"يا ناحل الخصر خصرك .. لا تزيده نحول"

سولف ياصوتٍ يموتني و يحييّني 🤍

احبك ايه احبك وان بغيت انساك ‏كيف انساك |ضيدان بن قضعان

ألا يا قلب لا تشــره عليه ولي متى غيره 
يغيب برآحتـــه خلّه يروح بعـــالم النسيان



كفــاك تـدور أعــذآر لغيابه فضها سيره 
تماديت بغلاه ومن تمآدى بالغلا خسرآن



أبـد مافيــه بالـدنيــا بشـر يستاهلك غيره 
يغيب ولارجع ماكنّك ألا العاشق الولهان



أنا ما أقول لا مااقول منت بشـايفً خيره 
وأنا ماني بقـايل صاحبك وآفي ولاخـوآن



يقولون القمـر لاغـآب يضـوي له على ديره 
وأنااقول الحبيب أن غاب يضوي له على خلان



أجل شـأسباب هالغيبه وابي شأسباب تأخيره 
وأبي ليــه الجفـا يا قلب وأنت بغيبته حيران



شهر وأكثر ولاطــرش عن غيابه معاذيره
ياليتــه لو تعـذر بالظروف ولايمه غلطان



تعبت ولا طـرآ له يتصــل قل علها خيره
وش أنت متعبً حالك مع وآحد قليل أحسان



يجــي ميت ولـه لامن شكا وقته وتعزيره 
وإذا قفــآ على وجهه حبيبك ناقـة عريمان



أقـول أنه مـوآلـف له بشــر خلاك تقزيره
وأقول انك على هامش حياته ما بقى لك شان



مـع الي ماله سبـوق أتركه شفّ وآحدً غيره
وأنا شـوري عليك تلحقه في سبعة الشيطان



ذبحــك الطيب يا قلبً تعــذب من مقــاديره 
يا عنك أنك خفــوقً ماتعـــرف النــــكرآن



تقضََــى لعنبـــوا جد الغلا ما تنفــع الذيره 
ترى من لاتقاضى ياخفوقي هالزمن ينهان



