" تكابرنا على العشرة ولا به غيرنا خسران "

" غلاه من فوق الغلا ماهو بدون "

كيف اتوبك يا اجمل ذنوبي و اوقف عند حدي

‎⁨احبك/Mix⁩

شف حالتي في الغياب اشكيك منك وإليك . .
#حمد_السعيد

واليوم في غيبتك ماني بعاجز لا أجيك . .

جمر انتظارك - مساعد الرشيدي

غصن الحنين 


اهتز غصن الحنين وطاحت اوراق ابيك
من ريح فرقاك مير الله ستر ماانكسر

واسقيتها الذكريات واردفت هذي بذيك
واستورق بلا تغيب ولا يطول الهجر

تلاحق الي تبقى من الغلا بين ايديك
وش يجمعه لو تطول غيبتك وانتثر

يتلني شوق لك رحمه على والديك
ماني بقد الصبر ولا انت قد الصبر

شف حالتي فالغياب اشكيك منك واليك
هم برى الحال وعيون ذبحها السهر

وش يمنعك لاتواصلني وانا اموت فيك
ظروف ليله ثلاث اسبوع ياخيّ شهر

كمّلت ثالث وانا كليّ شغلني عليك
ثلثين قلبي يباس وثلث باقي خضر

إن ماسقيته وصل ماعاد هو مرتجيك
باكر إليّا هبت الجوزاء يطير الشجر

﻿صبري على غيبتك باسم الغلا مشتريك
لا فارق وسع عين ولا انت فارق خصر

في غفلة من زماني كنها تحتريك
غنت مقادير روحي لين جابك قدر

مريتها كنك الطرقي قبل تهتويك
من شفت زولك وخفاقي يكر الجمر

ألين قهواك شعر من الغزل يحتويك
من يومها وانت لامن جيت فالمختصر

واليوم في غيبتك ماني بعاجز لا جيك
لكني اخاف لامن جيت مالي قدر

ابيك واكذب عليك ان قلت ما تشتهيك
مشاعري يا نظر عيني وكلك نظر

اما احتضنها وصل والا تسلم عليك
تلقى بدالي وانا بشحد زماني صبر

أهتز غصن الحنين / حمد السعيد

ماهو صحيح انك على شوفي إشتقت

يقولون :يمكن تعشق قلت ما ضنيت 
وانا اجيك من باكر على طول ما امداني
 بديت اتعلا بالمشاريف وأختفيت
 وصار الاكل والنوم ماهوب ينهاني
 وانا عادتي لاشفت طرد الهوى صديت
 اخاف انقطاع السرجي وكبوه حصاني
 ولكن يسيرك القدر وانت ما حسيت
 ولو تقول الحب ماهوب يقواني
 انا الظاهر اني طحت بالحب ما سميت
 تغيرت في يومين ما اعرف وش جاني؟
 أحط الحطب واخذ لى شوى ما شبيت...
من السجه الي فيني الله لا يبلاني 
ويضحى الضحى وهو مخلى رواق البيت 
وأنا افتحه قبل الفجر في غالب أحياني
انا طار عقلي فالهوى صدق وانجنيت 
ولا يدري واحد(ن) كنه أياني
اذا اخذت فالمجلس ربع ساعه انسليت 
احس ان قلبي ودي اصير وحداني
سلامي على اللي كل مامني عنه أقفيت
يقوم الغلا والحب والولف يشعاني
واروح لمحادثته من الشوق ليا لاحنيت
لعله يجي يرسل رساله ويلقاني
ولا شفت"يكتب" تطلع وتختفي هجيت
من الهبله ادخلي في برنامج ثاني
وقلبي معه كيف انت؟ وين انت؟ وش سويت؟
أخاف اغفل لي عنه ساعه وينساني 
والى جيت ابي اعلمه اني عليه أجفيت
اخاير ويرجف قلبي ويبس لساني
ولارحت برقد اخذت لي غفوة وفزيت
تلمس جوالي وانا الشوق يحداني
وانا لو ابجي له واعلمه ما خفيت
لو اذوب في دمه من الشوق ما يزاني
يازين الشعور الي يجي فيك لاحبيت
انا قمت احس بطهر قلبي وبـ ايماني
واحس ان كلشي يبتسم لي ليا لديت
واحس نور الصبح يطلع على شاني
ولاعاد فكرت بحياتي ولاهتميت
طغى الحب فيني لين سامحت عدواني

" غلاه من فوق الغلا ماهو بدون "

تذّكار .

Recent comments

ً

ً

Related tracks