نهله عمار

None

nahlla M.ammar / Sakran Bel 3esh2 _سكران بالعشق

الكلمات .. 

لازم نبقي عارفين ان كل شيء ف الدنيا له تمن 
الحب له تمن ..النجاح له تمن والخيانة ليها تمن 
مهما هربت من دفع التمن ده افتكر ان كل اللي عملته هيتردلك 
سواء خير او شر .. كل الوعود اللي قدمتها بالكدب 
هتقابلك ف يوم وش ل وش .. وساعتها هتعرف قد ايه وجعت ناس حبوك 
هما هيدفعوا تمن الثقة وانت هتدفع تمن الكدب 
وهيبقي أسفك ملوش اي معني .. حتي لو اتأسفت مية سنة 
__________________________


كدبت وقولت عشانك هعمل كل شيء وأبقالك 
لو راحتك ف بعدي هبعد أوعي بس يكون ف بالك 
إني .. بهرب من خوفك اللي بشوفه ف عينك مني 
ياما سامحتي .. قبل م أقولك بتأسفلك 
بندم علي كل مرة أنا خُنت فيها ثقتك 
كنتي بتبكي علي بكايا وجه اليوم اللي متبكيش 
قولتلك عايزاني ؟سكتي ..حضنك حتي مودعنيش 
وإنتهينا ..أتأسفت ومقبلتيش 
وأنا كل مرة أفتكرك أشكي قلبي وأقول يارب 
وألوم عيني علي دموعها بكره إني أحس بضعف 
ده مش حب ..أنا عمري راح بسبب شخص 
عرف يمشي ف طريقه وسابني أتوه ف النص 
وإنتهينا ..عرفت كل شيء متأخر 
أيوا مشيت علشان مش هقدر أخسر أكتر 
كنت هدفك ..أنا مش هينفع أنكر حُبك 
بس أقولك..بكره نفسي عشان تشبهلك 

بصيت ف عنيك ساعتها ادور علي كلام متقالش 
إحساسي كان بيقولي إن عيونك دي متخنش 
أنا خُنت نفسي معاك لما وعدتها مش هأذيها 
وأنت جرحتها وفاض بيها وسبت النار تحرق ف ماضيها 
بتأسفلك ..علشان م الاول بيه عرفتك 
سمحتله انه يدخل قلبك ..حبه اول من كان ضدك 
أنا اللي كسرتك ..سبت ملامحه جوا مرايتك
وقت حُزنك..كنت معاه ومكنتش جنبك 
بليل بلاقي نفسي لوحدي بس ف حضن الورق
يلهيني عن التوهان ف حاجات كانت نتيجتها الارق 
من إمتي كانت سمانا غيوم غير لما رُحت تخون 
إحنا كُنا ..لما عنيك رفضتنا نكون 
هستناك ع البر التاني ..مش عارفة أتأقلم هنا 
أفضلي أكون لوحدي أحسن م نعيش الوحدة سوا 
جايز تكون رفضاك وأنت حابب تبقي معاها 
بس السكك وصلاك ب اللي قلبك مش معاها 


أنا صُنت حبك لما رُحت أنت تخون عهدنا 
ف غيابك كله شمت كله لعنك ..إلا أنا 
قولتلك مسيرنا نبعد ..قولت هكون ساعتها ميت 
وعدتني ب حاجات كتير ..كان أخرها أنا مش عايزك 
أنا ألف وعد أتكسر لما كفرت ب حبي عشانها 
قولت أنتي الحاجز بينا ولازم أضحي عشان أكسبها 
لأول مرة يكون دوايا ملوش وجود عندك 
كنت بموت لو أحس بوجعك وأبكي قله حيلتي ف حضنك 
لو كان ده حب ..كُنا هنرجع تاني نكون 
مكنتش ليلي ف بالتالي أنت مش مجنون 
أنت مش أنا وكلامك مش قرآن ربنا 
تفاصيلنا أتعادت وهتتعاد ل كتير زينا 
مَثل وإكرهني ف وسطيهم وإلعن ف غيبتي 
وف نفس اليوم تبقي لوحدك هتقول وحشتني 
إحنا إنتهينا حتي لو لبعض غفرنا 
ولا أنا ولا أنت هنقدر نرجع زي م كُنا

Nahlla M.amaar /*إنتهينا *بتأسفلك

يا آمِل يا حاير يا ماشى فـ دواير .. يا نايم وصاحي في كل السراير

نهله عمار

User 871748981