حبيبً ماصفـى لك طعّ شوري بدلّ بغيره 
وأنا شــوري عليك تلحقه بسبعة الشيطان 




#حمد_السعيد

.‎⁨حمد السعيد - الا ياقلب لاتشره عليه ⁩

.
- 

تأثير الحب 
على محمد المقحم 

يقولون يمكن تعشق ؟ قلت ما ظنيت 
وأنا أجيك من باكر ما أمداني 

بديت أتعلا بالمشاريف وأختفيت 
وصار الأكل والنوم ماهوب يهنالي

وأنا عادتي لا شفت طرد الهوى صديت 
أخاف إنقطاعت السرجي وكبوة حصاني

ولكن يسيرك القدر وأنت ما حسيت
ولو إنك تقول الحب مهوب يقواني 

أنا الظاهر إني طحت بالحب ما سميت 
تغيرت في يومين ما أعرف وش جاني

أحط الحطب وآخذ لي شوي ما شبيت 
من السجة اللي فيني الله لا يبلاني 

ويضحي الضحى وهو مخلى رواق البيت
وأنا أفتحه قبل الفجر في غالب أحياني 

انا طار عقلي فالهوى صدق وإنجنيت 
ولا يدي الا واحدٍ كنه إياني 

إلا أخذت فالمجلس ربع ساعه إنسليت
أحس إن قبلي ودي أصير وحداني 

سلامي على اللي كل ما مني عنه أقفيت 
يقوم الغلا والحب والولف يشعاني 

وأروح لمحادثته من الشوق ليا حنيت 
لعلّه يجي يرسل رساله ويلقاني 

ولا شفت "يكتب" تطلع وتختفي هجيت 
من الهبله أدخل لي برنامجٍ ثاني 

قبلي معه كيف أنت؟ وين أنت؟ وش سويت؟
أخاف أغفل لي عنه ساعه وينساني 

وإلى جيت أبي أعلمه إني عليه أشفيت 
أخاير ويرجف قلبي ويبس لساني

ولا رحت أبرقد أخذت لي غفوه وفزيت 
أتلمس جوالي وأنا الشوق يحداني 

وأنا لو بجي له وأعلمه ما أخفيت
لو أذوب في دمه من الشوق ميزاني

يزين الشعور اللي يجي فيك ليا حبيت
أنا قمت أحس بطهر روحي وبإيماني

وأحس إن كل شيء يبتسم لي ليا لديت 
أحس أن نور الصبح يطلع على شاني 

ولا عاد فكرت بحياتي ولا إهتميت 
طغى الحب فيني لين سامحت عدواني

سمابي هوى اللي يوم أحبه وأنا ما أخطيت
أنا أخطيت ما حبيت في ماضي أزماني 

أحبه ولا ضعفت عزومي ولا مليت 
لو أبتل على ذا الحب كان الله أحياني

أنا الظاهر إني طحت بالحب ما سميت / محمد المقحم

‎احفظ لها قيمة غلاها

‏أحفظ لها قيمة غلاها وأنتظرها من شمال ‏| مدغم ابو شيبة

Chasemydreams

ياسر التويجري - يامعذبتني ليه

ودي بك وابيك واباك وابغاك 
جمّعتها لرضاك واختار فيها 
شف ويش منها يتبع احكاك ورضاك 
اللي لك اسقي مسمعك لا ضميها 
غديت افر احكاي واساير احكاك 
وانا تشّرف لكنتي واهتويها 
مضمونها ودي بشوفتك واهواك 
ياللي دروب اهل الردى ما تجيها 
صانك ولي امرك وحبك وداراك 
ولا قدر ردع الحظوظ ومجيها 
نفسك مهذبها وعز الله ارباك 
مايدري بأن جيش الهيـام يغزيها 
الله قسم يبلاك بي وانت يبلاك 
باللي سواتي في العرب يرتجيها 
محبةٍ ذربه من القلب تكساك 
محبةٍ صدق الهوى يكتسيها 
يامرك قلبك بالوفا لي وتنهاك 
ناسٍ على لاماك تفرك يديها 
رزين عقل ومن مزايـا مزايـاك 
نفسك تحب وعفتك تمتطيها 
تطيع عقلٍ ما بعد زل واغواك 
شاعرك لا تعصاه وانت تعصيها 
ما شفت منك الا عيونك ويمناك 
محبةٍ راع الردى ما يبيـها 
ينبض فوادي لا تخيلت فرقاك 
ياشف عينٍ ما سواك يعنيها 
وياعزوة اخوانك ومطلب هذولاك 
نـاسٍ محبة والدك تدعيها 
ناسٍ تخدم ابيك كله لعيناك 
هو يحسب ان الله عليه يهديها 
ياجعلها تفدى على الارض ماطاك 
والله بمن هو مثلها يبتليها 
لكن لعب بي ياوليفي تغّلاك 
ونفسي غلاك من الصدود يحديها 
تبطي علي وانا هنا واتحراك 
وكبدي لواهيب الصبر تشتويها 
اجمّع علومك من هناك وهناك 
والله لو انها تنشرى لا اشتريها 
وعذرك انا لاهي يا ويش اللي الهاك 
ويش امر لاهي ماانت لاهي تليها 
كانك مشكك في الوفا والغلا هاك 
جوالي اقرا القايمه كل ابيها 
رقمك مع الصادر ولا وارد اسواك 
الناس في اللي لم يرد عليها 
واياك واياني و اياني اياك 
من غيبةٍ ما دون عذر يحميها

سولف ياصوتٍ يموتني و يحييّني 🤍

شَ.

Recent comments

r

r

هيم

7

Related tracks