ما فقدت شي
بس ما عندي المكان اللي ممكن ابني في
احتليت كلني ولا شقفة مني لساتا ملكي
ولا حتى تختي ولا حتى قهوتي لساتا آخدة كلشي
ما بعرف شو ممكن لسا قدم
ولا عندي فكرة اذا لسا بقدر
بس كلشي موقف عند آخر موقف
زعجتني في وعم عيد فيه وجرب وصل
لايا مخرج لايا ثغرة
اقدر منها لاقي بكرا
ولو كان ابشع لو كان احلى
بس بدي يمرق

لانو صرلي كتير شهور عم عيش نفس اليوم
نفس التفاصيل نفس اللوم نفس الاسى نفس اللين
نفس الجفا نفس الاحلام ونفس النوم نفس النوم نفس اليوم

وعم حاول كتير صدقني عم حاول كتير واكتر من هيك  المحاولة كتير بتبيخ ومنظري كتير رح يطلع نت كول ورح يخرب البريستيج
 
سماع بس لسا في
معقول هالحيط ما جربت فوت في
فوت في
مليت كتير 
مليت كتير ولازم فضي
دهب قلبي
دهب قلبي وقلبن فضي
كولا قلبي 
كولا قلبي وقلبن صدي
العمر حديد
وقلبي ضخ مي عنيد ضخ مي عنيد

ما بدي موت 
ما بدي موت
مع كلشي صاير ما بدي موت
مافي اتخيل كيف حدا متلي ما يكون موجود
 ما يقدر يحكي ما يكون الو صوت 
 رهاب من المجهول وما بدي موت ما بدي موت
مع انو نفس اليوم بنفس الحكي وكل يوم بفيق بجرب غير او اصنع كلمات جديدة ما قلتا شي مرة ولا سمعتا
بس مع كل ضو عم اسمع نفس الاصوات بنفس السم ونفس القوافي ونفس الهم ونفس احزاني بضل احكي عنا
عم جرب وصل لايا مخرج لايا ثغرة
اقدر منها لاقي بكرا
لو كان ابشع لو كان احلى
بس بدي يمرق

أطول يوم

Beat by: Shi7a

شريك كتير مطولين حتى نطلع
قال عاملين عجقة الرابرز علي صوتك ما عم اسمع
شو قلتلي بكرا؟
بكرا بكرا ولا بكرا مجازاً
لكن شو عم تحكي بتكره؟
كرهت الموسيقا؟
كرهت الموسيقا ولا كرهت الموسيقا مجازاً
طول بالك قد ما دعمو ابراجن بالاسمنت
بكرا لسانك قادر يدمر اسمائن بس انت
لسا حاول لسا حاول لسا حاول لسا
اساسا ما عندك خيار آخر
بعرف انك انت و واعي هلا
لو ترجع بتغير كذا اثر فراشة
ويمكن وقتا
تتغير احلامك من اساسا
بس انت واعي انو رح تتغير
ف ما ح تغير ح تعيد نفس الخبصة
ب ولا نقطة كان الك ايد باللعبة
و ولا مرة انت اخترت تبعد
كانت دايما حركاتا بتوضح المستقبل
المانكن فيه سوا 
المالكن فيه سوا
الحاصلو احيان السما
من اكتر ادعيتنا ما بتساعنا
بس انا
كرمال عين كل عيونن بقلعا
(ولا) 
بتسائل كتير..ليش ما قادرين نتشارك موسيقتنا نحنا وزعلانين
ليش  اليوم  هالحكي بدو يطلع برا تنين
ليش ما فينا ببساطة نقول انو ما نسينا ولا لحظة
وانو بتمنى المحها بس مو بالشعر الاحمر
لسا بهمل كليتي
وبذكر سنتين كل ما فيق
لسا الحب عتيق والنبيت الو رهبة 

بقفل والتقفيلة ما ايد بتعيد بعدا وما بنتهي بولا قفلة
بعد بكرا بتبني طوابقك ولا بالف 16 ما بعلّو فوق سقفي
سقف الحقيقي الولا لحظة موت من تزييفن ما بهابا


