يابو عيون لا أرمَشت كحّلها ساااال

أن بدأ لي وجهها يسعد صباح اليوسفية

جادلٍ تحفظ لضيدان وتحب القصيد ..

للحزن ساحات بصدري مثل ساحات القتال
‏فيها الاصيل من المهار تعود بخيالها 

‏ولا يطفي حر مابي من حرايق وأشتعال
‏الا الدموع اللي من عيوني يهل هلالها

‏لازال فيها فيها عبرتين للفراق ولاتزال
‏ذكرى هنوف كل يوم أحطها وأشتالها

راحت عسى الله مايلحقني مشاريه الرجال
‏تقول كني ماخلقت من التراب الالها 

‏عزالله أني مانسيت أفعالها بنت الحلال
‏لعل ربي مايجازيها بسو أفعالها

‏أكبر جريمه ترتكبها فالهوى من وسع بال
‏أول ضحايها بصدري شيدوا تمثالها

وشلون تهجرني وأنا مالي على الهجر أحتمال
‏وشلون تهملني وأنا مانيب أطيق اهمالها 

‏وشلون تقطعني بسيف البعد قطاع الوصال
‏وأنا لو أقطع عرق قلبي ماقطعت اوصالها

‏وشلون ماتشتاق ، ماترحم ، ماتذكر ، ماتسال
‏وشلون ماتطلق يدين كبلت بأغلالها

وشلون مايطري عليها لاتفيت فالظلال
‏متشبث لاوقفت جنبه قعد بظلالها

‏لو المفارق صعب والنسيان ضرب من الخيال
‏ارخى ياراسي لايروق ولا يحلالها 

‏احفظ لها قيمة غلاها وأنتظرها من شمال
‏ واذا نستني هذي الدنيا وهذي حالها

اما أني انساها نسى الله من نسى ذاك القبال 
‏ياصب روحي صب دلتها على فنجالها 

‏قولولها لا ستخسرت فيني ريالين أتصال
‏تهدي على جمعية الصم البكم جوالها .

مدغم ابوشيبه

للحزن ساحات بصدري مثل ساحات القتال - مدغم ابوشيبه

شقير الجذع | عقدك اللي عاقده بالهوا حله .

أقبلت وأستغفر الله كنّها حوريه - سلطان الهاجري

حببتي والقلم يشره على أوراقي
وأوراقي البيض للمشروه خضاعه

خذت القلم والعيون تخيل براقي
وأمطر قصيدي على صيفه ومرباعه

هلت سحايب قصيدي فايح اشواقي
وانبت جمالك قصيدي باجمل انواعه

يامن جماله تعدا هقوة الهاقي
خلا قصيدي على النفنوف دراعه

واقول للناس هذي عز ميثاقي
اللي لها لين اموت السمع والطاعه

الجادل اللي من اهل المستوى الراقي
رفيعة الذوق للمعلوق مزاعه

الله فرقها على زينات الاخلاقي
بيت الشرف بيتها وتعيش برباعه

بنت الترف واسم ابيها درعها الواقي
والخال شيخ يحوش الطيب بذراعه

من ماكر مالجابه كل نعاقي
ماكر حرار تشوق العين طلاعه

ريحانة في ظلال وتحتها ساقي
من دونها الموت والسلال واتباعه

خذت من اوصاف يوسف كل ما لاقي
زعيمة الحسن مياسه وجزاعه

ان اقبلت قلت ماتت لوعة افراقي
وان دبرت قلت عاش البين واوجاعه

ان اقبلت قلت ماتت لوعة افراقي
وان دبرت قلت عاش البين واوجاعه

وان وقفت وقفن تلعات الاعناقي
وان عرضت من لمحها دق باصباعه

يخضع لها الراهب العاصي وينساقي
وقلوب الابطال منها شبه مرتاعه

حبيبتي والغلا ماعاد ينطاقي
شرواي ماتدركه فزعاة فزاعه

انتي مدار الفلك وعيونك افاقي
وانا الذي عاش حبك باربع ارباعه

لبيه...لبيه يافيي ومشراقي
ياغلا غلا في حياتي يااثمن بضاعه

يالذ من فرحتي بك لحظة عناقي
قلب وهبته عيونك ترفض ارجاعه

مدامني لك مليك وترفض اعتاقي
قلب يكسب الكنز عاش ومات ماباعه

حبيبتي والقلم يشرب من اعماقي
عساي بينك وبين الشر واطماعه

لا يابعد عمري اللي راح والباقي
ياجعل يومي قبل يومك لو بساعه

‎⁨لبيه لبيه يافيي ومشراقي | ضيدان بن قضعان⁩

والله انك بالغلا فارقٍ جدّا | ضيدان بن قضعان

هيه ياللي غرك الحسن و أطغاك الجمال
و الله ان اموت ما شفت لأوصافك شبيه
 
لو يسام الحسن والتيه بجنيه و ريال
ما بقى في سوق غيرك ريال ولا جنيه
 
حال دونك سيف عنتر وتاسع الحول حول حال
بثر حول حال دونك و أنا أدعي هيه هيه

كيف أهدك للمقادير و أنتي راس مال
راس مال و مال و المال ما يعطى السفيه
 
حافظك حفظي لعيني و رمشي لك جلال
و أنتي تشحين بالما و أنا شفي مويه
 
شايف ظلمك و ساكت و طال الليل طال
لا تركتي طعن قلبي و أنا ما قلت ليه
 
لو بقى للهيل صبر على فوح الدلال
ما بقى للقلب صبر على شي يجيه
 
كنت أحسب أن الغلا زال و أثره لايزال
فالحشا ما كنه الا دخيل في وجيه
 
ساقني حبك على الموت و سنيني هزال
و الظروف أقسى من الظلم للعرض النزيه
 
و أنتي تسوقين عقلي على حد الهبال
تحسبين أن من بغى شي يقدر يشتريه
 
ولا أنا يا وجد حالي وجود ما يقال
وجد من ضحى بغاليه لرضا والديه
 
يا أول أحلام الطفوله على حد الخيال
الرجا باللي حمى البيت من حملة بريه
 
و يا وجودي يا أول العمر قبل ألبس عقال
وجد من باع آخر العمر في رغبة ذويه

ياوجودي - ضيدان بن قضعان

ياروح روحي مهجة الروح تفداك - عبدالله بن عون

يا نجر انا حاولت اجانب هوى الغيد l عبدالله بن عون و نجر العصيمي

فراغ يمّلاه قصيدة.
inst:c033

شقير الجذع | عقدك اللي عاقده بالهوا حله .

روقي .

Recent comments

دعجاء 🦌

$

$

Related tracks