Name: بنفارق_حماقى 💔 by Alaa Shaban
Duration: 2 min 3 s
Description: لو عجبتكم متنسوش❤️+follow

شوارع || عبدالله السعيد

لو عجبتكم متنسوش❤️+follow

بنفارق_حماقى 💔

مكملناش 
وسجل ف النهايه اتنين .. حَبوا يحبو ف اختلفوا
وسجلنى انتظار سنتين بتوحشنى ومابوحهشهاش

وعهد الله ما يوم قصرت ف حب وعطف أو غيره
وعهد الله لو اتكلمت ما فيه غيرها اللى ع السيره
واطُل من الغياب وأصبر واقول جايه 
وعدى شهور وعدى سنين .. كأن الحُب ده شويه
كأنه طشاش ، كأنه كلام 
كأنه سيناريو ف الافلام ومسيره ينتهى بالوقت
وأقرب ، هى تتاخر .. وطال البُعد للأخر
وكل ما اقرب وأعافر .. قطر البُعد مايستناش
مكملناش

غلطت وعارف انى غلطت وقولت اهى غلطه وتعدى
وعدى العُمر وياها وانا بدونك ، مساء الخير على عيونك
ليالى تفوت حاضن صورتك ، ليالى تفوت وكُلِ حنين
بقيت تايهه ومش عارف ، اروح بعدك لفين ولمين
بقيت كل اما بفتكرك ، اقلب ف اللى فات بينا
يعز عليا اقول كُنا
يعز عليا نتقابل ، ونمشى كأننا أغراب
يعز عليا مج الشاى ، يعيش ع الرف وحدانى
وتعز عليا خطاوينا وحكاوينا وخناقتنا وغناوينا
ولما بنادى وحشانى
بقيت وحدى
بشارك كل شيئ وحدى وبمشى ف الطُرق وحدى
يعز عليا اكون وحدى ، ف دنيا غبيه مابتسواش
مكملناش

دى اول مره اكون مهزوم
وأول مره اشوف الناس ملخصهم يكون واحده
وأول مره اكون محتاج لطيف واحده
واول مره ف غياب حد اكون بهتان
لا كنت بخاف من الماضى .. ولا بيفرق معايا رحيل
واقول ع الناس تغور الناس .. هلاقى بديل
لا لاقى بديل يكون بعدك ، ولا فيه حيل يخلينى ف بُعدك اقوم
دى اول مره والله اكون مهزوم
واول مره اعيش مع حد ف غيابه
واستنى كل يوم طيفهُ .. واخبط كل يوم بابهُ
وأحاول أشد ف الأكُره ، يشد الوقت خيط بكره
وخيط بعده ، يكُر الوقت خيط لسنين
يدق القلب ليها حنين
تشوف طيفى .. ماتفتحليش
تشوفنى الناس تقول مالك ، ارد بضحكه عادى مافيش
ياعم القاسى بزياده .. ليه تعاقبنى بزياده
وليه بتبعد وبزياده .. وليه تمّوت حاجات تتعاش
وليه تمسك لى على غلطه ، وليه بيعت اللى بينا بلاش
مكملناش 


دقت طبول الشتا .. وذكراكِ ع الابواب
ولو قولت انى نسيت ، والله هكون كداب
لسه المطر والبرد ونوفمبر اما يفوت
فيه صُحبه بن تقيل ، وفراق حزين مظبوط 
وكلام يمُر سكوت وابعد عن المخاليق
والاقينى بمشى طريق بتسيبى ريحتك فيه
وافتح يوماتى الشات لكلام زمان قولتيه
والعُمر ليه بجنيه ، عشان واحده مش جنبى
سايبه الذنوب كلها ومش شايفه غير ذنبى
انا قلبى مش بمبى ولا فعلى فعل بريئ
وانا يومها عرفتك ، انا فيا ألف طريق
ليه ساعتها مافهمتيش أن انتى كل الطُرق
وان انتى فيا المُدن وأن انتى سُكانى
انا قلب حَن كتير ، ليه حالفه ماتحنيش
وكأنك ما صدقتى ماترجعيش تانى
سنتين وعقابى الغياب وانتى زايده ف الاذيه
اه غلطت وبعترف ، بس برضوا فيه حلو فيا
ما استهلشِ منك انك تكرهينى
أو لأجل غلطه واحده ف تسبينى
ما استهلشِ كل لما توحشينى .. الاقينى وحدى
ف قصه ماتت
افتكريلى حاجه حلوه من اللى فاتت
وشوفى حالى ف الغياب
وشوفى روحى وهى جنبك ليل نهار
وعدى عُمرى قد اى عاش ف انتظار
غيابك زاد وزاد صبرى .. ومَر العُمر وياكى
غيابك زاد وانا معاكى .. وقلبك قاسى مابينساش
سنين بتفوت بموت فيها .. وحزنى يقول محبتهاش
قعدتى تقولى هنكمل .. وف الاخر مكملناش
مكملناش .. مكملناش

قصيده مكملناش _ محمد أحمد

Ahmed Saad - Banady 3alek ( Official Music Video - 2022 ) احمد سعد - بنادي عليك(MP3_70K).mp3

كارمن سليمان .. حظي انكتب 2022 زفة الأميرة مشاعل بنت آل سعود
زفة كارمن سليمان 2022 للاميرة مشاعل بنت آل سعود 
كارمن سليمان 2022 افخم زفة كلاسيكيه ورمانسية 
كارمن سليمان زفة رومانسية بين الامير عبدالعزيز و الأميرة مشاعل
كارمن سليمان اغاني خاصه 
كارمن سليمان زفه خاصه

بنفارق_حماقى 💔

Alaa Shaban

Recent comments

Mostafa Taha

Ayah Mohmed

Related tracks