تبجي مني تريد تخلص ، وخلصت ..

وبنهاية ، تبچي مني تريد تخلص وخلَصِت ..

الشافك عليه يگول سجانك چنت..

الوحدة : سلوك يلازمك من تفتهم حجم الخسارات
من تفقد احساس الطعم بآخر بدايات
لأنك فاقده بأولى النهايات

الوحدة : حذر من موقف يّذكرك
هروبك من تفاصيل الوداعات الاخيرة
شرود عيونك من عيون ما مستوعب تكسرك

الوحدة : وطن، تستوطنه من تطيح.

الوحدة : دليلك، بالضبابيات
خلاصك من صدى الواقع
ورق لافكارك الماتنعرف يا لون

الوحدة : امتلاكك للچنت تنطيه
سِما بلا رغبة للتأثيث
حقيقة كل حرف ينكسر من ينگال
آخر شمّة الك من قبل لا تنشال

الوحدة : مُحيطك، ما عداك انتَ

برّه المشهد تغيّر
بعد ماتنتمي لأي شي
غرفتك أأمن من الچان يتأمن

غرفتك فارغة من الصوت
ويمكن .. فارغة .. من الموت

يمتى آخر وكت فات الضوه ومات اعله صورتها؟
يمتى آخر فجر فات؟
يمتى آخر هروب من الحچي ويّه الجمادات؟

برّه .. الجو حبيب لكل شخص مخدوع
برّه .. الجو حقير لكل شخص مثلك

برّه المشهد تكرر

مساحة من الأنا والناس
كمية صداع من الحچي المألوف
شوارع ماتدلّيك اعله روحتها
وهوا بظهرك.

الوحدة : غرفتك، ما عداك انتَ.

هنا جوّه .. المدينة الممكن تحبها
هنا جوّه .. المدينة الممكن تحبّك

خلّي الباب .. لا تِثبِت
محد شاغله غيابك

لا تِثبَت
هدوءك زاعج الغرفة
هدوء بنص زخم الافكار شيفيدك؟

لا تِثبَت ولا ترفض
رخي عظامك لأي زاوية تريدك.

إشاراتك، لغة، إلمن؟ للحيطان؟
لِمّ آخر أصابيعك
توتر سطحي للماضي انكسر بيدك

هنا جوّه .. مزاد لكلشي ماينباع.

الوحدة : الفجوة التنفتح بالروح
الفجوة : مقاس لوجه فارگته

وجه ما ينسأل عنه
وجه ما ينلگي منه
وجه ماضل مطار وشارع ومقهى
وجه حتى الجرايد ما حچت عنه
وجه حتى برحيله ما أكو منه
ملامح شاردة من العين

الوحدة : نزيفك، ما عداك انتَ.

الظلمة ضوه لليحچن جروحه
والحيرة سچچ للخوف للما يندل بروحه
والوحدة مدينة انعافت من الناس

ظلمة ونزفك يضوّي
لا تستخدم عيونك
نزفك بردة للشبّاچ
يا شباچ ما ضل شارع يفهمك

گوم تأكد من الباب
گوم تحاضن ويه الباب
ظلّك نِزَف جوّه الباب
وأحقر سالفة من يوجعك ظلّك

الوحدة : حضنها ما عداك انتَ.

الوحدة | Based on true scars

ذَبيت فُص عيني بشليلي !

مو كتلي اموت - هيثم يوسف

عبد الحسين الحلفي / ادّنه ليّه

چنت أَحبها | بُكائية كاظم خبط

هذه القصيدة 
التي كتبت بانامل ذهبية 
تعرف الخوف بطريقة عفوية مرعوبة 
مفزعة من وحش تجسده الموت بشكل وبأخر 
برع بها الخيال الشعري الخصب الخالد 
الشاعر كاظم اسماعيل الكاطع ؛

الليله اموت
الليله اخر ليله
الغيم مد ايده اعله راسي
والمطر شد حيله
الليله گطرات العمر
ناطگو حب سهران
يمه ادخيلچ..
اترجاچ
ضميني بسواد الشيله
الليله ليله
هد عليه الليل بخيول الظلام
منين اجيبن حيل ويرد خيله
حيرتني اضنوني موتي
اوف نعشي اشلون اوصله الباب اهلنه
ومن يگابلني عيله ونشيله
الليله اموت
الليله گلبي ينام دافي
وتندفن وياه حرارة چيله
الدم ينبع من سراديب الضلوع
ويرسم جروحي على الفانيله
وطير من بين الضلوع يطير
وتلحگه السهام
وقيس يخسر ليله
وگمر سكران اعله ميز اقمار
ضيع ليله
تفيض روجات الحسافه
وتكسر الشط
يا سنيني الرايحات..وداعة الله
انطيني بوسه...موادع الخل الخليله
يا نخل يا عاگر احبل
ضوكَگ طعم الفاجعه بموتة فسيله
ويصيح
يا هور الحزن..
لا تغفه يا هور الحزن
تابوت اجاك اويه الگصب
بهداي حطه عالجرف
ومحمداوي امن الگلب غنيله
يا مطر
ياسيل..ودني اعله نهران الحبيب
بلچي اصادف صورته
شي باقي منه
اثر چدمه عالرمل
واشكيله
ونزع اعيوني براحته
وهي العيون امعلمه 
اشتبچيله
چن ربابة كاولي اتزتني بعتابه
وترگص الغربان
عالجثه الثگيله
يا طيور الليل
وديني اعله ناسي
اليموت..
يشوف..يسمع..يلتفت.
ينكسر گلبه ويعرف اليبچيله
تمنى
وعادة الموات يتمنى ويجيله
انا اتمنى
الشته..وحضن الحبيب
وسيف چاتلني گبل هالليلة

الليلة اموت الليلة كاظم اسماعيل الكاطع || شعر شعبي

….

In this song Zoey sings about making a union built on trust and communication with her partner

We Leave No Room To Wonder

Number12

عزيز عسكر/ انا بهذا العمر تايه

- سألتني عن العراق.

انه لشيء جارح و موحش أن تكون ضائع في متاهات نفسك و لم يبحث عنك أحد.


مو كتلي اموت - هيثم يوسف

مصطفى جعفر

Recent comments

نجمة

نرجس

نرجس

𝘼𝙣𝙨𝙖𝙢

Related tracks