شيحا:
أيامي كلا بيت و طوابقي 16
مهما بنزل مهما بطلع عم ضل 15
لسا عندي ناس تاكل همي بالضغط..
و تزرع اسمي بالارض و هلا بعد ما راحو طلعت.
من القوقعة ما برجعلا لو قلت اني رجعت..
لاني ما بذكر اكلت اكلا لما قلت اني جعت!!
عداد حياتي مشيان لو طلعت او قعدت..
لو ما فقت او لو نمت..لو ما بأوفر لو دخنت.
لا لا..لولا ماما ري ماما..ما مر نهاري كما يرام..
لانو ناقصني علامة..لو اخدتا بكير..
ما صرت اسامة ابن لادن حولت الامير ل لاما! 
ب 9/11 كأنه كوزكو لما.. عكس كلامه..
و انا حابس قلبي ورا قضبان الزنزانة..
ال ما بتفتح ولا ثانية..مرة تانية..
لا ما بسمح ل حدا تاني..يلمس قشرة الشخصية اللي راسما..
دوامة الوقت بتخنق كل ما سكتت و فات اوانها..
ما بتمرق بتسبح ركد..
ما بتصدق بتكذب كل ما حكت.. 
بتكسر كل ما هندست الجبر و هلق..
محبوس بالفراغ اللي صنعتو الابر.. 
اللي بخشت مساماتي ع طول العمر..
و عم اهرب ف وين المخرج ولا؟

16 - ستطعش -  Sally FT Shiha - سالي فيت شيحا

الجو مغبش كأنو كل بيوت الحارة عم تقلي بيتنجان
كل ما اكتب بنسى الهمزة بكلمة انسان
بنسى كل الهمزات
لهيك ولا مرة اخدت علامة كاملة بولا ايكزام
ع سبيل الايكزامبيل تخيل حالك بتعارض بالمدينة الوحيدة المطيعة
مترب ع بيل ولازم هلا تشرح ل ابوك كيف نمت بالبلد لانو خلصو باصات الضيعة
!يعني شو هالاحاديث المهمة ليش ما طلعت ع بكير
!!!وشو عم يعمل القنبز بغرفتك ونحنا ما عنا عصافير
حرفيا ما عنا عصافير هاجرت من ريحة القلي
حرفيا ما باقي كتير ...هلا بتبلش الشمس
بتشم ريحة الشلي مع كل فورة قهوة وبتكتشف
انو البن نسائي رغم ذكورة الفنجان ف اربطا بكاس 
وانو قد ما شبعان وعينك شافت ما شافت الشافو البوتاغاز
ذكورة الفنجان؟ اربطا بكيد بكاسة
حبا قد ما في بالدراما العربية مشاهد 
عدم قبول المدير العام التوقيع عالاجازة
لانو مرتو حامل.. وهون مرتو مفعول بها عائد عالموظف
والجار الوقح ومجرورو الما عم يقبل يصلحو متعلقان بالفعل كاذب
!!بالفعل كاذب
كيف يعني جايب اكل للعصافير قبل ما تربين
عم تفرشلن طريقن؟
 لك انا قبلك او قبل اخواتك ما يخلقوا ما فكرت حتى شو سمين
حتى ما فكرت مين رح تشبه سمين او رفيع
حقيقي او مزيف، 
زنخ او دمك خفيف

هلق بعدين منحكي بهالسير
ليش لهلق ما طلعت ع الضيعة :

_ما كان في باصات 
وكان رفيقي عامل حادث 
كذبة مشهورة بعرف
بس نحنا لهلا منصدق 
انو كل العالم متآمر
عالبقعة العايشين فيا
ما وقفت عليي
ف ارجوك اعتبريني وطن
وكذباتي قد ما كانت مكشوفة مرقيا
وصدقيا
اعتبريني علم
والواني قد ما كانت كاحتة جمليا
وانتميلا
وانتي ڤيلا
شرحة وقلبك سايعني انا وكل الغرماء سكن مشترك
!كيف مافي غير الارض عليا حياة وكل هالكوكب مشترى

بتمسك بكل خطوة لو الوحش صار ورايي
بعطي فرصة لكل ركلة لو ما باقي ولا ثانية
بتني لسا بهالركبة بلكي تسدل البرداية
لسا في كم سحبة واعظم اللي جاية

ليك فيق انت بالضيعة فعليا بس هلاوس ما بعد الخذلان
..............مافي داعي تبرر الجو مغبش كانو كل بيوت الحارة عم تقلي بيتنجان

Sally - سالي

Popular tracks